Category: جرائم و حادثات

اوچ شریف باغی ٹی وی ( نامہ نگار حبیب خان)  تھیلیسیمیا کے موذی مرض میں مبتلا   بچہ زندگی کی بازی ہار گیا
خیر پور ڈاہا سے تعلق رکھنے والے مقامی صحافی  ساجد بلوچ  کا چھوٹا بھائی محمد بلال جو کہ کچھ عرصہ سے تھیلیسیمیا جیسے موذی مرض میں مبتلا تھا ، گزشتہ چند دنوں سے موت وحیات کی کشمکش میں مبتلا رہنے کے بعد گزشتہ روز وفات پاگیا

جس کی نماز جنازہ نواحی علاقہ خیر پور ڈاہا میں ادا کی گئی نماز جنازہ میں سیاسی ، سماجی شخصیات اور صحافیوں سمیت علاقہ کے لوگوں نے کثیر تعداد میں شرکت کی ، نماز جنازہ کی ادائیگی کے بعد مقامی قبرستان میں سپرد خاک کردیا گیا

اوکاڑہ باغی ٹی وی (نامہ نگار ملک ظفر) اوکاڑہ میں اساتذہ کااحتجاجی مظاہرہ کیا گیا،مطالبات کے حق میں خواتین اساتذہ بھی میدان میں آگئیں
سرکاری خواتین ٹیچرز اور طالبات کا مطالبات کے حق میں احتجاج کیا گیا اساتذہ کا کہنا تھا کہ حکومت پنجاب اساتذہ کا معاشی قتل بند کرے۔اور
حکومت پنجاب پنشن قوانین میں تبدیلی واپس لے ۔

لیوانکیشمنٹ کو ختم کرنا نا انصافی ہے ،دس سال سے اساتذہ کو مستقل نہیں کیا گیا۔مظاہرین کا کہنا تھا کہ سرکاری سکولوں کو کسی صورت پرائیویٹ نہیں ہونے دیں گے ۔

حکومت پنجاب کے اساتذہ کامعاشی قتل کر رہی ہے۔مطالبات منظور نہ ہوئے تو احتجاج سڑکوں پر ہوگا

کندھ کوٹ ،باغی ٹی و (نانہ نگارمختیار احمد اعوان)حکومت سندھ کے اعلان کے مطابق نیشنل ڈیزاسٹر مینجمنٹ اتھارٹی کی طرف سے ڈپٹی کمشنر فرخ شہزاد قریشی نے ضلع کشمور میں سیلاب اور بارشوں سے جاں بحق ہونے والے افراد میں مزید ایک کے لواحق قربان علی سمرو میں امدادی چیک تقسیم کیا ۔

اس موقع پر ڈپٹی کمشنر کا کہنا تھا کہ حکومت سندھ نے سیلاب اور بارشوں سے جاں بحق ہونے والے افراد میں فی کس 10 لاکھ روپے تقسیم کرنے کا عمل ،جس میں آج مزید 01 متوفی کے ورثا میں چیک تقسیم کیا جا رہے ہے۔ واضح رہے کہ ضلع کشمور میں حالیہ سیلاب اور بارشوں کے باعث 31 انسانی جانیں ضائع ہوئی تھیں۔

میرپورخاص،باغی ٹی وی( نامہ نگار سید شاہزیب شاہ کی رپورٹ )ڈپٹی کمشنر میرپورخاص ڈاکٹر رشید مسعود کی جانب سے روزمرہ استعمال کی اشیاء مناسب قیمت پر فروخت کرنے ، ذخیرہ اندوزی اور ناجائز منافع خوری ، نقلی کھاد فروخت کرنے والے ڈیلروں کے خلاف کاروائی کرنے اور کھاد کے مقررہ ریٹ پر فروخت کو یقینی بنانے کے لیے اقدامات کاحکم

تفصیلات کے مطابق ڈپٹی کمشنر میرپورخاص ڈاکٹر رشید مسعود نے کہا ہے کہ روز مرہ استعمال کی اشیاء ، فصلوں کی نقلی کھاد کے فروخت پر ذخیرہ اندوزوں اور زائد قیمتیں وصول کرنے والوں کو کسی صورت برداشت نہیں کیا جائے گا ، اشیاء ضروریہ کی ذخیرہ اندوزی کرنے اورناجائز منافع خوری کرنے والوں کے خلاف بھرپور کریک ڈاؤن کیا جائے گا .

یہ ہدایت انہوں نے اپنے دفتر میں محکمہ روینیو افسران ، آبادگار بورڈ کے صدر عمر بگھیو اور کھاد کی فرٹیلائیزر کمپنیوں کے مالکان سے اجلاس کرتے ہوئے دی . ڈپٹی کمشنر میرپورخاص ڈاکٹر رشید مسعود کا کہنا تھا کہ ہماری اولین ذمہ داری ہے کہ عام فرد کو ریلیف پہنچایا جائے اس ضمن میں مربوط حکمت عملی تشکیل دی جا رہی ہے جس سے عام لوگوں کو زیادہ سے زیادہ فائدہ پہنچ سکے .

