Category: اہم خبریں

سیکیورٹی فورسز نے بلوچستان کے ضلع آواران کے علاقے گِشکور میں خفیہ اطلاعات کی بنیاد پر ایک کامیاب آپریشن کیا جس میں دہشت گردوں کے خلاف بڑی کارروائی کی گئی۔مسلح افواج کے شعبہ تعلقات عامہ (آئی ایس پی آر) کے مطابق، تربت کے ضلع کیچ میں بھی سیکیورٹی فورسز نے دہشت گردوں کے خلاف ایک مؤثر کارروائی کی، جس کے نتیجے میں 2 دہشت گرد مارے گئے۔

آئی ایس پی آر کی جانب سے جاری ہونے والے بیان کے مطابق، ہلاک ہونے والے دہشت گردوں میں دہشت گرد گروہ کا سرغنہ صبر اللہ اور اس کے ساتھی امجد عرف بچو شامل ہیں۔یہ دہشت گرد متعدد دہشت گردی کی کارروائیوں میں ملوث تھے اور وہ قانون نافذ کرنے والے اداروں کے خلاف حملوں میں شامل تھے۔ اس کے علاوہ، ان دہشت گردوں کا ہاتھ بے گناہ شہریوں کی ٹارگٹ کلنگ میں بھی تھا، جو علاقے میں خوف و ہراس پھیلانے کی کوشش کر رہے تھے۔ علاقے میں دہشت گردوں کے خاتمے کے لیے کلیئرنس آپریشن جاری ہے تاکہ علاقے کو مکمل طور پر دہشت گردوں سے پاک کیا جا سکے۔ سیکیورٹی فورسز کی جانب سے یہ اقدامات دہشت گردوں کے خلاف بلوچستان میں امن و سکون کی بحالی کی کوششوں کا حصہ ہیں۔

وزیر اعظم محمد شہباز شریف نے بلوچستان کے ضلعوں کیچ اور اواران میں بھاری حمایت یافتہ دہشتگرد تنظیم بلوچستان لبریشن فرنٹ کے 3 دہشتگردوں کو ہلاک اور 2 کو زخمی کر کے گفتار کرنے پر سیکیورٹی فورسز کو خراج تحسین پیش کیا،وزیراعظم نے سیکیورٹی فورسز کی پیشہ ورانہ مہارت اور بھارتی ایجنڈے کے خلاف بروقت کارروائی کی پزیرائی کی،وزیراعظم کا کہنا تھا کہ بلوچستان میں معصوم اور نہتے شہریوں کی جان و مال کو دہشتگردی کے ذریعے خطرے میں ڈالنے کی بھارتی سازش بے نقاب ہو چکی ہے،ہم بھارت کے پاکستان میں امن و امان کو نقصان پہنچانے کے مذموم عزائم کو خاک میں ملا دیں گے،حکومت اور سیکیورٹی فورسز ملک سے دہشتگردی کے مکمل خاتمے کے لیے پر عزم ہیں،

پہلگام حملہ بھارت کا فالس فلیگ ڈرامہ، پاکستان پر جارحیت اور آپریشن "بُنیانُ مرصوص” کی مکمل تفصیل،پاکستان نے دنیا کو آگاہ کرنے لئے ڈوزیئر تیار کر لیا، بھارت نے صرف 10 منٹ میں پاکستان کو ذمہ دار ٹھہرا دیا، کوئی تحقیقات نہیں،

22 اپریل 2025 کو بھارتی زیر تسلط جموں و کشمیر کے سیاحتی علاقے پہلگام میں ایک مبینہ حملے کے بعد پیدا ہونے والی صورتِ حال نے خطے کے امن کو شدید خطرات سے دوچار کر دیا ہے۔ بھارت نے صرف 10 منٹ کے اندر پاکستان پر حملے کا الزام عائد کر دیا، بغیر کسی ثبوت یا تفتیش کے۔ پاکستان نے مشترکہ تحقیقاتی ٹیم کی پیشکش کی جسے بھارت نے مسترد کر دیا۔

