Category: جرائم و حادثات

شیخوپورہ ،باغی ٹی وی(نامہ نگارمحمد طلال سے)شیخوپورہ پولیس کی ریجنل پولیس آفیسر شیخوپورہ بابر سرفراز الپاکے سپیشل ٹاسک پر ڈسٹرکٹ پو لیس آفیسر شیخوپورہ زاہد نواز مروت کی سربراہی میں جرائم پیشہ افراد کے خلاف بہترین کارکردگی متعدد اندھے قتل ٹریس درجنوں اغوابرائے تاوان واغواء شدہ مغویان کوبحفاظت بازیاب کروانے،ناجائز اسلحہ، منشیات فروشوں کے خلاف کاروائی کرنے کے ساتھ ساتھ درجنوں ڈکیت،چور گینگزکو گرفتار کر کے ان سے 22 کروڑ روپے مالیت کامال مسروقہ جس میں نقد ی رقم،کاریں، موٹرسائیکلیں، رکشے،قیمتی سامان سے لوڈدیگر وئیکلز،مال مویشی،قیمتی موبائل فونز،طلائی زیورات اور دیگر گھریلو سامان برآمد کر کے اصل مالکان کے حوالے کردیا گیا۔

ریجنل پولیس آفیسر شیخوپورہ بابر سرفراز الپا نے جرائم کی روک تھام کے لئے ڈسٹرکٹ پولیس آفیسر شیخوپورہ زاہد نواز مروت کو انسداد جرائم اندھے قتل ٹریس کرنے اغواء برائے تاوان واغواء شدہ مغویان کو بحاظت بازیاب کروانے ناجائز اسلحہ، منشیات فروشوں کے خلاف بھرپور کاروائی کرنے کے ساتھ ساتھ ڈکیتی،راہبری،راہزنی اورچوری کے مقدمات میں ملوث ڈکیت وچور گینگزکوجلدٹریس کر کے گرفتار کر نے اورریکوری کے معیار کو بہتربنانے کا ٹاسک دیا۔جس پر ڈسٹرکٹ پولیس آفیسر شیخوپورہ زاہد نواز مروت نے ہاٹ سپاٹ کی نشاندہی کر وا کر وہاں پرسنیپ چیکنگ اور کرائم پاکٹ کی نشاندہی کرتے ہوئے ان ایریا میں سرچ آپریشن کرنے و برآمدگی اسلحہ ناجائز،منشیات اور کائٹ فلائنگ کے لیے ضلع بھر کے تمام ڈی ایس پیز اور ایس ایچ اوز کوخصوصی ٹاسک دیا۔اس کے ساتھ ساتھ اندھے قتل، ڈکیتی،راہزنی،چوری کے درج شدہ مقدمات میں ملزمان کو ٹریس کر کے عوام الناس سے چھینے گئے مال مسروقہ کی برآمد گی کا بھی خصوصی ٹاسک دیا۔ شیخوپورہ پولیس کے افسران و ملازمان نے اپنی پیشہ ورانہ مہارت کو بروئے کار لاتے ہوئے جدید ٹیکنالوجی سے استفادہ حاصل کرتے ہوئے کریمنل ایکٹیوڈکیت و چورگینگز /ملزمان کو ٹریس کر کے گرفتار کیا اور ان کے قبضہ سے کروڑوں روپے کا مالِ مسروقہ برآمد کیا۔

