Category: اہم خبریں

اسلام آباد کی انسداد دہشتگردی عدالت کا نو مئی کیس میں بڑا فیصلہ،9 اور دس مئی کو تھانہ رمنا کو جلانے اور توڑ پھوڑ کرنے پر پی ٹی آئی ایم این اے عبد الطیف کو 10 سال قید کی سزا سنادی،،کیس میں مجموعی طور پر گیارہ ملزمان کو سزا سنائی گئی ہے

چترال سے ایم این اے اور 10 ارکان کو 9 مئی کے کیس میں 10 سال کی سزا سنائی گئی، 4 کارکن احاطہ عدالت سے ہی گرفتار کر لئے گئے،

پی ٹی آئی رہنماؤں اور کارکنان کیخلاف 9 مئی تھانہ رمنا پر حملہ کا کیس، جج طاہر عباس سپرا نے کیس کا فیصلہ سنا دیا، پی ٹی آئی ایم این اے عبدلطیف اور سابق ایم پی اے وزیر زادہ کیلاشی سمیت 11 ملزمان کو نو مئی کے مقدمہ میں سزا سنا دی گئی پولیس نے فیصلے کے بعد عدالت میں موجود چار ملزمان محمد اکرم ، میرا خان، شاہ زیب ، سہیل خان کو تحویل میں لے لیا عدالت نے غیر حاضر ملزمان کے وارنٹ گرفتاری جاری کر دیئےملزمان کو مجموعی طور پر 15 سال چار ماہ قید اور جرمانہ کی سزا سنائی گئی

وزیراعظم محمد شہباز شریف نے گلیشیئرز کے تحفظ کو پاکستان کے لئے انتہائی اہمیت کا حامل قرار دیتے ہوئے کہا ہے کہ پاکستان میں پانی کا دارومدار گلیشیئرز پر ہے، ماحولیاتی تبدیلیو ں کے اثرات کے نتیجہ میں پاکستان کے گلیشیئرز تیزی سے پگھل رہے ہیں، ترقی یافتہ ممالک ماحولیاتی تبدیلیوں کے چیلنجز سے نمٹنے کے لئے اپنی ذمہ داریاں پوری کریں، پاکستان اپنے حصے کے پانی پر کوئی سمجھوتہ کرے گا نہ ہی بھارت کو ریڈ لائن کراس کرنے دے گا۔

ان خیالات کا اظہار انہوں نے جمعہ کو تاجکستان کے دارالحکومت دوشنبے میں گلیشیئرز کے تحفظ سے متعلق بین الاقوامی کانفرنس (آئی جی سی پی 2025) سے خطاب کرتے ہوئے کیا۔ وزیراعظم نے گلیشیئرز کے تحفظ اور چیلنجز پر جامع گفتگو پر تاجک صدر کو مبارکباد دی۔ انہوں نے کہا کہ پاکستان پولورینجز کے بعد دنیا کا سب سے بڑا گلیشیئرز والا علاقہ ہے، پاکستان میں 13 ہزار گلیشیئرز ہیں، گلیشیئرز کا تحفظ ہمارے لئے بہت اہم ہے۔ انہوں نے کہا کہ پاکستان کے پانی کا نصف حصہ گلیشیئرز سے حاصل ہوتا ہے، انڈس ریور سسٹم ہماری لائف لائن ہے اور ہماری تہذیب، ثقافت اور معیشت کا اس پر دارومدار ہے، پاکستان کے 5 بڑے دریاؤں کا پانی گلیشیئرز کا مرہون منت ہے، ماحولیاتی تبدیلیوں کے اثرات کے نتیجے میں پاکستان کے گلیشیئرز تیزی سے پگھل رہے ہیں،ب2022ء میں ماحولیاتی تبدیلیوں کی وجہ سے سیلاب اور طوفانی بارشوں کا سامنا کرنا پڑا، ملک بھر میں لاکھوں ایکڑ پر کھڑی فصلیں تباہ، ہزاروں گھر ملیا میٹ ہوطگئے اور انفراسٹرکچر کو شدید نقصان پہنچا۔

وزیراعظم نے کہا کہ پاکستان کا فضا میں زہریلی گیسوں کے اخراج میں حصہ نصف فیصد سے بھی کم ہے لیکن پاکستان دنیا کے ان 10 ملکوں میں شامل ہے جو ماحولیاتی تبدیلیوں سے سب سے زیادہ متاثر ہیں۔ وزیراعظم نے کہا کہ ماحولیاتی تبدیلیوں کے باعث ایکو سسٹم بھی متاثر ہو رہا ہے، ترقی یافتہ ملک ماحولیاتی تبدیلیوں کے چیلنجز سے نمٹنے کے لئے اپنی ذمہ داریاں پور ی کریں،اس سلسلے میں فوری اورعملی اقدامات ناگزیر ہیں ،ترقی یافتہ ممالک ترقی پذیرملکوں میں ارلی وارننگ سسٹم اور ڈیزاسٹر منیجمنٹ میں سرمایہ کاری بڑھائیں کیونکہ مستقبل میں بھی ماحولیاتی تبدیلیوں کے باعث بڑی تباہی کا خطرہ موجود ہے۔وزیراعظم نے کہا کہ عالمی برادری اس ضمن میں اپنی ذمہ داریوں کا ادراک کرے اور اپنے وعدوں پر فوری عملدرآمد کرے۔ وزیراعظم نے کہا کہ پانی کوہتھیار کے طور پر بھی استعمال کیا جارہا ہے۔بھارت کا سندھ طاس معاہدے کو اپنے تنگ نظر سیاسی مفادات کے لئے یک طرفہ طور پر معطل کرنے کا فیصلہ قابل مذمت ہے۔ انہوں نے اعلان کیا کہ پاکستان اپنے حصے کے پانی پر کوئی سمجھوتہ نہیں کرے گا اوربھارت کو ریڈ لائن کراس نہیں کرنے دیگا۔وزیراعظم نے کہا کہ گلیشیئرز کا تحفظ ہر صورت یقینی بنانا ہوگا۔

