خورشید شاہ کو نیب نے گرفتار کر لیا

باغی ٹی وی کی رپورٹ کے مطابق نیب پنڈی نے پیپلز پارٹی کےرہنما خورشید شاہ کو گرفتار کر لیا ہے، خورشید شاہ کو آمدن سے زائد اثاثہ جات کیس میں گرفتار کیا گیا ہے، خورشید شاہ کی گرفتاری کا نیب سکھر کو بتا دیا جائے گا، آج نیب میں وہ پیش نہیں ہوئے تھے.

حکومت کو ہٹانے میں سب کا ساتھ دیں گے، خورشید شاہ کا اعلان

پیپلز پارٹی کے رہنما سید خورشید شاہ نے نیب میں پیش ہونے سے معذرت کر لی، خورشید شاہ نے نیب کو لکھے گئے خط میں کہا کہ قومی اسمبلی اجلاس کے باعث پیش نہیں ہوسکتا، تا ہم آج نیب نے انہیں گرفتار کر لیا خورشید شاہ کو ان کے گھر سے گرفتار کیا گیا ہے

نیب سکھر نے خورشید شاہ کے خلاف 7 اگست کو انکوائری کا آغاز کیا تھا۔

نیب تحقیقات کے بعد خورشید شاہ کے لئے ایک اور مشکل

 

وزیراعظم عمران خان نے کہا ہے کہ طورخم بارڈر ایریا سے وسطی ایشیائی ریاستیں بھی مستفید ہوں گی

باغی ٹی وی کی رپورٹ کے مطابق طورخم بارڈر پر میڈیا سے گفتگو کرتے ہوئے وزیر اعظم عمران خان نے کہا کہ ٹریڈ زیادہ ہونے سے اس علاقے کی زندگیاں بدل جائیں گی، علاقے میں تبدیلی آ‌جائے گی، پاکستان اور خاص طور پر پختونخواہ کو فائدہ ہو گا، روزگار سب کو ملے گا، جیسے ہی کھولا تجارت میں 50 فیصد اضافہ ہوا، سہولیات بہتر ہوئیں تو علاقے میں خوشحالی آئے گی.

وزیر اعظم عمران خان کا کہنا تھا کہ اپوزیشن کا رویہ سنجیدہ نہیں، کشمیر کے لئے پارلیمنٹ کا سیشن منایا گیا لیکن اپوزیشن نے یکجہتی نہیں کی ، ان کا ایجنڈہ ہے کہ این آر او دیا جائے، وہ بلیک میل کرنا چاہتے ہیں کہ میں پریشر میں آؤں اور مشرف کی طرح این آر دوں ،پچھلے دس برسوں میں 24 ہزار ارب قرضہ دو این آر او کی وجہ سے ہوا، جب وہ واپس آئے تو اور زیادہ قرضہ چڑھا، جو بلیک میل کر رہے ہیں ان کے دور کے کیسز ہیں.

وزیراعظم نے طورخم بارڈر24 گھنٹے کھلا رکھنے کا افتتاح کردیا

وزیراعظم عمران خان نے مزید کہا کہ جو مرضی ہو جائے، کسی کو این آر او نہیں دینا، انہوں نے بے دردی سے ملک کو لوٹا، مہنگائی نواز شریف و زرداری کی وجہ سے ہے.

وزیراعظم عمران خان نے مزید کہا کہ ملک کے معاشی حالات ٹھیک کرنے ہیں جب تک امن نہ ہو معاشی حالات ٹھیک نہیں ہو سکتے، خیبر پختونخواہ دہشت گردی سے زیادہ متاثر ہوا ہے، پاکستان کو امن کی ضرورت ہے، ہمسایوں سے تعلقات بہتر کریں یہ ہماری خواہش تھی، افغانستان سے اچھی بات چیت ہوئی، تعلقات بہتر کیے، مذکرات میں رکاوٹ آنا بدقسمتی ہے، ہم پورا زور لگائیں گے کہ مذاکرات ہوں اور امن ہو.

وزیراعظم عمران خان نے مزید کہا کہ بھارت کے اوپر قبضہ ہو گیا ہے، دنیا کے معاشرے میں ماڈریٹ لوگ ہوتے ہیں، بھارت پر ہندووں کا قبضہ ہو گیا ہے، انتہا پسند ذہبن کی کشمیر میں 45 دن کرفیو رکھ سکتا ہے، آر ایس ایس کی پالیسی مسلمانوں سے نفرت کی ہے، بھارت کے 20 کروڑ مسلمانوں سے جو کچھ ہورہا ہے اس سے لگتا ہے کہ وہاں نارمل حکومت نہیں، جب تک خصوصی حیثیت والا قانون نہیں اٹھاتے بات چیت نہیں ہو گی. اقوام متحدہ کی جنرل اسمبلی میں کشمیر کی آواز اٹھاؤں گا

