Category: اہم خبریں

لاہور : آئی جی پنجاب کا قرعہ انعام غنی کے نام نکل آیا،حکومت نے بڑی امیدیں‌ قائم کرلیں‌،اطلاعات کے مطابق سابق آئی جی پنجاب شعیب دستگیر کی سبکدوشی کے بعد وفاقی حکومت نے انعام غنی کو صوبے کی پولیس کا نیا سربراہ تعینات کرنے کا فیصلہ کیا ہے۔

تفصیلات کے مطابق نئے آئی جی پنجاب کی تعیناتی کیلئے سمری اسٹیبلشمنٹ ڈویژن کو ارسال کردی گئی، وزیر اعظم عمران خان کی منظوری کے بعد اسٹیبلشمنٹ ڈویژن نوٹیفکیشن جاری کرے گی۔

شعیب دستگیر کی رخصتی کے بعد آئی جی پنجاب کے لیے انعام غنی، اے ڈی خواجہ اور محسن بٹ کے نام زیر غور تھے جب کہ کلیم امام نئے آئی جی پنجاب کے لیے مضبوط امیدوار تصور کیے جا رہے تھے لیکن قرعہ انعام غنی کے نام کا نکل آیا۔

اختلافات کا آغاز اس وقت ہوا جب سی سی پی او نے افسران کو آئی جی کے حکم سے پہلے تمام معاملات اپنے علم میں لانے کی ہدایت کی جس پر آئی جی پنجاب شعیب دستگیر بھڑک اٹھے، انہوں نے سی سی پی او کی معذرت قبول کرنے سے بھی انکار کر دیا تھا

 

 

وزیراعظم عمران خان نے آئی جی پنجاب شعیب دستگیر کی تبدیلی کی منظوری دیتے ہوئے صوبے کے نئے انسپکٹر جنرل آف پولیس کیلئے نام طلب کئے تھے۔

سٹیبلشمنٹ ڈویژن نے انعام غنی کی بطور انسپکٹر جنرل آف پولیس (آئی جی) پنجاب تعیناتی کا نوٹیفیکیشن جاری کر دیا ہے۔ خیال رہے کہ انعام غنی گریڈ اکیس کے آفیسر ہیں جو جنوبی پنجاب میں ایڈیشنل آئی جی پنجاب تعینات رہ چکے ہیں۔

 

 

ادھر سابق آئی جی پنجاب شعیب دستگیر کا بیان بھی سامنے آ گیا ہے جس میں انہوں نے کہا کہ سی سی پی او لاہور عمر شیخ کے بیان پر وزیراعلیٰ پنجاب کو آگاہ کیا تھا۔ انہوں نے کمانڈر کے خلاف بات کرکے رولز کی خلاف ورزی کی۔ قانون کے مطابق کارروائی ہوتی تو کوئی مسئلہ نہیں تھا۔

سٹیبلشمنٹ ڈویژن نے شعیب دستگیر کو سیکرٹری نارکوٹکس کنٹرول ڈویژن تعینات کر دیا گیا، اس سلسلے میں نوٹیفکیشن بھی جاری کر دیا ہے۔ ادھر اے ڈی خواجہ کو ممبر وفاقی محتسب تعینات کرتے ہوئے اس کا بھی اعلامیہ جاری کر دیا گیا ہے۔

ذرائع کے مطابق یہ سارا تنازع بغیر مشاورت سی سی پی او لاہور کی تعیناتی پر پیدا ہوا تھا۔ شعیب دستگیر نے جمعہ کو وزیراعظم پاکستان سے سی سی پی او کی تعیناتی پر اعتراض کیا تھا۔ آئی جی پنجاب نے موقف اختیار کیا کہ بغیر مشاورت سی سی پی او لاہور کی تعیناتی قبول نہیں ہے۔ اس پر وزیراعظم نے آئی جی کو وزیراعلیٰ سے ملاقات کی ہدایت کی تھی۔

ذرائع کا کہنا ہے کہ حکومت نے سٹی چیف پولیس افسر (سی سی پی او) عمر شیخ اور آئی جی شعیب دستگیر کے درمیان تنازع کے بعد شعیب دستگیر کی تبدیلی پر غور شروع کر دیا گیا تھا۔

آئی جی کیساتھ ون آن ون ملاقات میں وزیراعلیٰ عثمان بزدار مصالحت کی کوشش کرتے رہے۔ تاہم اس کے بعد بھی آئی جی پنجاب دفتر بھی نہیں آئے۔ جس کے باعث دو روز تک آئی جی آفس پنجاب میں کام بند رہا۔

دوسری جانب سی سی پی او لاہور عمر شیخ نے آئی جی پنجاب سے اختلافات کی تردید کرتے ہوئے اپنے بیان میں کہا تھا کہ شعیب دستگیر میرے سینئر افسر اور کمانڈر ہیں۔ پولیس فورس میں ڈسپلن کیلئے جی پی ایس لوکیشن مانگی ہے۔ آئی جی مجھے لوکیشن کا کہیں گے تو میں ضرور دوں گا۔

