Category: اہم خبریں

ملتان,پاکستان سے چلنے والا عالمی سائبر کرائم نیٹ ورک پکڑ لیاگیا,

درجنوں ویب سائٹس بلاک,ڈی جی این سی سی آئی نے مزید کارروائی کے لیے ملتان کو ذمہ داری دی,این سی سی اے ملتان کے مطابق ٹیم نے 21 رکنی گروہ کے متعدد ارکان کو پکڑلیا,ملزمان امریکیوں اور غیر ملکیوں سے کروڑ ڈالر کے فراڈ میں ملوث ہیں،ملزمان نے لاھور اور ملتان میں میں نیٹ ورک بنارکھا تھا, لاہور میں گروہ کے چار گھروں پر چھاپے,بڑی مقدار میں ڈیجیٹل مواد برآمد کر لیا گیا،ملزمان کے قبضے سے موبائل فونز,لیپ ٹاپس اور ڈیٹا سٹوریج ڈیوائسز برآمد کیا گیا ہے، ,ملزمان کیخلاف پیکا اور تعزیراتِ پاکستان کی متعدد دفعات کے تحت مقدمہ درج کیا گیا ہے،

ایک ملزم ابوظہبی سے آتا جاتا رہا,سفر کی تفصیلات بھی حاصل کی گئی ہیں،کروڑوں روپے مالیت کی قیمتی گاڑیاں اور دیگر اثاثے ضبط کئے گئے ہیں، بیرون ملک سفر پر پابندی,تمام کے نام ایگزیٹ کنٹرول لسٹ میں شامل کر دیئے گئے ہیں، ,امریکن شہریوں اور مالیاتی اداروں کو لوٹنے والے نیٹ ورک سے منسلک گرفتار ملزمان کا سات روزہ جسمانی ریمانڈ حاصل کیا گیا ہے،امریکن اور دیگر ممالک کے شہریوں اور بینکوں کو لوٹنے استعمال ہونے والی تمام فشنگ ویب سائٹس کو ٹریک کرلیا گیا ہے ،گیمبلنگ اور گیمنگ کی آڑ میں فنانشل کرائم میں ملوث تمام ٹولز فرنزاک کے بعد قبضے میں لے لئے گئے ہیں.

نیویارک ٹائمز نے آپریشن بنیان مرصوص کو پاکستانی مسلح افواج کی بڑی کامیابی قرار دیدیا

دنیا کے دیگر میڈیا پلیٹ فارمز کی طرح نیویارک ٹائمز نے بھی آپریشن بنیان مرصوص کو پاکستانی مسلح افواج کی کامیابی قرار دیدیا،نیویارک ٹائمز میں شائع ایک مضمون کے مطابق’’پاکستان طویل عرصے سے سیاسی، اقتصادی اور سلامتی کے بحرانوں میں گھرا ہوا تھا‘‘بھارت کی جارحیت کیخلاف آپریشن بنیان مرصوص میں بڑی فتح نے یکا یک سب کچھ بدل کر رکھ دیا،بھارت کے ساتھ بڑی فوجی جھڑپ میں پاکستان کی کامیابی سے پاکستانی مسلح افواج کے وقار میں مزید اضافہ ہوا،پاکستانی مسلح افواج کی جیت پر ان کے حق میں ریلیاں بھی نکالیں گئیں، پاکستان اور بھارت کے درمیان حالیہ تنازعے نے عوامی جذبات میں تبدیلی کی لہر پیدا کی ہے،

اس حوالے سے پاکستانی شہریوں کا کہنا ہے کہ ’’ایسا محسوس ہوتا ہے کہ ہم نے کچھ جیت لیا ہے اب ہم ناکام ریاست نہیں ہیں‘‘ تمام منفی پروپیگنڈے کے باوجود پاکستان کی مسلح افواج نے اپنی طاقت اور اثر و رسوخ کو مزید مستحکم کیا ہے،

