Category: اہم خبریں

نائب وزیراعظم اسحاق ڈار سے یورپی یونین کی اعلیٰ نمائندہ کایا کالاس کی ملاقات ہوئی ہے

دفتر خارجہ میں ہونے والی ملاقات میں دونوں رہنماؤں نے پاکستان اور یورپی یونین کے درمیان مثبت تعلقات پر اطمینان کا اظہار کیا، دونوں جانب سے باہمی فائدہ مند شراکت داری مزید مضبوط بنانے پر اتفاق کیا گیا،اس موقع پر علاقائی اور عالمی صورتحال پر تبادلہ خیال کرتے ہوئے پاکستان اور یورپی یونین کے درمیان سفارتی و اقتصادی تعاون بڑھانے پر زور دیا گیا

امریکہ اور ایران کے مابین مذاکرات میں ثالثی پر پاکستان کا کردار انتہائی قابلِ ستائش ہے، یورپی یونین کی اعلیٰ نمائندہ خارجہ امورکایا کالاس
پاکستان اور یورپی یونین کے درمیان آٹھویں اسٹریٹجک مذاکرات کے دوران اظہار خیال کرتے ہوئے یورپی یونین کی اعلیٰ نمائندہ خارجہ امور کایا کالاس کا کہنا تھا کہ امریکہ ایران تنازع کے باعث پوری دنیا توانائی کے شدید بحران کا شکار ہے، موجودہ عالمی حالات میں ایران و امریکہ تنازع میں مستقل جنگ بندی اور مذاکرات کا تسلسل ناگزیر ہے، رواں سال کا اصل ہدف پاکستان اور یورپی یونین تعلقات کو مزید مضبوط اور مستقبل پر مبنی بنانا ہے، عالمی و علاقائی استحکام کے لیے پاکستان اور یورپی یونین کے ترجیحی اہداف یکساں ہیں، پاکستان اور یورپی یونین شراکت داری نہ صرف تجارتی لحاظ سے اہم ہے بلکہ یہ معاشی ترقی کی ضامن ہے، کایا کالاس کا کہنا تھا کہ پاکستان کا دورہ کرنے پر بے حد خوشی ہے

پاکستان اور یورپی یونین کے درمیان آٹھویں اسٹریٹجک مذاکرات،نائب وزیراعظم محمد اسحاق ڈارکا تعلقات کو مزید مضبوط بنانے کے عزم کا اظہا ر
پاکستان اور یورپی یونین کے درمیان اسٹریٹجک مذاکرات کے دوران اظہار خیال کرتے ہوئے نائب وزیراعظم محمد اسحاق ڈار کا کہنا تھا کہ یورپی یونین کی قیادت اور اعلیٰ نمائندہ کا پاکستان کے ساتھ مسلسل رابطہ اور مصروفیت قابلِ قدر ہے، عالمی و علاقائی امور خصوصاً پاکستان بھارت جنگ اور امریکہ ایران تنازع پر قریبی رابطہ برقرار۔ رہا، انہوں نے وزیراعظم شہباز شریف اور یورپی قیادت کے درمیان روابط کو دوطرفہ تعلقات کے فروغ کے لیے اہم قرار دیا، نائب وزیراعظم کا کہنا تھا کہ پاکستان اور یورپی یونین کے درمیان تجارت اور دیگر شعبوں میں تعاون کے وسیع مواقع موجود ہیں، پاکستان یورپی یونین اسٹریٹجک وژن دونوں اطراف کی طویل المدتی شراکت داری کو نئی سمت دے سکتا ہے،اسٹریٹجک مذاکرات کا تسلسل متحرک اور مستقبل پر مبنی شراکت داری کی عکاسی کرتا ہے، انہوں نے مشترکہ مفادات کے فروغ اور تعاون کے نئے مواقع تلاش کرنے پر زور دیا ، سینیٹر اسحاق ڈار کا کہنا تھا کہ مذاکرات کے نتیجہ خیز دور سے اہم پیش رفت کی امید ہے۔

فتنہ الہندوستان ناکام،غیور بلوچوں نے بھارتی پراکسی تنظیموں میں شامل اپنے ہی گمراہ رشتہ داروں سے اظہار لاتعلقی کر دیا،

