Category: اہم خبریں

انسداد منشیات لاہور عدالت میں رانا ثنا اللہ کی درخواست ضمانت مسترد کر دی گئی

باغی ٹی وی کی رپورٹ کے مطابق انسداد منیشات کی عدالت نے مسلم لیگ ن کے رکن قومی اسمبلی رانا ثناء اللہ کی ضمانت کی درخواست مسترد کر دی ، عدالت نے عثمان انور،عمرفاروق،رستم علی اور سبطین کی درخواست ضمانت منظور کر لی

انسداد منشیات عدالت کے ڈیوٹی جج خالدبشیرنےدرخواست پرسماعت کی ،راناثنااللہ کے وکیل فرہاد علی شاہ ایڈووکیٹ کےعدالت میں دلائل دیئے، رانا ثناء اللہ کے وکیل نے عدالت میں کہا کہ 3گھنٹے کی تاخیرسے ایف آئی آردرج ہوئی،5ملزمان کوایف آئی آرمیں نامزد کیا گیا،عامررستم لینڈ کروزرکوڈرائیوکررہا تھا ، عامرفاروق ،سبطین حیدر،محمداکرم ویگو ڈالےمیں موجود تھے .

رانا ثناء اللہ کیس کی سماعت کرنیوالے جج کا تبادلہ، ضمانت کیس کی سماعت ملتوی

رانا ثناء اللہ نے سینئر صحافی و اینکر پرسن مبشر لقمان کوجیل سے لکھا خط، کیا کہا؟

زاہد بخاری ایڈوکیٹ نے کہا کہ راناثنااللہ نےگرفتاری سے پہلے کہہ دیا تھاکہ گرفتارکیا جائے گا،ران اثنااللہ شریف فیملیز کے ممبران کی گرفتاری کے بعد پارٹی کومتحرک رکھ رہے تھے،رانا ثنااللہ کوسیاسی بنیادوں پراےاین ایف نے گرفتارکیا،

رانا ثناء اللہ کو گھر کا کھانا ملے گا یا نہیں؟ عدالت نے محفوظ فیصلہ سنا دیا

رانا ثناء اللہ کی جانب سے دائر درخواست میں کہا ہے کہ اے این ایف حکام نے حقائق کے برعکس مقدمہ درج کیا،منشیات کا جھوٹا کیس بنایا گیا،عدالت درخواست ضمانت بعدازگرفتاری منظور کرنے کا حکم دے .

رانا ثناء اللہ کے خلاف درج ایف آئی آر میں لکھا گیا ہے کہ جب رانا ثناء اللہ کو روکا گیا تو انہوں نے بدتمیزی کی اور گریبان پکڑے، رانا ثناء اللہ نے ناجائز اختیارات کا استعمال کرتے ہوئے منشیات سمگل کرنے کی کوشش کی، رانا ثناء اللہ کی گاڑی سے 21 کلو منشیات ملی جس میں سے 15 کلو ہیروئن بھی شامل تھی، رانا ثناء اللہ کے خلاف مخبر کی اطلاع پر کاروائی کی گئی مخبرنےاطلاع دی کہ راناثنااللہ کی گاڑی میں منشیات ہے

وزیراعظم عمران خان آج امریکا روانہ ہوں گے

باغی ٹی وی کی رپورٹ کے مطابق اقوام متحدہ کی جنرل اسمبلی سے خطاب کے لئے وزیراعظم عمران خان آج سعودی عرب سے امریکہ کے لئے روانہ ہوں گے ،بطور وزیراعظم عمران خان کا اقوام متحدہ کی جنرل اسمبلی سے یہ پہلا خطاب ہو گا ، گزشتہ برس عمران خان جنرل اسمبلی اجلاس میں شریک نہیں ہوئے تھے.

