Category: اہم خبریں

وزیراعظم محمد شہباز شریف نے یوم تشکر کے حوالے سے پیغام میں کہا ہے کہ آج ، بھارت کی کھلی جارحیت اور اشتعال انگیزی کے خلاف پاکستان کی شاندار کامیابی اور فتح پر اللہ تعالیٰ کا شکر بجا لانے کے لئے ملک بھر میں یوم تشکر منایا جا رہا ہے۔

وزیراعظم شہباز شریف کا کہنا تھا کہ 6 اور 7 مئی کی درمیانی شب بھارت نے بزدلی کا مظاہرہ کرتے ہوئے پاکستان پر حملہ کر دیا جس کے نتیجے میں معصوم اور بے گناہ پاکستانی شہری شہید ہوئے، اور ہمیں ان بے گناہ شہریوں کی خاطر جوابی کارروائی کرنے پر مجبور کردیا.دنیا نے دیکھا کہ کئی گنا بڑے دشمن کو گھٹنے ٹیکنے میں چند گھنٹے لگے، جو طیارے بھارت کا غرور تھے اب راکھ اور نشان عبرت بن چکے ہیں۔ہمارے شاہینوں نے دشمن پر کاری ضربیں لگائیں ، یہ ہمارا دندان شکن جواب تھا۔ پاکستان کی بہادر اور پیشہ وارانہ مسلح افواج نے دشمن کو اسی کی زبان میں مؤثر اور بھرپور جواب دے کر عسکری تاریخ کا سنہرا باب رقم کیا ہے اور دشمن کے عزائم کو ناکام بنایا ہے ۔ دشمن کے فوجی اڈے ، اسلحہ کے انبار اور ایئر بیسز دیکھتے ہی دیکھتے سب کھنڈرات بن گئے ۔ ان کے رافیل ہمارے شاہینوں کے نشانے پر آئے اور اللہ کے فضل سے ناکام ہو گئے ۔ ہماری یہ کارروائی اس بوسیدہ نظریہ کے خلاف تھی جو انسان دشمنی ، جارحیت ، مذہبی جنون اور تعصب پر قائم ہے ۔ یہ ہماری غیرت اور اصولوں کی فتح ہے۔ یہ افواج پاکستان کے ساتھ ساتھ خوددار، غیرت مند اور باوقار پاکستانی قوم کی کامیابی ہے۔ پوری قوم سیسہ پلائی دیوار کی طرح مسلح افواج کے شانہ بشانہ کھڑی ہے.

وزیراعظم شہباز شریف کا مزید کہنا تھا کہ میں پاک افواج کے ان تمام شہداء کو خراج عقیدت پیش کرتا ہوں جنہوں نے معرکہء حق کی تکمیل میں اپنی جانوں کا نذرانہ پیش کیا۔میں اس موقع پر اپنی اور قوم کی طرف سے جنرل سید عاصم منیر کا دل کی اتھاہ گہرائیوں سے شکریہ ادا کرتا ہوں کہ جن کی دانشمندانہ اور دلیرانہ قیادت میں یہ عظیم معرکہ سر ہوا ۔ میں اس کے ساتھ ساتھ چیف آف ایئر اسٹاف ظہیر بابر اور ان کے شاہینوں کو بڑی گرمجوشی سے شاباش دیتا ہوں جنہوں نے ہمارے سر فخر سے بلند کر دیئے ہیں ۔ میں پاک بحریہ کے سربراہ ایڈمرل نوید اشرف کو بھی خراج تحسین پیش کرتا ہوں جن کی قیادت میں پاکستان نیوی پاکستان کے سمندری پانیوں کی حفاظت کرتی رہی۔ میں تمام اتحادی اور اپوزیشن جماعتوں سمیت ملک بھر کی سیاسی قیادت اور پارلیمان کا دلی طور پر شکریہ ادا کرتا ہوں جنہوں نے بے مثال اتحاد اور تاریخی یگانگت کا مظاہرہ کیا

واضح رہے کہ حکومت نے معرکہ حق میں تاریخی فتح پر ملک بھرمیں آج 16مئی2025 کویو م تشکر منانے کا اعلان کیا تھا جس کے بعد آج ملک بھر میں یوم تشکر منایا جا رہا ہے، یوم تشکر پر پاکستانی عوام اور افواج پاکستان کو خراج تحسین پیش کیا جارہا ہے۔ یوم تشکر کے موقع پر دن کا آغاز مسجدوں میں قرآن خوانی اور خصوصی دعاؤں سے ہوا،وفاقی دارالحکومت میں31 اور صوبائی دارالحکومتوں میں21 توپوں کی سلامی دی گئی۔ ملک بھر میں یادگار شہدا پر پھول رکھے جائیں گے اور دعائیہ تقاریب منعقد ہوں گی۔

