Category: اہم خبریں

وزیراعظم شہباز شریف نے کہا ہے کہ پاکستان کا پانی روکنے کا بھارتی اقدام جنگ کے مترادف ہوگا۔

آذر بائیجان میں اقتصادی تعاون تنظیم کے 17 ویں سربراہی اجلاس سے خطاب کرتے ہوئے وزیراعظم شہباز شریف کا کہنا تھا کہ پانی کروڑوں پاکستانیوں کی لائف لائن ہے، پاکستان کا پانی روکنے کا بھارتی اقدام جنگ کے مترادف ہوگا، بھارتی اقدامات کا مقصد علاقائی امن کو نقصان پہنچانا تھا، پاک فوج نے مثالی جرات، پیشہ ورانہ مہارت کے ساتھ اشتعال انگیزی کاجواب دیا۔ اسرائیل غزہ جنگ پر بات کرتے ہوئے وزیراعظم شہباز شریف کا کہنا تھا کہ غزہ کو تباہی کا سامنا ہے، ایسا لگتا ہے جیسے غزہ میں انسانیت کا وجود ہی نہیں، قحط سالی کی صورتحال، فاقہ کشی اور امدادی کارکنوں پر اسرائیلی حملےجاری ہیں، پاکستان دنیا میں کہیں بھی بے گناہ لوگوں پرظلم کرنے والوں کے خلاف کھڑا ہے،ماحولیاتی چیلنجز نےلاکھوں لوگوں کے روزگار کوخطرے میں ڈال دیا ہے، پاکستان موسمیاتی تبدیلی سے متاثرہ 10 ملکوں میں شامل ہے، پگھلتےگلیشیئرز، شدید گرمی، سیلاب اوردیگر چیلنجز کا سامنا ہے تاہم پاکستان نے موسمیاتی تبدیلیوں سے نمٹنے کے لیے پالیسی وضع کی ہے۔

دوسری جانب وزیر اعظم محمد شہباز شریف نے آذربائیجان کے شہر خانکیندی میں 17ویں ای سی او سربراہی اجلاس کے موقع پر ایران کے صدر ڈاکٹر مسعود پیزشکیان سے ملاقات کی۔ ملاقات کے دوران دونوں رہنماؤں نے پاکستان اور ایران کے مابین تمام شعبوں میں جاری دوطرفہ تعاون کا جائزہ لیا اور پاک ایران تعلقات کو مزید مضبوط بنانے کے لیے اپنی گزشتہ ملاقات کے دوران کیے گئے فیصلوں پر ہونے والی پیش رفت پر اطمینان کا اظہار کیا۔ دونوں رہنماؤں نے ایران کے خلاف اسرائیل کی بلاجواز جارحیت کے تناظر میں ابھرتی ہوئی علاقائی صورتحال پر بھی تبادلہ خیال کیا۔ وزیر اعظم نے صدر پیزشکیان کی قیادت کو سراہا اور حالیہ بحران کے دوران ایران کے جنگ بندی کے فیصلے کو سراہا۔

وزیراعظم نے ایران کے عوام اور حکومت کے ساتھ پاکستان کی غیر متزلزل یکجہتی کو دہراتے ہوئے خطے میں امن کے لیے مذاکرات اور سفارت کاری کے ذریعے ایران کے ساتھ مل کر کام جاری رکھنے کے پاکستان کے پختہ عزم کا اعادہ کیا۔ صدر پیزشکیان نے حالیہ بحران کے دوران عالمی فورمز سمیت ایران کے لیے پاکستان کی مضبوط سفارتی حمایت کو سراہا اور تنازع کو کم کرنے میں پاکستان کے اہم کردار پر شکریہ ادا کیا۔ وزیر اعظم نے ایرانی صدر کو ایرانی سپریم لیڈر کیلئے مبارکباد اور نیک خواہشات کا پیغام بھی دیا۔

سکیورٹی فورسز نے پاک افغان بارڈر کے ذریعے دراندازی کی کوشش کرنے والے 30 بھارتی اسپانسرڈ خوارج کو ہلاک کردیا۔

پاک فوج کے شعبہ تعلقات عامہ آئی ایس پی آر کے مطابق سیکیورٹی فورسز نے حسن خیل کے علاقے میں بروقت کارروائی کی، ہلاک دہشتگردوں کے قبضے سے بڑی تعداد میں اسلحہ اور گولا بارود بھی برآمد کیا گیا ہے، یکم اور 2 جولائی کی رات بھارتی اسپانسرڈ خوارج کی نقل و حرکت کا پتہ چلنے پر سیکیورٹی فورسز نے کارروائی کی،افغان حکومت اپنی سرزمین پاکستان کے خلاف استعمال ہونے سے روکنے کے مؤثر اقدامات کرے، سیکیورٹی فورسز سرحدوں کے دفاع اور بھارت کی اسپانسرڈ دہشتگردی کے مکمل خاتمے کے لیے پُرعزم ہیں۔