وزیراعظم عمران خان کی دورہ امریکا کے دوران امریکی صدر ٹرمپ سے ملاقات طے ہو گئی ہے، دورے کے دوران وزیراعظم کی امریکی صدر سے 2 ملاقاتیں ہوں گی ,امریکی صدر سے پہلی ملاقات دوپہر کے کھانے اور دوسری ہائی ٹی پر ہوگی

پاکستان نے یو این جنرل اسمبلی کے باہر بڑے احتجاج کا فیصلہ کیا ہے، وزیراعظم کے معاون خصوصی زلفی بخاری کو اس حوالہ سے اہم زمہ داریاں سونپ دی گئی ہیں. وزیراعظم عمران خان نے اعلان کیا تھا کہ مودی کے خطاب کے دوران جنرل اسمبلی کے باہر بھر پور احتجاج کیا جائے گا.

اقوام متحدہ کی جنرل اسمبلی کے باہر ہو گا یکجہتی کشمیر مظاہرہ

جنرل اسمبلی اجلاس، مودی کے بعد ہو گا پاکستانی وزیراعظم کا خطاب

جنرل اسمبلی اجلاس میں جانے سے قبل وزیراعظم کس ملک جائیں گے؟ اہم خبر

وزیراعظم عمران خان کی دورہ امریکا کے دوران امریکی صدر ٹرمپ سے ملاقات طے ہو گئی ہے،

ایڈیشنل سیکرٹری دفتر خارجہ نے وزیراعظم عمران خان کے دورے اور جنرل اسمبلی اجلاس سے خطاب کے حوالہ سے بریفنگ دیتے ہوئے کہا کہ اقوام متحدہ جنرل اسمبلی اجلاس میں وزیراعظم شرکت کریں گے،اقوام متحدہ میں وزیراعظم عمران خان اپنی تقریرمیں مسئلہ کشمیر کا معاملہ اٹھائیں گے،بھارتی وزیراعظم نریندر مودی کے خطاب کے بعد وزیراعظم پاکستان کا خطاب ہے ،وزیراعظم عمران خان اجلاس کے علاوہ 8سے 9ممالک کے سربراہان سے ملیں گے، وزیراعظم اجلاس کے بعد تھنک ٹینک سے خطاب کریں گے .وزیراعظم ہرسطح پر معاملہ اٹھائیں گے.

‏
مقبوضہ کشمیر میں انسانی حقوق کی خلاف ورزیاں ۔مودی کو امریکی عدالت نے طلب کر لیا

باغی ٹی وی کی رپورٹ کے مطابق امریکی عدالت نے مقبوضہ کشمیر میں انسانی حقوق کی خلاف ورزیوں پر بھارتی وزیر اعظم نریندر مودی کو طلب کر لیا۔ ٹیکساس کے جوڈیشل مجسٹریٹ نے مودی و دیگر بھارتی حکام کو طلب کیا ہے۔

امریکی عدالت نے بھارتی وزیراعظم مودی کےعلاوہ ،بھارتی وزیرداخلہ امیت شاہ،لیفٹیننٹ جنرل کنول جیت کو بھی طلب کیا ہے۔ بھارتی رہنماوں کو مقبوضہ کشمیر میں انسانی حقوق کی خلاف ورزیوں پر طلب کیا گیا ہے

امریکی عدالت نے مودی کو ایسے وقت میں طلب کیا جب وہ امریکہ جانے والے ہیں مودی سلامتی کونسل کے اجلاس میں شرکت کریں گے۔ مودی کے خطاب کے دوران پاکستان نے جنرل اسمبلی کے باہر احتجاج کا پروگرام ترتیب دے رکھا ہے۔ ہزاروں کی تعداد میں پاکستانی و کشمیری بھارتی مظالم کے خلاف احتجاج کریں گے۔ پاکستانی وزیراعظم عمران خان بھی آج امریکہ کے لیے سعودی عرب سے روانہ ہوں گے وہ بھی جنرل اسمبلی میں کشمیر کا مقدمہ پیش کریں گے۔