وزیراعظم عمران خان کا مزید کہنا تھا کہ کوئی بھی پاکستان سے بھارت جا کر کشمیر کے لئے لڑے گا یا جہاد کرے گا تو وہ کشمیریوں سے دشمنی کرے گا، انہوں نے 9 لاکھ فوج رکھی ہوئی ہے ان کو بہانہ چاہئے، وہ کہتے ہیں کہ کشمیری ہمارے ساتھ ہیں پاکستان لوگ بھیج رہا ہے، اگر یہاں سے کوئی بھی گیا تو بھارت کو موقع مل جائے گا اور وہ دنیا کے سامنے واویلا کرے گا کہ پاکستان کشمیر کا مسئلہ خراب رہا ہے، 1965 کے بعد پہلی بار کشمیر پر سلامتی کونسل میں بات ہوئی. اگر کسی نے یہاں سے کوئی حرکت کی تو وہ پاکستان اور کشمیر کا دشمن ہو گا

وزیراعظم کا مزید کہنا تھا کہ گھوٹکی میں جو ہو گیا وہ جان بوجھ کر کیا گیا مذمت کرتا ہوں ،اقوام متحدہ میں جانا ہے ایسے وقت میں جان بوجھ کر کیا گیا، اقلیتیں برابر کی شہری ہیں اور رہیں گی.

وزیراعظم عمران خان اور آرمی چیف جنرل قمر جاوید باجوہ کی ملاقات ہوئی ہے

باغی ٹی وی کی رپورٹ کے مطابق ملاقات میں ملکی مجموعی‌صورتحال پر غور کیا گیا ، ملاقات میں کشمیر کی‌صورتحال پر بھی تبادلہ خیال کیا گیا

دونوں رہنماؤن کی ملاقات کے دوران وزیراعظم کے دورہ امریکا، سعودی عرب کے حوالہ سے بھی بات چیت کی گئی

واضح رہے کہ وزیراعظم عمران خان جنرل اسمبلی اجلاس سے خطاب کے لئے امریکا جائیں گے، بطور وزیراعظم عمران خان کا اقوام متحدہ کی جنرل اسمبلی سے یہ پہلا خطاب ہو گا ، گزشتہ برس عمران خان جنرل اسمبلی اجلاس میں شریک نہیں ہوئے تھے.

اقوام متحدہ کی جنرل اسمبلی کے باہر ہو گا یکجہتی کشمیر مظاہرہ

جنرل اسمبلی اجلاس، مودی کے بعد ہو گا پاکستانی وزیراعظم کا خطاب

جنرل اسمبلی اجلاس میں جانے سے قبل وزیراعظم کس ملک جائیں گے؟ اہم خبر

وزیراعظم عمران خان کی دورہ امریکا کے دوران امریکی صدر ٹرمپ سے ملاقات طے ہو گئی ہے، دورے کے دوران وزیراعظم کی امریکی صدر سے 2 ملاقاتیں ہوں گی ,امریکی صدر سے پہلی ملاقات دوپہر کے کھانے اور دوسری ہائی ٹی پر ہوگی

 

لائن آف کنٹرول کی طرف کب جانا ہے؟ وزیراعظم نے مظفر آباد میں اعلان کر دیا

بھارت نے فضائی حدود استعمال کرنے کے لئے پاکستان سے اجازت مانگ لی

باغی ٹی وی کی رپورٹ کے مطابق بھارت نے درخواست کی ہے کہ مودی کا جہاز پاکستان کی فضائی حدود سے گزرنے دیا جائے، مودی نے امریکا جانا ہے، مودی کا طیارہ پاکستان سے اجازت ملنے کے بعد 20 ستمبرکوپاکستانی فضائی حدود سے گزرکرامریکا جائے گا، نریندرمودی اقوام متحدہ کےاجلاس میں شرکت کریں گے،

واضح رہے کہ پاکستان نے بھارت کے لئے اپنی فضائی حدود کو بند کی ہوئی ہے بھارتی صدر کو پاکستانی فضائی حدود استعمال کرنے کی اجازت نہیں دی گئی تھی

وزیر خارجہ شاہ محمود قریشی نے تفصیلات سے آگاہ کرتے ہوئے کہا کہ بھارتی صدررام ناتھ کووند نے 8 ستمبرکوآئس لینڈجانا تھا،پاکستان نےبھارتی صدرکےطیارے کیلئےبھارت کوکلیئرنس نہیں دی،پاکستان نے بھارتی صدرکوفضائی حدوداستعمال کرنے کی اجازت دینے سے انکار کر دیا. بھارتی صدرنےپاکستانی فضائی حدودسےگزرنےکی درخواست کی تھی .