صدرِ مملکت آصف علی زرداری نے اس حوالے سے سیکیورٹی فورسز کو خراجِ تحسین پیش کرتے ہوئے فتنہ الخوارج کے دہشت گردوں کا قلع قمع کرنے پر سیکیورٹی فورسز کی بہادری کو بھی سراہا ہے،صدر آصف علی زرداری نے کہا ہے کہ دہشت گردوں کے مکمل خاتمے تک سیکیورٹی فورسز کی کارروائیاں جاری رہیں گی۔ دہشت گرد عناصر کے خاتمے اور ملکی دفاع کے لیے ہمارا عزم غیر متزلزل رہے گا۔

پاکستان کی سفارتی حکمت عملی اور دہشتگردی کے خلاف مؤثر اقدامات کی عالمی سطح پر پزیرائی ہوئی ہے

بھارت کے پاکستان مخالف جھوٹے پراپیگنڈے کوایک بار پھر شدید دھچکا لگا ہے،پاکستان کو اقوامِ متحدہ کی سلامتی کونسل کا صدر مقرر کر دیا گیا،کچھ روز قبل ہی پاکستان کو اقوامِ متحدہ کی ‘کاؤنٹر ٹیرر ازم کمیٹی’ کا نائب چیئرمین بنایا گیا تھا،پاکستان کی بڑھتی ہوئی عالمی مقبولیت اور پزیرائی نے بی جے پی اور کانگریس کے درمیان سیاسی جنگ چھیڑ دی،کانگریس رہنماوں نے مودی سرکارکو سفارتی ناکامی پر شدید تنقید کا نشانہ بنایا

کانگریس کے میڈیا اور عوامی روابط کے سربراہ، پون کھیرا نے اپنے بیان میں کہا "مودی حکومت پہلگام دہشت گرد حملے کے بعد پاکستان کو عالمی سطح پر تنہا کرنے میں ناکام رہی ہے”پہلگام حملے کے بعد مودی حکومت نے فوجیوں اور عوام کی قربانیوں کو نظرانداز کرتے ہوئے انہیں دھوکہ دیا ہے، کانگریس کی رہنما رینیکا چودھری نے ایک پوسٹ میں کہا "میرا مودی سے سوال ہے کہ کیا ہماری خارجہ پالیسی ناکام ہو گئی ہے؟”وہ چار دہشت گرد جو پہلگام حملےمیں ملوث ہیں، ابھی تک کیوں آزاد ہیں؟، پہلگام واقعے کے بعدانٹیلی جنس کی ناکامی کا ذمہ دار کون ہے؟،151 دورے، 72 ممالک، بے شمار سفارتی ملاقاتیں، مگر کوئی کامیابی نہ ملی ،عوام کو فوری وضاحت چاہیے،پہلگام حملے کے بعد مودی حکومت نے پاکستان مخالف جھوٹا بیانیہ پھیلایا، آپریشن سندور کو انسداد دہشت گردی قرار دینے کی عالمی سفارتی مہم ناکام اور جھوٹ پر مبنی ثابت ہوئی،

ناکام اور جھوٹ پر مبنی آپریشن سندور کو انسداد دہشت گردی قرار دینے کی عالمی سفارتی مہم چلائی گئی،آپریشن سندور کی جھوٹی مہم عالمی سطح پر بری طرح ناکام ثابت ہوئی،مودی کی ناکام سفارتی حکمت عملی نے بھارت کو عالمی تنہائی میں دھکیل دیا ہے