فتنہ الہندوستان کا پراپیگنڈہ ناکام،غیور بلوچوں نے بھارتی پراکسی تنظیموں میں شامل اپنے ہی گمراہ رشتہ داروں کو عاق کر دیا،لسبیلہ پریس کلب میں پریس کانفرنس کرتے ہوئے دہشتگرد ثانیہ کے والد نے فتنہ الہندوستان سے بیٹی کے روابط پر لاتعلقی کا بیان جاری کردیا۔

پنجگور کے شہری نے فتنہ الہندوستان میں شامل اپنے بھائی سے لاتعلقی کا اعلان کرتے ہوئے کہا کہ میرا بھائی کسی غیر قانونی سرگرمی میں ملوث پایا گیا تو خاندان کا کوئی تعلق نہیں ہوگا۔گوادر کے رہائشی نے اپنے دہشتگرد بھائی سے دو ٹوک الفاظ میں اعلان لاتعلقی کرتے ہوئے کہا کہ اگر میرے بھائی کا تعلق کسی بھی مسلح تنظیم سے ثابت ہوا تو ہمارا اس سے کوئی واسطہ نہیں۔تربت کے شہری نے ریاستی اداروں سے اپیل کرتے ہوئے کہا کہ میرا بھائی 6ماہ قبل روزگار کیلئے گھر سے نکلا تھا،اگر وہ کسی مسلح تنظیم سے وابستہ پایا جاتا ہے تو ہم اس کے اعمال کے ذمہ دار نہیں ہوں گے۔تربت سے تعلق رکھنے والے ایک اور والد نے اپنے بیٹے سے مکمل لاتعلقی کا اعلان کرتے ہوئے کہا کہ میرے بیٹے سے اب میرا کوئی تعلق نہیں، وہ گھر سے فرار ہو کر مسلح تنظیموں کے پاس چلا گیا ہے۔کوئٹہ کے شہری نے گمراہ بیٹے سے برملا لاتعلقی کا اعلان کرتے ہوئے کہا کہ میرے بیٹے سے اب میرا کوئی تعلق نہیں، وہ جہاں بھی ہے میری یہ بات ذہن نشین کرلے۔

گودی میڈیا کا ایک اور جھوٹا پاکستان مخالف پروپیگنڈا بیانیہ بے نقاب ہو گیا

بھارتی گودی میڈیا نے ایک بار پھر پاکستان کو متنازعہ بیانیے سے جوڑنے کی ناکام کوشش شروع کر دی،بھارتی میڈیا نام نہاد کالعدم تنظیموں کا نام لیکر پاکستانی سفارتی و دفاعی معاہدوں کو اسرائیل سے جوڑنے کا من گھڑت پروپیگنڈا کر رہا ہے ،اس سے قبل بھی مودی نواز میڈیا مسلسل بے بنیاد اور سنسنی خیز بیانیوں کے ذریعے خطہ میں اشتعال انگیزی کو ہوا دیتا رہا ہے،بھارتی سوشل میڈیا اکاؤنٹس کی جانب سے مقبوضہ کشمیر کے علاقہ راجوڑی میں بھارتی فوجی جوانوں کی موت سے متعلق ایک اور من گھڑت پروپیگنڈا کیا گیا ،بھارتی صحافیوں نے بغیر ثبوت کے راجوڑی واقعہ کا تعلق پاکستان سے جوڑنے کی ناکام کوشش کی

گودی میڈیا نے جالندھر میں ملٹری کیمپ کے باہر دھماکے کا الزام بھی بغیر تحقیقات اور شواہد کے پاکستان پر دھر دیا تھا،بھارتی میڈیا نے پاکستان پر کرکٹ اور میچ فکسنگ سے حاصل رقم کو کینیڈا میں بھارت مخالف سرگرمیوں میں استعمال کرنے کا مضحکہ خیز الزام بھی لگا دیا ،

