Category: اہم خبریں

پاکستان کے سب سے بڑے ڈیجیٹل میڈیا نیٹ ورک باغی ٹی وی کو ہیک کرنے کی کوشش کرنے والے اجیت دوول کی بیٹی کی تصاویر منظر عام پر آ گئیں

آپریشن سندور میں بھارت کی بھرپور ناکامی،بنیان مرصوص کی کامیابی، باغی ٹی وی نے بھارتی شکست کا آئینہ دنیا کو دکھایا تو بھارتی مشیر داخلہ اجیت دوول نے اپنی ٹیم سے باغی ٹی وی کی ویب سائٹ ہیک کروانے کی کوشش کی،جس کے بعد باغی ٹی وی کی ٹیم نے اجیت دوول کو آئینہ دکھانے کے لئے اجیت دوول کی بیٹی کے کیمروں کو ہیک کیا اور بیڈ روم کی تصاویر بنا لیں، باغی ٹی وی کے پاس نہ صرف اجیت دوول کی بیٹی کے بیڈ روم بلکہ اسکے بینک اکاؤنٹس کی تفیصلات،کون پیسے بھجوا رہا سب ثبوت مل گئے ہیں،اگر اجیت دوول نے دوبارہ باغی ٹی وی کی ویب سائٹ کو ہیک کرنے کی کوشش کی تو باغی ٹی وی کی جانب سے جوابا اجیت دوول کی بیٹی کے بیڈروم کی تصاویر ڈارک ویب پر ڈال دی جائیں گی.

باغی ٹی وی کا مشن صرف خبریں دینا نہیں بلکہ قوم کی فکری رہنمائی بھی ہے،باغی ٹی وی نہ صرف فکری سرحدوں کی حفاظت کرتا ہے بلکہ عملی طور پر پاکستان کے دفاعی اداروں کے ساتھ اظہارِ یکجہتی بھی کرتا ہے۔ افواجِ پاکستان کے خلاف پھیلائی جانے والی جھوٹی خبروں اور پروپیگنڈا کا بروقت اور مؤثر جواب دیا جاتا ہے،دفاعِ وطن کے لیے مثبت بیانیہ تشکیل دینا اور نوجوان نسل میں حب الوطنی کو فروغ دینا باغی ٹی وی کی پالیسی کا اہم حصہ ہے۔باغی ٹی وی نے ذمہ دارانہ صحافت کو اپنا شعار بنایا ہوا ہے

پُرانے فاٹا اور قبائلی علاقوں میں غیر ریاستی عناصر کی جانب مسلح کواڈ کاپٹر کا عام استعمال

خوارج کے ساتھ ساتھ قبائل بھی آپس کی لڑائیوں میں مسلح کواڈ کاپٹر استعمال کرنے لگے،مزے کی بات یہ ہے کہ یہ غیر ریاستی عناصر مسلح کواڈ کاپٹر استعمال کر کے الزام فوج پے لگا دیتے ہیں-آج کل سوشل میڈیا، خصوصاً قبائلی علاقوں سے آنے والی خبروں میں اکثر یہ سننے کو ملتا ہے کہ "ڈرون حملہ ہوا”۔کبھی بچوں کو نشانہ بنانے کی بات ہوتی ہے تو کبھی بے گناہ شہریوں کو۔ ان خبروں پر شرپسند عناصر اور خودساختہ پشتون حقوق کے علمبردار بغیر کسی تحقیق کے ان حملوں کا الزام ریاستی اداروں پر دھر دیتے ہیں۔

افسوسناک امر یہ ہے کہ کوئی یہ جاننے کی زحمت نہیں کرتا کہ یہ حملہ کس نے کیا؟ اس کا مقصد کیا تھا؟ کہیں ایسا تو نہیں کہ یہ حملہ فتنہ الخوارج یا ان کے سہولت کاروں کی جانب سے کواڈ کاپٹر کے ذریعے کیا گیا ہو؟یہاں یہ بات سمجھنا بہت ضروری ہے کہ ریاستی ڈرون اور کمرشل کواڈ کاپٹر میں واضح فرق ہوتا ہے۔ ریاستی ڈرون ایک منظم نظام کے تحت کام کرتا ہے — اس کا ہر عمل ریکارڈ ہوتا ہے، اس کا راستہ، ہدف اور مقصد سب واضح ہوتے ہیں۔ اس کے برعکس، کمرشل کواڈ کاپٹرز نہایت آسانی سے دستیاب ہوتے ہیں اور ان کا استعمال بے ضابطہ ہوتا ہے، جسے کوئی بھی کسی بھی مقصد کے لیے بغیر نگرانی کے استعمال کر سکتا ہے۔

بدقسمتی سے، اب قبائلی علاقوں میں یہ رجحان بڑھتا جا رہا ہے۔ فتنہ الخوارج کی تقلید میں بعض مقامی قبائل بھی چند ہزار روپے کا کواڈ کاپٹر خرید کر اپنے ذاتی جھگڑوں اور انتقامی کارروائیوں کے لیے استعمال کرنے لگے ہیں۔ یہ نہ صرف قانون شکنی ہے بلکہ علاقے کے امن و امان کے لیے ایک نیا اور خطرناک چیلنج بھی ہے۔دہشت گرد عناصر انہی سے فائدہ اٹھا کر مخصوص اہداف کو نشانہ بناتے ہیں اور سارا الزام ریاست پر ڈال کر سادہ لوح عوام کو گمراہ کرتے ہیں۔

