Category: جرائم و حادثات

ننکانہ صاحب،باغی ٹی وی (نامہ نگار احسان اللہ ایاز)میونسپل کمیٹی کے افسران نے کرپشن کے ریکارڈ توڑ ڈالے،ایک کروڑ روپے کا سکریپ 61 لاکھ 30 ہزار میں فروخت
میونسپل کمیٹی ننکانہ صاحب کے افسران نے ذاتی لالچ اور کک بیک کیلئے میونسپل کمیٹی کو 40 لاکھ کا چونا لگا دیا ایک کروڑ روپے مالیت کا سکریپ 61 لاکھ 30 ہزار میں فروخت,ڈپٹی کمشنر ننکانہ صاحب سے فوری نوٹس لیکرانکوائری کا مطالبہ

تفصیلات کے مطابق میونسپل کمیٹی ننکانہ صاحب فنڈز کی عدم دستیابی کے باعث یہ ادارہ پہلے ہی مسائل کاشکار ہے, کبھی ملازمین کی تنخواہیں دستیاب نہیں تو کبھی ریٹائرڈ ملازمین کی پنشن نہیں ہوتی , صفائی کے لیے میسر مشینری جو اس وقت سکریپ کا روپ دھار چکی ہے ,میونسپل کمیٹی ننکانہ صاحب سے معتبر ذرائع نے بتایا ہے گذشتہ روز ہونے والی سکریپ کی بولی کا ٹارگٹ ایک کڑور روپے تھا اور جس سے میونسپل کمیٹی کے بہت سارے مسائل حل ہو جانے تھے لیکن میونسپل کمیٹی ننکانہ صاحب کے افسران کی غفلت ,لاپرواہی, ہٹ دھرمی اور ذاتی لالچ کے باعث افسران نے تقریبا (40)چالیس لاکھ روپے کا چونا لگا دیا ہے ,

ذرائع کا کہنا تھا کہ ایڈمنسٹریٹر میونسپل کمیٹی مزمل الیاس اور چیف آفیسر میونسپل کمیٹی ننکانہ صاحب راؤ انوار کی طرف سے سکریپ کی بولی کے لیے اخبار اشتہار جاری کیا گیا تھا,اخبار اشتہار کے مطابق 4 اکتوبر کو سکریپ بولی کے لیے دوردراز سے سکریپ کا کام کرنے والے تقریبا77 ٹھیکیداروں نے 31 نمبر شمار اشیاء کے لیے کل مالیت سات لاکھ روپے کے حساب سے سی ڈی آر کالز جمع کروائیں تھیں ,ذرائع نے مزید بتایا کہ میونسپل کمیٹی برانچ آئی اینڈ ایس کے میونسپل آفیسر , میونسپل آفیسر فنانس اور چیف آفیسر میونسپل کمیٹی کی ملی بھگت سے 61 لاکھ 12 ہزار 4 روپے سرکاری بولی کی پرائس تھی اور بولی کو پول کر کےتقریبا61 لاکھ 30 ہزار روپے پر ذاتی مفاد کی خاطر صرف اور صرف (18) اٹھارہ ہزار روپے منافع پر بولی کو فائنل کر دیا گیا ہے,

ذرائع کا کہنا ہے کہ ملازمین میونسپل کمیٹی ننکانہ صاحب نے دن رات ایک کر کے سکریپ کا وزن کیا جس کا مقصد تھا کہ ایک کروڑ روپے کی رقم آ جانے سے مسئل کم ہو جائیں گے لیکن افسران نے مبینہ کرپشن کر کے مزید مسائل کو پیدا ہونے کا موقع فراہم کر دیا ہے

سماجی وسیاسی شہری اور مذہبی حلقوں نے فوری طور پر ڈپٹی کمشنر ننکانہ صاحب چوہدری محمد ارشد ,صوبائی محتسب اعلی پنجاب ,ڈی جی انٹی کرپشن پنجاب کو کرپشن کے اس سکینڈل کا نوٹس لینا چاہیے-

اوچ شریف،باغی ٹی وی (نامہ نگارحبیب خان )اوچ شریف میں قتل کا اندوہناک واقعہ ،نامعلوم افراد کے ہاتھوں خاتون ٹیچرقتل
تفصیل کے مطابق اوچ شریف میں اندوہناک قتل کاواقعہ رونما ہواہے جس میں نامعلوم افراد نے گھر میں داخل ہوکر خاتون سکول ٹیچر کو قتل کردیا مقتولہ ٹیچر کی شناخت 52 سالہ صغریٰ بی بی کے نام سے ہوئی ہے قتل کا یہ افسوسناک واقعہ شہرکے گنجان آباد علاقہ جہانیاں روڈ پر پیش آیا مقتولہ ایک بیوہ خاتون تھی اور گورنمنٹ سکول ٹیچر تھی