خیال رہے کہ اس سے قبل ڈاکٹر کلیم امام صرف تین ماہ آئی جی 13 جون 2018ء سے 11 ستمبر 2018، محمد طاہر 11 ستمبر 2018ء سے 15 اکتوبر 2018ء امجد جاوید سلیمی 15 اکتوبر 2018ء سے 17 اپریل 2019ء، کیپٹن (ر) عارف نواز خان 17 اپریل 2019ء سے 28 نومبر 2019ء آئی جی پنجاب رہے۔ شعیب دستگیر پانچویں آئی جی پنجاب تھے جو 28 نومبر 2019ء کو تعینات ہوئے۔

 

 

انعام غنی نئے آئی جی پنجاب ہوں گے۔ انُکو مبارک باد اور امید کرتے ہیں کہ وہ بہترین کام کریں۔ پنجاب میں ان کے ساتھ کام کرنے کا موقع ملا۔ وہ دھیمے اور پر وقار انداز میں کام کرتے ہیں۔ اللہ تعالی انہیں اس عہدے کی زمہ داریاں پوری کرنے میں کامیابی عطا فرمائے۔

— Dr. Shahbaz GiLL (@SHABAZGIL) September 8, 2020

وزیراعظم کے معاون خصوصی برائے سیاسی روابط ڈاکٹر شہباز گل نے دنیا نیوز سے گفتگو کرتے ہوئے کہا ہے کہ پچھلی حکومتوں میں لوگ ذاتی کام کرتے تھے، اسی لیے پانچ سال پورے کر لیتے تھے۔ موجودہ حکومت میں جو کام نہیں کرتا، اسے تبدیل کر دیا جاتا ہے۔ صرف پانچ نہیں، 500 تبدیلیاں بھی کرنا پڑیں تو کرینگے۔

ریاض : قیاس آرائیاں ، پشین گوئیاں جھوٹی ثابت ہوگئیں،شاہ سلمان نےاسرائیل کوتسلیم کرنےسےانکارکردیا،ٹرمپ کوکھری کھری سنادیں سعودی فرمانروا نے امریکی صدر پر واضح کر دیا کہ جب تک ایک آزاد فلسطینی ریاست کا قیام عمل میں نہیں آجاتا تب تک اسرائیل سے ہاتھ ملانے کا کوئی سوال ہی پیدا نہیں ہوتا۔

ذرائع کے مطابق متحدہ عرب امارات کے اسرائیل سے ہاتھ ملانے کے بعد قیاس آرائی جاری تھی کہ جلد ہی بعد سعودی عرب بھی صہیونی ریاست سے تعلقات بحال کر لے گا۔ لیکن خبر آئی ہے کہ سعودی کے فرمانروا شاہ سلمان نے ایسا کرنے سے انکار کر دیا ہے۔

اطلاع کے مطابق شاہ سلمان اور امریکی صدر ڈونالڈ ٹرمپ کے درمیان ٹیلیفون پر بات ہوئی ہے جس میں اسرائیل، فلسطین تنازع پرتبادلۂ خیال ہوا۔کہا جا رہا ہے کہ شاہ سلمان نے ڈونالڈ ٹرمپ پر واضح کرد یا ہے کہ سعودی عرب کے اسرائیل سے تعلقات اس وقت تک معمول پر نہیں آئیں گے جب تک ایک آزاد فلسطینی ریاست قائم نہ ہو جائے۔

سعودی عرب کی سرکاری نیوز ایجنسی کے مطابق سعودی بادشاہ نے اتوار کو امریکی صدر سے فون پر بات کرتے ہوئے کہا ہے کہ سعودی عرب فلسطین کے مسئلے کا منصفانہ اور مستقل حل چاہتا ہے۔

اطلاع کے مطابق سعودی فرمانروا کا اس موقع پر کہنا تھا کہ تنازع کے حل کی یہ شرط سعودی مملکت کے پیش کردہ عرب امن منصوبے کا نقطۂ آغاز ہو گا۔ سعودی عرب اور امریکہ کے درمیان فون پر یہ رابطہ ایک ایسے وقت پر ہوا ہے کہ جب گزشتہ ماہ متحدہ عرب امارات اسرائیل کو تسلیم کر کے اس سے سفارتی روابط قائم کرنے والا تیسرا عرب ملک بن گیا تھا۔ اس سے قبل مصر اور اُردن بھی اسرائیل سے سفارتی تعلقات قائم کر چکے ہیں۔

سعودی عرب کے شاہ نے صدر ٹرمپ کو آگاہ کیا کہ سعودی عرب امن کے لئے امریکی کوششوں کی حمایت کرتا ہے۔دوسری طرف صدر ٹرمپ نے متحدہ عرب امارات اور اسرائیل کے درمیان پروازوں کے لئے سعودی فضائی حدود استعمال کرنے کی اجازت دینے پر سعودی عرب کا خیر مقدم کیا اور اسے خطے میں مسئلۂ فلسطین کے حل اور امن کے حصول کی کاوش قرار دیا ہے۔

