Category: اہم خبریں

او آئی سی کے نمائندہ خصوصی برائے جموں و کشمیر، یوسف محمد صالح الدوبی کی قیادت میں ایک اعلیٰ سطحی وفد نے مظفرآباد، آزاد جموں و کشمیر کا دورہ کیا ہے

وفد میں او آئی سی اور پاکستان کی وزارتِ خارجہ کے سینئر حکام کے ساتھ ساتھ نمل یونیورسٹی کے نمائندے بھی شامل تھے،دورے کے دوران وفد نے مری میں اعلیٰ عسکری حکام سے ملاقات کی اور مقبوضہ جموں و کشمیر میں جاری بھارتی مظالم پر تفصیلی بریفنگ دی گئی،وفد نے مظفرآباد میں مہاجر کیمپوں اور ووکیشنل ٹریننگ سینٹرز کا دورہ کیا، جہاں انہوں نے کشمیری مہاجرین سے ملاقات کی،وفد نے کشمیری مہاجرین کی فلاح و بہبود کے لیے پاکستان کی کوششوں کو سراہا،یوسف الدوبی نے حکومتِ پاکستان اور عسکری حکام دورۂ آزاد کشمیر کو منظم طریقے سے منعقد کروانے پر شکریہ ادا کیا۔کشمیری اور فلسطینی عوام سے یکجہتی کا اظہار کرتے ہوئے وفد نے مقبوضہ علاقوں میں انسانی حقوق کی خلاف ورزیوں کے خلاف آواز بلند کرنے کے عزم کا اعادہ کیا

بلوچستان میں جاری دہشتگردی کیخلاف کراچی کی خواتین نے احتجاجی مظاہرہ کیا

احتجاجی مظاہرے کا مقصد بلوچستان میں شہید کئے جانے والے معصوم پاکستانیوں سے اظہار یکجہتی کرنا تھا
احتجاجی خواتین نے کالعدم دہشتگرد تنظیم بی ایل اے اور بلوچ یکجہتی کمیٹی کی جاری دہشتگردی کیخلاف بھی پرامن ریلی کا انعقاد کیا،ریلی مزار قائد سے شروع ہو کر کراچی پریس کلب پر اختتام پذیر ہوئی،ریلی میں طالبات، مذہبی اسکالرز، ڈاکٹرز وکلاء اور مختلف شعبہ جات سے تعلق رکھنے والی خواتین کی بڑی تعداد نے شرکت کی

ریلی سے خطاب میں شرکاء نے کہا کہ ’’کراچی کثیر القومیتی شہر ہے جہاں ہر صوبے سے تعلق رکھنے والے افراد مل جل کر رہتے ہیں‘‘کراچی میں بلوچوں کی ایک بڑی تعداد محنت مزدوری، نوکریاں اور کاروبار کرکے عزت سے رہتی ہے،بلوچستان میں "را” کے ایجنٹ جن میں بی-ایل- اے اور بلوچ یکجہتی کمیٹی شامل ہیں، دہشتگردوں نے گھناؤنی سازش کے تحت بلوچستان میں موجودصوبوں کے لوگوں کو شناختی کارڈ دیکھ کر بربریت کا نشانہ بنایا،اس کارروائی کا مقصد دوسرے صوبوں میں بھی نفرت پیدا کرنا اور صوبائی تعصب پیدا کرنا تھا،’’ان کی یہ کوشش رائیگاں گئی اور پورے ملک کی عوام بلوچ عوام کیساتھ ان دہشت گردوں کے خلاف اکٹھی ہوگئی‘‘
بلوچ ایک بہادر، غیرت مند اور محب وطن قوم ہے اور ان دہشت گردوں کی نہ تو کوئی قومیت ہے نہ کوئی مذہب،یہ دہشتگرد تو حیوان کہلانے کے بھی لائق نہیں ہیں،حقیقت یہ ہے کہ بلوچستان میں ہوتی ترقی دشمن ملک کو ہضم نہیں ہو رہی،ایک منظم سازش کے تحت ماہرنگ بلوچ معصوم بلوچ خواتین کو ڈھال بنا کر اپنے مذموم مقاصد حاصل کرنا چاہتی ہے،ماہ رنگ بلوچ ایک سازش کے تحت مسنگ پرسنز کا ڈرامہ رچا رہی ہے،یہ معصوم بلوچ لڑکیوں اور نوجوانوں کی ذہن سازی کرکے دہشتگردی کی ٹریننگ کیلئے کیمپوں میں بھیجتی ہے،ان میں سے بعض افراد وہاں سے فرار ہوکر میڈیا کے سامنے بھی پیش ہوچکے ہیں،سکیورٹی فورسزکے ہاتھوں کئی دہشتگردوں کی ہلاکت کے بعد ان کی شناخت مسنگ پرسنز کے طور پر ہوئی،حقیقت یہ ہے کہ بی ایل اے اور ماہ رنگ بلوچ کو بلوچستان کی ترقی روکنے کا ہدف دیا گیا ہے،

