Category: اہم خبریں

خضدار میں سکول بس پر بھارتی سپانسرڈ دہشتگردوں کا حملہ،میدان جنگ میں بری طرح ناکام ہونے کے بعد بھارت گھناؤنی اور بزدلانہ کارروائیوں پر اتر آیا،

سیکیورٹی ذرائع کے مطابق خضدار میں اسکول جانے والے معصوم بچوں کی بس کو نشانہ بنایا گیا،معرکہ حق میں عبرت ناک شکست کے بعد اس بزدلانہ اور بھیانک حملے کی ہدایات بھارت نے دیں، اس بزدلانہ اور بھیانک حملے کی منصوبہ بندی بھارت میں کی گئی جسے بلوچستان میں پراکسیوں نے منطقی انجام تک پہنچایا،اس حملے میں شہید ہونے والی طالبات میں چھٹی جماعت کی ثانیہ سومرو، ساتویں جماعت کی حفظہ کوثر اور دسویں جماعت کی عیشا سلیم شامل ہیں، اس حملے میں متعدد بچے بھی زخمی ہیں جنہیں فوری طور پر ہسپتال منتقل کر دیا گیا ہے ، پاکستان میں دہشت گردی کے تمام واقعات کے پیچھے بھارت کا مسخ شدہ چہرہ ہے،

جنرل ہیڈ کوارٹرز (جی ایچ کیو) راولپنڈی میں ایک پُروقار اور باوقار تقریب کا انعقاد کیا گیا، جس میں فیلڈ مارشل سید عاصم منیر، نشانِ امتیاز (ملٹری) کے اعزاز میں خصوصی گارڈ آف آنر پیش کیا گیا۔

یہ تقریب یادگارِ شہداء پر منعقد ہوئی جہاں فیلڈ مارشل سید عاصم منیر نے وطن کے لیے جانوں کا نذرانہ پیش کرنے والے شہداء کو خراجِ عقیدت پیش کیا۔ انہوں نے یادگارِ شہداء پر پھولوں کی چادر چڑھائی اور شہداء کے درجات کی بلندی کے لیے فاتحہ خوانی کی۔اس موقع پر فیلڈ مارشل سید عاصم منیر نے اپنے اعزاز کو پوری قوم، پاک افواج اور قانون نافذ کرنے والے اداروں کے شہداء و غازیوں کے نام منسوب کرتے ہوئے کہا "یہ اعزاز پوری پاکستانی قوم اور پاکستان کی مسلح افواج کے اُن بہادر مرد و خواتین کو خراجِ عقیدت ہے، جنہوں نے وطن عزیز کے دفاع کے لیے اپنی جانوں کا نذرانہ پیش کیا۔ خاص طور پر ان شہداء کو، جنہوں نے بھارتی جارحیت، بزدلی اور غیرقانونی اقدامات کے خلاف ایک ’سیسہ پلائی ہوئی دیوار‘ بن کر اپنے خون سے سرزمینِ پاکستان کا دفاع کیا۔”

فیلڈ مارشل سید عاصم منیر کا کہنا تھا کہ یہ لمحہ اُن تمام غازیوں اور شہداء کی قربانیوں کو یاد کرنے اور اُنہیں سلامِ عقیدت پیش کرنے کا ہے جنہوں نے پاکستان کے دفاع، سلامتی اور بقاء کے لیے اپنی زندگیاں وقف کر دیں۔

یادگارِ شہداء پر ہونے والی یہ تقریب افواجِ پاکستان کے وقار، شہداء کی لازوال قربانیوں اور قومی اتحاد کی ایک عظیم مثال بنی۔ اس موقع پر اعلیٰ فوجی افسران، شہداء کے لواحقین، اور مختلف شعبہ ہائے زندگی سے تعلق رکھنے والی ممتاز شخصیات نے شرکت کی۔

ملک ریاض ایف بی آر کے گھیرے میں آ گئےوفاقی دارالحکومت اسلام آباد میں ٹیکس نادہندگان کے خلاف جاری مہم کے سلسلے میں فیڈرل بورڈ آف ریونیو (ایف بی آر) نے ایک بڑی پیش رفت کرتے ہوئے اربوں روپے کے ٹیکس نادہندہ کی جائیداد نیلامی کے لیے پیش کر دی ہے۔

ایف بی آر کی جانب سے جاری کردہ سرکاری اعلامیے کے مطابق انکم ٹیکس آرڈیننس 2001 کی شق 138(2)(a) اور انکم ٹیکس رولز 2002 کے رول 162 کے تحت ٹیکس نادہندہ کی درج ذیل غیر منقولہ جائیداد عوامی نیلامی کے ذریعے فروخت کی جائے گی:

ایف بی آر کی جانب سے کہا گیا ہے کہ مال آف اسلام آباد، جناح ایونیو، بلاک J، ایف 7/1، بلیو ایریا، اسلام آباد
ٹیکس کی واجب الادا رقم، 26,466,222,636 روپے (چھببیس ارب چھیاسٹھ کروڑ بائیس لاکھ چھببیس ہزار چھ سو چھتیس روپے) ہے،جو ادا نہیں کی گئی اس وجہ سے مال آف اسلام آباد کو نیلام کیا جائے گا،نیلامی لارچ ٹیکس پیئرز آفس پلاٹ نمبر 20، موو ایریا، جی 9/1، اسلام آبادمیں کی جائےگی