اس منصوبے میں موجود پیشکش کے تحت اگر اسرائیل فلسطین کو ریاستی حیثیت دیتا ہے اور1967 میں مشرق وسطیٰ کی جنگ میں قبضے میں لی گئی زمین سے مکمل انخلا کرتا ہے تو اس کے بدلے عرب ممالک اور اسرائیل کے درمیان تعلقات معمول پر آ سکتے ہیں۔سعودی عرب نے تاحال اسرائیل کو ایک ریاست کے طور پر تسلیم نہیں کیا ہے۔ تاہم رواں ماہ اس نے اعلان کیا تھا کہ وہ متحدہ عرب امارات اور اسرائیل کے درمیان پروازوں کو اپنی فضائی حدود استعمال کرنے کی اجازت دے گا، چاہے یہ پروازیں اسرائیلی ایئر لائنز کی ہی کیوں نہ ہوں۔

ادھر دوسری طرف وہائٹ ہاؤس میں مشیر اور صدر ٹرمپ کے داماد جیرڈ کشنر کو امید ہے کہ آئندہ چند ماہ میں ایک اور عرب ملک اسرائیل کے ساتھ تعلقات قائم کرے گا۔ متحدہ عرب امارات کے بعد ابھی تک کسی ملک نے ایسا نہیں کیا۔جیرڈ کشنر گزشتہ ماہ متحدہ عرب امارات کے دورے پر موجود تھے۔ اس کے بعد انھوں نے سعودی ولی عہد محمد بن سلمان کے ساتھ فلسطین اور اسرائیل کے مابین مذاکرات جاری رکھنے کی ضرورت اور خطے میں مستقل امن سے متعلق بات چیت کی تھی۔اسرائیل اور متحدہ عرب امارات کے درمیان معاہدے پر فلسطین میں منفی ردعمل سامنے آیا تھا جبکہ پوری دنیا میں کئی مسلمان اکثریتی ممالک نے اس فیصلے پر اپنے خدشات ظاہر کئے تھے۔

واضح رہے کہ اس وقت اسرائیل کو تسلیم کرنے یا نہ کرنے کے معاملے پر سعودی عرب میں دو مختلف رائے ہیں۔ کہا جا رہا ہے کہ شاہ سلمان اور دیگر سینئر حکام جنہوں نے اسرائیل اور فلسطین کے تعلق سے تمام امور اور واقعات کو اپنی آنکھوں سے دیکھا ہے وہ اسرائیل کو تسلیم نہیں کرنا چاہتے جبکہ نئی نسل جن کی قیادت ولی محمد بن سلمان کر رہے ہیں وہ اسرائیل سے ہاتھ ملانے میں کوئی قباحت محسوس نہیں کرتی۔ اب تک جتنی بھی ڈیولپمنٹ اس معاملے میں ہوئی ہے وہ سب محمد بن سلمان کی ایما پر ہوئی ہے۔

ذرائع کے مطابق شاہ سلمان کا یہ موقف اس لئے بھی اہم ہے کہ گزشتہ دنوں چند اسرائیلی اخبارات نے یہ خبر شائع کی تھی کہ امام کعبہ عبدالرحمٰن السدیس نے اپنے جمعہ کے خطبے میں اسرائیل سے تعلقات پر زور دیا تھا۔ کہا جا رہا ہے کہ امام کعبہ کے خطبے کا ویڈیو پورے سعودی عرب میں شیئر کیا گیا تھا۔ کہا یہاں تک گیا کہ ام کعبہ کو یہ خطبہ حکام کی جانب سے لکھ کر دیا گیا تھا۔ حالانکہ شاہ سلمان کے اس اعلان نے اس خبر کو پوری طرح الٹ کر رکھ دیاہے۔

واضح رہے کہ متحدہ عرب امارات اور اسرائیل کے ہاتھ ملانے پر مسلم دنیا کی جانب سے الگ الگ رد عمل سامنے آیا تھا ۔کسی نے اسے خطے میں امن قائم کرنے کی ایک کوشش قرار دیا تھا تو کسی نے اس پر سخت ناراضگی ظاہر کی تھی لیکن سعودی عرب کی جانب سے اب تک اس پر کوئی بیان سامنے نہیں آیا تھا۔ حالانکہ سعودی عرب نے اس دوران اسرائیلی طیاروں کو اپنی فضائی حدود میں پروازکرنے کی اجازت دی تھی جس سے یہ لگنے لگا تھا کہ سعودی عرب کی جانب سے بھی بہت ہی جلد اسرائیل کو تسلیم کرنے کا اعلان کر دیا جائے گا۔

امریکی وزیر خارجہ مائیک پومپیو اور ڈونالڈ ٹرمپ کے داماد جیرڈ کشنر جو کہ ان کے مشیر بھی ہیں ، مشرق وسطیٰ کا علاحدہ علاحدہ دورہ کر چکے ہیں۔ ان دونوں نے اپنے اپنے دورے پر ان ممالک کے سربراہوں سے اسرائیل سے سفارتی تعلقات بحال کرنے کے معاملے ہی پر گفتگو کی تھی۔ اور معاملے پر نظر رکھنے والے بیشتر صحافیوں نے یہی کہا تھا کہ وہ سعودی عرب کو منانے میں کامیاب ہو جائیں گے اور بہت ہی جلد یہ اعلان ہو جائے گا کہ سعودی عرب نے اسرائیل سے ہاتھ ملانے کا فیصلہ کر لیا ہے۔ لیکن ایسا نہیں ہوا۔