ماہرین کے مطابق؛مودی حکومت کے زیر اثر بھارتی میڈیا مسلسل بے بنیاد الزامات کے ذریعے پاکستان مخالف پروپیگنڈا میں مصروف ہے،بھارتی میڈیا ابراہام معاہدے سے متعلق بےبنیاد بیانیہ گھڑ کر پاکستان پر دباؤ ڈالنے اور عالمی ساکھ متاثر کرنے کی مذموم سازش کر رہا ہے، توانائی بحران اور دیگر داخلی مسائل سےتوجہ ہٹانے کیلئے فالس فلیگ آپریشن اور پاکستان پر الزام تراشی بی جے پی حکومت کا وطیرہ بن چکا ہے، بھارتی میڈیا کا انتہا پسندانہ طرزِ رپورٹنگ صحافتی اصولوں کے بجائے سیاسی پروپیگنڈے کی عکاسی کرتا ہے

افغانستان کےدارالحکومت کابل سے افغان شہری نےپاکستانی عسکری قیادت سےوالہانہ محبت کا اظہارکیا ہے

​سوشل میڈیا پر وائرل ویڈیو میں افغان شہری نے افغانستان کے بدتر حالات کا ذمہ دار افغان طالبان کو قرار دے دیا،وائرل ویڈیو میں افغان شہری کا کہنا تھا کہ ​عید کا تہوار ہے مگر لگتا نہیں کہ یہاں افغانستان میں کوئی عید ہے،​افغان شہری بھوک و افلاس کا شکار ،بےانتہا بیروزگاری اور بارڈرز بھی بند ہیں،​افغانستان کے شہریوں کو دو وقت کی روٹی بھی میسر نہیں ہے، ​فتنہ الخوارج کو افغانستان میں محفوظ پناہ گاہیں دینے پر افغان شہری نے طالبان رجیم کوبھی آڑے ہاتھوں لیا اور کہا کہ ​ان دہشتگردوں کو افغان طالبان پاکستان کے حوالے کریں، کیونکہ پاکستانی ہمارے بھائی ہیں،افغان شہری نے کابل سے کاغذ لہرا کر پاکستانی عسکری قیادت پر بھرپور اعتماد کااظہار کیا

واشنگٹن، نائب وزیراعظم محمد اسحاق ڈار نے نیوز کانفرنس کرتے ہوئے کہا ہے کہ معرکہ حق میں پاکستان کو عظیم فتح ملی،

اسحاق ڈار کا کہنا تھا کہ وزیراعظم کی چین میں سرمایہ کاروں سے ملاقاتیں ہوئی،وزیراعظم شہبازشریف بیرونی سرمایہ کاری کیلئے پرعزم ہیں،وزیراعظم کےدورہ چین کےدوران بی ٹو بی تاریخی معاہدے ہوئے،بیرونی سرمایہ کاروں کیلئے ساز گار ماحول فراہم کررہے ہیں،کشمیری عوام کو اقوام متحدہ کی قراردادوں کےمطابق حق ملنا چاہیے،فلسطین کے حوالے سے پاکستان اپنے اُصولی مؤقف پر قائم ہے،پاکستان امن کا معمار ملک ہے،مارکوروبیو سے ملاقات میں پاکستان کےسفیر اور دفترخارجہ کے دیگرحکام شامل تھے،مارکو روبیو کےساتھ خوشگوار ماحول میں ملاقات ہوئی،عالمی افق پر وزیراعظم شہبازشریف اور فیلڈ مارشل سید عاصم منیر کی قیادت سےنئی شناخت ملی،عالمی سطح پر تیل کی قیمتوں میں اضافے کےباعث وزیراعظم کی کوشش رہی کہ عوام پر کم بوجھ پڑے،47سال بعد امریکہ اورایران کے درمیان براہ راست مذاکرات ممکن ہوئے،امریکا اورایران کےدرمیان پہلی جنگ بندی پاکستان کی کوششوں سے ممکن ہوئی،پاکستان نےصورتحال میں بہتری کیلئے سفارتی روابط تیز رکھے،اس بار بھی جنگ بندی پاکستان کی کاوشوں سےممکن ہوئی،

اسلام آباد: بھارتی وزیراعظم نریندر مودی کی جانب سے پاکستان کو عالمی سطح پر تنہا کرنے کی ایک دہائی پر محیط مہم ناکام ثابت ہوئی ہے، جبکہ پاکستان خطے اور عالمی سیاست میں ایک اہم اور مؤثر کردار کے طور پر ابھر کر سامنے آیا ہے۔

