Category: جرائم و حادثات

اوچ شریف،باغی ٹی وی (نامہ نگارحبیب خان )گندم سے لوڈ ٹریلر الٹنے سے ایک شخص جاں بحق،روڈ خراب ہونے کی وجہ سے یہ حادثہ طاہروالی علی پور روڈ تحصیل احمدپورشرقیہ میں پیش آیا
تفصیل کے مطابق گندم سے لوڈ ٹریلر الٹنے سے ایک شخص جاں بحق،روڈ خراب ہونے کی وجہ سے یہ حادثہ طاہروالی علی پور روڈ اوچ شریف میں پیش آیا ،ریسکیو سٹاف احمد پور شرقیہ نے موقع پر پہنچ کر بتایا کہ ایک ٹریلر جو کہ گندم کی بوریاں لے کے جا رہا تھا روڈ خراب ہونے کی وجہ سے الٹ گیا تھا

ٹریلر کے اوپر موجود گندم کی بوریوں کے اوپر ایک آدمی سویا ہوا تھا جو کہ ٹریلر الٹنے کی وجہ سے ان بوریوں کے نیچے آ گیا تھا آدمی کو بوریوں کے نیچے سے نکال لیا گیا ہے اور جو کہ جان بحق ہو چکا ہے،جاں بحق ہونے والا نوجوان ٹریلر ڈرائیور کاہیلپر تھا جس کی شناخت محمدحسنین ولدمحمدیوسف سکنہ ضلع خانیوال ہوئی ہے ، لاش کو ار ایچ سی اچ شریف شفٹ کردیاگیا ہے

یہ بھی پڑھیں
اوچ شریف: ریسکیو1122 کی زیرتعمیر عمارت ،کھنڈرات میں تبدیل

دوسری طرف اوچ شریف کے شہریوں کا کہنا ہے کہ ریسکیو 1122 نے اپنی رپورٹ میں ریسپانس ٹائم 39 منٹ لکھا ہے ،اگراوچ شریف میں بنایا جانے والا ریسکیو سنٹربروقت مکمل کرلیاجاتا تو ریسکیو اوچ شریف بروقت ریسپانس دیتا اور جان بحق ہونے والے نوجوان کی قیمتی جان بچ جاتی ،اسی طرح اوچ شریف مصروف قومی شاہراہ پر واقع ہے جہاں روزانہ حادثات ہوتے ہیں ،جائے حادثہ پراحمدپورشرقیہ سے ریسکیو 1122 کی ایمبولنس کا کم وقت میں نہ پہنچ پانے سے بھی ہونے والے حادثات میں اموات کی شرح بڑھ چکی ہے

یا د رہے کہ اوچ شریف میں ریسکیو 1122 کی عمارت گذشتہ ایک سال سے زیرتعمیر ہے

سیالکوٹ، باغی ٹی وی( سٹی رپورٹر شاہد ریاض)پٹرولنگ پوسٹ گلوٹیاں موڑ نے ماہ ستمبر میں لاکھوں روپے مالیت کی 9 موٹر سائیکلیں برآمد
ڈسٹرکٹ انچارج ڈی ایس پی عرفان الحق سلہریا کی زیر نگرانی انچارج پٹرولنگ پوسٹ گلوٹیاں موڑ سب انسپکٹر یاسر محبوب اور ان کی محنتی ٹیم نے جدید سافٹ ویئر کی مدد سے مختلف تھانہ جات تھانہ سٹی ڈسکہ 3،تھانہ صدر ڈسکہ 1،تھانہ بمبانوالہ 1،تھانہ دھلے گوجرانوالہ 1،تھانہ ماڈل ٹاؤن گوجرانوالہ1،تھانہ ظفروال نارووال 1،تھانہ اگوکی سیالکوٹ 1سے ڈکیتی شدہ اور چوری شدہ لاکھوں روپے مالیت کی 9 موٹر سائیکلیں برآمد کر لیں

نہ صرف برآمد کیں بلکہ اصل مالکان کو موٹر سائیکل برآمدگی کے متعلق بتایا تاکہ جلد از جلد ان کے نقصان کا ازالہ ہو.جن مالکان کو ان کی موٹر سائیکلیں واپس مل گئی انہوں نے پٹرولنگ پولیس کا شکریہ ادا کیا

اس موقع پر ڈی ایس پی عرفان الحق سلہریا کا کہنا تھا کہ پٹرولنگ پولیس عوام الناس کی خدمت کے لیے 24 گھنٹے مصروف عمل ہے۔

میہڑ،باغی ٹی وی (نامہ نگار منظور علی جوئیہ)انڈس ہائی وے پر موٹرسائیکل پھسلنے سے 3 افراد شدید زخمی
اس حادثہ میں زخمی ہونے والوں میں 2بچے اور ایک مرد شامل ہے ،جن کے نام ممتاز علی، زین اور زویہ معلوم ہوئے ہیں