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ جب میں دفتر آیا تو پتہ چلا محمد آصف آئے ہیں، میں‌نے کہا میں نہیں جانتا،مجھے بتایا گیا تو پتہ چلا کہ محمد آصف تو ہمارے سپرسٹار ہیں،انہوں نے بیدیاں میں اپنی گن سے بھارتی ڈرون کو مارا، میں نے ان سے درخواست کی کہ کچھ بتائیں،یہ پروگرام آج مودی کو ضرور دیکھنا چاہئے تا کہ اس کو پتہ چلے کہ افواج پاکستان نے اس سے کیا لڑنا ہر شہری پاکستان کا سیسہ پلائی ہوئی دیوار بنا ہوا ہے

آصف نے مبشر لقمان آفیشیل یوٹیوب چینل پر سوال کا جواب دیتے ہوئے کہا کہ مودی کو پیغام ہےکہ سلو ڈرون تھا تیز والا بھیج دیتے، جس پر مبشر لقمان کا کہنا تھا کہ مودی صاحب کہا تھا نہ پنگا نہ لیں،آصف کا کہنا تھا کہ ڈرون جب آیا تھا تو میں ادھر ہی تھا،میں سیکورٹی گارڈ ہوں، رینجرز والے بھی ہمارے ساتھ تھے،پاکستان کے ساتھ،پاک فوج کے لئے ہماری جان بھی حاضر ہے،مجھے ڈرون سے کوئی ڈر نہیں لگا،ہم ڈرون کو گرانے کے بعد اٹھا کر لے گئے تھے، ڈرون کا وزن تقریبا پچاس ساٹھ کلو ہو گا،ہم اس کو رکشے پر لے کر گئے،کیمرہ بھی لگا تھا بڑی سی بیٹری بھی تھی،کیمرہ بھی بہت بڑا تھا،عوام وہاں بہت تھی تو جب ڈرون گرا تو عوام نے ٹکڑے ٹکڑے کر دیا

مبشر لقمان کا کہنا تھا کہ مودی شرم کرو، تم فوج سے کیالڑو گے،ہمارے نوجوان نےاپنی گن سے ڈرون گرا دیا، اور جب انڈیا میں ڈرون گئے تو وہاں لوگ ڈر رہے تھے ،یہاں پاکستانیوں کا جذبہ دیکھیں ،کہ کیسے ڈرون گرا رہے تھے،لڑکے خود ڈرون گرا کر پھر اٹھا کر بھی لے کر جا رہے ہینں،یہ ہیں لاہوری،پاکستانی، ان کو کوئی ڈر نہیں لگتا

ڈرون گرانے والے نوجوان کا کہنا تھا کہ ڈرون آیا تو پھر گرائیں گے،ہمیں ڈر نہیں لگتا، 12 گھنٹے ڈیوٹی ہوتی ہے،فری وقت جو ہو گا وہ ہم نے مودی کی واٹ لگانی ہے،اس وقت ڈرون بھیجیں پھر دیکھیں ہم کیا کرتے ہیں،میری تصویر بہت وائرل ہوئی ہے،

مبشر لقمان کا کہنا تھا کہ یہ ہے جذبہ،نوجوان کہہ رہا ہے کہ پاکستان اور افواج پاکستان کے لئے جان بھی حاضر ہے، پاکستانیوں کو کسی سے ڈر نہیں لگتا نہ ہی کسی کو کچھ سمجھتے ہیں، ڈرون گرانے والے پاکستانی کا کہنا تھا کہ دو بچے ہیں بیٹا چار سال کا ہے اور بیٹی چار ماہ کی ہے،جب ڈرون گرانے لگا تھا تو اس وقت پاکستان ،پاک فوج کی حفاظت میرے ذہن میں تھی، بچوں کی حفاظت تو اللہ نے کرنی ہے،مبشر لقمان کا کہنا تھا کہ شکر کرو امریکہ کے ترلے جب کئے تو ہم نے روک دیا ورنہ ابھی تو ایک بندہ نظر آ رہا تمہیں پنجاب میں کئی لوگ نظر آتے، پتنگوں سے پابندی ہٹ جائے تو ڈرون پتنگوں کے ساتھ ہی لے کر لاہوری آ جائیں گے،یہ ہے پاکستانی قوم کا جذبہ،یہ ویڈیو ہر پاکستانی کو دیکھنی چاہئے، ایک چھوٹے بچے نے درخت پر چڑھ کر ڈرون پر چھلانگ ماری،ڈرون کو گرایا اور پھر اٹھا کر لے گئے،میرا نہیں خیال کہ مودی اب آئندہ پاکستان پر حملے کا سوچے گا، افواج پاکستان تو مودی کا دلیہ بنائیں گی ہی سہی، یہاں ہر پاکستانی سیسہ پلائی ہوئی دیوار ہے اسی لئے آپریشن کا نام بنیان مرصوص رکھا گیا تھا.

