میاں صاحب آپ کے باہر جانے کی ڈیل کس نے کرائی تھی ؟ مبشر لقمان نے سوال اٹھا دیا
باغی ٹی وی رپورٹ کے مطابق. سینئر اینکر پرسن مبشر لقمان نے اپنی تازہ یو ٹیوب ویڈیو میں کہا ہے کہ مریم نواز نے کل کی پریس کانفرس سے ظاہر کردیا ہے کہ وہ کتنی نا پختہ سیاستدان ہیںاور ان کی برہمی سے اندازہ ہو رہا تھا کہ مینار پاکستان کا جلسہ کتنا کامیاب تھا . ان کی باڈی لینگوئیج سے ساری داستان سنی جا سکتی تھی. مریم نواز پاکستان میڈیا پر الزام لگاتی نظر آئیں اور گلہ کیا کہ ہمارے جلسے کی صحیح تعداد نہیں بتائی . جبکہ وہ انٹرنیشنل میڈیا کی تعریف کر رہی تھیں. جن میں بی بی سی اور الجزیرہ شامل ہے .
مبشر لقمان کا کہنا تھا کہ الجزیرہ کی جو کریڈیبلٹی ہے وہ سب کے سامنے اور اس نے پاکستان کے خلاف ایجنڈے میں اپنا حصہ ڈالا ہے . اسی طرح قطر اور دیگر ممالک سے پی ڈی ایم کو جو فنڈنگ کی جا رہی ہے. وہ بھی اک الگ مسئلہ ہے جس پر ٹاپ ٹرینڈ بھی چلے. ان کا کہنا تھا کہ میں کسی دن الجزیرہ کی اس مس رپورٹنگ پر وی لاگ کروں گا . لیکن آج مسئلہ یہ ہے کہ میاں نواز شریف سے ایک سوال کرنا چاہتا ہوں . پہلے تو میاں صاحب نے آرمی چیف اور ڈی جی آئی ایس آئی کا نام لیا پھر یہ کہا کہ فوج درست ہے بس دو شخصیتیں ٹھیک نہیں پھر انہوں نے کہا کہ اگر میں فوج کا نام نہ لوں تو کیا محکمہ واپڈا والوں کو نام لوں . مبشر لقمان کا کہنا تھا کہ میاں صاحب نے خوب جگتیں ماریں .لین میرا ان سے سوال ہے کہ میاں صاحب یہ بتائیں کہ وہ ایک بندہ کون سا تھا جس کے ساتھ وہ ڈیل کر کے باہر گئے ہیں. میں اس کا نام جاننا چاہتا ہوں. کس بندے نے سائن کیے اور آپ باہر گئے اور کبھی پانچ سال کی ڈیل کا نام لیا جاتا تھا اورکبھی سات سال کی ڈیل کا . پہلے مجھے یہ بتائیں کہ کس شخص سے ڈیل کی تھی.
ان کا کہنا تھا کہ آپ کے پلیٹ لیٹس کبھی بیس ہزار سے کم ہوتے تھے اورکبھی کتنے . اگر اتنے پلیٹس لیٹس ہوں تو بندہ خود سے اٹھ نہیں سکتا .چل نہیں سکتا حتی کہ شیو نہیںکرسکتا. لیکن آپ تیار ہوکر چل کر جہاز پر بھی روانہ ہوگئے. مجھے بتائیے گا کہ آپ کی کس لیب میں یہ رپورٹ بنی کس ڈاکٹر نے یہ رپورٹ بنائی اور اسٹیبلشمنٹ کے کس شخص کے ساتھ آپکی ڈیل ہوئی جس میں آپ کو اور مریم نواز کو باہر جانا تھا.
مبشر لقمان کا کہنا تھا کہ وہ کون شخص تھا جو گاڑیوں کے جھرمٹ میں پرئم منسٹر ہاؤس گیا تھا اور آپ کی ڈیل کی تھی پھر مریم کی ڈیل کی گئی تو وزیرا عظم نے کہا کہ یہ نہیںہوسکتا ایسا میری لاش سے ہوکر ہوگا . پھرمریم کا نام ای سی ایل میں ڈالا گیا. مجھے اس شخص کانام بتائیے. کیا کسی عدالت نے کبھی ایسا سوال بھی کیا کہ جس میں کسی مجرم کی یہ گارنٹی لی جائے کہ وہ کل زندہ رہے گا. یہ سوالات کہاں سے آئے . کیا دنیا کی کسی عدالت نے ایسا سوال کبھی کیا مجھے ذرا بتائیے گا. ان کا کہنا تھا کہ مجھے بتائیے گا کہ جب یہ ڈیل ہوئی کہ مریم چھ ماہ بعد باہر جائے گی اور وہ بولے گی نہیں لیکن جب باہر جانے والی بات پوری نہ سکی تو مریم نے بولنا شروع کردیا . یہ ڈیل کس کے ساتھ ہوئی تھی پہلے ڈیل کرنے والا کون تھا دوسری ڈیل کرنے والا کون تھا مجھے نام ضرور بتائے گا. کیونکہ اب نام لینے کا موسم شروع ہوا ہے تو پھر ان کا نام بھی لے لیجیے گا. مجھے انتظار رہے گا.