کواڈ کا غیر جانب دار مؤقف، پاکستان کی سفارتی حکمت عملی کامیاب

پہلگام واقعے پر کواڈ ممالک کا واشنگٹن میں ایک مشترکہ بیان جاری کیا گیا ہے،سی این بی سی کے مطابق:
"کواڈ ممالک ( بھارت، امریکہ جاپان، آسٹریلیا) کی جانب سے پہلگام واقعے کی شدید مذمت اور فوری انصاف کا مطالبہ کیا گیا ہے،تاہم کواڈ مشترکہ بیانیے میں نہ پاکستان کا نام لیا گیا اور نہ ہی پاکستان کو حملے کا ذمہ دار ٹھہرایا گیا، بھارت کے پاکستان پر عائد کردہ الزامات کو عالمی برادری نے ایک بار پھر مکمل طور پر مسترد کر دیا ،کواڈ کا مشترکہ بیان بھارتی بیانیے کی عالمی سطح پر عدم قبولیت کا منہ بولتا ثبوت ہے ،بھارت نے کواڈ تنظیم میں بھی پاکستان کو دہشتگردی سے جوڑنے کی ناکام کوشش کی،اقوام متحدہ اور دیگر عالمی ادارے بھارت کے یکطرفہ الزامات کے بجائے قانونی شواہد اور بین الاقوامی ضوابط پر انحصار کرتے ہیں،عالمی برادری کی غیر جانبداری اور پاکستان کا نام نہ لینا، پاکستان کی متوازن خارجہ پالیسی کی کامیابی کی عکاسی ہے،اس کے برعکس، بھارت کی خارجہ پالیسی ایک بار پھر ناکامی کا شکارہوئی ہے،مودی سرکار پاکستان کو عالمی سطح پر بدنام کرنے کے بجائے خود عالمی سطح پر بے اعتبار ثابت ہوئی،پہلگام حملے پر عالمی ردعمل اس حقیقت کو واضح کرتا ہے کہ پاکستان اب ایک ذمہ دار ریاست کے طور پر تسلیم کیا جا چکا ہے

سپریم کورٹ آف پاکستان کے 27 جون 2025 کے فیصلے کے تناظر میں الیکشن کمیشن آف پاکستان نے ایک اہم قدم اٹھاتے ہوئے 24 اور 29 جولائی 2024 کو جاری کیے گئے وہ تمام نوٹیفکیشنز واپس لے لیے ہیں جن کے تحت پاکستان تحریکِ انصاف (پی ٹی آئی) کے ٹکٹ پر منتخب ہونے والے قومی و صوبائی اسمبلیوں کے امیدواروں کی واپسی کو تسلیم کیا گیا تھا۔

الیکشن کمیشن کی جانب سے جاری کردہ نئے اعلامیے میں کہا گیا ہے کہ ان نوٹیفکیشنز کو کالعدم قرار دینا سپریم کورٹ کے حالیہ فیصلے پر عمل درآمد کی غرض سے کیا گیا ہے۔ اعلامیے میں مزید واضح کیا گیا ہے کہ سپریم کورٹ نے نظرثانی اپیلوں پر فیصلہ سناتے ہوئے ان امیدواروں کی واپسی کو غیرقانونی قرار دیا، جس کے بعد کمیشن کے پاس کوئی چارہ نہ رہا سوائے نوٹیفکیشنز واپس لینے کے۔اسی فیصلے کی روشنی میں الیکشن کمیشن نے قومی اسمبلی میں مخصوص نشستوں سے متعلق نیا نوٹیفکیشن بھی جاری کر دیا ہے۔ اس نوٹیفکیشن کے مطابق، خواتین کے لیے مخصوص 16 نشستیں اور اقلیتوں کے لیے 3 نشستیں بحال کر دی گئی ہیں۔ ان نشستوں کی تقسیم درج ذیل ہے،پاکستان مسلم لیگ (ن): 13 نشستیں،پاکستان پیپلز پارٹی: 4 نشستیں،جمعیت علمائے اسلام (ف): 2 نشستیں،الیکشن کمیشن کا کہنا ہے کہ مخصوص نشستوں کی بحالی بھی سپریم کورٹ کے آئینی بینچ کے فیصلے پر مکمل عمل درآمد کی ایک کڑی ہے۔ اس سے قبل 24 اور 29 جولائی 2024 کو مخصوص نشستوں سے متعلق جو نوٹیفکیشنز جاری کیے گئے تھے، انہیں بھی واپس لے لیا گیا ہے۔

اسلام آباد،الیکشن کمیشن نے 76 مخصوص نشستیں دیگر جماعتوں کو دے دیں،قومی اسمبلی میں خیبرپختونخوا کی خواتین کی 5نشستیں بحال کر دی گئیں،قومی اسمبلی میں خیبرپختونخوا کی ن لیگ اور پیپلز پارٹی کو 2،2 نشستیں مل گئیں، قومی اسمبلی میں خیبرپختونخوا کی ایک مخصوص نشست جے یو آئی کو مل گئی،قومی اسمبلی میں پنجاب کی خواتین کی 11مخصوص نشستیں بحال .قومی اسمبلی میں پنجاب کی خواتین کی 10نشستیں ن لیگ کو مل گئیں،قومی اسمبلی میں پنجاب کی خواتین کی ایک نشست پیپلز پارٹی کو دی گئی ، قومی اسمبلی کی 3غیر مسلم نشستوں پر ارکان کی رکنیت بحال، قومی اسمبلی میں ن لیگ ، پیپلز پارٹی اور جے یو آئی کو ایک ایک اقلیتی نشست مل گئی