پاکستانی قوم کا دیرینہ مطالبہ ہوا پورا، بھارت کے لئے پاکستان کی فضائی حدود بند، منتیں بھی کام نہ آئیں

مقبوضہ کشمیر میں مسلسل ایک ماہ سے کرفیو،کنٹرول لائن پر بڑھتی ہوئی دہشت گردی پر پاکستانی عوام، تاجروں، سماجی تنظیموں‌ اور دیگر تمام شعبہ ہائے زندگی سے تعلق رکھنے والے افراد کی جانب سے حکومت سے مطالبہ کیا جارہا تھا کہ انڈیا کیلئے فوری طور پر پاکستان کی فضائی حدود بند کر دی جائیں تاکہ ان کی ایئر لائنز کو شدید نقصان سے دوچار کیا جاسکے اور یہ بھی کہا جارہا ہے کہ اگر انڈیا کی طرف سے کسی قسم کی فضائی حدود کی خلاف ورزی کی جائے تو 27 فروری جیسا بھرپور جواب دیا جائے.

فضائی حدود بند کرنے کی تجویز پر کابینہ کی اکثریت متفق نہیں،وفاقی وزیر ہوا بازی کا انکشاف

بھارتی وزیر سول ایوی ایشن ہردیپ سنگھ پوری نے راجیہ سبھا میں خطاب کرتے ہوئے کہا تھا کہ پاکستانی فضائی حدود بند ہونے سے بھارت کو 548 کروڑ روپے کا نقصان ہوا ہے

بھارت کیلئے پاکستان کی فضائی حدود مکمل طور پر کب بند ہو گی؟ بڑی خبر آ گئی

مودی کیلئے فضائی حدود کھول دی گئی، طیارہ کتنی دیر تک پاکستانی فضا میں رہا؟ بڑی خبر آ گئی

پاکستانی فضائی حدود بند ہونے سے بھارت کو کتنے ارب روپے کا نقصان ہوا؟ بھارتی وزیر نے بتا دیا

العزیزیہ ریفرنس ،اسلام آباد ہائیکورٹ میں ملتوی 7اکتوبر تک ملتوی کر دی گئی

باغی ٹی وی کی رپورٹ کے مطابق عدالت نے جج ارشد ملک کے بیان حلفی کی مصدقہ نقل نواز شریف کے وکلا اور نیب کو فراہم کرنے کا حکم دیا ،جسٹس محسن اختر کیانی نے استفسار کیا کہ آپ بتا دیں اس اپیل کے لیے کتناوقت لیں گے،خواجہ حارث نے کہا کہ تین ماہ میں نواز شریف کی سزا کے خلاف اپیل پر دلائل مکمل کر لوں گا، اپیل پر دلائل شروع کرنے کے لیے 2 ہفتے لگیں گے،اس اپیل کے رکارڈ سے متعلق پانچ ہزار سے زائد صفحات ہیں،جسٹس عامر فاروق نے کہا کہ آپ کیس کی باقی تیاری مکمل کر لیں،

عدالت نے استفسار کیا کہ کیا نیب کو بھی جج ارشد ملک کا بیان حلفی اور پریس ریلیز درکار ہیں جس پر نیب پراسیکیوٹر نے کہا کہ ہمیں بھی نقول فراہم کی جائیں، عدالت نے پوچھا کہ جج ارشد ملک کی ویڈیو کا کیا اثر پڑے گا جس پر خواجہ حارث نے کہا کہ ہم بھی آپ کو بتائین گے اس سے پہلے سپریم کورٹ بتا چکی ہے، خواجہ حارث نے سپریم کورٹ کے فیصلے کی فائل عدالت کو دے دی

قبل ازیں خواجہ حارث نے دلائل دیتے ہوئے کہا کہ اپیل کی پیپر بک ہمیں گزشتہ ہفتے فراہم کی گئی ہیں ،پیپر بک میں خامیوں کا جائزہ لیا ہے، عدالت نے کہا کہ غیرمتعلقہ دستاویزات سے متعلق پراسیکیوشن اور وکیل صفائی معاونت کریں،خواجہ حارث نے کہا کہ ایک دستاویز کوپیپر بک کا حصہ نہیں بنایا گیا،

جسٹس عامر فاروق نے کہا کہ جو شواہد ریکارڈ کا حصہ نہیں یا غیرضروری ہیں ہمیں بتا دیں، جس پر خواجہ حارث نے کہا کہ جج ارشد ملک کی پریس ریلیز اور بیان حلفی سامنے آیا،ہمیں بیان حلفی اور پریس ریلیز کی کاپی دی جائے،لاہور ہائیکورٹ کو بھجوائی جائے گی ہوسکتا ہے نقول ہی بھیجیں، جسٹس عامر فاروق نے کہا کہ کیا آپ اس کی تصدیق شدہ کاپی لینا چاہ رہے ہیں،جس ہر نواز شریف کے وکیل نے کہا کہ اخبار میں تو آگیا تھا لیکن ہمیں تصدیق شدہ نقول چاہیے،

اسلام آباد ہائی کورٹ نے جج ارشد ملک کے بیان پہ نواز شریف کے وکیل خواجہ حارث سے معاونت طلب کرتے ہوئے سماعت ملتوی کر دی

سزا کے خلاف نواز شریف کی اپیل پرسماعت شروع، دلائل جاری

مسلم لیگ ن کے رہنما راجہ ظفرالحق،مریم اورنگزیب ،پرویز رشید سمیت ن لیگ کی سینئرقیادت کمرہ عدالت میں موجود ہے،لیگی کارکنان کی بھی بڑی تعداد کمرہ عدالت کے اندراورباہرموجود ہے .