شیخوپورہ پولیس نے ڈسٹرکٹ پولیس آفیسر شیخوپورہ زاہد نوا ز مروت کی سربراہی میں ڈکیتی، راہبری، چوری کے درج مقدمات کی ریکوری کے معیار کو بہتر بناتے ہوئے سپیشل ٹاسک پردرجنوں ایکٹیو ڈکیت /چور گینگز کے خلاف کریک ڈاؤن کرتے ہوئے انہیں گرفتارکیا اور ملزمان سے ڈکیتی،راہزنی جیسے256مقامات ٹریس کر نے ساتھ ساتھ ان کے قبضہ سے کروڑوں روپے کا مالِ مسروقہ جس میں 6کروڑ44لاکھ روپے نقدی، 13عدد قیمتی کاریں،145عدد موٹرسائیکلز،23عدد رکشے،24راس بھینیس،5راس بکریاں،1راس بیل 45تولے طلائی زیورات،70عدد قیمتی موبائلز،1عدد آئل ٹینکر معہ آئل،چاول 400بوری،گندم500بوری،1عدد ٹرک بیڈ فورڈ،1عددڈمپر معہ تیل،1عددگدھا گاڑی،1عدد ٹریکٹر،1عددٹریکٹر ٹرالی معہ گندم مالیتی 70لاکھ،1مزدہ دیگر گھریلو سامان برآمد کر کے اصل مالکان کے حوالے کر دیا گیا۔

شیخوپورہ پولیس نے ڈسٹرکٹ پولیس آفیسرشیخوپورہ زاہد نواز مروت کی سربراہی میں سنگین مقدمات جس میں اندھے قتل، رابری معہ قتل کے مقدمات میں ملزمان کو ٹریس کر کے حوالات جوڈیشل بھجوایا اور ملٹی پل مرڈرز کے مقدمات میں مطلوب ملزمان کو ٹریس کر کے گرفتار کیا۔ اغواء برائے تاوان واغواء کے مقدمات میں اغواء شدہ مغویان کو بحفاظت بازیاب کروایا اور ملزمان کو گرفتارحولات جوڈیشل بجھوایا گیا۔ نیز اشتہاری مجرمان کے خلاف سخت کریک ڈاؤن کر تے ہوئے کیٹگری اے کے457اور کیٹگری بی کے 1518 کو گرفتار کیا گیا۔

شیخوپورہ پولیس نے ڈسٹرکٹ پولیس آفیسر شیخوپورہ زاہد نواز مروت کی سربراہی میں پتنگ فروشوں کے خلاف 189مقدمات درج کر کے ملزمان کے قبضہ سے ہزاروں تعدادپتنگیں،ڈور کی چرخیاں، پتنگ بنانے والے کارخانے قبضہ پولیس میں لئے۔ ناجائز اسلحہ رکھنے والے1448افراد کے خلاف مقدمات درج کر کے ان کے قبضہ سے 76کلاشنکوف 84رائفلیں، 69بندوقیں، 1209ریوالور/پسٹل، 3کاربین، 7254گولیاں /کارتوس وغیرہ برآمد کئے۔ منشیات فروشوں کے خلاف کریک ڈاؤن کرتے ہوئے 1019مقدمات درج کر کے ملزمان کے قبضہ سے 1208کلو چرس، 106کلو افیون، 8کلو ہیرون، 1112گرام آئس اور 8819لیٹر شراب برآمد کر کے منشیات فروشوں کو حوالات جوڈیشل بھجوایا۔

عوام والناس نے آر پی او شیخوپورہ بابرسرفراز الپا اور ڈسٹرکٹ پولیس آفیسر شیخوپورہ زاہد نواز مروت کا اپنا چھینے جانے اور چوری ہونے والا قیمتی مالِ مسروقہ واپس دلائے جانے پر تہہ دل سے شکریہ ادا کیا اور شیخوپورہ پولیس کی بہترین کارکردگیوں کو سراہتے ہوئے خراجِ تحسین پیش کیا۔

سیالکوٹ،باغی ٹی وی (سٹی رپورٹر شاہدریاض) ڈرمانوالا چوک نرالہ سویٹس کے قریب واقع سروس شوز کی دکان میں آگ لگ گئی
تفصیل کے مطابق ے ڈرمانوالا چوک نرالہ سویٹس کے قریب واقع سروس شوز کی دکان میں آگ لگ گئی اطلاع پر ریسکیو 1122 نے بروقت کاروائی کر کے آگ کو پھیلنے سے روک دیا

آگ ممکنہ شارٹ سرکٹ کے باعث لگی ، آگ لگنے سے تقریبا 30لاکھ کا نقصان ہوا جبکہ ریسکیو 1122 کی بروقت کارروائی سے کروڈوں مالیت کا سامان اور مارکیٹ کو بچا لیا گیا

