Category: اہم خبریں

عرب اسلامی ہنگامی سربراہی اجلاس سے خطاب میں امیر قطر شیخ تمیم بن حمدالثانی نے کہا ہے کہ اسرائیل نے انسانیت کے خلاف جرائم میں تمام حدیں پارکردیں، گریٹراسرائیل کا ایجنڈا عالمی امن کیلئے شدید خطرہ ہے۔

قطرکے دارالحکومت دوحہ میں عرب اسلامی ہنگامی سربراہی اجلاس میں وزیراعظم شہباز شریف، سعودی ولی عہد محمد بن سلمان سمیت کئی ممالک کے سربراہان شریک ہیں۔سربراہی اجلاس سے خطاب میں امیر قطر شیخ تمیم بن حمدالثانی کا کہنا تھاکہ اسلامی ممالک کے رہنماؤں کو دوحہ آمد پرخوش آمدید کہتا ہوں۔انہوں نے کہا کہ اسرائیل کے ہاتھوں فلسطینیوں کی نسلی کشی ہورہی ہے، اسرائیل نے انسانیت کے خلاف جرائم میں تمام حدیں پارکردیں، دوحہ میں اسرائیل کا حملہ بہت بڑی جارحیت تھی اوراسرائیل نے قطرکی خودمختاری اور علاقائی سالمیت کی خلاف ورزی کی،قطرنے ثالث کے طورپرخطے میں امن کےلیے مخلصانہ کوششیں کیں لیکن اسرائیل نے مذاکراتی عمل کوسبوتاژ کرتے ہوئے حماس کی قیادت کو نشانہ بنایا، یرغمالیوں کی پرامن رہائی کےاسرائیل کے تمام دعوےجھوٹےہیں اور گریٹراسرائیل کا ایجنڈا عالمی امن کےلیےشدید خطرہ ہے، اسرائیل فلسطینیوں کی نسل کُشی کر رہا ہے، صیہونی حکومت انسانیت کےخلاف جرائم کی مرتکب ہوئی ہے، اسرائیل کی طرف سے عالمی قوانین کی سنگین پامالی لمحہ فکریہ ہے۔

وفاقی حکومت نے جڑواں شہروں اسلام آباد اور راولپنڈی کے درمیان عوام کو تیز، آرام دہ اور جدید سفری سہولت فراہم کرنے کے لیے ہائی اسپیڈ ٹرین چلانے کا فیصلہ کر لیا ہے۔

جیو نیوز کے مطابق یہ فیصلہ وزیر داخلہ محسن نقوی اور وزیر ریلوے حنیف عباسی کی زیر صدارت اہم اجلاس میں کیا گیا، جس میں منصوبے کے خدوخال اور فریم ورک پر تفصیلی غور کیا گیا۔ اجلاس میں مارگلہ اسٹیشن اسلام آباد سے راولپنڈی صدر اسٹیشن تک ریل منصوبے کو جلد از جلد مکمل کرنے پر اتفاق ہوا، جبکہ منصوبے کے فریم ورک ایگریمنٹ کو آئندہ ہفتے حتمی شکل دے کر دستخط کیے جائیں گے۔اعلامیے کے مطابق اسلام آباد اور راولپنڈی کے درمیان یہ سفر صرف 20 منٹ میں طے ہوگا، جس سے نہ صرف قیمتی وقت اور ایندھن کی بچت ہوگی بلکہ سڑکوں پر بڑھتے ٹریفک کے دباؤ میں بھی خاطر خواہ کمی آئے گی۔ جدید ٹیکنالوجی سے لیس یہ ٹرین شہریوں کو بین الاقوامی معیار کی سہولت فراہم کرے گی۔اجلاس میں یہ فیصلہ بھی کیا گیا کہ تیز رفتار ٹرین کے لیے ریل ٹریک وزارت ریلوے فراہم کرے گی جبکہ ریل سروس کا انتظام کیپیٹل ڈیولپمنٹ اتھارٹی (سی ڈی اے) کے سپرد ہوگا۔ اس کے ساتھ ساتھ جدید ترین ٹرینیں درآمد کرنے پر بھی اتفاق کیا گیا تاکہ عوام کو عالمی معیار کی سفری سہولت میسر آسکے۔

وزیر ریلوے حنیف عباسی نے کہا کہ "جڑواں شہروں کے درمیان ریل سروس کا آغاز عوامی فلاح کا ایک بہترین منصوبہ ہوگا، جس سے شہری صرف 20 منٹ میں تیز اور آسان سفر کر سکیں گے۔”وزیر داخلہ محسن نقوی نے اس منصوبے کو وزیراعظم کے عوامی ریلیف کے وژن کا عکاس قرار دیتے ہوئے کہا کہ "منصوبے کی تکمیل سے ہزاروں شہریوں کو جدید، محفوظ اور معیاری سفری سہولت حاصل ہوگی، جو کہ وفاقی دارالحکومت اور راولپنڈی کے درمیان آمد و رفت کو نئی جہت دے گی۔”