انہوں نے تمام تحصیلوں کے اسسٹنٹ کمشنروں کو سختی سے ہدایات دیتے ہوئے کہا کہ وہ روز مرہ استعمال کی اشیاء خاص طور پر دودھ ، دہی اور دیگر ضروری اشیاء کے نرخ چیک کرنے کے لیے مارکیٹ کا دورہ کریں اور اس کی روزانہ کی بنیاد پر رپورٹ دی جائے .

ڈپٹی کمشنر ڈاکٹر رشید مسعود نے کہا کہ ضلعی انتظامیہ مفاد عامہ کی خاطر ہر اقدامات کر رہی ہے جس سے میرپورخاص کی عوام کو فائدہ اور ریلیف مل سکے .

اوکاڑہ باغی ٹی وی (نامہ نگار ملک ظفر) محکمہ زراعت توسیع کا ڈپٹی ڈائریکٹر کی قیادت میں جعلی زرعی ادویات فروخت کرنے والوں کے خلاف کریک ڈاؤن 20 لاکھ مالیت کی جعلی کھاد ڈی اے پی پکڑلی ،محکمہ زراعت توسیع دیپال پور نے قصور روڈ اڈہ فرید کوٹ میں بڑی کارروائی کرتے ہوئے پکڑ لی۔جبکہ دوسری طرف کارروائی کرتے ہوئے ڈاکٹر محمد آصف رفیق اسسٹنٹ ڈائریکٹر زراعت (توسیع) نے کسانوں کو غیر معیاری کھادیں فروخت کرنے والوں کے خلاف گھیرا تنگ کر دیا ۔

محکمہ زراعت کومخبر خاص کے ذریعے اطلاع ملی کے ایک شخص ٹیوٹا کرولا گاڑی رنگ سلور نمبری ATW-798 میں مشکوک کھاد یا بیج لیکر دیپال پور سے حجرہ شاہ مقیم کی طرف جا رہا ہے۔ جس پر فوری ایکشن لیتے ہوئے ڈاکٹر محمد آصف رفیق اسسٹنٹ ڈائریکٹر زراعت توسیع دیپالپور نے ہمراہ سید سجاد حیدر کاٹن انسپکٹر زراعت دیپالپور و دیگر عملہ اس گاڑی کا پیچھا کیا اور اڈہ فرید کوٹ پر دھر لیا

گاڑی کی تلاشی لینے پر اس میں 25 بیگ سولو پوٹاش مشکوک کھاد بوزن 25 کلو گرام فی بیگ مالیتی 500000 روپے برآمد کر لئے گئے جبکہ ملزم بھی موقع پر گرفتار کر لیا گیا ۔گرفتار شخص مشکوک کھاد ملزم مختلف ڈیلران کو سپلائی کرنے کی غرض سے لے جا رہا تھا موقع پر ہی مشکوک کھاد کے نمونہ جات برائے تجزیہ لیبارٹری تیار کرکے سر بمہر کیے بقیہ مال اور گاڑی بطور مال مقدمہ بحوالہ پولیس تھانہ سٹی دیپالپور کرکے FIR کا اندراج کروادیا گیا

اس موقع پر بات کرتے ہوئے ڈاکٹر محمد آصف رفیق اسسٹنٹ ڈائریکٹر زراعت توسیع دیپالپور نے کہا کسی کوبھی کسانوں کا معاشی استحصال کرنے کی ہرگز اجازت نہیں دی جائے گی

اوچ شریف باغی ٹی وی ( نامہ نگار حبیب خان) اوچ شریف ۔ موٹر وے پولیس کی ایم 5 پر اوچ شریف انٹرچینج کے قریب کارروائی ، بین الصوبائی منشیات اسمگلر گرفتار ، 10 لاکھ روپے سے زائد مالیتی 745 غیر ملکی شراب کی بوتلیں برآمد ، شراب کی سپلائی سکھر سے ملتان کی جانب جارہی تھی ، منشیات اسمگلر تھانہ اوچ شریف پولیس کے حوالے ، مقدمہ درج

تفصیل کے مطابق موٹر وے ایم 5 بیٹ 25 کے ڈی ایس پی فیض اللہ خان جتوئی کی سربراہی میں آفیسرز گاڑیوں کی آن لائن چیکنگ کررہے تھے کہ اس دوران ایک کار نمبری AEG/ 862 سندھ کے ڈرائیور نے گاڑی روکنے کے بجائے بھگانے کی کوشش کی جسے موٹر وے پولیس آفیسرز نے اپنی پیشہ وارانہ صلاحیتوں کی بنیاد پر روک کر تلاشی لی تو گاڑی سے 10 لاکھ روپےسے زائد مالیتی 7 سو 45 بوتلیں غیر ملکی شراب برآمد ہوئی ،

گرفتار ہونے والے منشیات فروش کی شناخت شعبان کے نام سے ہوئی جو کہ ایک بین الصوبائی منشیات اسمگلر گروہ کا کارندہ ہے اور سندھ سے پنجاب ، بلوچستان اور کے پی کے میں منشیات کی سپلائی کرتا ہے ،