ہمیں عوام میں اس بات کی آگاہی پھیلانی چاہیے کہ کواڈ کاپٹر جیسے جدید آلات کا غیر قانونی استعمال نہ صرف سنگین جرم ہے بلکہ یہ پورے معاشرے کو ایک نئی طرز کی خانہ جنگی کی طرف دھکیل سکتا ہے۔ حکومت کی بھی ذمہ داری ہے کہ کواڈ کاپٹرز کی خریداری اور درآمد پر قانون سازی کرے کواڈ کاپٹر کے بغیر لائسنس استعمال پے فوراً پابندی عائد کرے ۔

ملک بھر میں آج عیدالاضحیٰ مذہبی عقیدت و احترام، جوش و جذبے اور اتحاد و یگانگت کے مظاہرے کے ساتھ منائی جا رہی ہے۔ مختلف شہروں، قصبوں اور دیہی علاقوں میں نماز عید کے بڑے بڑے اجتماعات کا انعقاد کیا گیا جہاں لاکھوں فرزندانِ اسلام نے سنتِ ابراہیمیؑ کی پیروی کرتے ہوئے اللہ کے حضور سجدہ ریز ہو کر نماز ادا کی، اور بعد ازاں جانوروں کی قربانی کی گئی۔

عیدالاضحیٰ کے موقع پر ملک بھر میں سیکیورٹی کے انتہائی سخت انتظامات کیے گئے ہیں۔ حساس شہروں میں پولیس، رینجرز اور دیگر قانون نافذ کرنے والے ادارے الرٹ ہیں، جب کہ مساجد، عیدگاہوں اور کھلے میدانوں میں نماز کے دوران سیکیورٹی اہلکار تعینات کیے گئے۔ مختلف مقامات پر سی سی ٹی وی کیمروں کی مدد سے نگرانی کی جا رہی ہے تاکہ کسی بھی ناخوشگوار واقعے سے بچا جا سکے۔

صدر مملکت آصف علی زرداری نے اپنے پیغام میں قوم کو عیدالاضحیٰ کی دل کی گہرائیوں سے مبارکباد دی۔ انہوں نے کہا کہ "یہ عید ہمیں ایثار، قربانی، بھائی چارے اور اتحاد کا پیغام دیتی ہے۔ ہمیں اپنے طرزِ عمل میں ان اقدار کو شامل کرنا ہوگا تاکہ ہم ایک مضبوط، خوشحال اور متحد قوم کے طور پر دنیا کے سامنے ابھریں۔”

وزیراعظم شہباز شریف نے بھی عیدالاضحیٰ کے موقع پر قوم کو مبارکباد پیش کرتے ہوئے کہا "قربانی کا جذبہ صرف جانوروں کی قربانی تک محدود نہیں بلکہ اپنے ذاتی مفادات، وقت اور وسائل کی قربانی دے کر ملک و ملت کے لیے کام کرنا بھی ایک عظیم عبادت ہے۔ دشمن کے حملے پر قوم کے اتحاد نے دشمن کو واضح پیغام دیا کہ ہم ایک ہیں۔ عید کی خوشیوں میں ہمیں اپنے فلسطینی اور کشمیری بھائیوں کو نہیں بھولنا چاہیے۔”

فیلڈ مارشل سید عاصم منیر، چیئرمین جوائنٹ چیفس آف اسٹاف کمیٹی، ایئر چیف اور نیول چیف نے بھی پوری قوم کو عید کی مبارکباد دی ہے۔ آئی ایس پی آر کے بیان کے مطابق "ہم قوم کی استقامت، قربانیوں اور حوصلے کو سلام پیش کرتے ہیں۔ عیدالاضحیٰ کا یہ مقدس موقع ہمیں یاد دلاتا ہے کہ ایثار اور وحدت کی بدولت ہی ہم چیلنجز کا مقابلہ کر سکتے ہیں۔ افواجِ پاکستان، قانون نافذ کرنے والے ادارے اور ہر محبِ وطن شہری قربانی کے اس جذبے کے علمبردار ہیں۔”

محکمہ موسمیات نے خبردار کیا ہے کہ عید کی تعطیلات کے دوران ملک بھر میں شدید گرمی کی لہر برقرار رہے گی،محکمہ موسمیات نے عوام کو مشورہ دیا ہے کہ وہ دن کے وقت غیر ضروری سفر سے گریز کریں، دھوپ میں نکلتے وقت سر کو ڈھانپیں اور پانی کا زیادہ استعمال کریں۔

عیدالاضحیٰ کا یہ بابرکت دن ہمیں حضرت ابراہیمؑ اور حضرت اسماعیلؑ کی عظیم قربانی کی یاد دلاتا ہے۔ اس دن کا اصل پیغام ایثار، قربانی، خلوص، تقویٰ اور اللہ کی رضا ہے۔ ہمیں چاہیے کہ نہ صرف اپنی عبادات کو خالص رکھیں بلکہ معاشرتی ذمہ داریوں کو بھی نبھائیں، غریبوں، ناداروں اور مظلوموں کو اپنی خوشیوں میں شریک کریں تاکہ یہ عید حقیقی معنوں میں "عید” بن سکے۔