آپریشن بنیان المرصوص کی کامیابی پر ایوان بالا سے منظور کی گئی قرارداد کا متن سامنے آگیا

قرارداد میں کہا گیا کہ ایوان بالا کا شہداء کو خراج تحسین، قربانیاں کبھی فراموش نہیں ہوں گی،بھارتی غیر انسانی حملوں کی شدید مذمت، خواتین، بچوں اور مساجد کو نشانہ بنایا گیا،غمزدہ خاندانوں سے اظہار یکجہتی، قومی سانحے پر پوری قوم متحد ہے،برادر ممالک کی اصولی حمایت پر پاکستان نےشکریہ ادا کیا،پاکستان کا امن و استحکام کے لیے پرعزم مؤقف، مسئلہ کشمیر مذاکرات سے حل کیاجائے،عالمی برادری سے کشمیر پر فعال سفارت کاری جاری رکھنے کی اپیل کرتے ہیں،سندھ طاس معاہدے پر مکمل عملدرآمد کیا جائے، پاکستان کے آبی حقوق ناقابل تنسیخ ہیں،بھارتی آبی جارحیت جنگی اقدام تصور ہو گا،ایوان کا اللہ تعالیٰ کا شکر، قوم کو تزویراتی فتح عطا ہوئی،قوم کے اتحاد پر خراج تحسین، اختلافات سے بالاتر ہو کر یکجہتی کی مثال ہے،مسلح افواج کو زبردست خراج تحسین پیش کرتے ہیں ، آپریشن سوئفٹ ریٹارٹ قومی وقار کی علامت ہے،پاک فضائیہ کی پیشہ ورانہ مہارت اور دفاعی کامیابیوں کو سراہتے ہیں ،

معرکہ بنیان مرصوص،بھارت کیخلاف سائبر جوابی حملہ،آپریشن بنیان مرصوص میں افواج پاکستان کی سائبر ٹیم سرگرم عمل رہی،پاکستان کی سائبر ٹیم نے بھارتی جارحیت کو منہ توڑ جواب دیا