نیویارک ٹائمز کے مطابق بھارت نے پہلگام فالس فلیگ آپریشن کا الزام پاکستان پر عائد کرکے جارحیت کا آغاز کیا، پاکستان کی مسلح افواج کی جانب سے منہ توڑ جواب اور بڑی جنگ سے بچنے کیلئے پاکستان نے بھارتی سیز فائر کی پیشکش کو قبول کیا،پاک فضائیہ نے آپریشن بیان مرصو ص میں بھارتی لڑاکا طیاروں کو زمین بوس کرکے سب کو حیران کیا،آپریشن بنیان مرصوص کی کامیابی مسلح افواج بالخصوص جنرل سید عاصم منیر کی قیادت پر اعتماد کو بحال کرتی ہے،بھارتی جارحیت کے منہ توڑ جواب کے بعد جنرل سید عاصم منیر ’’قومی نجات دہندہ‘‘ کے طور پر ابھرے، اس قسم کی فتوحات فوج کی پیشہ ورانہ طاقت کو سیاسی اثر و رسوخ سے زیادہ تقویت دیتی ہیں،

دفاعی ماہرین کے مطابق نیویارک ٹائمز کا مضمون اس بات کا ثبوت ہے کہ پاکستان کی مسلح افواج نے پیشہ ورانہ انداز سے بھارتی جارحیت کا منہ توڑ جواب دیا، نیویارک ٹائمز کے اس مضمون سے یہ بھی ثابت ہوتا ہے کہ پاکستانی مسلح افواج نے جو کچھ کیا وہ اپنے دفاع کے طور پر کیا،نیویارک ٹائمز کے مطابق آپریشن بنیان مرصوص کی کامیابی کا سہرا اعلیٰ عسکری قیادت کے سر ہے،

معرکہ حق آپریشن بنیان مرصوص میں پاک افواج کی شاندار فتح اور اختتام پر آئی ایس پی آر کی جانب سے راحت فتح علی خان کی آواز میں ملی نغمہ جاری کر دیا گیا

لہو کو گرما دینا والا نغمہ حفاظت تیری ہم کریں گے وطن تیری زمین کی قسم تیرے آسمان کی قسم،نغمے کے بول پاکستان کا مطلب کیا لَا الٰہ الالٰہ محمدر رَسُول اللّٰہ ریاست طیبہ کی ترجمانی کرتے ہیں ۔ملی نغمہ کے دل مو لینے والے سُر ہر پاکستانی کی آواز ہیں ۔نغمہ کے بول دشمنوں کے دل پر ہیبت طاری کر دیتے ہیں ۔ نغمہ میں اس وطن کی حفاظت اپنی جانوں سے بھی بڑھ کر کرنے کا عزم کیا گیا ہے ۔ پاک وطن ہمیشہ اللّٰہ کی امان میں رہے اور اس سے وفاداری ہر فرد کے خون میں رہے ۔

https://x.com/PTVNewsOfficial/status/1923650014632464587

اسلام آباد ، پاکستان کی مسلح افواج کے ترجمان لیفٹیننٹ جنرل احمد شریف چوہدری کی حالیہ پریس کانفرنس سوشل میڈیا پر موضوعِ بحث بنی رہی، جس میں پاک فضائیہ، بحریہ اور بری فوج کے اعلیٰ افسران نے بھارت کو واضح اور مؤثر پیغام دیا۔

پریس کانفرنس میں پاک فضائیہ کی نمائندگی ائیر وائس مارشل اورنگزیب احمد نے کی، جبکہ وائس ایڈمرل راجہ رب نواز نے بحریہ کے آپریشنز پر روشنی ڈالی۔ ان تینوں افسران کی گفتگو اور اندازِ بیان نے سوشل میڈیا صارفین کو متاثر کیا، اور ان کے بیانات ٹاپ ٹرینڈز میں شامل ہو گئے۔ڈی جی آئی ایس پی آر لیفٹیننٹ جنرل احمد شریف چوہدری کے جملے "جواب ایسا ہوگا کہ بھارت یاد رکھے گا” جیسے فقرے وائرل ہو گئے۔ صارفین نے ان کے اعتماد بھرے انداز کو سراہا اور اسے پاکستان کی خودمختاری کے تحفظ کا عزم قرار دیا۔ائیر وائس مارشل اورنگزیب احمد کی جانب سے بھارت کے نقصانات کی تفصیل اور ائیر فورس کی حکمتِ عملی کو بھی خاصی پذیرائی ملی۔ ان کے بتائے گئے "اسکور” یعنی تباہ شدہ اہداف کی تعداد پر میمز اور تجزیے گردش کرتے رہے۔ادھر وائس ایڈمرل راجہ رب نواز کی متوازن اور مدلل گفتگو نے عوام کی توجہ حاصل کی، اور کئی صارفین نے انہیں "خاموش مگر کاری ضرب لگانے والا” قرار دیتے ہوئے سوشل میڈیا پروفائلز پر ان کی تصاویر اور بیانات کو اسٹیٹس بنایا۔