 

واضح رہے کہ سابق وزیراعظم نواز شریف کوٹ لکھپت جیل میں قید ہیں اور العزیزیہ ریفرنس کیس کی سزا کاٹ رہے ہیں، حکومت نے نواز شریف کا اے سی بند کر دیا ہے اور تمام سہولیات واپس لے لی ہیں، نواز شریف سے جمعرات کو ملاقات کا دن مقرر ہے

نوازشریف و زرداری کو چھوڑنے کا اعلان، پاکستانی سیاست میں ہلچل مچ گئی

العزیزیہ ریفرنس،نوازشریف کی سزا کے خلاف اپیل سماعت کے لئے مقرر

واضح رہے کہ اسلام آباد کی احتساب عدالت نمبر دو کے جج محمد ارشد ملک نے دونوں ریفرنسز پر فیصلے سنائے تھے اور العزیزیہ اسٹیل ملز ریفرنس میں نواز شریف کو سات سال قید اور جرمانے کی سزا سنائی تھی جبکہ فلیگ شپ ریفرنس میں عدم شواہد کی بناء پر بری کر دیا تھا۔

نوازشریف کوسزا سنانے والے جج ارشد ملک ویڈیو ا سکینڈل کے بعد یہ اپیلوں پر پہلی سماعت ہے عدالت نے جج ارشد ملک کی پریس ریلیز اور بیان حلفی کو اپیلوں کے ساتھ منسلک کرنے کا حکم دیا تھا

وزیرخارجہ شاہ محمود قریشی نےکہا ہے کہ دنیا کو پیغام دے دیا کشمیر کاز پر پاکستان متحد ہے مقبوضہ کشمیر کی تحریک آزادی نیا رخ اختیار کر چکی ہے

باغی ٹی وی رپورٹ کے مطابق وزیرخارجہ شاہ محمود قریشی نے لاہور میں کشمیر پر پارلیمانی کانفرنس سے خطاب کرتے ہوئے کہا کہ ،دنیا کو پیغام دیا کہ کشمیر کاز پر پاکستان متحد ہے،وزیرخارجہ شاہ محمود قریشی نے کہا ہے کہ بھارتی یکطرفہ اقدامات سے مقبوضہ کشمیر کی تحریک آزادی نیا رخ اختیار کر چکی ہے ۔انہوں نے کہا کہ ہمیں دنیا کی توجہ مسئلہ کشمیر پر مبذول کرانی ہےاور اس مقصد کے لئے پاکستان ہر فورم استعمال کر رہا ہے ۔

وزیراعظم کشمیریوں کے جذبات کبھی بھی مجروح نہیں ہونے دیں گے،دنیا کشمیر سے نظریں موڑ سکتی ہے لیکن پاکستان نہیں،وزیرخارجہ شاہ نے مزید کہا کہ 1965کے بعد پہلی بارسلامتی کونسل میں مسئلہ کشمیر زیربحث آیا،بھارت نے ہمیشہ پاکستان کی آواز دبانے کی کوشش کی،کشمیر صرف زمین کا ٹکڑا نہیں، ہمارے لیے اہمیت کا حامل ہے،

لاہور میں کشمیر کانفرنس، وزیرخارجہ لاہور پہنچ گئے

وزیرخارجہ شاہ محمود قریشی نے مزید کہا کہ کشمیریوں کو پابند سلاسل کیا گیا ہے ،ان کو احتجاج بھی نہیں کرنے دیا جا رہا، آزادکشمیر میں کوئی سیاسی قیدی نہیں، مقبوضہ کشمیر میں انٹرنیٹ و ٹی وی سروس بند ہے لیکن مظفر آباد میں چل رہے ہیں، سوال یہ ہے کہ مقبوضہ کشمیر میں موبائل سروس بند کیوں ہے، آزاد کشمیر کے بازروں میں چہل پہل ہے کوئی پولیس کا پہرہ نہیں، مقبوضہ کشمری میں دس لاکھ بھارتی فوج کیوں تعینات کی گئی ؟

مریم نواز اور یوسف عباس شریف کے 7روزہ جسمانی ریمانڈ میں توسیع کر دی

باغی ٹی وی کی رپورٹ کے مطابق احتساب عدالت نے مریم نواز اور یوسف عباس شریف کے 7روزہ جسمانی ریمانڈ میں توسیع کر دی ،عدالت نے مریم نواز شریف کو دوبارہ 25 ستمبر کو پیش کرنے کا حکم دیا.