ریلی کے شرکاء نے پلے کارڈز بھی اٹھا رکھے تھے،پلے کارڈز پر یہ پیغام واضح طور پر درج تھا کہ’’پاکستان کے تمام صوبوں کے دل بلوچستان کیساتھ دھڑکتے ہیں”دہشتگردوں کیخلاف پوری قوم بلوچستان اور سکیورٹی فورسز کے شانہ بشانہ کھڑی ہے

پاکستان کے نائب وزیراعظم و وزیر خارجہ اسحاق ڈار ہفتے کے روز ایک روزہ سرکاری دورے پر کابل پہنچ گئے۔

کابل ہوائی اڈے پر وزارت خارجہ کے حکام بشمول ڈاکٹر محمد نعیم وردگ، مفتی نور احمد، فیصل جلالی نے ان کا استقبال کیا۔اس موقع پر کابل میں پاکستانی ناظم الامور عبید الرحمٰن نظامانی اور سفارت خانے کے دیگر حکام بھی موجود تھے۔اسحاق ڈار وزارت خارجہ بھی گئے، جہاں ان کی وزیر خارجہ افغانستان مولوی امیر خان متقی سے بھی ملاقات ہوئی،پاکستان کے نمائندہ خصوصی برائے افغانستان محمد صادق خان بھی اس دورے میں ان کے ہمراہ ہیں۔

نائب وزیرِ اعظم اور وزیرِ خارجہ اسحاق ڈار اپنے ایک روزہ دورے پر کابل پہنچ گئے ہیں۔ افغان وزارت خارجہ میں پاک افغان مذاکرات کا آغاز ہو گیا ہے، جس میں سیکیورٹی، تجارت، رابطوں اور عوامی تعلقات سمیت تمام اہم امور پر بات چیت کی جائے گی۔اسحاق ڈار نے کابل پہنچنے کے بعد کہا کہ پاکستان اپنے برادر ملک افغانستان کی ترقی اور خوشحالی کا خواہاں ہے۔ انہوں نے مزید کہا کہ افغانستان کے ساتھ پاکستان کے تعلقات برادرانہ ہیں اور دونوں ممالک کے درمیان تعلقات میں مزید بہتری کی ضرورت ہے۔

کابل میں پاک افغان مذاکرات کے دوران وزیر خارجہ اسحاق ڈار نے افغانستان کے عبوری وزیراعظم ملا محمد حسن اخوند زاد اور افغان ہم منصب امیر خان متقی سے ملاقات کی جس میں سکیورٹی سمیت دیگر دو طرفہ امور پر تفصیلی تبادلہ خیال کیا گیا،ترجمان دفتر خارجہ کا کہنا ہے کہ نائب وزیراعظم اسحاق ڈار نے افغان عبوری وزیراعظم ملا محمد حسن اخوندزاد سے ملاقات کی جس میں سکیورٹی، تجارت، ٹرانزٹ تعاون پر تبادلہ خیال کیا گیا،دفتر خارجہ کے ترجمان نے بتایا کہ ملاقات میں عوامی تعلقات سمیت باہمی دلچسپی کے امور پر بھی تفصیلی تبادلہ خیال ہوا، ملاقات میں برادرانہ تعلقات مزید مضبوط کرنے کے لیے اعلیٰ سطح تبادلوں کے عزم کا اعادہ کیا گیا۔

