باغی ٹی وی کی رپورٹ کے مطابق سابق وزیراعظم نواز شریف کی اپیل پر اسلام آباد ہائیکورٹ میں سماعت ہوئی
عدالت نے استفسار کیا کہ جی ایڈیشنل اٹارنی جنرل صاحب معلوم ہوا کہ وارنٹس کاؤنٹی کورٹ کے ذریعے بھیجوانے میں کتنا وقت لگے گا،جس پر ایڈیشنل اٹارنی جنرل نے کہا کہ مجھے کچھ دستاویزات لندن سے آج ہی موصول ہوئے ہیں وہ عدالت کے سامنے رکھنا چاہتا ہوں، کاونٹی کورٹ کے ذریعے وارنٹس گرفتاری موصول کرانے کا معاملہ آگے نہیں بڑھ سکا،ہائی کمیشن کا نمائندہ نواز شریف رہائش گاہ پر ایک بار پھر وارنٹس موصول کرانے گیا، نواز شریف کی رہائش گاہ پر موجود ایڈی نامی شخص نے موصول کرنے سے انکار کر دیا،ہائی کمیشن نے کامن ویلتھ آفس سے ٹیلیفونک رابطہ کیا،ہمیں بتایا گیا کہ پاکستان کی ہائیکورٹ کے حکم پر عملدرآمد ہمارا اختیار نہیں،
عدالت نے ریمارکس دیئے کہ اسکا مطلب ہے وہ ہمیں سہولت دینے کو تیار نہیں، ہمیں شواہد کے ساتھ خود کو مطمئن کرنا ہے کہ عدالت نے وارنٹس کی تعمیل کیلئے اپنی پوری کوشش کی، نیب پراسیکیوٹر نے کہا کہ اگر عدالت مطمئن ہے کہ اپنی پوری کوشش کر چکی تو اب اشتہار جاری کیا جا سکتا ہے، عدالت نے کہا کہ ہم آفیشل دستاویزات کو ریکارڈ پر لائیں گے اور اسکے بعد اشتہار جاری کرنے یا نہ کرنے کا فیصلہ کرینگے،
نیب پراسیکیوٹر نے کہا کہ پاکستانی ہائی کمیشن لندن کے نمائندے حنان کا بیان ویڈیو لنک کے ذریعے قلمبند کیا جا سکتا ہے، جسٹس محسن اختر کیانی نے ریمارکس دیتے ہوئے کہا کہ اس تمام طریقہ کار کو مکمل کرنے کی وجہ ہے،کل ملزم واپس وطن آ کر یہ نہ کہے کہ طریقہ کار مکمل نہیں کیا گیا،ہم نے نواز شریف کو مکمل موقع دیا اور اس کے بعد اپیلوں کو سن کر فیصلہ کرینگے،
دوران سماعت جسٹس عامر فاروق نے ریمارکس دیئے کہ ملزم حکومت اور عوام کو دھوکہ دے کر گیا ہے، جسٹس محسن اختر کیانی نے ریمارکس دیتے ہوئے کہا کہ ملزم لندن بیٹھ کر حکومت اور عوام پر ہنستا ہوگا، نہایت شرمندگی کا مقام ہے،
جسٹس محسن اختر کیانی نے مزید ریمارکس دیتے ہوئے کہا کہ نواز شریف کو پتہ ہے کہ وہ پورے نظام کو شکست دے کر گیا ہے، سارا سسٹم شامل ہے، سفارتخانے، ادارے پھر بھی کچھ نہیں ہو پارہا،آئندہ وفاقی حکومت کو بھی سوچنا چاہیئے کہ ایسے ملزم کیلئے کیا لائحہ عمل ہو،کل نواز شریف واپس آکر یہ نہیں کہہ سکتے کہ مجھے وارنٹ گرفتاری کا علم نہیں،
نیب کی نواز شریف کی حاضری سے استثنیٰ کی درخواست کی مخالفت،عدالت نے بڑا حکم دے دیا
نواز شریف کی ضمانت میں توسیع کیوں نہیں کی؟ راجہ بشارت نے کیا اہم انکشاف
مریم نواز اور کیپٹن ر صفدر میں ہونے لگی ہے جلد جدائی،خبر سے کھلبلی مچ گئی
مریم نواز ایک بار پھر "امید” سے، کیپٹن ر صفدرخوشی سے نہال
مریم نواز عدالت پہنچ گئی، بہارہ کہو میں کارکنان نے کیا استقبال
عدالت پہنچنے پر مریم نواز نے کارکنان کے لئے جاری کیا حکم،ن لیگی رہنماؤں کو روک دیا گیا
میری ضد ہو گی کہ نواز شریف یہ کام کریں، مریم نواز کی غیر رسمی گفتگو
عدالت نے کہا کہ ہمارے پاس ہزاروں کیسز ہیں اور ہم اس پر بیٹھ کر اپنا وقت ضائع کر رہے ہیں، آئندہ وفاقی حکومت کو بھی دیکھنا ہو گا کہ ہم کتنا سرکاری خزانے کو اور عوام کو نقصان پہنچاتے ہیں، دفتر خارجہ، سفارت خانہ اور تمام جب شامل ہوتے ہیں تو سرکاری خزانے پر بوجھ پڑتا ہے،
نواز شریف ضمانت پر نہیں، وکیل کا عدالت میں اعتراف،ہمیں سزا معطلی سے متعلق بتائیں، عدالت
نواز شریف کے لندن ڈاکٹر کی رپورٹ باغی ٹی وی نے حاصل کر لی
نواز شریف کو سرنڈر کرنا ہو گا، اگر ایسا نہ کیا تو پھر…عدالت کے اہم ریمارکس
نواز شریف حاضر ہو، اسلام آباد ہائیکورٹ نے طلبی کی تاریخ دے دی
نواز شریف کی نئی میڈیکل رپورٹ عدالت میں جمع، نواز ذہنی دباؤ کا شکار،جہاز کا سفر خطرناک قرار
جس ڈاکٹر کا سرٹیفیکٹ لگایا وہ امریکہ میں اور نواز شریف لندن میں،عدالت کے ریمارکس
اشتہاری ملزم کی درخواستیں کس قانون کے تحت سن سکتے ہیں،نواز شریف کے وکیل سے دلائل طلب
نواز شریف کی جیل میں طبیعت کیوں خراب ہوئی تھی؟ نئی میڈیکل رپورٹ میں اہم انکشاف
اشتہاری مجرم کی ضمانت منسوخی کی ضرورت ہے؟ نواز شریف کیس میں عدالت کے ریمارکس
نواز شریف کو مفرور بھی ڈکلیئر کر دیں تو تب بھی اپیل تو سنی جائے گی،عدالت
واضح رہے کہ اسلام آباد ہائیکورٹ میں نواز شریف کی درخواستیں مسترد کر دی گئیں،عدالت نے نوازشریف کے ناقابل ضمانت وارنٹ گرفتاری جاری کر دئیے،جسٹس عامر فاروق اور جسٹس محسن اختر کیانی نے فیصلہ سنا دیا ،عدالت نے نواز شریف کی درخواستیں مسترد کر دیں، اسلام آباد ہائیکورٹ نے حاضری سے استثنی اور نمائندہ مقرر کرنے کی درخواستیں مسترد کردیں