فی الحال شاہ سلمان کے اعلان کے بعد اب تک عالمی سطح پر کسی کا رد عمل سامنے نہیں آیا ہے لیکن مبصرین کا کہناہے کہ اسرائیل سعود ی عرب کو منانے کے عمل میں مصروف ہے اور اس کی پوری کوشش ہو گی کہ سعودی حکام جلد از جلد اسے تسلیم کرنے پر آمادہ ہو جائیں۔

نئی دہلی: بھارت پرخوف کے سائے بڑھنے لگے،پاکستان کی سرحدوں پربڑی تعداد میں تازہ دم فوج تعینات ،اطلاعات کے مطابق بھارت اس وقت سخت خوف کے عالم میں ہے اوراسے خوف ہے کہ کہیں چین اورپاکستان مل کراس کا کباڑہ نہ کردیں ، اسی ڈر کی وجہ سے بھارت نے پاکستانی سرحدوں کے ساتھ بڑی تعداد مین تازہ دم فوج تعینات کردی ہے ،

ذرائع کے مطابق بھارتی فوج کے اعلیٰ حکام کا یہ دعویٰ ہےکہ پاکستان سرحد پر گڑ بڑ کرکے صورت حال خراب کرنے کی کوشش کر سکتا ہے ۔لیکن ہم نے احتیاطی تدابیر کے طور پر کافی اقدامات کر لیے ہیں اور ہند پاک سرحد پر اپنی فوجی موجودگی میں خاطر خوا ہ اضافہ کر دیا ہے۔

اعلیٰ بھارتی فوجی افسر کا کہنا ہے کہ ہندوستان اور چین کے درمیان مئی کے مہینے سے ہی لداخ میں زبردست کشیدگی چل رہی ہے ۔دونوں ملکوں کی فوجوں میں لداخ کے گلوان وادی میں خونریز سرحدی جھڑپ بھی ہو چکی ہے۔گذشتہ ہفتہ بھی اس وقت دونوں ملکوں کے درمیان کشیدگی اور بڑھ گئی جب ہندوستان نے پیش بندی کرتے ہوئےپان گونگ تیسو اور اسپینگ گور گیپ کے جنوبی ساحلوں پر واقع دو درجن پہاڑی چوٹیوں پر اپنی فوجوں کو تعینات کر دیا ۔

بھارتی دفاعی حکام کا کہنا ہے کہ ہند چین سرحد پر کشیدگی کی روشنی میں جو خفیہ اطلاعات موصول ہوئی ہیں ان سے علم ہوا ہے کہ ہندوستانی فوج کی توجہ بھٹکانے کی کوشش کی جا سکتی ہے اورچین سرحد اور ایل او سی پر جنگ بندی کی خلاف ورزی کر کے مسلح حملے شروع کرانے کے لیے پاکستان کو استعمال کر سکتا ہے۔

اس سے قبل وزارت داخلہ نے ہند چین سرحد کے کچھ حصوں خاص طور پر سکم اور اترا کھنڈ میں فوجی موجودگی میں اضافہ کر دیا ہے۔تقریباً نیم فوجی دستے کی 100کمپنیاں یا 10ہزارعملہ سرحدی علاقہ کی جانب کوچ کر گیا ہے۔چینی سرحد سے متصل علاقوں میں تعینات زیادہ تر اضافی سیکورٹی کمپنیاں وہ ہیں جنہیں دو ہفتہ پہلے جموں و کشمیر سے واپس بلایا گیا ہے۔

بھارتی دفاعی حکام کا کہنا ہے کہ سکم میں ڈوکلم خطہ میں اور اتراکھنڈ میں کالا پانی علاقہ میں چینی سرگرمیوں میں اضافہ دیکھ کر ان علاقوں میں ہند تبت سرحدی پولس (آئی ٹی بی پی) اور ایس ایس بی کے جوانوں کی تعداد میں اضافہ کر دیا گیا ہے۔

چیف آف ڈیفنس اسٹاف (سی ڈی ایس) جنرل بپن راوت نے جمعرات کو کہا تھا کہ ہندوستان کے شمالی سرحدی علاقہ میں پیدا ہونے والے کسی بھی خطرے کا فائدہ اٹھانے کی کوشش کر سکتا ہے لیکن ساتھ ہی انتباہ دیا تھا کہ اگر پاکستان نے ایسی کوئی حماقت کرنے کی کوشش کی تو پاکستانی فوج کو زبردست جانی

لاہور:عدالت نے توہین مذہب و رسالت کے ملزم کو سزائے موت سنادی،اطلاعات کے مطابق لاہور کی مقامی عدالت نے توہین مذہب و رسالت کے کیس میں 7 سال بعد فیصلہ سناتے ہوئے ملزم کو جرمانے اور موت کی سزا سنادی۔