ڈی ایس پی موٹر وے فیض اللہ خان جتوئی نے کہا کہ موٹر وے پولیس کے آفیسرز اور جوان موٹر وے پر منشیات سمیت دیگر جرائم کے خاتمہ کے لئے بھرپور طریقے سے اپنے فرائض سر انجام دے رہے ہیں ، اس موقع پرایڈمن محمد اسماعیل محرر رفیق ، ڈیوٹی آفیسر عمران شاہ و دیگر موجود تھے ، گرفتار منشیات اسمگلر شعبان کو تھانہ اوچ شریف پولیس کے حوالہ کردیا ، جس کے خلاف تھانہ اوچ شریف میں مقدمہ درج کرکے تحقیقات کا آغاز کردیا گیا ہے جس سے مزید کئی اہم انکشافات متوقع ہیں

اوکاڑہ. باغی ٹی وی (نامہ نگار ملک ظفر)ہیلتھ ڈیپارٹمنٹ کے باہر ملازمین کا احتجاج
تفصیلات کے مطابق مظاہرین کی ڈپٹی ڈائریکٹر بجٹ اینڈ اکاؤنٹ ہیلتھ اشتیاق کے خلاف نعرے بازی کی گئی ۔ مظاہرین کا کہنا تھا کہ ڈپٹی ڈائریکٹر کا ہر ورکر کے ساتھ ہتک آمیز رویہ ہوتا ہے جو برداشت نہیں ہے۔

ڈپٹی ڈائریکٹر ہر کسی کو آفس میں بھی اور کالز کر کے بھی گالم گلوچ سے بات کرتا ہے۔ہم نے متعدد بار اعلی افسران کو اسکی بابت کہا ہے پر کوئی بھی شنوائی نہیں ہوئی۔مظاہرین نے نگران وزیر اعلی پنجاب سے نوٹس لینے کا مطالبہ کیا ہے۔انہوں نے کہا اگر ہمارا کسی نے نوٹس نہ لیا تو ہم احتجاج کا دائرہ کار وسیع کریں گے۔

اوچ شریف،باغی ٹی وی (نامہ نگارحبیب خان )پٹرول پمپ،تیل ایجنسیاں،کم پیمانے،ملاوٹ اور اوور چارجنگ ،عوام کیلئے درد سر بن گئے
شہریوں عوامی سماجی حلقوں کی طرف سے گورنر پنجاب،نگران وزیراعلیٰ پنجاب کمشنر بہاول پور ڈویڑن،ڈپٹی کمشنر سے نوٹس لیکر اصلاح واحوال کا مطالبہ۔

تفصیل کے مطابق اوچ شریف شہر وگردونواح بھر میں قائم متعدد پٹرول پمپوں اور تیل ایجنسیوں کے کم پیمانے اور ملاوٹ اور اوور چارجنگ اس مہنگائی کے دور میں عوام کیلئے سردرد بن گئے منی پٹرول پمپ اور تیل ایجنسیاں اور پیٹرول پمپ عوام کو دونوں ہاتھوں سے لوٹنے لگے،اس مہنگائی کے دور میں پٹرول پمپوں کے کم پیمانوں کے سبب ادا کردہ رقم سے کم ڈیزل پٹرول ملنے لگا اور ملاوٹ شدہ ڈیزل پیٹرول کے سبب موٹر سائیکلوں اور گاڑیوں کے انجن خراب ہونے لگے،ایک طرف مہنگائی اور آسمانوں سے باتیں کرتی پٹرولیم مصنوعات کی قیمتوں نے شہریوں کا امتحان لینا شروع کیا ہوا ہے تو دوسری جانب اوچ شریف شہر اور گردونواح میں بھر میں موجود تیل ایجنسی اور پیٹرول پمپ مالکان نے پیٹرول ملاوٹ کے ساتھ ساتھ پیمانوں میں واضح کمی کر رکھی ہے جس سے انتظامیہ کی خاموشی اس جرم میں ملوث ہونے کے واضح تاثر دیتی ہے۔

شہریوں عوامی سماجی حلقوں کا اس حوالے سے کہنا ہے کہ پٹرول پمپس مالکان جہاں ایک طرف پیمانے کم کرکے شہریوں کو اس مہنگائی کے دور میں لوٹ رہے ہیں وہیں دوسری طرف پٹرول میں ملاوٹ شدہ ڈیزل پٹرول فروخت کرکے شہریوں کے ذرائع آمدورفت اور کاشتکاروں کے پیٹر انجنوں کو کباڑ میں تبدیل کر رہے ہیں شہریوں،عوامی و سماجی حلقوں نے نگران وزیراعظم،وفاقی وزیرپٹرولیم،گورنرپنجاب، نگران وزیراعلیٰ پنجاپ،کمشنر بہاولپور ڈویژن اورڈپٹی کمشنر بہاول پور فوری طور پر نوٹس لیکر قانونی کاروائی کا مطالبہ کیا ہے