Category: اہم خبریں

اسلام آباد: نیویارک،دبئی،لندن اورکہاں کہاں محلات ہیں : وزیراعظم نے سچ بتادیا،اطلاعات کے مطابق وزیراعظم عمران خان نے کہا ہے کہ اپوزیشن کو این آر او دے دوں تو زندگی آسان ہو جائے گی لیکن مافیا کے سامنے گھٹنے نہیں ٹیک سکتے، مخالفین چوری بچانے کے لیے ایک ہوئے، عوام نے پی ڈی ایم کا ساتھ نہیں دیا۔

وزیراعظم عمران خان کا سوشل میڈیا پر ایکٹو شخصیات سے گفتگو کرتے ہوئے کہنا تھا کہ نواز شریف، خواجہ آصف اور احسن اقبال نے منی لانڈرنگ کے لیے اقامے لیے، مل ملا کر لوٹ مار کرنے والوں نے ملک تباہ کردیا۔ اس طرح پہلے پاکستان چل رہا تھا۔

ان کا کہنا تھا کہ جب وزیراعظم اور وزرا منی لانڈرنگ کریں گے تو باقی لوگوں کو کیسے چوری سے روکیں گے؟ ان سب کے نیویارک، دبئی اور لندن میں بڑے بڑے محلات ہیں۔ ہم مافیا کے سامنے گھٹنے نہیں ٹیک سکتے۔ کہتے ہیں الیکشن کو نہیں مانتے لیکن آج تک کوئی ثبوت نہیں دیا۔

عمران خان نے کہا کہ چھوٹا سا طبقہ جب سارے وسائل لوٹ لے تو قوم نہیں بن سکتی۔ کرپٹ حکومت ہو تو ملک میں غربت بڑھتی ہے۔ سابقہ دونوں حکومتیں مل کر پاکستان میں چوری کر رہی تھیں۔ پہلے ان دونوں جماعتوں نے ایک دوسرے کو این آر او دیا ہوا تھا۔ آدھا ٹیکس ان کے لیے ہوئے قرضوں کی قسطوں میں چلا جاتا ہے

انہوں نے کہا کہ پیپلز پارٹی اندرون سندھ سے ووٹ لے کر آتی ہے، کراچی کی پرواہ نہیں کرتی۔ بلوچستان میں سرداروں کا نظام ہے، وہاں کے سردار طاقتور اور امیر جبکہ عوام غریب ہو گئے۔ ہماری حکومت بلوچستان کی ترقی پر بھرپور توجہ دے رہی ہے۔ بلوچستان میں فنڈز سرداروں کو ملتے تھے۔ ماضی کی حکومتوں نے بلوچستان پر توجہ نہیں دی۔

سانحہ مچھ اور پاکستان میں دہشتگردی کی کارروائیوں پر بات کرتے ہوئے ان کا کہنا تھا کہ افغان جہاد کے بعد گروپس بنے، جنہوں نے پاکستان کو بہت نقصان پہنچایا۔ اب یہ فرقہ ورانہ گروپ داعش میں شامل ہو چکے ہیں۔ سانحہ مچھ کی ذمہ داری داعش نے قبول کی ہے۔ داعش کو بھارت سپورٹ کر رہا ہے۔ مارچ میں ہمارے پاس معلومات تھیں کہ بھارت شعیہ اور سنی علما کو قتل کرکے فساد کرانا چاہتا ہے۔ ہماری ایجنسیز نے بھارت کے متعدد منصوبوں کو ناکام بنایا۔

ایک سوال کا جواب دیتے ہوئے وزیراعظم کا کہنا تھا کہ پاکستان میں 35 سال دونوں پارٹیاں اقتدار میں رہیں۔’’سٹیٹس کو‘‘ کی بہت پاور ہوتی ہے، ہر جگہ ان کا کنکشن ہوتا ہے۔ انقلاب کا مطلب ’’سٹیٹس کو‘‘ کی تبدیلی ہے۔ پاکستان میں خونی نہیں، بیلٹ کے ذریعے انقلاب آیا۔

ان کا کہنا تھا کہ نواز شریف تو بھاگ گیا لیکن اندر تک ان کے لوگ بیٹھے ہوئے ہیں۔ مہاتیر محمد کے جانے کے بعد نجیب نواز شریف کی طرح آگیا جس نے کرپشن شروع کر دی۔ ڈھائی سال بعد ملایشیا کی’’سٹیٹس کو‘‘ نے مہاتی رمحمد کی حکومت کو گرا دیا تھا۔ ’’سٹیٹس کو‘‘ پہلے دن سے مجھے گرانے میں لگی ہے۔ اسے پتا ہے کہ حکومت نے پانچ سال پورے کر لیے تو ان کی دکانیں بند ہو جائیں گی۔