ذرائع کے مطابق ایڈیشنل سیشن جج لاہور منصور احمد قریشی نے توہین مذہب و رسالت کیس کا فیصلہ سنایا اور ملزم آصف پرویز کو تعزیرات پاکستان کی دفعہ 295- سی کے تحت سزائے موت اور 50 ہزار روپے جرمانہ عائد کیا۔

خیال رہے کہ سال 2013 میں تھانہ گرین ٹاؤن میں یوحنا آباد کے رہائشی 38 سالہ آصف پرویز کے خلاف پاکستان پینل کوڈ (تعزیرات پاکستان) کی دفعہ 295 اے، بی اور سی جبکہ ٹیلی گرافک ایکٹ کی دفعہ 25 ڈی کے تحت مقدمہ درج کیا گیا تھا۔

ایڈیشنل سیشن جج لاہور منصور احمد قریشی نے توہین مذہب و رسالت کیس کا فیصلہ سنایا، عدالت میں آج ملزم کی طرف سے ایڈووکیٹ سیف الملوک عدالت میں پیش ہوئے۔فیصلے کے مطابق تعزیرات پاکستان کی دفعہ 295 سی کے تحت آصف پرویز کو سزائے موت اور 50 ہزار روپے جرمانے کی سزا سنائی گئی۔

مزید یہ کہ اگر ملزم جرمانے کی رقم ادا کرنے میں ناکام رہتا ہے تو 6 ماہ کی سزا کاٹنی ہوگی۔تاہم ملزم کو اس سزا کے خلاف لاہور ہائیکورٹ میں اپیل دائر کرنے کا اختیار ہوگا۔ایڈیشنل سیشن جج نے ٹیلی گرافک ایکٹ کی دفعہ 25 ڈی کے تحت ملزم کو 3 سال قید کی سزا بھی سنائی۔

یاد رہے کہ ملزم کے خلاف مقدمہ سعید احمد کی مدعیت میں درج کیا گیا تھا، جس میں اس پر ایس ایم ایس کے ذریعے توہین مذہب و رسالت کا الزام لگایا گیا تھا۔اس حوالے سے سامنے آنے والی تفصیل سے معلوم ہوا کہ ملزم آصف اور مدعی مقدمہ ایک ساتھ کپڑوں کی فیکٹری میں کام کرتے تھے۔

علاوہ ازیں ملزم کے وکیل کا کہنا تھا کہ ان کا مؤکل 7 سال سے قید میں ہے اور ہم مذکورہ سزا کو لاہور ہائیکورٹ میں چیلنج کریں گے۔

لاہور:پنجاب میں دوپولیس افسران کی لڑائی انجام کو پہنچ گئی :آئی جی پنجاب کوعہدے سے ہٹادیا گیا ،اطلاعات کے مطابق انسپکٹر جنرل پولیس پنجاب شعیب دستگیر اور نئے تعینات ہونے والے سی سی پی او عمر شیخ کے درمیان لڑائی انجام کو پہنچ گئی ،باغی ٹی وی کے مطابق آئی جی پنجاب شعیب دستگیرکوعہدے سے ہٹا دیا گیا ہے

باغی ٹی وی کے مطابق اس بات کا فیصلہ ابھی ہوا ہے اورتھوڑی دیرتک نئے آئی جی پنجاب کا فیصلہ بھی متوقع ہے

یاد رہےکہ پچھلے چند دنوں سے پنجاب کے دونوں‌بڑے پولیس افسران کی آپس میں لڑائی کی باتیں ایوان وزیراعلیٰ تک پہنچ گئیں جس پر وزیراعلیٰ عثمان بزدار نے آئی جی پولیس شعیب دستگیر کو طلب کرکے ان کے تحفظات سنے۔

عثمان بزدار نے کہا تھا کہ آئی جی پنجاب کو بلا کر مؤقف سنا گیا، سی سی پی او کو بھی بلایا جائے گا اور ان کا مؤقف سننے کے بعد فیصلہ کریں گے۔

ذرائع کے مطابق آئی جی پنجاب نے وزیراعلیٰ کو بتایا کہ سی سی پی او نے ان کی کمانڈ کے متعلق میٹنگ میں بات کی اور پولیس افسران کو میری بات نہ ماننے کا کہا، سی سی پی او کا اس طرح کا عمل فورس کے مورال کو خراب کر گا۔

ذرائع کے مطابق سی سی پی او لاہور عمر شیخ نے افسران کو آئی جی پنجاب کے براہ راست حکم ماننے سے منع کیا تھا۔

ذرائع نے یہ بھی دعوی کیا کہ سی سی پی او نے پولیس افسران کو ہدایت کی کہ آئی جی پنجاب کا حکم پہلے ان کے علم میں لایا جائے۔

تین روز سے دفتر نہ آنے کے حوالے سے آئی جی پنجاب شعیب دستگیر کا کہنا ہے کہ وہ خرابی طبیعت کی وجہ سے آفس نہیں آ رہے۔

دوسری جانب سی سی پی او عمر شیخ نے لاہور میں میڈیا سے گفتگو میں کہا کہ آئی جی میرے کمانڈر ہیں، ان کی نوکری 30 اور میری 28 سال ہے۔