وزیر اعظم اور فیلڈ مارشل سید عاصم منیر، چیف آف آرمی اسٹاف کا دورہ بنوں ،وزیر اعظم اور فیلڈ مارشل نے دہشت گردی سے متعلق اہم اور اعلیٰ سطحی اجلاس میں شرکت کی،

وزیر اعظم اور فیلڈ مارشل نے جنوبی وزیرستان آپریشن میں 12 بہادر شہداء کی نماز جنازہ میں بھی شرکت کی، وزیراعظم شہباز شریف کا کہنا تھا کہ دہشت گردی کا بھرپور جواب جاری رہے گا اور اس میں کسی قسم کا کوئی ابہام برداشت نہیں کیا جائے گا، پاکستان میں دہشت گردی کرنے والے دہشت گردوں کے سرغنہ اور سہولت کار افغانستان میں ہیں اور ان کی پُشت پنائی ہندوستان کر رہا ہے، افغانستان کو واضح کر دیا گیا ہے کے خارجیوں اور پاکستان میں سے ایک کا انتخاب کر لیں، دہشت گردی کے واقعات میں افغان باشندے شامل ہیں جو افغانستان سے پار آ کر پاکستان میں دہشت گردی کر رہے ہیں۔ غیر قانونی طور پر پاکستان میں مقیم افغان باشندوں کا جلد انخلا انتہائی اہم ہے ،پاکستانی قوم دہشت گردی کے معاملے پر سیاست اور گمراہ کن بیانیے کو مکمل طور پر رد کرتی ہے، جو بھی خارجیوں اور ہندوستان کی دہشت گرد پراکسیوں کی سہولت کاری اور معاملہ فہمی کی بات کرتا ہے وہ انہی کا اعلیٰ کار ہے اور اُسے بھی اسی زبان میں جواب دیا جائے گا جس کا وہ حق دار ہے، اکستان اور بالخصوص خیبر پختونخوا کے غیور عوام، ریاست اور افواج پاکستان کے ساتھ ملکر ہندوستان کی ان پراکسیوں کے خلاف بنیان مرصوص کی طرح متحد ہیں،دہشت گردی کے خلاف مزید مؤثر جواب دینے کے لئے جو ضروری انتظامی اور قانونی اقدامات کرنے پڑے وہ فوراً کریں گے –

وزیر اعظم اور فیلڈ مارشل نے بنوں سی ایم ایچ میں زخمیوں کی عیادت بھی کی مپشاور کے کور کمامڈر نے علاقے کی سیکورٹی صورتحال پر تفصیلاً بریف کیا ،وزیر اعظم کا چیف آف آرمی اسٹاف نے بنوں کنٹونمنٹ میں استقبال کیا

بھارتی ریاست بہار میں بڑی تعداد میں فوجیوں نے اپنی ضروریات اور مراعات کے لیے سڑکوں پر نکل کر زبردست احتجاج کیا۔ اُنہوں نے دھمکی کہ اگر ان کے مطالبات پورے نہ کیے گئے تو احتجاجی کا دائرہ پورے ملک تک پھیلا دیا جائے گا۔

خبررساں ادارے کے مطابق باقاعدہ وردی میں ملبوس فوجیوں نے ضروریات اور مراعات کی عدم فراہمی کے خلاف سڑکوں پر مارچ کیا ۔ اُنہوں نے بھارتی ترنگا اور بینرز اٹھا رکھے تھے ۔ احتجاج میں شریک فوجیوں نے اپنے مطالبات کے حق میں نعرے لگائے ۔فوجیوں کا کہنا تھا کہ اُنہیں ضروریات اور مراعات سے مسلسل محروم رکھا جا رہا ہے جس کی وجہ سے وہ سخت مشکلات کا شکار ہیں۔ احتجاجی فوجیوں نے دھمکی کہ اگر حکومت نے ان کے مطالبات فوری طور پورے نہ کیے تو پورے بھارت میں احتجاج کیا جائے گا ۔ فوجیوں نے ”ہماری مانگیں پوری کرو پوری کرو ، مودی سرکار ہوش میں آﺅ ہوش میں آﺅ“ جیسے نعرے لگائے۔انہوں نے اس موقع پر ذرائع ابلاغ کے نمائندوں کو بتایا ”ہمیں ایک پیسہ بھی الاﺅنس نہیں ملا رہا ، ہم وزیر اعظم، وزیر داخلہ ، وزیر دفاع کو خط لکھ لکھ کر تھک چکے ہیں لیکن کوئی ہماری نہیں سن رہا لہٰذا ہم احتجاج پر مجبور ہوئے ہیں۔

یہ دنیا کا ایک انوکھا واقعہ ہے کہ باقاعدہ وردی میں ملبوس کسی ملک کے فوجی مراعات اور دیگر ضروریات نہ ملنے پر حکومت کے خلاف سڑکوں پر نکل آئے ہیں۔ذرائع کے مطابق بھارتی فوجیوں کے احتجاج نے عوام اور سیاسی حلقوں کی توجہ اپنی جانب مبذول کرا لی ہے اور امکان ہے کہ یہ معاملہ جلد بھارتی پارلیمنٹ میں بھی زیرِ بحث آئے گا۔