واضح رہے کہ مقبوضہ کشمیر میں کرفیو کو 47 روز ہو گئے۔ مقبوضہ کشمیر میں زندگی مفلوج ہو چکی ہے۔ کشمیری گھروں میں محصور ہیں ۔احتجاج کرنے والوں پر تشدد کا نشانہ بنایا جاتا ہے۔ بھارتی فوج نے کشمیریوں کے گھروں کے باہر مورچے بنا لیے ہیں ۔خوراک ادویات کی قلت پیدا ہو چکی ہے۔

وزیراعظم عمران خان سے سعودی عرب میں مختلف شعبہ ہائے زندگی سے تعلق رکھنے والے پاکستانیوں کی ملاقات ہوئی ہے،

باغی ٹی وی کی رپورٹ کے مطابق وزیراعظم عمران خان نے کہاکہ میرا مقصد یو این جانے سے پہلے سعودی لیڈر شپ کو کشمیرکی صورتحال سے آگاہ کرنا تھا، ہم نےمسئلہ کشمیرکوپوری دنیامیں اُجاگرکرناہے، پاکستان اورسعودی عرب کےتعلقات ایک نئی سطح پرپہنچ گئےہیں، سعودی عرب نےہرمشکل وقت میں ہماری مددکی، کشمیرمیں ہمارے بھائی مشکل صورتحال سےگزررہےہیں، کشمیرایک بین الاقوامی مسئلہ بن گیا ہے، پوری دنیا ہمارے بیانیےکو مان گئی ہے، اوآئی سی نےہماری حمایت کی ہے،یواین میں بھی اس مسئلےکواُٹھائیں گے،

وزیراعظم عمران خان نے کہا کہ ہمیں قرضوں کے بوجھ میں دبی معیشت ورثے میں ملی تھی، ہرشعبےمیں اصلاحات لارہےہیں، سرمایہ کاری کوفروغ دینااولین ترجیح ہے، بیرون ملک پاکستانیوں کےلیےقانونی اصلاحات لارہےہیں، حکومت کاروبارمیں آسانیاں پیداکررہی ہےتاکہ سرمایہ کاروں کوترغیب ملے،

سینیٹ قائمہ کمیٹی برائے قانون وانصاف نےنیب ترمیمی بل منظورکرلیا

باغی ٹی وی کی رپورٹ کے مطابق سینیٹ قائمہ کمیٹی برائےقانون وانصاف کااجلاس ہوا. بیرسٹر سیف نے کہا کہ فاروق ایچ نائیک کےنیب ترمیمی بل کی حمایت کرتاہوں، چیئرمین کمیٹی نے کہا کہ اگرسب نیب ترمیمی بل پرمتفق ہیں توکمیٹی اس کوپاس کرتی ہے

بلی بارگین کرنے والے کو الیکشن لڑنے کی اجازت ہونی چاہئے، نیب ترمیمی بل سینیٹ میں پیش

نیب آرڈیننس میں ترامیم کے بعد نیا مسودہ تیار

قبل ازیں قومی احتساب آرڈیننس ترمیمی بل سینیٹ میں پیش کیا گیا، پیپلز پارٹی کے سینیٹر فاروق ایچ نائیک کی جانب سے پیش کیے گئے بل میں تجویز کیا گیا کہ نیب صرف میگا کرپشن مقدمات کی تحقیقات کرے۔ ملزم کو نیب کی تحویل میں نہ دیا جائے۔ پلی بارگین کرنے والے کو جیل کی سزا نہیں ہونی چاہیے اور اسے الیکشن لڑنے کی بھی اجازت ہونی چاہیے۔ سینیٹ نے بل متعلقہ کمیٹی کے سپرد کر دیا۔ بل میں مزید تجویز کیا گیا ہے کہ چیئرمین نیب کو گرفتاری اور احتساب عدالت کو ضمانت کا اختیار نہیں، ملزم کو نیب کی تحویل میں بھی نہ دیا جائے۔