ننکانہ صاحب ،باغی ٹی وی (نامہ نگار احسان اللہ ایاز)ننکانہ صاحب کے شہریوں کو مردہ گوشت کھلانے کا بڑا منصوبہ ناکام فوڈ سیفٹی ٹیم کی فیصل آباد روڈ پر مرغیاں سپلائی کرنے والی گاڑی کی چیکنگ 1200 کلو مردہ مرغیاں تلف مقدمہ درج انتہائی لازم ریکارڈ عدم موجود پایا گیا ، خفیہ اطلاع ملنے پر بروقت کارروائی عمل میں لائی گئی

مردہ مرغیاں بوریوں اور ڈرموں میں رکھی پائی تھی مضر صحت مردہ مرغیوں کو ڈمپنگ سائٹ پر تلف کردیا گیا مردہ مرغیاں LES-7377نمبری گاڑی میں گوشت تیار کرنے کے لیے لے جا رہیں تھے مردہ مرغیوں کے سپلائر کے خلاف مقدمہ درج ،مردہ مرغیوں کا خوراک میں استعمال معدہ اور جگر کے موذی امراض میں مبتلا کر سکتا ہے ،جعلساز مافیا زیادہ منافع کی لالچ میں خوراک نہیں بیماری فروخت کرتا ہے

پنجاب فوڈ اتھارٹی کی ٹیمیں معیاری خوراک کی یقینی فراہمی کے لیے مسلسل چیکنگ جاری رکھے ہوئے ہیں صحت دشمن عناصر کسی رعایت کے مستحق نہیں، زیرو ٹالرینس پالیسی کے تحت کام کر رہے ہیں

لاہور(باغی ٹی وی) تیز آندھی اور بارش،200 سے زائد فیڈرز ٹرپ کرگئے،ساری رات شہر اندھیرے میں ڈوبا رہا
لاہورشہر کے مختلف علاقوں میں تیز آندھی اور بارش سے بجلی کاترسیلی نظام بری طرح متاثر ہوگیا۔بجلی کی بندش کی وجہ سے شہریوں کو مشکلات کاسامنا کرنا پڑا ۔شہر کے مختلف علاقوں میں تیز بارش ہوئی، تیز بارش کی وجہ سے بجلی کا ترسیلی نظام متاثر ہوگیا۔ساری رات شہر اندھیرے میں ڈوبا رہا

دوسری طرف لیسکو کا کہنا ہے کہ 200 سے زائد فیڈرز ٹرپ کرگئے۔ فیڈر ٹرپ ہونے اور دیگر تکنیکی خرابیوں کی وجہ سے متعدد علاقے بجلی سے محروم ہوگئے۔ بجلی کی بندش سے شہریوں کو شدید مشکلات کا سامنا کرنا پڑا۔

سیالکوٹ ،باغی ٹی وی (سٹی رپورٹرشاہد ریاض ) تھانہ اگوکی نزد کوٹلی مرلہ کے رہائشی انجم حسین نامعلوم موٹر سائیکل سوار افراد کی فائرنگ سے شدید زخمی ہو گیا
تفصیلات ریسکیو 1122کے مطابق کوٹلی مرلہ تھانہ موترہ کا رہائشی جس کا نام انجم ولد محمد نصیر عمر 44سال جو کہ موٹر سائیکل پر اگوکی سے اپنے گھر کوٹلی مرلاں جا رہا تھا کہ اچانک دائیں طرف سے دو نقاب پوش نامعلوم مسلح افراد نے انجم کو موٹر سائیکل روکنے کا کہا اور اس نے موٹر سائیکل کو نہیں روکا تو نامعلوم نقاب پوش افراد نے انجم حسین پر سیدھی فائرنگ شروع کر دی جس کے نتیجہ میں اس کی دائیں ٹانگ زخمی ہو گئی اور وہ موٹر سائیکل سے نیچے گر گیا