پہلگام، جو پاکستان کی سرحد سے 200 کلومیٹر دور ہے، وہاں پیش آئے واقعے کو عالمی مبصرین نے "مشتبہ اور سوچی سمجھی کارروائی” قرار دیا ہے۔ بھارتی میڈیا نے بلا تحقیق پاکستان پر الزامات عائد کر دیے، جبکہ بھارتی حکومت نے فوری طور پر ایف آئی آر درج کی۔

پہلگام واقعے کے محض چند گھنٹوں بعد، بھارت نے پاکستان کے مختلف شہروں اور آزاد کشمیر پر میزائل اور ڈرون حملے کیے۔ ان حملوں میں مریدکے میں جامع مسجد کو نشانہ بنایا گیا، درجنوں شہری شہید،بہاولپور میں خواتین و بچوں سمیت کئی افراد شہید ہوئے۔مظفرآباد میں مسجد پر حملے سے بے گناہ شہری جان بحق،مزید برآں، بھارتی فوج کی جانب سے 100 سے زائد ڈرونز نے پاکستانی فضائی حدود کی خلاف ورزی کی۔

پاکستان کا مؤقف: جنگی جنون کے بجائے انصاف و تحقیقات کی دعوت
پاکستان نے بھارتی الزامات کو بے بنیاد قرار دیتے ہوئے مطالبہ کیا کہ غیر جانبدار عالمی تحقیقات کرائی جائے۔
بھارت شواہد پیش کرے یا بے بنیاد الزامات سے گریز کرے۔سفارتی ذرائع سے مسئلہ حل کیا جائے۔پاکستان نے اقوامِ متحدہ، او آئی سی اور دیگر عالمی اداروں کو بھی فالس فلیگ شواہد کے ساتھ ڈوزیئر جمع کرایا۔

بھارتی میڈیا کا کردار: فیک نیوز اور جنگی ہیجان
بھارتی میڈیا اور سوشل میڈیا پر پھیلائی گئی جعلی خبروں نے حالات کو مزید بگاڑ دیا۔جھوٹی تصاویر، پرانی ویڈیوز اور من گھڑت دعوے وائرل کیے گئے۔عالمی میڈیا نے ان دعوؤں کو "جھوٹ اور بے بنیاد” قرار دے دیا۔

پاکستان کا دفاعی ردعمل: آپریشن "بُنیانُ مرصوص” کا آغاز
بھارت کی جارحیت کے جواب میں پاکستان نے 10 مئی 2025 کو آئینی دفاعی حق کے تحت "آپریشن بُنیانُ مرصوص” کا آغاز کیا، جس میں
کلیدی اہداف:
5 بھارتی لڑاکا طیارے تباہ (Rafale، MiG-29، SU-30)
84 بھارتی ڈرونز مار گرائے گئے
S-400 دفاعی نظام، بریہموس میزائل گودام، فوجی ہیڈکوارٹرز تباہ کیے گئے
صرف فوجی تنصیبات کو نشانہ بنایا گیا، شہری علاقوں سے مکمل اجتناب کیا گیا

جدید ہتھیاروں کا استعمال:
فضا سے فضا میں مار کرنے والے Fatah F1, F2 میزائل
PAF کی گائیڈڈ بمباری
لانگ رینج ڈرونز اور توپ خانہ

پاکستان کا پیغام: امن ہماری ترجیح، مگر جارحیت کا منہ توڑ جواب دیا جائے گا
پاکستان کی سیاسی و عسکری قیادت نے واضح کیا کہ "ہم امن کے خواہاں ہیں، مگر کسی بھی جارحیت کو برداشت نہیں کیا جائے گا۔ ہم نے بین الاقوامی قوانین کے مطابق کارروائی کی اور صرف حملہ آور تنصیبات کو نشانہ بنایا۔”