عرب نشریاتی ادارے الجزیرہ کی ایک رپورٹ کے مطابق مودی نے 2016 میں پاکستان کو دنیا سے الگ تھلگ کرنے کا اعلان کیا تھا، تاہم یہ حکمت عملی مطلوبہ نتائج حاصل نہ کر سکی۔ رپورٹ میں کہا گیا ہے کہ پاکستان اس وقت بیک وقت واشنگٹن، بیجنگ، تہران اور ریاض کے ساتھ فعال سفارتی روابط برقرار رکھے ہوئے ہے اور علاقائی معاملات پر اثرانداز ہونے والا ایک اہم فریق بن چکا ہے۔رپورٹ کے مطابق 2025 کی پاک بھارت کشیدگی کے دوران پاکستان نے عالمی بیانیے کی جنگ میں برتری حاصل کی۔ دنیا نے پہلگام واقعے کے حوالے سے پاکستان کے خلاف بھارت کے الزامات کو بغیر ثبوت تسلیم نہیں کیا، جسے اسلام آباد کی سفارتی کامیابی قرار دیا گیا۔

الجزیرہ کی رپورٹ میں مزید کہا گیا کہ بھارت معرکۂ حق کے بعد پاکستان کے فیلڈ مارشل پر تنقید کرتا رہا، جبکہ امریکی صدر ڈونلڈ ٹرمپ نے انہیں "غیرمعمولی شخصیت” قرار دیا۔ رپورٹ کے مطابق پاکستان اور چین کے درمیان "ناقابلِ شکست شراکت داری” خطے کی نئی حقیقت بن چکی ہے، جبکہ بنگلا دیش میں حسینہ واجد کے دور کے خاتمے کے بعد پاکستان اور بنگلا دیش کے تعلقات میں بھی نمایاں بہتری آئی ہے۔عرب میڈیا کے مطابق پاکستان خلیجی ممالک کے لیے ایک ابھرتے ہوئے سکیورٹی پارٹنر کے طور پر سامنے آ رہا ہے، جبکہ مودی حکومت کی مسلم مخالف پالیسیوں نے بھارت کی بین الاقوامی ساکھ کو نقصان پہنچایا ہے۔

رپورٹ میں کہا گیا ہے کہ معدنیات، سرمایہ کاری اور فعال سفارتکاری کے ذریعے پاکستان نے امریکی پالیسی سازوں کی توجہ حاصل کی ہے۔ امریکی صدر ڈونلڈ ٹرمپ 30 سے زائد مرتبہ پاک بھارت جنگ بندی کا کریڈٹ لے چکے ہیں، جبکہ نئی دہلی مسلسل اس دعوے کی تردید کرتا رہا ہے۔رپورٹ کے مطابق جنگ بندی کے معاملے پر مودی اور ٹرمپ کے درمیان اختلافات نے واشنگٹن اور نئی دہلی کے تعلقات میں بھی دراڑ پیدا کی، جبکہ پاکستان کی سفارتی پیش رفت نے خطے میں اس کے کردار کو مزید مستحکم کر دیا ہے۔

ایرانی صدر مسعود پزشکیان نے وزیرِ اعظم شہباز شریف سے ٹیلی فونک رابطہ کیا ہے۔

غیر ملکی میڈیا کے مطابق ایرانی صدر نے جاری کیے گئے بیان میں کہا ہے کہ میری پاکستان اور ملائیشیا کے وزرائے اعظم سے ٹیلیفونک بات چیت ہوئی ہے جس میں انہیں عید الاضحیٰ کی مبارکباد دی ہے، دونوں وزرائے اعظم سے گفتگو میں ایران کی سفارت کاری سے وابستگی پر زور دیا گیا ہے،مسعود پزشکیان نے پاکستان کی جانب سے معاہدے تک پہنچنے کے لیے مؤثر کوششوں اور ثالثی کے کردار کو سراہا اور کہا کہ ایران کی پالیسی مسلم اور ہمسایہ ممالک کے ساتھ ہر شعبے میں تعاون کو فروغ دینا ہے، میں نے ملائیشیا کا انسانی ہمدردی پر مبنی مؤقف اپنانے پر شکریہ ادا کیا۔