نیب قوانین میں ترامیم حکومت کا اپوزیشن سے رابطہ کا فیصلہ

سینیٹ نے بل قائمہ کمیٹی برائے قانون و انصاف کے حوالے کر دیا تھاجو آج کمیٹی نے منظور کر لیا ہے

لاہور ہائیکورٹ میں نواز شریف سمیت تمام ملزموں کو رہا کرنے کی درخواست مسترد کر دی گئی

باغی ٹی وی کی رپورٹ کے مطابق لاہور ہائیکورٹ کےجسٹس قاسم خان نے معروف قانون دان اے کے ڈوگر کی درخواست پر سماعت کی،

درخواست گزار نے اپنی درخواست میں کہا کہ نیب کا قانون 1999 کے بعد ختم ہوچکا ہے،ختم شدہ قانون کے تحت دی گئیں سزائیں کالعدم قرار دی جائیں، عدالت نے سماعت کے بعد سابق وزیراعظم نواز شریف سمیت تمام ملزمان جن کو نیب نے گرفتار  کر رکھا ہے کی رہائی کی درخواست مسترد کر دی .

واضح رہے کہ سابق وزیراعظم نواز شریف کوٹ لکھپت جیل میں قید ہیں اور العزیزیہ ریفرنس کیس کی سزا کاٹ رہے ہیں، حکومت نے نواز شریف کا اے سی بند کر دیا ہے اور تمام سہولیات واپس لے لی ہیں، نواز شریف سے جمعرات کو ملاقات کا دن مقرر ہے

نوازشریف و زرداری کو چھوڑنے کا اعلان، پاکستانی سیاست میں ہلچل مچ گئی

نواز شریف کی سزا کے خلاف اپیل پرسماعت ملتوی

اسلام آباد کی احتساب عدالت نمبر دو کے جج محمد ارشد ملک نے دونوں ریفرنسز پر فیصلے سنائے تھے اور العزیزیہ اسٹیل ملز ریفرنس میں نواز شریف کو سات سال قید اور جرمانے کی سزا سنائی تھی جبکہ فلیگ شپ ریفرنس میں عدم شواہد کی بناء پر بری کر دیا تھا۔

مولانا فضل الرحمان کا لانگ مارچ، ن لیگ اختلافات کا شکار، اراکین اسمبلی کا نواز شریف کی بات ماننے سے انکار

نوازشریف کوسزا سنانے والے جج ارشد ملک ویڈیو ا سکینڈل کے بعد یہ اپیلوں پر پہلی سماعت ہے عدالت نے جج ارشد ملک کی پریس ریلیز اور بیان حلفی کو اپیلوں کے ساتھ منسلک کرنے کا حکم دیا تھا

آصف زرداری کیخلاف میگا منی لانڈرنگ اور پارک لین کیسز کی سماعت 4 اکتوبر تک ملتوی کر دی گئی

باغی ٹی وی کی رپورٹ کے مطابق احتساب عدالت میں آصف زرداری کو پیش کیا گیا ،عدالت نے آصف زرداری اور فریال تالپور کو ریفرنس کی نقول فراہم کرنے کا حکم دیا ،عدالت نے کہا کہ آئندہ سماعت پر فرد جرم عائد کی جائے گی

سابق صدر آصف زرداری روسٹرم پر آ گئے،جج محمد بشیر سے مکالمہ کیا اور کہا کہ یہ ریفرنسز تو سارے چل رہے ہیں،میرا وکیلوں سے بات کرنے کا وقت کتنا ہے؟کیس تو میں نے لڑنا ہے ،جس پر عدالت نے کہا کہ جب تک آپ کے وکیل تھک نہ جائیں،

جج محمد بشیرنے آصف زرداری سے سوال کیا آپ کو ریفرنس کی کاپیاں مل گئیں؟ زرداری نے کہا کہ میں ابھی آیا ہوں ابھی ریفرنس کی کاپیاں دیکھی نہیں،