وقوعہ کی اطلاع ملتے ہی ریسکیو 1122 کی ٹیم نے موقع پر پہنچ کر طبی امداد دی اور ہسپتال ٹی ایچ کیو ڈسکہ منتقل کر دیا۔مقامی پولیس مصروف تفتیش ہے

سیالکوٹ،باغی ٹی وی (سٹی رپورٹرشاہدریاض کی رپورٹ) ڈسکہ میں تھانہ موترہ کا جسم فروشی کے مکروہ دھندے میں ملوث افراد کے خلاف آپریشن جاری
ڈسکہ تھانہ موترہ کے ایس ایچ او ملک افضال حسین کا جسم فروشی جیسے مکروہ دھندے میں ملوث افراد کے خلاف آپریشن کامیابی سے جاری رکھا ہوا ہے
گذشتہ روز ایس ایچ او نے اپنی ٹیم کے ہمراہ سٹی ہاؤسنگ سوسائٹی گھمن ٹاور ریسٹ ہاؤس کی آڑ میں چلنے والے قحبہ خانہ سے منیجر سمیت تین مرد دو عورتیں رنگ رلیاں مناے گرفتار کر لیں.

یہ خبربھی پڑھیں
سیالکوٹ: بیوٹی سیلون پر مساج کی آڑ میں فحاشی کا دھندہ ،متعدد لڑکیاں اور مرد گرفتار

ملزمان سے مقدمہ درج کرنے کے بعد مزید تفتیش جاری ہے. اس موقع پر ایس ایچ او ملک افضال حسین کا کہنا تھا کہ قبحہ خانوں کو معاشرے سے ہر صورت ختم کیا جائے گا تا کہ نوجوان نسل تباہ ہونے سے بچائی جا سکے.

یاد رہے کہ 27 ستمبر کو بھی سیالکوٹ تھانہ صدر کے سب انسپکٹر مرزا ادریس نے اپنی ٹیم کے ہمراہ ہیئر سلون مساج سنٹرپکی کوٹلی میں چھاپہ مار کر فحش حرکات کرتے ھوئے 8خواتین اور2مردوں کو گرفتار کر لیا۔

تھانہ موترہ کے SHO افضال احمد نے بھی اپنی ٹیم کے ھمراہ سلون مساج سینٹر پر فحاشی کرتے ھوئے 4 مرد 8خواتین کو گرفتار کرلیے تھے۔

اوچ شریف باغی ٹی وی (نامہ نگار حبیب خان) موٹر وے پولیس کی ایم 5 پر اوچ شریف انٹرچینج کے قریب کارروائی ، بین الصوبائی منشیات اسمگلرز گرفتار ، 50 لاکھ روپے سے زائد مالیت کے 136کارٹن غیر ملکی اسمگل شدہ سگریٹ ، 34 چھالیہ کے کارٹن اور 133 چھالیہ کی بوریاں بھی برآمد کی گئی۔مزکورہ سامان ملزمان فروٹس کے کارٹن میں چھپا کر کوئٹہ سے ملتان سمگل کر رہے تھے۔ ڈی ایس پی موٹر وے فیض اللہ جتوئی

تفصیل کے مطابق موٹر وے ایم 5 بیٹ 25 کے ڈی ایس پی فیض اللہ خان جتوئی کی سربراہی میں موٹروے پولیس آفیسرز گاڑیوں کی آن لائن ویریفیکیشن ، چیکنگ کررہے تھے کہ اس دوران 3 عدد مشکوک پک اپ لوڈر روکے جس پر ویریفیکیشن کے بعد جب گاڑیوں پر لدے سامان کو چیک کیا گیا تو ملزمان نے سمگل شدہ ممنوعہ 136 کارٹن سگریٹ جس میں 42 ہزار سگریٹ کی ڈبیاں موجود ہیں اور 133 بوری اور 34 کارٹن چھالیہ گٹکا وغیرہ فروٹس کے کارٹن میں چھپا کر لوڈ کیا ہوا تھا