وزیراعظم نے عثمان بزدار کو صوبے بھر میں جرائم پیشہ عناصر کے خلاف ایکشن لینے کا حکم دے دیا

باغی ٹی وی : وزیراعظم نے وزیراعلیٰ پنجاب عثمان بزدار کو صوبے بھر میں جرائم پیشہ عناصر کے خلاف ایکشن لینے کا حکم دے دیا۔

وزیراعظم نے پنجاب میں پولیس کلچر اور دیگر اصلاحات کے پلان پر عملدرآمد بھی کرانے کی ہدایت کر دی۔ انہوں نے کہا لاہور سمیت پنجاب بھر میں بد معاشوں کو گرفتار کیا جائے، کسی کو قانون ہاتھ میں لینے کی اجازت نہیں، جرائم پیشہ عناصر کے خلاف فل ایکشن لیں۔

دوسری طرف وفاقی کابینہ کے اجلاس میں وزیراعظم کابینہ کو کراچی ٹرانسفارمیشن پلان پر اعتماد میں لیں گے۔اجلاس میں ایف اے ٹی ایف بل کی منظوری پر کابینہ کو بریفنگ دی جائےگی جب کہ وزارت خزانہ کے حکام کابینہ کو معاشی اعشاریوں پر بریفنگ دیں گے۔وفاقی کابینہ نے بڑے شہروں میں کثیر المنزلہ عمارتوں کی تعمیر کی منظوری دے دی، وفاقی کابینہ اجلاس میں قانون سازی کمیٹی کےمینڈیٹ میں اضافے، وفاقی تعلیمی بورڈ کے چیئرمین کی تقرری اور کابینہ پورٹ قاسم کراچی میں ایل این جی ٹرمینلز کی منظوری دی جائے گی۔

وزیراعظم عمران خان کی زیرصدارت وفاقی کابینہ کا اجلاس آج ہو گا، 15 نکاتی ایجنڈا بھی جاری

اس کے علاوہ کابینہ ایکس کیڈر پوسٹس پر جوڈیشل آفیسر بھرتی کرنے اور پاکستان میں فیری سروس کا آغاز کرنے کی منظوری دے گی۔کابینہ 27اگست کےاقتصادی رابطہ کمیٹی اور توانائی کمیٹی کےفیصلوں کی بھی توثیق کرے گی۔وفاقی کابینہ کے اجلاس میں نیپراکی سالانہ رپورٹ 2018 اور 2019 بھی پیش کی جائےگی۔ کابینہ اجلاس میں اسلام آباد میں ماس ٹرانزٹ اتھارٹی کے قیام کی منظوری دے جائے گی

آج ملک بھرمیں یومِ بحریہ ملی جوش وجذبے سے منایا جارہا ہے

باغی ٹی وی : سال 1965 کی جنگِ میں پاک بحریہ کی شاندار کارکردگی کی یاد میں ہر سال آٹھ ستمبر یومِ بحریہ کے طور پر منایا جاتا ہے، اس دن پاک بحریہ نے پاکستان کی بری اور فضائی افواج کے شانہ بشانہ رہ کر دشمن کے دانت کھٹے کیے۔

انیس سو پینسٹھ کی جنگ میں بری اورفضائی افواج نے دفاع وطن کا فریضہ بھرپور طریقے سے انجام دیا لیکن آٹھ ستمبرکا دن پاک بحریہ کے نام رہا، آپریشن دوارکا میں پاکستان نیوی نے دشمن کے دلوں پر جو لرزہ طاری کیا، اسی کی یاد میں آٹھ ستمبر کو پاک بحریہ کا دن منایا جاتا ہے۔

پاک بحریہ کے سربراہ ایڈمرل ظفر محمود عباسی نے اپنے پیغام میں کہا 8 ستمبر کا دن پاک بحریہ کے شہداء اورغازیوں کی قربانیوں اور جذبے کو سراہنے کا دن ہے، یہ دن ہمیں اپنے اسلاف کے کارناموں اور کامیابیوں کی یاد دلاتا ہے، آپریشن دوار کا ہماری قومی تاریخ کی عظیم فتح ہے، پاک بحریہ نے بھارتی بندرگاہ دوار کا پر حملہ کر کے ریڈار سٹیشن تباہ، دشمن کا غرور خاک میں ملایا۔

نیول چیف کا کہنا تھا پاک بحریہ کی واحد آبدوز غازی نے جنگ کے دوران پوری بھارتی نیوی کو بھارتی بندرگاہوں میں مقید رکھا، آج پاکستان نیوی خطے میں ایک مضبوط بحری قوت کے طور پر پہچانی جاتی ہے۔ انہوں نے کہا پاک بحریہ عالمی بحری افواج کے ساتھ مل کر عالمی پانیوں میں امن و استحکام یقینی بنا رہی ہے، سی پیک کے تناظر میں پاکستان نیوی اپنی بڑھتی ہوئی ذمہ داریوں میں اہم کردار نبھانے کیلٸے تیار ہے۔