اسلام آباد:مفتاح اسماعیل صاحب!تمہیں ایسا نہیں کرنا چاہیے تھا :اہم ادارے کا پیغام:اطلاعات کے مطابق نوازشریف کے یارخاص سابق وزیرخزانہ مفتاح اسمعیل کی طرف سے بڑے بڑے جھوٹوں کے بعد پاورڈویژن نے بہت بڑی بات کردی ہے ،

ادارے کی طرف سے کہا گیا ہے کہ سچ بولنا چاہیے لیکن مفتاح‌اسمعیل پتا نہیں کس کے حکم پرجان بوجھ کرجھوٹ بول رہے ہیں اورحقائق بدل بدل کرپیش کررہے ہیں، پاور ڈویژن کے ترجمان نے سرکلر قرضوں سے متعلق سابق وزیر خزانہ مفتاح اسماعیل کے دعوؤں کی قلعی کھول دی۔

ذرائع کے مطابق ترجمان پاور ڈویژن نے کہا ہے کہ جولائی 2019 سے جنوری 2020 تک 7 ماہ میں سرکلر قرضہ 12 سے 14 ارب ماہانہ بڑھا ہے، سرکلر قرضہ بڑھنے کی رفتار 39 ارب ماہانہ سے کم ہو کر 14 ارب تک لائی گئی۔

ترجمان نے بتایا کہ وزیر اعظم کے احکامات پر جنوری تا اپریل 2020 ٹیرف ایڈجسٹمنٹ مؤخر کی گئی، مہنگائی کے باعث اس عرصے کے دوران فیول پرائس ایڈجسٹمنٹ بھی مؤخر رہی، کرونا کے باعث مارچ 2020 سے 3 ماہ کے لیے بلز بھی مؤخر رکھے گئے۔

انھوں نے بتایا مجموعی طور پر اس ریلیف سے سرکلر قرضے پر 320 ارب روپے کا اضافہ ہوا، ریلیف اور دیگر وجوہ سے سرکلر قرضوں کا حجم 538 ارب روپے بڑھا، تاہم کرونا سے بحالی کے بعد جولائی 2020 سے قرضے 14 فی صد ماہانہ کم ہونا شروع ہوئے۔ترجمان کا کہنا تھا کاروباری سرگرمیاں بڑھنے سے سرکلر قرضے بڑھنے کی رفتار میں تبدیلی آئی ہے۔

واضح رہے کہ مفتاح اسماعیل نے کہا تھا کہ بجلی کی قیمت بڑھنے کے باوجود سرکلر ڈیٹ 2400 ارب روپے ہے، عمران خان نے اتنا قرض لے لیا جو نواز شریف نے 3 حکومتوں میں نہیں لیا، بجلی کی قیمت بڑھی ہے، اگلے ماہ بھی بڑھے گی، 6 روپے کے بجائے 16 روپے فی یونٹ کی بجلی بنائی جا رہی ہے۔

کراچی: سابق صدرآصف علی زرداری کی طبعیت سخت ناساز، دل کی تکلیف،اطلاعات کے مطابق پاکستان پیپلزپارٹی کے شریک چیئرمین اور سابق صدر آصف زردارکی طبیعت ناساز ہوگئی، آصف زرداری دل کی تکلیف میں مبتلا ہیں،طبی معائنے کیلئے ڈاکٹرز کی ٹیم بلاول ہاؤس پہنچ گئی۔

تفصیلات کے مطابق سابق صدر آصف زرداری کی طبیعت ایک بار پھر ناساز ہوگئی ہے، آصف زرداری دل کے عارضے میں مبتلا ہیں۔ دل کی تکلیف کے باعث ان کی طبیعت ناساز ہوئی ہے، ڈاکٹرز کی ٹیم بلاول ہاؤس میں ان کا میڈیکل چیک اپ کررہی ہے۔

ڈاکٹروں کی ٹیم کے ہمراہ ایمبولینس بھی بلاول ہاؤس آئی ہے۔ اس سے قبل چیئرمین سینیٹ صادق سنجرانی نے آصف زرداری اور چیئرمین پی پی بلاول بھٹو سے رابطہ کیا تھا، جس میں انہوں نے آصف زرداری کی طبیعت بارے دریافت کیا تھا،