تاریخی پس منظر: بھارت کا جھوٹ پر مبنی ماضی
تاریخ گواہ ہے کہ بھارت نے متعدد بار فالس فلیگ آپریشنز سے عوامی ہمدردی حاصل کی،سیاسی فائدہ لیا،پاکستان کو عالمی سطح پر بدنام کرنے کی کوشش کی،نمایاں مثالیں
سمجھوتہ ایکسپریس بم دھماکہ (2007)
ممبئی حملے (2008)
پلوامہ حملہ (2019) — جسے سابق بھارتی گورنر نے "داخلی سیاسی سازش” قرار دیا تھا۔

بھارت نے ایک بار پھر انتخابات اور سفارتی وقت کے قریب حملہ کر کے اپنے سیاسی عزائم کو آشکار کیا ہے۔ پاکستان نے نہ صرف کامیاب دفاع کیا بلکہ عالمی سطح پر ثابت قدمی، ذمہ داری اور قانونی برتری بھی قائم رکھی۔

Dossier – Final (18 May 2025)-1

آپریشن بنیان مرصوص کی اہمیت کو کم کرنے کیلئے بھارت کا بڑا منصوبہ بے نقاب ہو گیا

پاکستانی مسلح افواج کے ہاتھوں آپریشن بنیان مرصوص میں ہزیمت اٹھانے کے بعد بھارتی سرکار اور مسلح افواج تاحال تڑپ رہی ہیں، بھارتی خفیہ ایجنسیوں نے آپریشن بنیان مرصوص کی اہمیت کو ختم کرنے کیلئے فتنہ الخوراج کے سابق ترجمان کی خدمات حاصل کرلیں، احسان اللہ احسان نے بھارتی اخبار دی سنڈے گارڈین میں ایک مضمون لکھا ہے جس میں بے بنیاد دعویٰ کیا گیا ہے کہ ’’پاکستان مقبوضہ کشمیر کے اندر مزید دو دہشتگردانہ حملوں کی منصوبہ بندی کر رہا ہے‘‘

بھارتی میڈیا میں اس طرح کی خبریں چلانے کا مقصد کامیاب آپریشن بنیان مرصوص کی اہمیت کو ختم کرنے کی ایک ناکام کوشش ہے، حقیقت میں بھارت ایک بار پھر مقبوضہ کشمیر میں پہلگام کے بعد مزید فالس فلیگ آپریشنز کی تیاری کر رہا ہے،احسان اللہ احسان جو فتنہ الخوراج کا ترجمان رہا ہے کا یہ مضمون بھارت کے مقبوضہ کشمیر میں فالس فلیگ آپریشن کی تیاری کی دراصل گواہی ہے، اخبار ‘سنڈے گارڈین’ ایک پروپیگنڈہ ٹول کے طور پر بھارتی ایجنسی سے منسلک ہے، بھارتی خفیہ ایجنسی ’’را‘‘ اس اخبار کو مالی معاونت فراہم کرتی ہیں ، مالی اعانت کے بعد یہ اخبار تحریکِ طالبان اور ان کے حامیوں کو میڈیا اور معلوماتی پلیٹ فارم مہیا کرنے کے لیے استعمال کرتے ہیں، اخبار کا مالک کارتیکیہ شرما، مودی کے قریبی ساتھی اور آر ایس ایس کے سخت گیرنظریات کا حامی ہے،

دی سنڈے گارڈین’ کے مرکزی لکھاری ابھینندن مشرا، احسان اللہ احسان کے فرار کی خبر دینے والے پہلے صحافی تھے، جو بھارتی اداروں کی اندرونی مداخلت کو ظاہر کرتا ہے، احسان اللہ احسان فتنہ الخوراج اور بھارتی خفیہ ایجنسی ’’را‘‘دونوں سے قریبی تعلق رکھتا اور ان کے درمیان رابطے کا کردار ادا کرتا ہے،بھارتی خفیہ ایجنسیاں احسان اللہ احسان کا نام استعمال کرتے ہوئے معمول کے مطابق مضامین لکھواتی ہیں، احسان اللہ احسان کے ممکنہ طور پر بھارت میں روپوش ہونے کی اطلاع بھارتی ایجنسیوں کے علم میں نہ آنا حیران کن ہے، رحقیقت، بھارتی ایجنسیاں احسان اللہ احسان کا نام استعمال کرتے ہوئے اپنی ہی جعلی خبریں پھیلا رہی ہیں،