پاک بحریہ کے سربراہ ایڈمرل ظفر محمود عباسی نے کہا پاکستان نیوی سمندری تحقیق میں تعاون کے علاوہ سمندر میں ہائیڈرو کاربن وسائل کی تلاش کیلئے مدد فراہم کر رہی ہے، پاک بحریہ کے آفیسرز اور جوان اپنے کشمیری بھائیوں کیساتھ مکمل یکجہتی کا اظہار کرتے ہیں، پاک بحریہ کے تمام آفیسرز اور جوان خون کے آخری قطرے تک مادر وطن کا دفاع کرنے کیلئے پر عزم ہیں

یوم بحریہ، بھارتی آبدوز پر پاکستان نیوی نے ڈاکیومنٹری جاری کردی

پاکستان میں کرونا میں‌ بدستور کمی ، 24 گھنٹوں کے دوران 330 نئے کیسز رپورٹ

باغی ٹی وی : کورونا کا زور ٹوٹ گیا، کیسز اور اموات میں مسلسل کمی ہونے لگی، مہلک وائرس سے 5 افراد جاں بحق ہوگئے، جس کے بعد اموات کی تعداد 6 ہزار 350 ہوگئی۔ پاکستان میں کورونا کے تصدیق شدہ کیسز کی تعداد 2 لاکھ 99 ہزار 233 ہوگئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 330 نئے کیسز رپورٹ ہوئے، پنجاب میں 97 ہزار 306، سندھ میں ایک لاکھ 30 ہزار 807، خیبر پختونخوا میں 36 ہزار 663، بلوچستان میں 13 ہزار 321، گلگت بلتستان میں 3 ہزار 41، اسلام آباد میں 15 ہزار 762 جبکہ آزاد کشمیر میں 2 ہزار 333 کیسز رپورٹ ہوئے

باغی ٹی وی کی رپورٹ کے مطابق وزیر اعظم عمران خان نے ترلائی میں ماڈل پناہ گاہ کا دورہ کیا

معاون خصوصی برائے تخفیف غربت و سماجی تحفظ ڈاکٹر ثانیہ نشتر، ایم ڈی پاکستان بیت المال عون عباس بپی اور وزیراعظم کے فوکل پرسن برائے پناہ گاہ نسیم الرحمن نے وزیر اعظم کو پناہ گاہ میں انتظامی امور اور اصلاحات کے بارے میں آگاہ کیا۔

وزیر اعظم نے دورہ کے دوران پناہ گاہ میں مختلف سہولیات اور انفراسٹرکچر کا جائزہ لیا، پناہ گاہ میں مقیم افراد سے بات چیت کی، سہولیات کی فراہمی کے حوالے سے دریافت کیا اور بعد ازاں پناہ گاہ میں مقیم افراد کے ساتھ کھانا کھایا۔

وزیر اعظم عمران خان کا ترلائی میں ماڈل پناہ گاہ کا دورہ pic.twitter.com/yC3aeCI2fV

— IK Updates (@IKUpdates1) September 7, 2020

وزیر برائے منصوبہ بندی اسد عمر، وزیر برائے مواصلات مراد سعید، مشیر برائے احتساب بیرسٹر شہزاد اکبر، معاون خصوصی سید ذوالفقار عباس بخاری، علی نواز اعوان، راجہ خرم نواز اور دیگر اعلی عہدیداران بھی اس موقع پر موجود تھے۔

اسلام آباد: وزیراعظم عمران خان کا ترلائی میں ماڈل پناہ گاہ کا دورہ۔

اس موقع پر وزیراعظم کو پناہ گاہ میں فراہم کی جانے والی مختلف سہولیات اور انفراسٹرکچر کے بارے میں بریفنگ دی۔

وزیراعظم نے پناہ گاہ میں مقیم افراد سے بات چیت کی اور بعد ازاں وہاں پر مقیم افراد کے ساتھ کھانا کھایا۔ pic.twitter.com/1R5imDL8td

— Senator Aon Abbas Buppi (@AonAbbasPTI) September 7, 2020

گذشتہ ماہ وزیر اعظم کی اسلام آباد میں قائم پناہ گاہوں کو ماڈل پناہ گاہ بنانے کی ہدایت کے بعد یہ پہلا شیلٹر ہوم ہے جو ایک ماہ سے بھی کم عرصے میں بہتر انفراسٹرکچر ، کیٹرنگ اور رہائشی معیار کے ساتھ دیہاڑی دار مزدوروں کے لئے معیاری خدمات انجام دے رہا ہے۔

آئندہ تین ماہ میں وفاقی دارالحکومت کی تمام 5 پناہ گاہوں کو ری ماڈل کیا جائے گا اور بعد میں بتدریج پورے ملک میں پناہ گاہوں کو ری ماڈلڈ پناہ گاہیں بنایا جائے گا۔

امریکی حملے میں ایران کے قاسم سلیمانی،عراقی ملیشیا کے کمانڈر جاں بحق، ایران نے دیا امریکہ کو سخت ردعمل