یاد رہے پی ڈی ایم کی تحریک کے دوران بھی آصف زرداری کی طبعیت خراب رہی، لیکن اس کے باوجود بھی وہ سیاسی سرگرمیاں جاری رکھے ہوئے ہیں، اس سے قبل 11اکتوبر کو بھی جب پی ڈی ایم کی تحریک کا آغاز ہوا اس دوران بھی سابق صدر آصف علی زرداری کی طبیعت ناساز ہوگئی تھی، آصف زرداری ہسپتال میں بھی زیرعلاج رہے

اسلام آباد :الحمدللہ :ملک بھر میں بجلی کا ترسیلی نظام بحال کردیا گیا:ترجمان ،اطلاعات کے مطابق نیشنل ٹرانسمیشن اینڈ ڈسپیچ کمپنی کے ترجمان نے کہا ہے کہ ملک بھر میں بجلی کا ترسیلی نظام بحال کردیا گیا ہے، تمام 500 کےوی اور220 کےوی گرڈ اسٹیشنز اور ٹرانسمیشن لائنز سے بجلی کی سپلائی جاری ہے، گڈو پاور پلانٹ سے ڈیرہ غازی خان، مظفر گڑھ اور رحیم یار خان کو بھی بجلی کی سپلائی شروع ہوگئی ہے۔

انہوں نے اپنے بیان میں کہا کہ ملک بھر میں این ٹی ڈی سی کا ترسیلی نظام بحال ہوگیا ہے۔ تمام500 کےوی اور220 کےوی گرڈ اسٹیشنز اور ٹرانسمیشن لائنز سے بجلی کی سپلائی جاری ہے۔ گڈو پاورپلانٹ سے ڈیرہ غازی خان، مظفر گڑھ اور رحیم یار خان کو بھی بجلی کی سپلائی جاری ہے۔ ترجمان نے کہا کہ منیجنگ ڈائریکٹر نے بجلی بریک ڈاؤن کے حقائق جاننے کیلئے تحقیقات کا بھی حکم دیا ہے۔

اسی طرح اسلام آباد، جہلم، گجرات، سرگودھا، سیالکوٹ، فیصل آباد، گوجرانوالہ، لاہور، شیخوپورہ، اوکاڑہ، ساہیوال اور ملتان کے علاقوں میں بجلی بحال ہو گئی ہے۔واضح رہے گزشتہ روز رات ملک بھر میں بجلی کا بریک ڈاؤن ہوا، جس پر مختلف چہ مگوئیاں اور قیاس آرائیاں بھی کی گئیں۔ جبکہ بجلی کے بریک ڈاؤن کے باعث موبائل سروس بھی متاثر رہیں۔ ملک کے بیشتر علاقوں میں موبائل فون سروس بھی بند رہیں، مختلف شہروں میں کالز اور انٹرنیٹ ڈیٹا سروس محدود ہوگئی تھیں۔

موبائل فون ٹاورز کو بجلی کی عدم فراہمی سے سروس متاثر ہوئی ،کمپنیوں کے ٹاورز کو متبادل توانائی کی فراہمی کا نظام بھی غیر فعال رہا ، بعض علاقوں میں کمپنیوں کے ٹاورز کو چلانے والے جنریٹرز بھی بند کردیئے ، عوام کو سگنلز کی کمی یا بندش سے مواصلاتی رابطوں میں مشکلات کا سامنا کر نا پڑا ۔ جب صبح ہوئی تو لوگوں کو پانی کی قلت اور دوسرے مسائل کا بھی سامنا کرنا پڑا۔

ہری پور:پاک فوج کے جوان :فرزندپاکستان نصیرشہید کی نمازجنازہ اداکردی گئی ،اطلاعات کے مطابق پاک فوج کے جوان ، فرزند پاکستان سپاہی نصیر کی نمازجنازہ آج ان کے آبائی علاقے ہری پورمیں ادا کردی گی ہے

آئی ایس پی آر کے مطابق فوجی نصیر کی نماز جنازہ میں ہر شعبہ ہائے زندگی کے لوگوں کی ایک بڑی تعداد نے شرکت کی۔

ترجمان کے مطابق پاک فوج کے جوان شہید کو پورے فوجی اعزاز کے ساتھ دفن کیا گیا

یاد رہے کہ فوجی نصیر احمد ڈوگا مچا ، صوبہ سرحد کے علاقے کنی روگا میں دہشت گردوں کے ٹھکانے پرکارروائی کے دوران شہید ہوگئے تھے ، یہ بھی بتایا جارہا ہے کہ نمازجنازہ پاک فوج کے اعلیٰ‌افسران نے بھی شرکت کی