پریس کانفرنس کے دوران "آپریشن بُنیان مرصوص” کی تفصیلات بھی شیئر کی گئیں، جس نے بھارت کو سخت پیغام دیا۔ اس آپریشن کے دوران پاکستان نے بھارت کے اندر متعدد اہم عسکری اہداف کو نشانہ بنایا۔ ان میں ادھم پور، پٹھان کوٹ، سرسہ اور سورت گڑھ جیسے اہم ائیربیسز، براہموس میزائل اسٹوریج سائٹ، بھارتی بریگیڈ ہیڈکوارٹر (جی ٹاپ) اور اڑی میں سپلائی ڈپو شامل تھے۔

یاد رہے کہ 7 مئی کی رات بھارت نے پاکستان کی فضائی حدود کی خلاف ورزی کرتے ہوئے جارحانہ کارروائی کی کوشش کی۔ تاہم، پاک فضائیہ نے بروقت ردعمل دیتے ہوئے بھارت کے 6 جنگی طیارے مار گرائے۔ ان میں ایک جدید فرانسیسی ساختہ رافیل طیارہ بھی شامل تھا، جسے بھارت نے اپنی فضائی قوت کی ریڑھ کی ہڈی قرار دیا تھا۔

اس پریس کانفرنس کے بعد ملک بھر میں ایک نیا جذبہ اور اعتماد دیکھنے میں آیا ہے۔ سوشل میڈیا، الیکٹرانک میڈیا اور عوامی سطح پر مسلح افواج کی کارکردگی کو سراہا جا رہا ہے، اور اسے قومی سلامتی کے لیے ایک فیصلہ کن موڑ قرار دیا جا رہا ہے۔

معرکہ حق میں کامیابی پر یوم تشکر کے موقع پر وزیر اعظم شہباز شریف نے آرمی چیف جنرل سید عاصم منیر کے ہمراہ کمبائنڈ ملٹری اسپتال راولپنڈی کا دورہ کیا اور زخمی جوانوں اور شہریوں کی خیریت دریافت کی۔

وزیر اعظم شہباز شریف نے معرکہ حق اور آپریشن بنیان مرصوص میں زخمی جوانوں اور شہریوں کی خیریت دریافت کی اور زخمی جوانوں کی معرکہ حق کے دوران بے مثال بہادری، عزم اور فرض شناسی کو سراہا۔،اس موقع پر وزیر اعظم شہباز شریف کا کہنا تھا کہ جس طرح افواج پاکستان اور پوری قوم نے یہ جنگ لڑی، اس کی کہیں مثال نہیں ملتی، عوام کی ثابت قدمی ملک کی عسکری تاریخ کا ایک فیصلہ کن باب بن چکی ہے۔اس موقع پر وزیر اعظم شہباز شریف کے ہمراہ وزیر دفاع خواجہ آصف اور وزیر اطلاعات عطااللہ تارڑ بھی تھے۔

پاکستان کے نائب وزیر اعظم محمد اسحاق ڈار نے دفتر خارجہ میں برطانیہ کے وزیر خارجہ ڈیوڈ لیمی سے اہم ملاقات کی۔

دفتر خارجہ کے ترجمان کے مطابق، اس ملاقات میں پاکستان اور بھارت کے درمیان جنگ بندی سمیت مختلف علاقائی پیش رفت پر تفصیل سے تبادلہ خیال کیا گیا۔ملاقات کے دوران نائب وزیر اعظم محمد اسحاق ڈار نے کشیدگی میں کمی کے حوالے سے برطانیہ کے کردار کو سراہا اور کہا کہ برطانیہ نے اس معاملے میں جو مثبت اقدامات کیے ہیں، وہ قابل تحسین ہیں۔ ان کا کہنا تھا کہ برطانیہ کا کردار جنوبی ایشیا میں امن کی فضا قائم کرنے میں اہم ہے، اور اس طرح کے اقدامات دونوں ممالک کے درمیان تعلقات کو بہتر بنانے میں معاون ثابت ہو سکتے ہیں۔ملاقات کے دوران پاک-برطانیہ دو طرفہ تعلقات پر بھی بات چیت ہوئی۔ دونوں رہنماؤں نے معاشی اور تجارتی تعاون میں اضافے کی ضرورت پر زور دیا اور اس بات کا اعادہ کیا کہ دونوں ممالک اپنے اقتصادی روابط کو مزید مستحکم کریں گے۔ دونوں رہنماؤں نے باہمی دلچسپی کے امور پر مل کر کام کرنے کے عزم کا بھی اظہار کیا۔اس ملاقات کے دوران دونوں ممالک کے درمیان دو طرفہ تعلقات کی مزید تقویت کی ضرورت پر زور دیا گیا تاکہ دونوں ممالک کے درمیان تجارتی و اقتصادی تعلقات میں مزید اضافہ ہو سکے۔

