Category: اہم خبریں

فیلڈ مارشل عاصم منیر کی امریکہ میں موجودگی اور صدر ٹرمپ سے ملاقات پر بھارت سخت پریشان ہے.

بھارتی وزارت خارجہ کی جانب سے جاری کردہ حالیہ بیان دراصل عالمی سطح پر بھارتی ساکھ بچانے کی ناکام کوشش ثابت ہوئی ہے،بھارتی وزارت خارجہ کے بیان میں آپریشن سندور کے دوران ’نپی تلی‘ اور ’غیر اشتعال انگیز‘ کارروائی کے دعوے کیے گئے ،آپریشن سندور کی ناکامی نے بھارت دعووں کو جھوٹ ثابت کیا، س کی تصدیق عالمی برادری نے بھی کی ،عالمی برادری اس حقیقت سے واقف ہے کہ بھارت نے جارحیت کا آغاز کیا، جبکہ پاکستان اقوامِ متحدہ کے چارٹر کے مطابق دفاعی کارروائی کی ،بھارت کی جانب سے پاکستانی افواج کو نقصان پہنچانے کے دعوے بھی حقائق کے منافی ہیں، عالمی ذرائع نے پاک فضائیہ کی برتری کو تسلیم کیا،پاک فضائیہ نے بھارتی جنگی طیارے مار گرائے اور دنیا نے دیکھا کہ بھارت کو فضائی محاذ پر منہ کی کھانا پڑی،مودی سرکار کی امن کی باتیں محض دکھاوا ثابت، حقیقت میں بھارت ہمسایہ ممالک کے خلاف جارحانہ پالیسیوں کے لیے بدنام ہے،بھارتی وزارتِ خارجہ نےحالیہ بیان پاکستان اور امریکہ کے بہتر تعلقات کو سبوتاژ کرنے کی ناکام کوشش ہے،مودی سرکار کی بین القوامی سطح پر اپنی ساکھ بچانے کی ہر تدبیر ناکامی سے دوچارہو چکی ہے،

واشنگٹن: امریکی صدر ڈونلڈ ٹرمپ نے ایران پر ممکنہ حملے کے منصوبے کی منظوری دے دی ہے، تاہم انہوں نے اس سلسلے میں حتمی حکم جاری کرنے سے گریز کیا ہے۔

امریکی اخبار وال اسٹریٹ جرنل نے اپنی تازہ رپورٹ میں بتایا ہے کہ صدر ٹرمپ نے منگل کی رات سینئر قومی سلامتی مشیروں کو اطلاع دی کہ انہوں نے ایران پر حملے کی منظوری دے دی ہے لیکن حتمی کارروائی کا فیصلہ فی الحال ملتوی کر دیا ہے تاکہ دیکھا جا سکے کہ آیا ایران اپنا جوہری پروگرام ترک کرتا ہے یا نہیں۔وال اسٹریٹ جرنل کی رپورٹ کے مطابق، صدر کے فیصلے کے پیچھے ایران کی جوہری تنصیبات کو نشانہ بنانے کا منصوبہ ہے، خاص طور پر فردو جوہری مرکز جو ایک پہاڑ کے اندر واقع ہے۔ عسکری ماہرین کے مطابق یہ ہدف تب ہی نشانہ بنایا جا سکتا ہے جب انتہائی طاقتور بم استعمال کیا جائے۔جب بدھ کو میڈیا نے صدر ٹرمپ سے اس معاملے پر سوال کیا کہ کیا وہ ایران کی جوہری تنصیبات پر حملے کا فیصلہ کر چکے ہیں؟ تو انہوں نے محتاط انداز میں جواب دیا "امریکہ ایران کی جوہری تنصیبات پر حملہ کرے گا یا نہیں، ابھی کچھ نہیں کہہ سکتا۔ ہم حالات کو دیکھ رہے ہیں، ابھی کچھ طے نہیں پایا۔ ہم ایران پر حملہ بھی کر سکتے ہیں اور نہیں بھی کر سکتے۔”صدر ٹرمپ نے مزید کہا کہ امریکہ نے ایران کو 60 دن کی مہلت دی تھی تاکہ وہ جوہری ہتھیار بنانے سے باز رہے، اور ایران کو کئی بار عالمی جوہری معاہدے کی پابندی کی تلقین کی گئی ہے۔ انہوں نے کہا کہ پہلے بھی کہا گیا تھا کہ ایران کے پاس جوہری ہتھیار نہیں ہونے چاہئیں۔