ایف بی آر حکام کے مطابق یہ نیلامی ایک مثال کے طور پر کی جا رہی ہے تاکہ دیگر ٹیکس نادہندگان کو خبردار کیا جا سکے کہ قانون سے بچنا ممکن نہیں۔ حکام نے بتایا کہ اس اقدام کا مقصد ریاست کی رٹ کو قائم کرنا اور قومی خزانے کو نقصان پہنچانے والوں کے خلاف بلا تفریق کارروائی کو یقینی بنانا ہے۔

معرکہ حق، بھارت کیساتھ تنازع، پاک چین تعلقات پر ڈی جی آئی ایس پی آر نے گفتگو کی ہے.

ڈائریکٹر جنرل آئی ایس پی آر نے چائنا میڈیا گروپ کو خصوصی انٹرویو دیا ہے،انٹرویو میں ڈی جی آئی ایس پی آر نے بھارت کیساتھ کشیدگی، پاک چین تعلقات اور خطے کی صورتحال پر اپنا موقف پیش کیا،ڈی جی آئی ایس پی آر لیفٹیننٹ جنرل احمد شریف چوہدری نے چائنا میڈیا گروپ کے ہر سوال کا مفصل اور حقائق پر مبنی جواب دیا

ڈی جی آئی ایس پی آر لیفٹیننٹ جنرل احمد شریف چوہدری کا کہنا تھا کہ ’پاکستان کیلئے سب اہم چیز اس کا حل اور اس کی طاقت ہے،ہم اللہ کے بعد سب سے زیادہ اپنے آپ پر انحصار کرتے ہیں‘‘جب ہمارا عزم مضبوط ہوگا جو ہم نے دکھایا بھی تو پھر بین الاقوامی کمیونٹی بھی اپنا کردار ادا کرتی ہے،دنیا کے جتنے بھی ممالک ہیں سب کو اس وقت بڑے چیلنجز کا سامنا ہے، جو بڑے ممالک ہیں ان کا ویژن بھی بڑا ہے، لوگ انسانیت کی ترقی کی جانب دیکھ رہے ہیں،اس دنیا کو موسمیاتی تبدیلی کے مسائل ہیں، بڑھتی آباد کے مسائل ہیں یعنی بہت سارے مسائل سے دنیا نبردآزما ہے،کیا ایسے میں ایک ملک دوسرے ملک پر بلاجواز، جھوٹے بیانیے اور بغیر ثبوت کے چڑھ دوڑے، پڑوسی ممالک کے اوپر اپنی اجارہ داری مسلط کرنے کی کوشش کرے،پاکستان کی قوم تو نہ پہلے جھکی تھی اور نہ ہم اب جھکیں گے، میں پہلے بھی کہتا رہا ہوں اور اب بھی کہتا ہوں کہ ہمیں شہادت کی آرزو زندگی سے زیادہ ہے، چاہے کسی نے نیلی، سفید یا خاکی وردی پہن رکھی ہے شہادت ہمارے لئے اعزاز ہے،

ڈی جی آئی ایس پی آرکا مزید کہنا تھا کہ پاکستان اور چین دنیا میں دو ذمہ دار ملک ہیں، پاکستان اور چین دونوں کی پہلی ترجیح لوگوں کی فلاح و بہبود ہے،لوگوں کی خوشحالی ہمیشہ امن و استحکام سے آتی ہے،پاکستان اور چین دونوں کی خطے میں امن و استحکام کیلئے کوشاں ہیں، اس کیلئے ہم دہشتگردی کی لعنت سے لڑ رہے ہیں، دہشتگردی کا مقصد ہی ترقی کو روکنا ہے، چین نے انتہائی کم عرصے میں اتنی بڑی آبادی کے ساتھ جو ترقی کی ہے اسے دنیا کو دیکھنا چاہئے، پاکستان کے عوام بھی یہی چاہتے ہیں کہ ہم ترقی اور استحکام کی جانب جائیں،ہماری پہلی ترجیح امن ہے، آج پاکستان کی گلیوں میں دیکھیں تو آپ کو فتح نہیں امن کی خوشی مناتے لوگ نظر آئینگے،پاکستان کے لوگوں میں آپ کو انسانیت نظر آئے گی، ہم عاجزی کرتے ہوئے اللہ کا شکر ادا کرتے ہیں،ہم اللہ تعالیٰ کے حضور سجدہ شکر ادا کرتے ہیں کیونکہ ہم امن پسند ہیں،پاکستان کی جو آہنی دیوار جس میں عوام، مسلح افواج اور تمام شعبے شامل ہیں کو دہشتگردی کے ناسور کی جانب موڑنا ہے، آپ دیکھیں گے کہ ملک کیسے دوڑتا ہوا ترقی کی منازل طے کرے گا۔۔انشاء اللہ،