اوچ شریف پولیس نے موقع پر پہنچ کر تحقیقات کا آغاز کردیا ہے ، لاش پوسٹ مارٹم کے لئے ہسپتال منتقل کردی گئی ہے ذرائع کا کہنا ہے کہ مقتولہ کے بیٹے کی 15 دن بعد شادی تھی،قتل کے اس لرزہ خیز واقعہ پرہر آنکھ اشکبارتھی

دوسری طرف شہریوں نے قتل کے اس وقعہ احتجاج بھی کیا اور مطالبہ کیاکہ نامعلوم قاتلوں کوٹریس کرکے فوری گرفتار کیاجائے اور قرار واقعی سزادلوائی جائے-

گوجرخان باغی ٹی وی( نامہ نگار شیخ ساجد قیوم ) تیز رفتار موٹرسائیکل کی زد میں آکر نوجوان جاں بحق
گوجرخان کے معروف علاقے حیات سر روڈ پر نامعلوم موٹرسائیکل سوار کی ٹکر سے وارڈ نمبر 7کا رہائشی عبدالحق قریشی ولد احسان الحق قریشی زخموں کی تاب نہ لاتے ہوئے چل بسا نامعلوم موٹرسائیکل سوار موقع سے فرار ہونے میں کامیاب

تفصیلات کے مطابق گوجرخان کے معروف علاقے حیات سر روڈ پر نامعلوم موٹرسائیکل سوار کی ٹکر سے عبدالحق نامی شخص شدید زخمی ہو گیا متوفی کو فوری طور پر تحصیل ھیڈ کوارٹر ہسپتال گوجرخان پہنچایا گیا جہاں سے اسے راوالپنڈی منتقل کیا جارہا تھا کہ زخموں کی تاب نہ لاتے ہوئے چل بسا

سرگودھا،باغی ٹی وی (نامہ نگار ملک شاہنواز جالپ سے)سرگودھا کے نواحی گاؤں میں مکان کی چھت پر کام کرتے ہوئے کرنٹ لگنے کے باعث تین مزدور جاں بحق ہوگئے جبکہ چوتھے مزدور کو تشویشناک حالت کے باعث اسپتال منتقل کردیا گیا ہے ،

ریسکیو ذرائع کے مطابق سرگودھا کی تحصل چھوٹا ساہیوال کے نواحی علاقہ رانا ٹاؤن میں زیر تعمیر مکان کی چھت پر مزدور شٹرنگ کا کام کررہے تھے کہ اس دوران بجلی کی ہائی وولٹیج تاروں کو چھو لینے باعث چار مزدوروں کو کرنٹ لگ گیا جس کے نتیجہ میں ضامن عباس اور محمد شبیر سمیت 3 مزدور جاں بحق ہوگئے جبکہ چوتھے مزدور کو تشویشناک حالت کے باعث ڈی ایچ کیو ٹیچنگ اسپتال سرگودھا منتقل کردیا گیا ہے

ننکانہ صاحب باغی ٹی وی(نامہ نگار احسان اللہ ایاز)08اکتوبر2005کے ہولناک زلزلے کو 18برس مکمل،ضلعی انتظامیہ اور رسیکیو 1122کے زیراہتمام قدرتی آفا ت سے بچاﺅاور نمٹنے کے حوالے سے آگاہی ریلی کاانعقادکیاگیاجس قیادت ایڈیشنل ڈپٹی کمشنر ریونیو مزمل الیاس رسیکیو آفیسر اکرم پنوارنے آگاہی ریلی کی قیادت کی

ریسکیو1122محکمہ تعلیم صحت ودیگر کے افسران و اہلکاران سمیت طلباءوطالبات کی ریلی میں شرکت ریلی کے شرکاءنے قدرتی آفا ت سے بچاﺅ سے متعلق آگاہی پلے کارڈ اٹھا رکھے تھےآگاہی ریلی ڈپٹی کمشنر آفس سے شروع ہوکر کچہری پھاٹک پہنچ کر اختتام پذیر ہوئی

عوام کی جان و مال کا تحفظ ضلعی انتظامیہ کی اولین ترجیح ہےریلی کا مقصد لوگوں میں قدرتی آفات سے بچاﺅ کی آگاہی فراہم کرنا تھاآفت کی ہر گھڑی میں عوام کے جان و مال کے تحفظ کے لیے ضلعی انتظامیہ اور 1122 ہر وقت کوشاں ہے

کسی بھی قدرتی سانحہ سے نبرد آزما ہونے کے لیے تمام ادارے بہتر کوارڈینیشن کے ساتھ کام کریں ریلی کے اختتام پر2005 زلزلہ میں شہید ہونے والے شہداءاور امدادی ٹیموں کو خراج عقیدت پیش کیا گیا