قبل ازیں نائب وزیراعظم و وزیر خارجہ اسحاق ڈار کی سربراہی میں اعلیٰ سطح کے پاکستانی وفد نے افغان حکام کے ساتھ مذاکرات میں شرکت کی۔ وزیر خارجہ اسحاق ڈار نے افغان ہم منصب امیر متقی سے بھی ملاقات کی جس میں دو طرفہ امور پر تبادلہ خیال کیا گیا۔

قبل ازیں نور خان ایئر بیس پر میڈیا سے بات کرتے ہوئے اسحاق ڈار نے کہا تھا کہ "افغانستان ہمارا ہمسایہ ملک ہے، اور ہمارے درمیان گہرے برادرانہ تعلقات ہیں۔” انہوں نے یہ بھی کہا کہ دونوں ممالک کی کوشش ہوگی کہ وہ ایک دوسرے کے ساتھ مل کر کام کریں تاکہ دونوں ملکوں کے عوام کی فلاح و بہبود کو یقینی بنایا جا سکے۔

اس دورے سے پاکستان اور افغانستان کے درمیان دو طرفہ تعلقات میں مزید استحکام اور ترقی کی توقع کی جا رہی ہے۔پاکستان کے وزیر خارجہ کی حیثیت سے یہ ان کا افغانستان کا پہلا سرکاری دورہ ہے۔

کھاریاں گیریژن میں پاکستان آرمی ٹیم اسپرٹ مقابلے ہوئے جس میں آرمی چیف نے مشق کے شرکا کو انفرادی اور ٹیم ایوارڈز سے نوازا۔

ڈی جی آئی ایس پی آر کے مطابق کھاریاں گیریژن میں آٹھویں بین الاقوامی پاکستان آرمی ٹیم اسپرٹ مقابلے ہوئے جس میں آرمی چیف جنرل عاصم منیر اختتامی تقریب میں بطور مہمان خصوصی شریک ہوئے۔ مشق میں پاک فوج کی 7 ٹیموں، پاک بحریہ کی ایک ٹیم اور دوست ممالک کی15 ٹیموں نے حصہ لیا، مشق میں بحرین، بیلاروس، چین، سعودی عرب، مالدیپ،مراکش،نیپال، قطر، سری لنکا، ترکی، امریکا اور ازبکستان شامل تھے۔اس کے علاوہ بنگلا دیش، مصر، جرمنی، کینیا، میانمار اور تھائی لینڈ کے نمائندوں نے بطور مبصر مشاہدہ کیا جب کہ تقریب میں بین الاقوامی مبصرین اوردفاعی اتاشیوں نے بھی شرکت کی اور تقریب کے انعقاد کو سراہا۔

آئی ایس پی آر کا کہنا ہےکہ 60 گھنٹے طویل پیٹرولنگ مشق کا مقصد جدید جنگی مہارتوں کو بڑھانا تھا، یہ مشق پنجاب کے نیم پہاڑی علاقوں میں کی گئی، آرمی چیف نے مشق کے شرکا کو انفرادی اور ٹیم ایوارڈز سے نوازا۔اس موقع پر آرمی چیف جنرل سید عاصم منیر نے کہا کہ ایسی مشقیں پیشہ ورانہ فوجی مہارتوں اور حکمت عملی سیکھنے کا صحیح فورم ہیں، ایسی مشق جنگ کے بدلتے حالات میں ٹیم اسپرٹ کو فروغ دیتی ہے، اس مقصد کیلئے پاک فوج نے کردار، جرات اور قابلیت کی بھرپور صفات کو برقرار رکھا ہے۔