قبل ازیں مریم نواز اور یوسف عباس کو عدالت میں پیش کیا گیا ,

دوران سماعت عدالت نے سول کیا کہ چودھری شوگر ملز کا سربراہ کون تھا جس پر نیب نے عدالت میں بتایا کہ چودھری  شوگر ملز کیس کے میاں شریف، کلثوم نواز، حسین نواز، مریم نواز سمیت دیگر فیملی کے لوگ بورڈ آف ڈائریکٹرز میں تھے۔ عدالت نے سوال کیا کہ مریم نواز کب چیف ایگزیکٹو مقرر ہوئی۔ جس پر تفتیشی افسر نے کہا کہ 1992 میں حسین وناز چیف ایگزیکٹو مقرر ہوئے، مریم نواز 2004 میں چوھدری شوگر ملز کی چیف ایگزیکٹو مقرر ہوئیں .

مریم نواز کے وکیل نے کہا کہ دادا کی زندگی میں تمام شئیرز تقسیم کر دیے گئے ،پرویز مشرف اور پیپلز پارٹی کے دور میں چوہدری شوگر ملز کے متعلق تفتیش ہو چکی ہے ,پانامہ جے آئی ٹی نے بھی چوہدری شوگر ملز کی تحقیقات ہوئیں ،العزیزیہ کیس میں چوہدری شوگر ملز کو نواز شریف کی بے نامی جائیداد ظاہر کیا گیا .

مریم نواز کا کہنا تھا کہ کسی ایک پیسے کی کرپشن کا سوال نہیں پوچھا ،بیالیس دن سے مجھے سے سوال نہیں پوچھا ،مجھ سے پوچھتے ہیں کہ دادا نے آپ کو شئیرز کیوں ٹرانسفر کیے ,میں اس کا کیا جواب دوں کہ ایک دادا اپنے خاندان کو ٹرانسفر کر رہا ہے غیروں کو نہیں , مجھ سے دستاوہزات مانگتے ہیں ،میں نے کہا کہ اگر آپ کو دستاویزات چاہیں ہوتیں تو پہلے مرحلے پر بھی گرفتار نہ کر لیتے .

نیب کی مریم نواز کے مزید جسمانی ریمانڈ کی استدعا

دوران سماعت عدالت نے مریم نواز کو روسٹرم پر بلا لیا ،نیب پراسیکیوٹر نے مریم نواز کا پھر 14 روز کا جسمانی ریمانڈ طلب کرلیا،عدالت میں کیس کی سماعت جاری ہے، ن لیگی کارکنان بھی عدالت میں موجود ہیں،

عدالت نے ن لیگی کارکنان کی جانب سے نعرے بازی پر شدید برہمی کا اظہار کیا تھا، کمرہ عدالت میں موبائل فون لے جانے کی پابندی کے باوجود ن لیگی کارکنان موبائل لے کر گئے ہیں اور مریم نواز کے ہمراہ سیلفیاں بنا رہے ہیں.

قبل ازیں احتساب عدالت میں مریم نواز ،حمزہ شہباز، یوسف عباس کو پیش کر دیا گیا، ن لیگ کے کارکنان بھی رکاوٹیں توڑ کر عدالت پہنچے، ن لیگی کارکنان نے عدالت میں بھی نعرے لگانا شروع کر دیئے ،عدالت نے برہمی کا اظہار کیا اور ن لیگی وکلاء کو حکم دیا کہ ان کو روکا جائے، اگر ماحول ایسا ہی رپا تو کیس کی سماعت نہیں کی جائے گی .

حمزہ شہباز کی مریم نواز سے ملاقات،حکومت نے معیشت کا بیڑا غرق کر دیا،حمزہ شہباز

مریم نواز کو عدالت پہنچا دیا گیا، کیپٹن ر صفدر بھی پہنچ گئے

جسمانی ریمانڈ مکمل، مریم نواز کی آج ہو گی عدالت میں پیشی

مریم نواز اب کھائیں گی جیل کا کھانا، گھر کا کھانا ہوا بند

اس موقع پر سیکورٹی کے سخت انتطامات کئے گئے ہیں، احتساب عدالت جانے والے تمام راستے بند کئے گئے ہیں ،پولیس کی بھاری نفری تعینات ہے، مسلم لیگ ن کےرہنما اور کارکن جوڈیشل کمپلیکس کے باہر جمع ہوچکے ہیں،پولیس نے کارکنوں کو لوئر مال پر ایم اے او کالج اور سیکریٹریٹ چوک میں ہی روک لیا ،کمرہ عدالت کے باہر بھی مسلم لیگ ن کےوکلا،رہنماوَں اور کارکنوں کا شدید رش ہو چکا ہے ،پولیس نے وکلا کو کمرہ عدالت میں جانے سے روک دیا ،وکلاپولیس کا حصار توڑ کر کمرہ عدالت میں داخل ہو گئے