صدر ٹرمپ نے قومی سلامتی ٹیم سے ملاقات کے بعد بات کرتے ہوئے کہا کہ ایران کے ساتھ ڈیل کا امکان ابھی بھی موجود ہے اور مذاکرات کے دروازے بند نہیں کیے گئے۔ انہوں نے کہا "کسی کو معلوم نہیں کہ میں کیا کرنے جا رہا ہوں، اگلا ہفتہ بہت اہم ہوگا۔ ‘اَن کنڈیشنل سرنڈر’ کا مطلب ہے کہ ایران کو یہ تسلیم کرنا ہوگا کہ بس بہت ہو گیا، ہم ہار مانتے ہیں، پھر ہم وہاں جا کر تمام جوہری ساز و سامان کو تباہ کر دیں گے۔”

دوسری جانب، ایران کے سپریم لیڈر آیت اللہ علی خامنہ ای نے امریکی اقدامات کی سخت الفاظ میں مذمت کی ہے۔ انہوں نے کہا کہ ایران ہتھیار نہیں ڈالے گا اور امریکی فوجی مداخلت کے ناقابل تلافی نتائج برآمد ہوں گے۔ ان کا کہنا تھا کہ ایران اپنے دفاع کے لیے ہر ممکن اقدام کرے گا اور کسی بھی جارحیت کا سخت جواب دے گا۔

علاوہ ازیں ایران نے صدر ٹرمپ کے وائٹ ہاؤس میں ملاقات کی درخواست کے دعوے کی تردید کردی، اقوام متحدہ میں ایرانی مشن کا کہنا ہے کہ کوئی ایرانی عہدے دار کبھی وائٹ ہاؤس کے دروازے پر جاکر نہیں گڑ گڑایا،ایرانی مشن کا کہنا ہے کہ ٹرمپ کے جھوٹ سے زیادہ قابلِ نفرت چیز سپریم لیڈر کے قتل کی دھمکی ہے،ایران دباؤ میں امن قبول نہیں کرتا، خاص طور پر ایسے جنگ پسند شخص کے ساتھ جو خود کو اہم ثابت کر رہا ہو،قبل ازیں امریکی اخبار نے دعویٰ کیا تھا کہ ایران ٹرمپ کی ملاقات کی پیشکش جلد قبول کر لے گا۔

وائٹ ہاؤس اور پاکستان کے اعلیٰ سیکیورٹی زرائع نے تصدیق کی ہے کہ امریکا کے صدر ڈونلڈ ٹرمپ اور فیلڈ مارشل جنرل عاصم منیر کی ملاقات آج ہوگی۔

وائٹ ہاؤس کا کہنا ہے کہ صدر ٹرمپ سے آرمی چیف جنرل عاصم منیر کی یہ ملاقات ظہرانے پر ہوگی، یہ بھی بتایا گیا ہے کہ صدر ٹرمپ سے آرمی چیف کی ملاقات کیبنٹ روم میں ہوگی، اس ملاقات میں صحافیوں کو آنے کی اجازت نہیں ہوگی، تاہم امکان ہے کہ صدر ٹرمپ اگر میڈیا سے بات کریں یا سوشل میڈیا پر پوسٹ کریں تو اس ملاقات کےحوالے سے کوئی تفصیل بتائیں گے۔

عہدہ سنبھالنے کے بعد امریکا کے صدر ڈونلڈ ٹرمپ کی پاکستان کی کسی بھی اعلیٰ ترین شخصیت سے یہ پہلی ملاقات ہے اور یہ اس لحاظ سے بھی اہم ہے کہ پاکستان نے صدر ڈونلڈ ٹرمپ کی جانب سے پاک بھارت جنگ بندی کا خیر مقدم کیا ہے اور زور دیا ہے کہ وہ اپنے دور صدارت میں مسئلہ کشمیر کو حل کرائیں۔