قاسم سلیمانی کو ٹرمپ کی ہدایت پر مارا گیا، پینٹا گون، ٹرمپ نے کیا کہا؟

ایرانی جنرل کو مارنے کے بعد امریکہ نے دی شہریوں کو اہم ہدایات

جنرل قاسم سلیمانی کی شہادت، امریکہ نے خطے کا امن داؤ پر لگا دیا، ایسا کس نے کہا؟

ایرانی جنرل پر امریکی حملہ، چین بھی میدان میں آ گیا، بڑا مطالبہ کر دیا

تیسری عالمی جنگ، امریکا کے خطرناک ترین عزائم، سابق امریکی وزیر خارجہ کے انٹرویو نے تہلکہ مچا دیا

وزیراعظم نے صوبوں کی پناہ گاہوں میں پائیدار نظام اور معیاری سہولیات کی فراہمی یقینی بنانے کے لیے وفاق اور صوبوں کے درمیان ایک مربوط حکمت عملی کے تحت کوارڈینیشن کو مزید موثر بنانے کی بھی ہدایت کی ۔

وزیر اعظم عمران خان نے غریب، نادار اور مزدور طبقے کو پناہ گاہوں میں باعزت طریقے سے چھت اور بنیادی سہولیات کی فراہمی کے عزم کا اعادہ کرتے ہوئے کہا کہ اسلام آباد کی ماڈل پناہ گاہوں کا دائرہ کار بتدریج دوسرے صوبوں تک بڑھایا جائے گا ۔

وزیراعظم سے بابر اعوان کی ملاقات، انتہائی اہم معاملات پر ہوئی مشاورت

باغی ٹی وی کی رپورٹ کے مطابق ‏وزیراعظم عمران خان سے مشیرپارلیمانی اموربابراعوان کی ملاقات ہوئی ہے

ملاقات میں کراچی ٹرانسفارمیشن پیکج سمیت پارلیمانی معاملات پرگفتگو ہوئی،‏ملاقات کے دوران فیٹف سےمتعلقہ قانون سازی پرگفتگو کی گئی،وزیراعظم نے قانون سازی کا عمل جلد مکمل کرنے کے عزم کااظہار کیا

بابراعوان نےوزیراعظم کوقومی اسمبلی اورسینیٹ اجلاس سےمتعلق آگاہ کیا،بابر اعوان کا کہنا تھا کہ ‏وفاقی حکومت نے معاشی حب کی بہتری کیلئےبروقت قدم اٹھایا،

وزیراعظم عمران خان کا کہنا تھا کہ ‏سیاسی بد انتظامیوں کےباعث کراچی کے حالات بد ترین ہوئے، کراچی کی ترقی وفاقی حکومت کے ایجنڈے میں شامل ہے، وفاق کراچی کےمسائل کے حل کیلئے مالی وسائل فراہم کرے گا، ٹرانسفارمیشن پیکج کےتحت منصوبوں پرجلد عمل ضروری ہے،

ایف اے ٹی ایف کا ایک بار پھر ڈومور، کالعدم تنظیموں کیخلاف کیا کیا؟ رپورٹ طلب

ایف اے ٹی ایف کا پاکستان کی کوششوں کا اعتراف، ڈومور بھی کہہ دیا

ایف اے ٹی ایف،پاکستان کی بڑی سفارتی کامیابی،کن ممالک نے کی پاکستان کی حمایت؟

ایف اے ٹی ایف میں بھی پاکستان کو کامیابی حاصل ہو گی ،وزیر خارجہ

ٹویٹر پر جعلی اکاؤنٹ، قائمہ کمیٹی اجلاس میں اراکین برہم،بھارت نے کتنے سائبر حملے کئے؟

بیس ہزار کے عوض خاتون نے ایک ماہ کی بیٹی کو فروخت کیا تو اس کے ساتھ کیا ہوا؟

بھارت ، سال کے ابتدائی چار ماہ میں کی 808 کسانوں نے خودکشی

سال 2020 کا پہلا چائلڈ پورنوگرافی کیس رجسٹرڈ،ملزم لڑکی کی آواز میں لڑکیوں سے کرتا تھا بات

سائبر کرائم ونگ کی کاروائی، چائلڈ پورنوگرافی میں ملوث تین ملزمان گرفتار

‏ایف اے ٹی ایف کوکوئی حق نہیں کسی ملک کوگرے یا بلیک لسٹ کرے،رحمان ملک

،وزیراعظم عمران خان کا کہنا تھا کہ ملکی سلامتی اور عوامی مفاد کی قانون سازی میں تاخیر نہیں ہونی چاہیے، عام آدمی کو ریلیف فراہم کرنے کے ہر ممکن اقدامات کیے جا رہے ہیں،مکمل توجہ معاشی اور سماجی حالات کی بہتری پر مرکوز کر رکھی ہے

بابر اعوان کا کہنا تھا کہ عوامی ریلیف کےلیے کیے گئے حکومتی اقدامات کے مثبت نتائج مل رہے ہیں، پیٹرولیم مصنوعات کی قیمتوں میں اضافہ نہ کر کے عوام کو ریلیف دیا گیا،

وزیراعظم سے بابر اعوان کی ملاقات، وزیراعظم نے بڑا حکم دے دیا، کہا ہر حال میں یہ کام کرنا ہے