خورشید شاہ کی گرفتاری کے سوال پر آصف زرداری صحافیوں پر برس پڑے

آصف زرداری نے کہا کہ یہ کونسا کیس ہے، لطیف کھوسہ نے کہا کہ کہ منی لانڈرنگ کیس ہے، وکیل نے کہا کہ اگر آپ نے فیصلہ نہیں کرنا تو مسترد کر دیں ہم ہائیکورٹ چلے جاتے ہیں جس پر عدالت نے کہا کہ ٹھیک ہے مسترد کر دیتا ہوں ، عدالت نے آصف زرداری کو کہا کہ آپ اپنی نشست پر بیٹھ جائیں.

احتساب عدالت اسلام آباد میں منی لانڈرنگ اور پارک لین ریفرنسز پر سماعت 4 اکتوبر تک ملتوی کر دی گئی.

آصف زرداری کے وکیل لطیف کھوسہ نے پھر جیل میں اے سی کا معاملہ اٹھا دیا ،لطیف کھوسہ کا عدالت میں کہنا تھا کہ دالت نے کہا تھا اے سی دیں لیکن اے سی نہیں دیا گیا،آپ نے کہا فریج دیں لیکن انہوں نے برف کے ڈبے دے دیئے، زرداری کے دوسرے وکیل فاروق ایچ نائیک نے کہا کہ ہمیں ابھی تک ریفرنس کی کاپی بھی نہیں ملی، جس پر عدالت نے کہا کہ ریفرنس کی نقول موجود ہیں آپ کو بھی ابھی دے دیتے ہیں،

جیل سے نکلنے کا بہانہ، سیاسی لیڈر ہوتے ہیں بیمار، باغی ٹی وی کی خصوصی رپورٹ

واضح رہے کہ سابق صدر آصف زرداری بھی اڈیالہ جیل میں ہیں انہیں نیب نے جعلی اکاؤنٹ کیس میں گرفتار کیا اور اب وہ جوڈیشل ریمانڈ پر ہیں، آصف زرداری کی بھی جیل میں طبیعت خراب ہو چکی ہے، انہیں میڈیکل بورڈ کے مشورہ پر پمز میں منتقل کیا گیا تھا لیکن ایک روز پمز میں ان کے ٹیسٹ کروانے کے بعد دوبارہ جیل منتقل کر دیا گیا ہے، پمزکے ترجمان کا کہنا تھا کہ آصف زرداری کی طبیعت بہتر ہے انہیں مزید ہسپتال میں رہنے کی ضرورت نہیں،ڈاکٹرز کے مطابق آصف زرداری کے تمام ٹیسٹ کلیئر ہیں اور انہیں فزیو تھراپسٹ کی ضرورت ہے

میں ملنے گئی تو زرداری وہیل چیئر سے اٹھے، پولیس نے کہا دفعہ ہو جاؤ، آصفہ بھٹو

آصف زرداری کا طبی معائنہ، کونسی بیماری اور ڈاکٹر نے کیا تجویز کیاِ؟

ہسپتال سے جیل منتقل کئے جانے پر پیپلز پارٹی نے شدید احتجاج کیا ہے اور ایوان بالا میں تحریک بھی جمع کروا دی ہے جس میں کہا گیا ہے کہ آصف زرداری کی طبیعت ٹھیک نہیں اس لئے انہیں ہسپتال منتقل کیا جائے.