مریم نواز کب چیف ایگزیکٹو مقرر ہوئی؟ عدالت کے استفسار پرنیب نے کیا جواب دیا؟

حکومت کے خلاف بلاول زرداری اور مولانا فضل الرحمان آج الگ الگ اجلاس کی صدارت کریں گے

باغی ٹی وی کی رپورٹ کے مطابق مولانا فضل الرحمان نے آج پارٹی کا اجلاس طلب کر رکھا ہے جس میں آزادی مارچ کے حوالہ سے مشاورت کی جائے گی، مولانا فضل الرحمان اسلام آباد کا گھیراؤ کرنا چاہتے ہیں اسی ضمن میں انہوں نے دو روز قبل لاہور میں شہباز شریف سے ملاقات کی تھی،آج مولانا فضل الرحمان کی زیر صدارت اجلاس میں آزادی مارچ کے حوالہ سے سفارشات پیش کی جائیں گی

حکومت کے گھیراؤ کے لئے مولانا فضل الرحمان نے پھیلائی جھولی

مولانا کا آزادی مارچ، مولانا متحرک، رابطے، ملاقاتیں شروع

آزادی مارچ مزید تاخیر کا شکار، مولانا نے شہباز شریف کو کر لیا راضی

دوسری جانب بلاول زرداری کی زیر صدارت پیپلز پارٹی کا اجلاس زرداری ہاؤس میں ہو گا، اجلاس میں یوسف رضا گیلانی، راجہ پرویز اشرف، مصطفیٰ نواز، قمر زمان کائرہ سمیت دیگر رہنما شریک ہوں گے، بلاول زرداری بھی حکومت کے خلاف تحریک چلانا چاہتے ہیں تا ہم انہوں نے مولانا فضل الرحمان کے آزادی مارچ میں شامل ہونے سے انکار کیا ہے.

مولانا کا آزادی مارچ،ملک کے بڑے سجادہ نشین نے کی حمایت

مولانا فضل الرحمان کا لانگ مارچ، ن لیگ اختلافات کا شکار، اراکین اسمبلی کا نواز شریف کی بات ماننے سے انکار

لانگ مارچ، اپوزیش کا جواب، مولانا نے سجادہ نشینوں سے مانگی مدد

آزادی مارچ، مولانا فضل الرحمان گرفتار ہوئے تو قیادت کون کرے گا؟ اہم خبر

بلاول نے دیا مولانا فضل الرحمان کو دھوکہ

مولانا فضل الرحمان سے پہلے دے گی پیپلز پارٹی دھرنا.اعلان کر دیا

آزادی مارچ سے قبل گرفتاریاں ہوئیں تو لائحہ عمل کیا ہو گا؟ اکرم درانی نے بتا دیا

واضح رہے کہ بلاول زرداری نے  گڑھی خدا بخش لاڑکانہ میں جلسہ سے خطاب کرتے ہوئے کہا تھا کہ ہم نے ہمیشہ اسلام آباد میں دھرنے سے انکار کیا لیکن اگر حکومت کے اتحادی اور سیلیکٹرز حکومت کو گھر نہیں بھیجیں گے تو ہم اسلام آباد آکر گھر بھیجیں گے۔ حکومت کو سال کے آخر تک کی ڈیڈ لائن دیتے ہیں

شمالی وزیرستان میں تحریک انصاف کے رکن صوبائی اسمبلی پر حملہ کیا گیا ہے تا ہم وہ محفوظ رہے

باغی ٹی وی کی رپورٹ کے مطابق شمالی وزیرستان کے علاقے اسپین وام میں تحریک انصاف کے رکن صوبائی اسمبلی اقبال وزیر پر فائرنگ کی گئی ہے، فائرنگ کا واقعہ اسوقت پیش آیا جب وہ سفر میں تھے،اقبال وزیر کی گاڑی کو سنائپر گن کے ذریعے نشانہ بنایا گیا

ذرائع کے مطابق اقبال وزیر محفوظ رہے تا ہم گاڑی کو نقصان پہنچا ہے، اقبال وزیر پر فائرنگ کی اطلاع پر سیکورٹی حکام موقع پر پہنچ گئے اور انہیں محفوظ مقام پر منتقل کر دیا، اقبال وزیر کی گاڑی بلٹ پروف ہونے کی وجہ سے وہ فائرنگ سے محفوظ رہے

پی کے 111 ایم پی اے حاجی محمد اقبال وزیر اسپین وام کے علاقے میں فاتحہ خوانی پر گئے ہوئے تھے واپسی پر ان پر فائرنگ کی گئی،

ذرائع کے مطابق پی ٹی ایم کی جانب سے اقبال وزیر کو دھمکیاں دی گئی تھیں.