نیب نے بحریہ ٹاؤن کے بانی اور چیئرمین ملک ریاض کی 6 جائیدادیں 12 جون کو نیلام کرنے کا اعلان کر دیا، بحریہ ٹاؤن کارپوریٹ آفس، روبائش مارکی، سفاری کلب، ارینا سینما کو نیلام کیا جائے گا

نیب کے مطابق یہ نیلامی 12 جون کو نیب راولپنڈی کے دفتر میں منعقد کی جائے گی۔ یہ کارروائی اس پلی بارگین (معافی معاہدے) کی رقم کی وصولی کے لیے کی جا رہی ہے جو تاحال ادا نہیں کی گئی،نیلامی کے لیے رکھی گئی جائیدادوں میں پانچ راولپنڈی اور ایک اسلام آباد میں واقع ہیں۔ ان میں بحریہ ٹاؤن کے دو کارپوریٹ دفاتر شامل ہیں، ایک پارک روڈ، فیز 11، پارٹ نمبر 7E، راولپنڈی پر واقع ہے اور دوسرا پلاٹ نمبر 70، پارک روڈ، فیز 1، راولپنڈی میں واقع ہے،دیگر جائیدادوں میں بحریہ ٹاؤن فیز 4، راولپنڈی کے پلاٹ نمبر A-984 پر واقع ارینا سنیما، اور سفاری ولاز II، راولپنڈی کے جیسمین اور سلور آکس روڈ پر واقع بحریہ ٹاؤن انٹرنیشنل اکیڈمی (اسکول عمارت) شامل ہیں،اس کے علاوہ، نیب سفاری ولاز-I، راولپنڈی کے پلاٹ نمبر 27 پر واقع سفاری کلب اور بحریہ گارڈن سٹی گالف کورس، اسلام آباد کے ساتھ واقعہ پلاٹس کے بلاکس بھی نیلام کرے گا۔

اسلام آباد ، سپریم کورٹ میں ججز ٹرانسفر کیس کی سماعت16 جون تک ملتوی کر دی گئی

جسٹس محمد علی مظہر کی سربراہی میں 5رکنی آئینی بینچ نے کیس کی سماعت کی، وکیل صلاح الدین جواب الجواب دلائل جاری رکھیں گے ،وکیل صلاح الدین نے عدالت میں کہا کہ جج کے تبادلہ سے سیٹ خالی نہیں ہو سکتی،جج کے مستقل ٹرانسفر سے آرٹیکل 175اے غیر موثر ہو جائیگا، ماضی میں کسی جج کی ایک سے دوسری ہائیکورٹ میں مستقل ٹرانسفر کی کوئی مثال نہیں ،جسٹس محمد علی مظہر نے کہا کہ موجودہ ججز ٹرانسفرز کیس اپنی نوعیت کا پہلا مقدمہ ہے،وکیل صلاح الدین نے کہا کہ آرٹیکل 200 کے تحت صرف عبوری ٹرانسفر ہو سکتا ہے، مستقل تقرری صرف جوڈیشل کمیشن کر سکتا ہے،جسٹس محمد علی مظہر نے کہا کہ آرٹیکل 175 اے کے تحت نئی تقرری ہو سکتی ہے،نئی تقرری اور تبادلہ کے معنی الگ الگ ہیں ،وکیل صلاح الدین نے کہا کہ جج ٹرانسفر کیلئے با معنی مشاورت ہونی چاہیے، با معنی مشاورت کے بغیر تبادلہ کا سارا عمل محض دکھاوا ہے ،یہاں معلومات کو چھپایا گیا اور غلط معلومات دی گئی،