راولپنڈی :بھارتی فوج نے پھرشرپسندی کامظاہرہ کیا:بروہ اورخنجرسیکٹرمیں فائرنگ،اطلاعات کے مطابق آج پھربھارتی فوج نے مکاری اورشرپسندی کا کھیل کھیلتے ہوئے پاکسانی سرحدی علاقوں میں فائرنگ کی ہے

ادھرپاک فوج کے ترجمان کے مطابق بھارتی فوج نے بروہ اورخنجر سیکٹر میں بلااشتعال فائرنگ کرکے کئی پاکستانیوں کو شدید زخمی کردیا ہے ،

ذرائع کے مطابق بھارتی فوج نے بلا اشتعال جنگ بندی کی خلاف ورزی کرتے ہوئے جان بوجھ کر مارٹر اور آٹومیٹکس سے شہری آبادی کو نشانہ بنایا۔

بھارتی فوج کی بلااشتعال فائرنگ کی وجہ سے ایک ہی خاندان کے دو بزرگ شہری زخمی ہوگئے۔

زخمیوں کو ضروری طبی علاج کے لئے قریبی اسپتال منتقل کردیا گیا ہے۔ یکم جنوری سے ہندوستانی فوجیوں نے جنگ بندی کی 38 خلاف ورزی کی ہے

لاہور:بے قدرپاکستانی:نوازشریف کتنا عظیم انسان ہے:انگریز بھی تعریف کرنے پرمجبور،اطلاعات کے مطابق پاکستان کے سابق وزیراعظم نوازشریف کی کن خوبیوں کی وجہ سے برطانیہ والے بھی تعریفیں کرنے لگے ،یہ پاکستانی ہی ہیں جونوازشریف کے بارے میں اپنا نقظہ نظررکھتےہیں‌

ذرائع کے مطابق انہیں خوبیوں کی تعریف کرتے ہوئے برطانوی تحقیقاتی ادارے براڈشیٹ کے چیف کیوے ماسوی نے انکشاف کیا ہے کہ نواز شریف بڑی چیز ہے اورجونوازشریف کرسکتا ہے وہ ہزارعمران خان بھی نہیں کرسکتے ،

برطانوی تحقیقاتی ادارے براڈشیٹ کے چیف کیوے ماسوی کہتے ہیں‌کہ سچ پوچھیں تویہ حقیقت ہے کہ مریم نواز کے ابوجان سابق وزیراعظم نوازشریف نے براڈ شیٹ فیصلے سے متعلق سراسر جھوٹ بولا ہے۔

نجی ٹی وی چینل کے مطابق کیوے ماسوی نے کہا ہے کہ غیر قانونی اثاثوں کی تحقیق سے پیچھے ہٹنے کے لیے رشوت کی پیشکش کی گئی تھی۔ خود کو نوازشریف کا بھانجا بتانے والے نے رشوت کی آفر کی تھی۔

برطانوی تحقیقاتی ادارے براڈشیٹ کے چیف کیوے ماسوی کہتے ہیں‌ کہ دنیا جانتی ہے کہ ہم بدمعاشوں سے مذاکرات نہیں کرتے ، اس لیے ہم نے ان کی پیشکش ٹھکرا دی تھی ۔ انہوں نے مزید کہا کہ ہمارے پاس ایون فیلڈ اپارٹمنٹس سے متعلق کافی شواہد ہیں۔

برطانوی تحقیقاتی ادارے براڈشیٹ کے چیف کیوے ماسوی نے ایک اورانکشاف کیا ہے کہ زرداری، شریف خاندان جیسی طاقتور شخصیات کی تحقیقات کرنا تھیں، نواز شریف نے براڈ شیٹ فیصلے سے متعلق سراسر جھوٹ بولا ہے۔ نواز شریف کہتے ہیں کہ وہ الزامات سے بری ہوگئے، یہ بالکل جھوٹ ہے ۔

برطانوی تحقیقاتی ادارے براڈشیٹ کے چیف کیوے ماسوی کہتے ہیں کہ سمجھتا ہوں براڈ شیٹ سے جان چھڑانے کی وجہ بھی شریف خاندان تھا، غیر قانونی اثاثوں کی تحقیق سے پیچھے ہٹنے کے لیے رشوت کی پیشکش کی گئی، خود کو نوازشریف کا بھانجا بتانے والے نے رشوت کی آفر کی۔

انہوں نے کہا کہ وزیراعظم عمران خان کہیں تو ایون فیلڈ کی تحقیقات کریں گے۔ ہمارے پاس ایون فیلڈ اپارٹمنٹس سے متعلق کافی شواہد موجود ہیں۔