تین روز قبل بھی شمالی وزیرستان کے علاقے میں پاک فوج پر فائرنگ کی گئی تھی، اباخیل میں دہشت گردوں کی فائرنگ سے پاک فوج کا جوان شہید اور ایک زخمی، جوابی کاروائی کے دوران پی ٹی ایم کے دو دہشت گرد ہلاک ہوگئے ہیں،باغی ٹی وی کے مطابق شمالی وزیرستان میں اباخیل اور سپین وام میں پاک فوج کی پٹرولنگ پارٹی معمول کے گشت پر تھی،پارٹی جب ابا خیل کے قریب پہنچی تو ان پر گھات لگائے پی ٹی ایم کے دہشت گردوں نے حملہ کر دیا۔ فائرنگ کے تبادلے میں دو حملہ آوار ہلاک اور ایک سپاہی اختر شہید ہوگیا، جبکہ ایک سپاہی زخمی بھی ہوا ہے۔

 

واضح رہے کہ دو ماہ قبل جولائی میں بھی دہشت گردوں کی فائرنگ سے پاک فوج کے چھ جوان شہید ہو گئے تھے،

ماہ جون میں بھی پاک فوج کی گاڑی کو دہشت گردوں نے نشانہ بنایا تھا جس سے ایک فوجی جوان شہید ہو گیا تھا، جون میں ہی شمالی وزیرستان میں پاک فوج کے 5 سپاہی شہید 31 زخمی ہو ئے.

ماہ مئی میں شمالی وزیرستان کے علاقے شوال ویلی میں پاک فوج کی چیک پوسٹ مکی گڑھ پر حملہ کیا جس میں فائرنگ کے تبادلے کے دوران پاک فوج کا ایک جوان شہید ہو گیا .

کشمیر کے لیے ‏‎آخری گولی،آخری سپاہی،آخری حد تک جائیں گے،ترجمان پاک فوج

واضح رہے کہ شمالی وزیرستان میں پی ٹی ایم ایک بار پھر متحرک ہو چکی ہے، ذرائع کے مطابق شمالی وزیرستان میں پاک فوج کے جوانوں پر ہونے والے حملے میں پی ٹی ایم ملوث ہے ،

پی ٹی ایم نے فوجی چیک پوسٹ پر حملہ کیوں‌ کیا؟ ڈی جی آئی ایس پی آر نے ساری حقیقت بیان کر دی

پی ٹی ایم ماضی میں بھی پاک فوج پر حملوں میں ملوث‌ رہی ہے ،وزیرستان میں پی ٹی ایم کی جانب سے پاک فوج کی چیک پوسٹ پر حملے کے حوالہ سے تحقیقاتی رپورٹ سامنے آ گئی ہے، رپورٹ میں پی ٹی ایم کے دوایم این ایزکو واقعے کا مورد الزام ٹھہرایا گیا ہے.

ڈپٹی کمشنرشمالی وزیرستان نےرپورٹ تیارکرکے خیبرپختونخوا حکومت کو بھیج دی ہے. رپورٹ کے مطابق 25مئی کوعلاقہ بویہ میں 12 عمائدین کے ساتھ مذاکرات کیے گئے مذاکرات میں حکام دھرناختم کرنے کی شرط پر ایک مشتبہ شخص کو رہا کرنے پرآمادہ ہوئے ،ایم این اےعلی وزیر ،محسن داوڑ کے اکسانے پرمظاہرین دوبارہ چیک پوسٹ پرجمع ہوئے،26 مئی کو ایم این ایز 300 حمایتوں کو لے کر چیک پوسٹ پہنچے، سیکیورٹی فورسزنے احتجاجی کیمپ میں شامل ہونے کیلیے پارلیمنٹرنیز کو دوسراراستہ اختیار کرنےکا کہا، رپورٹ کے مطابق ایم این اے علی وزیر نے سیکیورٹی فورسز کے خلاف نازیبا زبان استعمال کی ،علی وزیرنے مظاہرین کو چیک پوسٹ پرحملے کےلیے اکسایا ،پی ٹی ایم کے دوپارلیمنٹرینز نےخاڑکمر چیک پوسٹ پر حملہ کرنے والوں کی قیادت کی ،مظاہرین نےچیک پوسٹ پرپتھراؤکیا ،پارلیمنٹیرین کیساتھ مسلح افرادنےچیک پوسٹ پرفائرنگ کی ،رپورٹ کے مطابق چیک پوسٹ پرمختلف اطراف سے فائرنگ کی گئی، ،مظاہرین نے سیکیورٹی اہلکاروں سے اسلحہ چھیننے کی کوشش کی ،شرپسندوں کی گولیاں مظاہرین اور پارلیمنٹرینز کی گاڑیوں کو لگیں .