جسٹس محمد علی مظہر نے کہا کہ عدالت کے سامنے آئینی و قانونی نقطہ کی تشریح کا معاملہ ہے،ہر چیز ایگزیکٹو کے ہاتھ میں نہیں تھی،تبادلے پر جج سے رضامندی بھی لی جاتی ہے،،وکیل نے کہا کہ اسلام آباد ایکٹ سیکشن تھری میں تقرری کی بات ہے ٹرانسفر کا ذکر تک نہیں، جوڈیشل کمیشن رول 6میں "ریجن” لفظ ہے،جسٹس نعیم اختر نے اٹارنی جنرل سے سوال کیا تھا جس کا جواب نہیں دیا ، اٹارنی جنرل نے کہا کہ سوال تھا کہ معاملہ جوڈیشل کمیشن کے ایجنڈے میں شامل تھا یا نہیں، جوڈیشل کمیشن کے میٹنگ منٹس آپکے پاس موجود ہیں وہ دیکھ لیں، وکیل صلاح الدین نے کہا کہ میرے پاس میٹنگ مینٹس کا خزانہ نہیں ہے، جسٹس نعیم اختر افغان نے کہا کہ میٹنگ منٹس کے حوالے سے کچھ سوالات آخر میں آپ سے پوچھیں گے،

جسٹس محمد علی مظہر نے کہا کہ یہ فرسٹ ایمپریشن کا کیس ہے ہمیں مستقبل کیلئے اس کیس کا فیصلہ کرنا ہے، بیرسٹر صلاح الدین نے کہا کہ پہلے راؤنڈ میں بھی یہ باتیں کی کہ جوڈیشل کمیشن نے کنسیڈر نہیں کیا،جسٹس صلاح الدین نے کہا کہ اگر 16 جون کو کیس پر سماعت مکمل ہوئی تو مشاورت کے بعد شارٹ آرڈر دے دیں گے،وکیل صلاح الدین نے استدعا کی کہ کل تک کیس کی سماعت کر دیں، جسٹس نعیم اختر افغان نے کہا کہ کل بینچ میں موجود کچھ ججز دستیاب نہیں ہیں،وکیل صلاح الدین نے کہا کہ آج دن ایک بجے کے بعد سماعت دوبارہ رکھ لی جائے، جسٹس محمد علی مظہر نے کہا کہ آج سماعت مکمل نہیں ہو پائے گی،

یومِ تکبیر: پاکستانی قوم کی غیر متزلزل خودداری کی علامت

پاکستان کا ایٹم طاقت بننا دفاعی خود مختاری اور خطے میں طاقت کا توازن برقرار رکھنے کا ضامن ہے،یومِ تکبیر اس عزم کی یاد دلاتا ہے جب پوری قوم نے دشمن کے ایٹمی تجربات کے جواب میں متحد ہو کر اپنی سالمیت کا تحفظ کیا،پاکستان پہلا مسلم ایٹمی ملک ہے جو امت مسلمہ کے لیے خود انحصاری کی علامت ہے ،پاکستان کا جوہری پروگرام دفاع اور امن کے تحفظ کے لیے ہے ،بھارتی جارحیت کے خلاف پاکستان کی ایٹمی صلاحیت علاقائی امن اور استحکام کی ضمانت ہے ،پاکستان کی ذمہ دار جوہری قیادت خطے میں امن و استحکام کی مظہر ہے

بھارت میں بڑھتی انتہاپسندی کے باوجود پاکستان ایک محتاط اور ذمہ دار ایٹمی ریاست ہے،آج پاکستان کو ایٹمی قوت بنے 27 سال ہو چکے ہیں جو اس بات کی واضح علامت ہے کہ ہمارا ملک ایک پرامن باوقار اور ذمہ دار ریاست ہے

پاکستان کو ایٹمی طاقت بنے 27 سال مکمل ہو گئے ،آج پاکستان بھرمیں ’’یوم تکبیر‘‘ قومی جذبے سے منایا جا رہا ہے،28مئی1998کو پاکستان نے بھارت کے5 ایٹمی دھماکوں کے جواب میں 6 ایٹمی دھماکے کرکے ملک کے دفاع کو ناقابلِ تسخیر بنا دیا،آج پوری قوم کا سر فخر سے بُلند ہے اور پہلی اسلامی ایٹمی طاقت پاکستان کا ایٹمی پروگرام محفوظ ہاتھوں میں ہے ،ایٹمی تجربات کے مقام پر پاکستانی سائنسدانوں نے اللہ تعالیٰ کا شکر ادا کرتے ہوئے نعرہ تکبیر اللہ اکبر بلند کیا،ایٹمی تجربات نے ثابت کیا کہ پاکستان اپنی خودمختاری پر کبھی سمجھوتہ نہیں کرے گا، یوم تکبیر پاکستان کے دشمنوں کے لیے واضح پیغام ہے کہ پاکستان کیخلاف جارحیت کا مظاہرہ کرنے والوں کا انجام عبرتناک ہوگا’،آج پاکستان 1998ء کے مقابلے میں زیادہ مضبوط اور مستحکم ہے،آج پاک فوج اور جمہوری قیادت ایک پلیٹ فارم پر متحد ہیں اور رہیں گے،1998 سے اب تک پاکستان ابدالی، غوری، شاہین ، بابر، غزنوی ، ابابیل ، فتح ، رعد، براق اور دیگر جدید بیلسٹک، کروز میزائلز اور ڈرونز کے کامیاب تجربات کر کے دفاع کو ناقابلِ تسخیر بنا چکا ہے،پاکستان جنوبی ایشیا میں امن و استحکام کے ماحول کو فروغ دینے کے لیے پرعزم ہے