وزیراعظم عمران خان نے سویڈن کے وزیراعظم اسٹیفن لوفون سے ٹیلیفونک رابطہ کیا ہے۔

باغی ٹی وی کی رپورٹ کے مطابق وزیراعظم عمران خان نے سویڈن وزیراعظم کو فون کیا ہے، دونوں رہنماؤں کے مابین کشمیر کی موجودہ صورتحال پر بات چیت ہوئی، وزیراعظم نے سویڈش ہم منصب کو مقبوضہ کشمیر کی موجودہ صورتحال سے آگاہ کیا۔ دونوں رہنماؤں نے عالمی و علاقائی امن کیلئے مل کر کام کرنے پر اتفاق کیا۔

وزیراعظم عمران خان نے کہ بھارت نے مقبوضہ جموں کشمیرکی خصوصی حیثیت تبدیل کر دی ہے اور آج کرفیو کو 45 روز ہو گئے ہیں. بھارت کا یکطرفہ اقدام اقوام متحدہ کی قراردادوں اور انٹرنیشنل قوانین کی خلاف ورزی ہے۔ سویڈش وزیراعظم اسٹیفن لوفون نے مقبوضہ کشمیر میں انسانی حقوق کی صورتحال پر تشویش کا اظہار کیا .

طورخم بارڈر پر میڈیا سے گفتگو کرتے ہوئے وزیر اعظم عمران خان نے کہا کہ ٹریڈ زیادہ ہونے سے اس علاقے کی زندگیاں بدل جائیں گی، علاقے میں تبدیلی آ‌جائے گی، پاکستان اور خاص طور پر پختونخواہ کو فائدہ ہو گا، روزگار سب کو ملے گا، جیسے ہی کھولا تجارت میں 50 فیصد اضافہ ہوا، سہولیات بہتر ہوئیں تو علاقے میں خوشحالی آئے گی.

وزیر اعظم عمران خان کا کہنا تھا کہ اپوزیشن کا رویہ سنجیدہ نہیں، کشمیر کے لئے پارلیمنٹ کا سیشن منایا گیا لیکن اپوزیشن نے یکجہتی نہیں کی ، ان کا ایجنڈہ ہے کہ این آر او دیا جائے، وہ بلیک میل کرنا چاہتے ہیں کہ میں پریشر میں آؤں اور مشرف کی طرح این آر دوں ،پچھلے دس برسوں میں 24 ہزار ارب قرضہ دو این آر او کی وجہ سے ہوا، جب وہ واپس آئے تو اور زیادہ قرضہ چڑھا، جو بلیک میل کر رہے ہیں ان کے دور کے کیسز ہیں.

وزیراعظم عمران خان نے مزید کہا کہ جو مرضی ہو جائے، کسی کو این آر او نہیں دینا، انہوں نے بے دردی سے ملک کو لوٹا، مہنگائی نواز شریف و زرداری کی وجہ سے ہے.

وزیراعظم عمران خان نے مزید کہا کہ ملک کے معاشی حالات ٹھیک کرنے ہیں جب تک امن نہ ہو معاشی حالات ٹھیک نہیں ہو سکتے، خیبر پختونخواہ دہشت گردی سے زیادہ متاثر ہوا ہے، پاکستان کو امن کی ضرورت ہے، ہمسایوں سے تعلقات بہتر کریں یہ ہماری خواہش تھی، افغانستان سے اچھی بات چیت ہوئی، تعلقات بہتر کیے، مذکرات میں رکاوٹ آنا بدقسمتی ہے، ہم پورا زور لگائیں گے کہ مذاکرات ہوں اور امن ہو.

وزیراعظم عمران خان نے مزید کہا کہ بھارت کے اوپر قبضہ ہو گیا ہے، دنیا کے معاشرے میں ماڈریٹ لوگ ہوتے ہیں، بھارت پر ہندووں کا قبضہ ہو گیا ہے، انتہا پسند ذہبن کی کشمیر میں 45 دن کرفیو رکھ سکتا ہے، آر ایس ایس کی پالیسی مسلمانوں سے نفرت کی ہے، بھارت کے 20 کروڑ مسلمانوں سے جو کچھ ہورہا ہے اس سے لگتا ہے کہ وہاں نارمل حکومت نہیں، جب تک خصوصی حیثیت والا قانون نہیں اٹھاتے بات چیت نہیں ہو گی. اقوام متحدہ کی جنرل اسمبلی میں کشمیر کی آواز اٹھاؤں گا