تینوں زخمیوں کو علاج کے لئے تشویش ناک حالت میں ہسپتال منتقل کردیا گیاہے،جہاں ان کاعلاج جاری ہے
———————
وہاڑی میں اوباش رشتہ دار نے اسکول ٹیچر پر تیزاب پھینک دیا۔پولیس کے مطابق تیزاب کے باعث خاتون کا پچاس فیصد چہرہ اورآنکھیں متاثر ہوئیں۔

تیزاب کی چھینٹوں سے قریب گزرتے 2 بچے بھی جھلس کر معمولی زخمی ہوئے۔پولیس کے مطابق ملزم مٹھو کوگرفتارکرلیا گیا ہے۔

اوچ شریف ،باغی ٹی وی (نامہ نگار حبیب خان )اوچ شریف اور احمدپورشرقیہ میں منرل واٹرکے نام پر غیرمعیاری اور آلودہ پانی خوبصورت بوتلوں میں بکنے لگا،مشہور برانڈ کی جعلی لیبلنگ اور پیکنگ کا انکشاف
تفصیل کے مطابق احمد پور شرقیہ تحصیل بھر میں منرل واٹر کے نام پر غیر معیاری اور آلودہ پانی مختلف ناموں کی لیبل لگی بوتلوں میں فروخت ہونے لگا مافیا غیرمعیاری بوتلوں پر خوبصورت مختلف ملٹی نیشنل اور نیشنل کمپنیوں کے معروف برانڈز کے لیبل لگاکر عام پانی پیک کر کے فروخت کرنے لگا شہری بوتلوں میں بند غیر معیاری اور مضر صحت پانی خریدکرمختلف بیماریوں کا شکارہونے لگے ، پنجاب فوڈ اتھارٹی کے ارباب اختیار خاموش تماشائی بن گئے ،

تحصیل احمد پور شرقیہ اور اس کے گردونواح کے چھوٹے بڑے شہروں اورقصبوں میں کئی جعلی منرل واٹر بنانے اور بوتلوں میں پیکینگ کرنے کے پلانٹ لگ گئے ہیں جو کہ پی سی آر ڈبلیو آر کے معیار پر پورے نہیں اترتے اور نہ ہی منرل واٹر کے پلانٹس میں تربیت یافتہ عملہ کام کرتاہے اور حفظان صحت کے اصولوں کے مطابق بھی انتظام نہیں ہوتا

منرل واٹر کی تیاری اور فروخت کرنے والے پلانٹس کی چیکنگ نہ ہونے کے برابر ہے اور اکثر پلانٹس دورددراز علاقوں میں لگائے گے ہیں جن میں کوئی چیکنگ نہیں ہوتی اور ذمہ داران کارراوئی نہیں کرتے ،کئی پلانٹس تو کاغذوں میں رجسٹرڈ ہیں اور زمین سے عام پانی نکال کر بوتلوں میں بھرا جارہا ہے اورمنرل واٹر کے نام سے فروخت کیا جارہا ہے

ذرائع کا بتانا ہے تحصیل احمدپورشرقیہ میں جتنے بھی منرل واٹر پلانٹس لگے ہوئے ہیں ان میں سے کوئی بھی محکمہ صحت کے سٹینڈرڈ پر پورا نہیں اترتے ،اس سب کے باوجود محکمہ پنجاب فوڈ اتھارٹی کے کرتادھرتائوں کی مجرمانہ چشم پوشی اور غفلت پر عوام سراپا احتجاج ہیں اور عوام ایک تاثریہ بھی پایاجاتا ہے کہ یہ سب فوڈاتھارٹی کے ذمہ داران کی آشیرباد سے ہورہا ہے ،

دوسری طرف ذرائع نے انکشاف کیا ہے پنجاب فوڈ اتھارٹی کے افسران اپنے دفتروں میں بیٹھ کر ان مافیا سے ملی بھگت کر کے مال بنانے میں مصروف ہیں اورشہری ان غیر معیاری بوتلوں میں پیک مضر صحت پانی پینے سے متعدد موذی امراض میں مبتلا ہوں یا ممرجائیں انہیں کسی سے کچھ غرض نہیں ہے

اہلیان شہر نے ان غیر رجسٹرڈ فیکٹریوں میں غیر معیاری مضر صحت منرل واٹر بنانے والے مافیا کے خلاف اعلیٰ حکام سے فوری نوٹس لیتے کا مطالبہ کیا ہے

سیالکوٹ ، باغی ٹی وی( سٹی رپورٹر شاہد ریاض):کوٹ دینہ جیٹھیکے، میاں بیوی کوگولیاں مارکرقتل کردیاگیا، تھانہ سمبڑیال کے علاقہ کوٹ دینہ جیٹھیکے میں گولیاں مار کر میاں بیوی کو قتل کر دیا۔
ریسکیو 1122 کے مطابق کالرنے بتایا ہے کہ نامعلوم افراد نےمیاں بیوی کو گولیاں مار کرقتل کر دیا،25سالہ کاشف اور ا کی بیوی 16 سالہ نور فاطمہ کی لاشوں کو ریسکیو نے ضروری کاروائی کے بعد مقامی پولیس کے حوالےکردیاہے

دونوں میاں بیوی کا تعلق دھمتل گاؤں ضلع نارووال سے بتایا گیاہے۔