دفاعی ماہرین کا کہنا ہے کہ احسان اللہ احسان کا مضمون ثابت کرتا ہے کہ بھارتی مقبوضہ کشمیر میں انسانیت سوز مظالم کے ساتھ ساتھ دہشتگردی بھی کر رہا ہے،احسان اللہ احسان کا مضمون اس بات کا ثبوت ہے کہ بھارت پاکستان کے ہاتھوں مار کھانے کے باوجود خطے کے امن کا دشمن بنا ہوا ہے، بھارتی ایجنسیاں بھرپور کوششوں کے باوجود دنیا کے سامنے اپنے سرپرست دہشت گرد گروہوں کی پشت پناہی سے انکار نہیں چھپا سکتیں،

ڈائریکٹر جنرل آئی ایس پی آر احمد شریف چوہدری نےترکیہ کی انادولو ایجنسی کو حالیہ صورتحال پر انٹرویو دیا ہے

ڈی جی آئی ایس پی آر احمد شریف کا واضح طور پر کہنا تھا کہ ’’پاکستان دنیا میں اس وقت سب سے زیادہ دہشتگردی کا شکار ملک ہے‘‘پاکستان میں جنوری 2024 سے اب تک 3700 سے زیادہ دہشت گردی کے واقعات ہو چکے ہیں، ان 17 ماہ سے بھی کم عرصے میں 3896 افراد جاں بحق ہوئے جن میں سے 1314 شہید ہیں، 2500 سے زیادہ اپنے اعضاء کھو چکے ہیں، ہمارے لاکھوں لوگ جان کی بازی ہار چکے ، اس ساری دہشت گردی کی سرپرستی اور حوصلہ افزائی بھارت کر رہا ہے، کشمیر میں یا بھارت میں جو کچھ بھی ہو رہا ہے وہ بھارتی جبر کی وجہ سے اندرونی مسئلہ ہے، کشمیر ایک بین الاقوامی تسلیم شدہ تنازعہ ہے،بھارت کشمیر کو حل کرنے کی کوشش نہیں کر رہا بلکہ وہ جبر سے اسے اندرونی مسئلہ بنانے کی کوشش کر رہا ہے،

ترجمان پاک فوج کا مزید کہنا تھا کہ ہم ایک امن پسند قوم ہیں، اگر بھارت نے ہمیں اکسایا یا حملہ کیا تو ہمارا ردعمل تیز اور وحشیانہ ہوگا، ، حقیقت یہ ہے کہ بھارت امریکہ نہیں، اور پاکستان افغانستان نہیں ہے،بھارت اسرائیل نہیں ہے اور پاکستان فلسطین نہیں ہے، پاکستان، بھارتی تسلط کے سامنے نہیں جھکے گا، بھارت جتنی جلدی یہ بات سمجھ جائے گا یہ علاقائی اور عالمی امن کیلئے اچھا ہوگا، بھارت پہلگام واقعہ میں پاکستان کو مورد الزام ٹھہرا کر کوئی بھی ثبوت دینے میں ناکام رہا، نئی دہلی حکومت ان واقعات کو دہشت گردی کے بہانے کے طور پر استعمال کر رہی ہے،جعفرایکسپریس پر حملہ کرنے والی بی ایل اے نے کھلے عام بھارت سے فوجی مدد کی درخواست کی تھی، نئی دہلی میں کچھ رہنماؤں، سیاست دانوں اور ریٹائرڈ جنرلوں نے بی ایل اے کی حمایت میں بیانات دیے تھے، حالیہ کشیدگی میں بھارت کے پانچ جنگی طیارے مار گرائے جن میں سے تین رافیل تھے، پوری دنیا جانتی ہے کہ پاکستان نے بھارتی طیارے مار گرائے لیکن نئی دہلی اسے ماننے کو تیار نہیں،