ایک اعلیٰ ترین سکیورٹی ذرائع نے بھی تصدیق کردی ہے کہ یہ ملاقات آج امریکا میں ایسٹرن وقت کے مطابق دوپہر ایک بجے یعنی پاکستانی وقت کے مطابق رات 10 بجے کے قریب ہوگی۔

فیلڈ مارشل سید عاصم منیر نے امریکہ کا سرکاری دورہ کیا

فیلڈ مارشل سید عاصم منیر نے واشنگٹن ڈی سی میں اوورسیز پاکستانیوں سے ملاقات کی،آرمی چیف کا اوورسیز پاکستانیوں نے گرمجوشی سے استقبال کیا،اوورسیز پاکستانیوں کی بڑی تعداد نے آرمی چیف سید عاصم منیر سے ملاقات کی،اوورسیز پاکستانیوں نے افواج پاکستان کی کارکردگی کو خراج تحسین پیش کیا،معرکۂ حق اور آپریشن بنیان مرصوص میں بہادری اور پیشہ ورانہ مہارت پر اظہارِ فخر کیا گیا،

آرمی چیف سید عاصم منیر نےاوورسیز پاکستانیوں کے کردار پر اظہارِ تحسین کیا،ترسیلات، سرمایہ کاری اور عالمی سطح پر پاکستان کا نام روشن کرنے پر شکریہ ادا کیا،اوورسیز پاکستانیوں نے تجاویز اور تجربات فیلڈ مارشل کے ساتھ شیئر کیے،فیلڈ مارشل نے تعاون اور روابط کے تسلسل کی ضرورت پر زور دیا،مل کر محفوظ، خوشحال اور مضبوط پاکستان کے عزم کا اظہارکیا گیا

اسلامی ممالک کے وزرائے خارجہ نے مشرقِ وسطیٰ میں بڑھتی ہوئی کشیدگی اور ایران پر اسرائیل کے مسلسل حملوں کے تناظر میں ایک مشترکہ اعلامیہ جاری کیا ہے، جس میں اسرائیل کی فوجی جارحیت کی شدید الفاظ میں مذمت کی گئی ہے۔

اعلامیے میں ایران کی جوہری تنصیبات پر حملوں کو بین الاقوامی قوانین اور انسانی حقوق کی خلاف ورزی قرار دیتے ہوئے کہا گیا ہے کہ یہ اقدامات 1949 کے جنیوا کنونشن سمیت اقوام متحدہ کی سیکیورٹی کونسل کی قراردادوں اور انٹرنیشنل اٹامک انرجی ایجنسی (IAEA) کے تحفظاتی اقدامات کے منافی ہیں۔اسلامی جمہوریہ پاکستان، سعودی عرب، ایران، ترکیہ، الجزائر، عمان، قطر، لیبیا، کویت، عراق، مصر، اردن، سوڈان، صومالیہ، متحدہ عرب امارات سمیت دیگر ممالک کے وزرائے خارجہ نے اعلان کیا کہ اسرائیل کے 13 جون 2025 سے جاری حملے ناقابلِ قبول ہیں اور انہیں بین الاقوامی قوانین کی صریح خلاف ورزی سمجھا جاتا ہے۔ایران کے خلاف اسرائیلی جارحیت فوری طور پر بند ہونی چاہیے تاکہ پورے خطے میں امن قائم ہو سکے۔مشرقِ وسطیٰ کو جوہری ہتھیاروں اور تباہی پھیلانے والے دیگر ہتھیاروں سے پاک علاقہ قرار دیا جائے۔نیوی گیشن اور بین الاقوامی سمندری سلامتی کے اصولوں کا احترام کیا جائے۔خطے میں مسائل کے حل کے لیے عسکری اقدامات کی بجائے سفارتکاری، مذاکرات اور ہمسائیگی کے اصولوں پر عمل ضروری ہے۔

اعلامیے کے آخر میں اس بات پر زور دیا گیا کہ صرف جامع جنگ بندی اور اقوام متحدہ کے منشور کے مطابق مذاکرات ہی مشرق وسطیٰ کے مسائل کا دیرپا حل فراہم کر سکتے ہیں۔