معرکہ حق، آپریشن بنیان مرصوص میں افواج پاکستان کی شاندار کامیابی پر قوم آج ملی جوش و جذبے کے ساتھ یوم تشکر منا رہی ہے

دن کا آغاز مساجد میں استحکام پاکستان اور ترقی وخوشحالی کی خصوصی دعاؤں کے ساتھ کیا گیا،مقبوضہ کشمیر کی آزادی کیلئے بھی خصوصی دعاؤں کا اہتمام کیا گیا،نمازِ تشکر کی ادائیگی کے بعد افواج پاکستان کی کامیابی و کامرانی اور شہداء کے بلند درجات کیلئے قرآن خوانی کی گئی،مساجد میں علما، عوام اور پاک فوج کے جوانوں نے اس عہد کو دہرایا کہ دشمن کے ناپاک عزائم کو ہرگز کامیاب نہیں ہونے دیا جائے گا

معرکہ بنیان مرصوص، یوم تشکر کے موقع پر سکردو کے طلبہ نے افواجِ پاکستان کو شاندار خراجِ تحسین پیش کیا،اسوہ بوائز اسکول سکردو کے طلبہ نے افواجِ پاکستان کی شاندار فتح پر خوبصورت نغمے کی صورت میں زبردست خراجِ تحسین پیش کیا،نغمے کے بول ہیں "میرے وطن یہ عقیدتیں وطن پر قربان” طلباء نے پُرجوش نغمے کے ذریعے افواجِ پاکستان سے والہانہ عقیدت اور محبت کا اظہار کیا،پوری قوم افواج پاکستان کے شانہ بشانہ کھڑی ہے

شمالی وزیرستان کے قبائلی مشران کا "معرکہ حق – آپریشن بنیان مرصوص” میں فتح یابی پر خصوصی جرگے کا انعقادکیا گیا،شمالی وزیرستان، میرانشاہ کے غیور قبائلی مشران اور معززین کا پاک فوج کے ساتھ آپریشن بنیان مرصوص کی کامیابی پر خصوصی جرگے کا انعقاد کیا گیا ۔جرگے میں قبائلی مشران و عمائدین سمیت اعلیٰ سول و عسکری حکام نے شرکت کی ۔جنرل آفیسر کمانڈنگ میران شاہ ، میجر جنرل عادل افتخار نے بطور مہمان خصوصی شرکت کی ۔مہمان خصوصی نے "معرکہ حق – آپریشن بنیان مرصوص” میں ساتھ دینے پر غیور قبائلی عوام کا شکریہ ادا کیا ۔ پوری قوم نے اتحاد و یکجہتی کا مظاہرہ کرتے ہوئے دشمن کے عزائم کو ناکام بنایا ۔ شرکاء نے افواج پاکستان کی عظیم کامیابی پر اللہ تعالیٰ کا شکر ادا کیا ۔شرکاء نے افواج پاکستان کے تمام شہداء بشمول آپریشن بنیان مرصوص میں شہادت کا رتبہ پانے والوں کی قربانیوں کو زبردست خراجِ تحسین پیش کیا ۔ شرکاء نے وطن سے والہانہ عقیدت کا اظہار کرتے ہوئے کہا کہ وہ دشمن کی کسی بھی جارحیت کا منہ توڑ جواب دینے کے لیے تیار ہیں ۔ شرکاء نے دشمن کو متنبہ کیا کہ غیور قبائلی عوام اپنی درخشاں روایات کے مطابق مستقبل میں بھی افواج پاکستان کا ہمیشہ ساتھ دیں گے ۔شرکاء نے اس خوشی کے موقع پر پورے شمالی وزیرستان میں افواج پاکستان کی کامیابی پر جشن منایا اور خصوصی ریلیوں کا اعلان کیا.