پی ٹی ایم کا پاک فوج کی چیک پوسٹ پر حملہ، پاک فوج نے رات کو اہم پیغام جاری کر دیا

واضح رہے کہ پی ٹی ایم نے پاک فوج کی چیک پوسٹ پر حملہ کیا تھا جس میں ایک فوجی جوان شہید اور پانچ زخمی ہو گئے تھے. پی ٹی ایم کے دو اراکین اسمبلی کو گرفتار کیا جا چکا ہے

 

کشمیریوں کے ساتھ کھڑے تھے ،ہیں اور رہیں گے، پاک فوج کا کشمیریوں‌ کو پیغام

بھارت سن لے، جنگیں اسلحہ سے نہیں جذبہ حب الوطنی سے لڑی جاتی ہیں، ترجمان پاک فوج

‏اسرائیل کو تسلیم کرنے سے متعلق باتیں پروپیگنڈا ہے. ڈی جی آئی ایس پی آر

یہ سوچ بھی کیسے سکتے ہیں کہ کشمیر پر کسی قسم کی کوئی ڈیل ہوئی، ڈی جی آئی ایس پی آر

وزیر اعظم عمران خان کی مشیر اطلاعات فردوس عاشق اعوان نے کہا ہے کہ آج وزیراعظم کی زیر صدارت کابینہ اجلاس میں 19 نکاتی ایجنڈے پرغورکیا گیا ہے،

باغی ٹی وی کی رپورٹ کے مطابق کابینہ اجلاس کے بعد میڈیا سے گفتگو کرتے ہوئے معاون خصوصی فردوس عاشق اعوان نے کہا کہ کابینہ اجلاس میں19نکاتی ایجنڈےپرغورکیا گیا، وزیر اعظم کشمیر کے سفیر بن کر امریکہ جارہے ہیں جہاں‌ وہ مختلف اہم شخصیات سے ملاقاتیں کریں گے، وزیر اعظم جنرل اسمبلی میں مسئلہ کشمیر بھرپور طریقے سے اجاگر کریں گے، وزیراعظم میڈیاکی آزادی پر یقین رکھتے ہیں، ذمہ دار میڈیا کا کردار ریاست کیلئے لازم وملزوم ہے، انہوں‌ نے کہاکہ میڈیا کے احتسابی عمل کا آغاز کیا جارہاہے، کابینہ نے فیصلہ کیاہے کہ خصوصی میڈیا ٹربیونل قائم کئے جائیں گے، میڈیا ٹربیونل میں جو بھی جائے گا، اس کا فیصلہ 90 دن میں کیا جائے گا، خصوصی میڈیا ٹربیونل کی سرپرستی اعلیٰ عدلیہ کرے گی، میڈیا کو ریاست کا چوتھا ستون مان لیا گیا ہے اور میڈیا ٹربیونلز کا مقصد میڈیا سے متعلق شکایات کا فوری ازالہ کرنا ہے، انہوں نے کہاکہ میڈیاکےحوالےسےقواعدوضوابط متعارف کرائےجائیں گے، پیمرا کی ری اسٹرکچرنگ کی جائےگی ، پیمراکوئی کارروائی کرتاہےتوالزام حکومت پرآتاہے، میڈیاکارکنان کےمقدمات کےفیصلےسالہاسال نہیں ہوتے،

فردوس عاشق اعوان نے کہاکہ حکومت نے مریم نواز سے متعلق الیکشن کمیشن کے فیصلے کے خلاف اپیل دائر کرنے کا فیصلہ کیاہے، اس فیصلہ میں لکھا گیاہے کہ یہ ایک نان فنکشنل عہدہ ہے ، ہماری رائے میں یہ بات سپریم کورٹ کے اس فیصلے کی خلاف ورزی ہے جس کے تحت کوئی بھی مجرم شخص کسی عہدے پر فائز نہیں ہوسکتا، انہوں نے کہاکہ اس فیصلے سے دوچیزیں سامنے آئی ہیں ، ایک یہ کہ مریم نواز سزا یافتہ ہیں اوردوسرا وہ جنرل سیکرٹری یا کسی اور عہدے پر فائز نہیں ہوسکتیں، انہوں نے کہا کہ اس حوالے سے جلد اپیل سامنے آجائیگی ، وزیر اعظم عوامی سہولیات سے متعلق کابینہ کے مختلف افراد سے رائے لیتے ہیں ، اس سلسلے میں وفاقی وزیر صحت نے اپنی آراء بیان کی ہیں، فردوس عاشق اعوان نے کہاکہ الیکشن کمیشن کافیصلہ سپریم کورٹ کےفیصلےکی خلاف ورزی ہے، مریم نوازکسی جلسےجلوس اورسیاسی سرگرمی میں حصہ نہیں لےسکتیں،