بھارت کی جانب سے “آپریشن سندور” کو عالمی سطح پر جواز فراہم کرنے کے لیے ایک سرکاری وفد جسے سکھس فار جسٹس نے "شیطانوں کا وفد” قرار دیا ہے – کو امریکہ بھیجے جانے کے بعد، انسانی حقوق کی عالمی تنظیم سکھس فار جسٹس نے بھارت کے اس بیانیے کا توڑ کرنے کے لیے "KILL Modi POLITICS” یعنی "مودی کی سیاست دفن کرو” کے نام سے بھرپور سیاسی مہم کا آغاز کر دیا ہے۔

اس مہم کا بنیادی مقصد نہ صرف پاکستان کے مؤقف کو اجاگر کرنا ہے بلکہ بھارت کے جھوٹے دعووں، دہشت گردی کے جعلی آپریشنز، ریاستی تشدد، اور بیرونِ ملک قتل جیسے اقدامات کو عالمی سطح پر بے نقاب کرنا ہے۔سکھ فار جسٹس نے بھارتی حکومت کے حوالہ سے کہا ہے کہ نئی دہلی نے جھوٹے الزامات کے ذریعے پاکستان کو دہشت گردی کا سرغنہ ثابت کرنے کی کوشش کی ہے، خصوصاً کشمیر کے تناظر میں۔ بھارت نے امریکہ کو گمراہ کرنے کے لیے ایک "جعلی جنگ” کی منصوبہ بندی کی، جس کا مقصد یہ تاثر دینا تھا کہ پاکستان کشمیر میں دہشت گردی کو ہوا دے رہا ہے۔ اس مہم کے تحت سکھس فار جسٹس امریکی محکمہ خارجہ اور کانگریس سے براہ راست رابطے میں ہے تاکہ دنیا کو بتایا جا سکے کہ "بھارت کی مودی سرکار نے پاکستان پر جھوٹے الزامات لگاتے ہوئے جنگ کا ماحول پیدا کیا۔”سکھ فار جسٹس نے امریکی عوام، میڈیا اور پالیسی سازوں سے مطالبہ کیا ہے کہ وہ بھارت کے وفد سے درج ذیل دو سوالات کے جوابات طلب کریں،پہلگام قتلِ عام میں پاکستان کے ملوث ہونے کا کیا ثبوت ہے؟ (نام، تعلقات، انٹیلی جنس رپورٹس یا کوئی قابلِ تصدیق شہادت؟)آپریشن سندور کے تحت بھارت نے مساجد اور جنم استھان ننکانہ صاحب جیسے مذہبی مقامات پر حملے کیوں کیے؟

سکھ فار جسٹس کے جنرل کونسل، گرپتونت سنگھ پنوں نے بھارتی وفد کو "شیطانوں کا وفد” قرار دیتے ہوئے کہا”یہ سب ایک منظم ڈس انفارمیشن مہم ہے تاکہ بھارت کی ریاستی جبر، جھوٹے دہشت گرد حملے اور پاکستان کو بغیر ثبوت کے موردِ الزام ٹھہرانے کی پالیسی کو سفید جھوٹ سے چھپایا جا سکے۔”گرپتونت سنگھ پنوں نے بھارت کے سابق سفیر ترنجیت سنگھ سندھو کو مخاطب کرتے ہوئے کہا "ترنجیت، اب تم سفیر نہیں بلکہ ایک ملزم ہو۔”سکھس فار جسٹس نے اعلان کیا ہے کہ وہ امریکہ میں ترنجیت سندھو کے خلاف قانونی کارروائی کے لیے $10,000 (دس ہزار ڈالر) انعام دے رہا ہے، جو بھی ایسی مصدقہ معلومات فراہم کرے گا جس سے سندھو کے خلاف عدالت میں کیس دائر کیا جا سکے۔ پنوں کے مطابق سندھو نے بھارت کے خفیہ ایجنٹ (RAW) کی امریکہ میں ایک قتل کی سازش کے لیے سہولت کاری کی۔