جسے کوئٹہ سے ملتان لے کر جا رہے تھے۔ موٹروے پولیس اوچ شریف نے سمگل شدہ سامان اور سمگلنگ میں ملوث ڈرائیورز مراد خان ، خلیل اور سید محمد کو اپنی تحویل میں لے کر انٹیلیجنس کسٹم آفیسران کے حوالے کر دیا جن کے خلاف مزید قانونی کارروائی عمل میں لائی جائے گی۔

ڈی ایس پی موٹر وے فیض اللہ خان جتوئی نے کہا کہ موٹر وے پولیس کے آفیسرز اور جوان موٹر وے پر سمگنگ کو روکنے ، منشیات سمیت دیگر جرائم کے خاتمہ کے لئے بھرپور طریقے سے اپنے فرائض سر انجام دے رہے ہیں۔ اس موقع پر ایڈمن آفیسر محمد اسماعیل، پٹرولنگ آفیسر محمد عثمان، عاطف حلیم اور محرر رفیق ، و دیگر موجود تھے۔

اوچ شریف باغی ٹی وی (نامہ نگار حبیب خان) احمدپورشرقیہ محراب والا روڈ پر ٹریکٹر ٹرالی منی ٹرک کی ٹکر ٹریکٹر ٹرالی پر بیٹھی عورتیں گرگیں ڈرائیور سمیت تین عورتیں شدید زخمی ایک عورت جاں بحق

تفصیل کے مطابق کپاس کی چنائی کرنے والی عورتوں کو ٹریکٹر ٹرالی پر لے کر خان پور جارہے تھے محراب والا بستی کھوئیاں کے نزدیک سامنے سے منی ٹرک کراس کرتے ہوٰے الٹ گیا جس سے چار عورتیں گر گیں ایک عورت موقع پر جاں بحق ہو گی اور دو عورتوں سمیت منی ٹرک ڈرائیورشدید زخمی ہوگئے ،

جاں بحق ہونے والے عورت کی لاش اور زخمیوں کو ریسکیو 1122نے ابتدائی طبی امداد دینے کے بعد مزید علاج کے لیے ٹی ایچ کیو ہسپتال منتقل کردیا

اوچ شریف باغی ٹی وی کی خبرپر ایکشن ،پبلک سکولوں کے پک اینڈ ڈراپ رکشوں پر اوور لوڈنگ کے خلاف ٹریفک پولیس کی کارروائی
تفصیل کے مطابق باغی ٹی وی نے انتہائی اہم مسئلے کی طرف اپنی خبر میں انتظامیہ کی توجہ مبذول کرائی تھی اس خبر کے مطابق اوچ شریف شہر وگردونواح کے علاقوں میں واقع سکولوں کے پک اینڈ ڈراپ رکشہ ڈرائیور جو کہ دیہات سے معصوم بچوں کو سکول لانے اور لیجانے کیلئے جانوروں کی طرح رکشوں میں لاد دیتے ہیں نیز ان رکشے کی سیٹوں کے علاوہ ایکسٹرا سیٹیں لگا کر بچوں کو بٹھایا جاتا ہے

اس کے علاوہ بچوں کورکشوں کی چھتوں اور پائیدان پر بھی کھڑا کردیا دیا جاتا ہے اور رکشے اوور لوڈ ہوجاتے ہیں جس کے باعث ابتک کئی حادث رونما ہو چکے ہیں جو مقامی پولیس ٹریفک پولیس اور مقامی انتظامیہ کی ناقص کارکردگی کا منہ بولتا ثبوت ہے اور تاحال یہ سلسلہ جاری ہے اور ان با اثر سکولوں کے رکشہ ڈرائیوروں کے خلاف انتظامیہ کارروائی کرنے میں بے بس نظر آرہی ہے

اس خبر کی اشاعت پر انتظامیہ نے نوٹس لیتے ہوئے ان سکولوں کے اورلوڈ رکشہ ڈرائیوروں کے خلاف ٹریفک پولیس حرکت میں آگئی کئی رکشہ ڈرایئوروں کے چلان کرکے قانونی کارروائی کاآغازکردیا گیا ہے