خیبرپختونخوا اسمبلی میں خواتین کی 21مخصوص نشستیں بحال، خیبرپختونخوا اسمبلی میں جے یو آئی کو 8 سیٹیں مل گئیں ،
خیبرپختونخوا اسمبلی میں ن لیگ کو 6 اور پیپلز پارٹی کو5سیٹیں مل گئیں، خیبرپختونخوا اسمبلی میں اے این پی اور پی ٹی آئی پارلیمنٹیرین کو ایک ایک سیٹ ملی .خیبرپختونخوا اسمبلی میں اقلیتوں کی 4نشستیں بھی بحال کر دی گئیں ، خیبرپختونخوا اسمبلی میں جے یو آئی کو 2اقلیتی نشستیں دی گئی ہیں ، خیبرپختونخوا اسمبلی میں ن لیگ اور پیپلز پارٹی کو ایک ایک اقلیتی نشست ملی، پنجاب اسمبلی میں خواتین کی 24مخصوص نشستیں بحال ،پنجاب اسمبلی میں خواتین کی 21نشستیں ن لیگ کو مل گئیںپنجاب اسمبلی میں پیپلز پارٹی،آئی پی پی ، ق لیگ کو ایک ایک نشست ملی،سندھ اسمبلی میں خواتین کی 2نشستیں بحال کر دی گئی ،سندھ اسمبلی میں ایم کیو ایم اور پیپلز پارٹی کو ایک ایک نشست مل گئی،سندھ اسمبلی میں ایک اقلیتی نشست بھی پیپلز پارٹی کو دے دی گئی

ماہرین کا کہنا ہے کہ الیکشن کمیشن کا یہ اقدام نہ صرف آئینی دائرہ کار میں آتا ہے بلکہ یہ ملک میں انتخابی شفافیت کو فروغ دینے کی ایک اہم کوشش ہے۔ اس فیصلے کے نتیجے میں پی ٹی آئی کو ممکنہ طور پر شدید سیاسی دھچکا پہنچ سکتا ہے، جبکہ دیگر جماعتوں کو پارلیمانی طاقت میں اضافہ حاصل ہوا ہے۔الیکشن کمیشن کے مطابق، وہ عدالت عظمیٰ کے فیصلے کی روشنی میں مزید اقدامات بھی کرے گا تاکہ انتخابی عمل کو مکمل طور پر آئین و قانون کے مطابق رکھا جا سکے۔

خیبرپختونخوا کے ضلع باجوڑ کی تحصیل خار میں واقع صدیق آباد پھاٹک کے قریب ہونے والے بم دھماکے میں اسسٹنٹ کمشنر ناوگئی سمیت 4 افراد شہید جبکہ کم از کم 11 افراد زخمی ہو گئے ہیں۔

واقعہ ناوگئی روڈ پر پیش آیا جب اسسٹنٹ کمشنر کی سرکاری گاڑی پر نامعلوم شدت پسندوں نے حملہ کیا۔ دھماکہ اس وقت ہوا جب قافلہ معمول کی سیکیورٹی کے ساتھ علاقے سے گزر رہا تھا۔شہید ہونے والوں میں اسسٹنٹ کمشنر ناوگئی فیصل اسماعیل، تحصیلدار وکیل، ایک پولیس صوبیدار اور ایک پولیس اہلکار شامل ہیں۔ دھماکے کی شدت اتنی زیادہ تھی کہ قریبی عمارتوں کے شیشے ٹوٹ گئے اور علاقے میں شدید خوف و ہراس پھیل گیا۔زخمیوں کو فوری طور پر ڈی ایچ کیو اسپتال خار منتقل کیا گیا، جہاں بعض زخمیوں کی حالت تشویشناک بتائی جا رہی ہے۔ اسپتال انتظامیہ نے ایمرجنسی نافذ کر دی ہے اور ڈاکٹروں کی اضافی ٹیمیں طلب کر لی گئی ہیں۔سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔ ابتدائی اطلاعات کے مطابق دھماکہ ریموٹ کنٹرول بم کے ذریعے کیا گیا، تاہم بم ڈسپوزل اسکواڈ اور تفتیشی ادارے موقع پر موجود ہیں اور شواہد جمع کیے جا رہے ہیں۔