افواج پاکستان کی سائبر ٹیم نے بھارت کو مختلف ڈومینز جس میں پاور انفراسٹرکچر اور پیٹرولیم سیکٹر شامل ہیں، میں نقصان پہنچایا ،پاکستانی سائبر ٹیم نے قومی مواصلات کوشدید نقصان پہنچایا ، جبکہ بھارتی سرکاری ای میل اور OTP انفراسٹرکچر کو بھی بند کیا،پاکستانی سائبر ٹیم نے بھارتی نگرانی کے نظام میں خلل پیدا کیا، کمیونیکیشن ہارڈ ویئر کی تباہی،بھارتی ویب سائٹس کو ہیک کیا، پاکستانی سائبر ٹیم نے بھارتی ہوائی اڈوں کے سرورز ٹیک ڈاؤن کئے اور بھارتی فضائیہ کے مواصلاتی نظام اور ریلوے کے نظام میں خلل پیدا کیا،پاکستانی سائبر ٹیم نے بھارت کے نیشنل، ایسٹرن، ناردرن اور ویسٹرن لوڈ ڈسپیچ سینٹرز تک رسائی حاصل کرکے سسٹم کو بھی ہیک کیا،پاکستانی سائبر ٹیم نے بھارت کے تقریباً 80 فیصد صارفین کو عارضی طور پر بجلی کی فراہمی سے بھی محروم کیا،ریاست اتر پردیش میں 3600+ پاور فیڈرز ، جموں و کشمیر کے علاقے میں 600+ ، ریاست مہارشٹڑ 4600+ فیڈرز کی سپلائی کو ہیک اور منقطع کیا ،پنجاب لوڈ ڈسپیچ سینٹر کے 2 مین AI سرورز ، ریاست کرناٹک میں 235+ ونڈ اور سولر گرڈز کو ہیک اورناکارہ بنایا ،ہندوستان پٹرولیم کارپوریشن لمیٹڈ (HPCL) ، اندرا پرستھا گیس لمیٹڈ (IGPL) کے ڈیٹا بیس کو ہیک اور ناکارہ کردیا گیا اور 4400+ سرکاری اور پبلک سیکٹر کمیونیکیشن راؤٹرز کو ناکارہ بنا دیا گیا،تمام اہم ہندوستانی حکومت، ملٹری، ایئر فورس، اسٹاک ایکسچینجز اور دیگر پبلک سیکٹر تنظیموں کے سرورز پر DDoS حملہ، جس کے نتیجے میں ای میل/OTP ورک فلو اور اندرونی مواصلات میں قومی خلل پیدا کیا گیا،سرکاری عمارتوں، شاہراہوں، ہسپتالوں اور دیگر عوامی زونز کے 3500+ سی سی ٹی وی کیمرے ہیک کیے گئے،مقبوضہ جموں و کشمیر میں 250+ اہم ISP کمیونیکیشن راؤٹرز کو ہیک کرکے ناکارہ بنادیا گیا،90 سے زیادہ سرکاری اور کارپوریٹ سیکٹر کی ویب سائٹس کے ڈیٹا کو ہیک کرلیا گیا،اس میں بھارتی فضائیہ، ہندوستان ایروناٹکس لمیٹڈ، بارڈر سیکیورٹی فورس، ہندوستان کی منفرد شناختی اتھارٹی اور ہندوستانی ریلوے شامل ہیں،بھارتی ہوائی اڈوں کے سرورز کو بھی ہیک کیا گیا اس میں ممبئی، دہلی اور کولکتہ شامل ہیں،

آپریشن بنیان مرصوص کے دوران بھارتی فضائیہ کے مواصلاتی نظام میں خلل پیدا کیا گیا جس میں بھارتی فضائیہ کی نادرن ، سدرن اور ویسٹرن ایئر کمانڈ شامل ہیں،بھارتی ریلوے کے مختلف سرورز کو بھی ہیک کیا گیا جس سے بھارت کے متعدد علاقوں میں ریلویز آپریشن متاثر ہوئے،

اسلام آباد ہائیکورٹ،190 ملین پاؤنڈ کیس میں عمران خان اور بشری بی بی کی سزا معطلی کی درخواستوں پر نوٹس جاری کرکے اسلام آباد ہائیکورٹ نے آئندہ ہفتے نیب سے جواب طلب کر لیا

190 ملین پائونڈ کیس میں عمران خان اور بشریٰ بی بی کی سزا معطلی کی درخواست پر سماعت ہوئی،درخواست پر سماعت قائم مقام چیف جسٹس سرفراز ڈوگر کی سربراہی میں دو رکنی بینچ نے کی،عدالت نے فریقین کو نوٹس جاری کرتے ہوئے سماعت آئندہ ہفتے تک ملتوی کردی،عدالت نے نوٹس جاری کرتے ہوئے سزا معطلی کی درخواستیں آئندہ ہفتے سماعت کیلئے مقرر کرنے کی ہدایت کر دی،احتساب عدالت نے عمران خان کو 14 جبکہ بشریٰ بی بی کو 7 سال کی سزا سنائی تھی

عمران خان بشریٰ بی بی کی 190 ملین پائونڈ کیس میں سزا معطلی پر آج اسلام آباد ہائیکورٹ کے قائم مقام چیف جسٹس سرفراز ڈوگر کی عدالت میں عمران خان کی بہن علیمہ خان،علی محمد خان،زرتاج گل،شبلی فراز،جنید اکبر خان،سماویہ طاہر،سلمان اکرم راجہ،علی بخاری،شعیب شاہین،حسین اخونزادہ،نعیم حیدر پنجوتھا،خالد یوسف چوہدری،جمشید دستی،شاندانہ گلزار،بیرسٹر عمیر نیازی،وکیل شعیب،اسد قیصر سمیت تحریک انصاف کی وکلاء کی ٹیم بھی کمرہ عدالت میں موجود تھی