Category: اہم خبریں

ہیوی انڈسٹریز ٹیکسلا میں وزارت دفاعی پیداوار کے زیر اہتمام دفاعی برآمدات کے موضوع پر ایک اہم سیمینار منعقد کیا گیا۔ اس سیمینار میں دفاعی صنعتی شراکت داروں، برآمد کنندگان، اور دیگر متعلقہ شخصیات نے بھرپور شرکت کی۔

سیمینار کے مہمانِ خصوصی سیکرٹری وزارت دفاعی پیداوار، لیفٹیننٹ جنرل (ر) محمد چراغ حیدر تھے، جبکہ ڈی جی ایم پی، ریئر ایڈمرل میاں ذاکر اللہ جان نے دفاعی صنعت کی صلاحیتوں اور عالمی مارکیٹ میں اس کی پوزیشن پر تفصیلی بریفنگ دی۔اس سیمینار میں پبلک اور پرائیویٹ سیکٹر کے نمائندگان، ماہرینِ تعلیم، اور دفاعی صنعت کے دیگر اہم شخصیات نے اپنے خیالات کا اظہار کیا۔ انہوں نے دفاعی برآمدات کے چیلنجز کو اجاگر کرتے ہوئے پالیسی اقدامات اور سہولتوں کے حوالے سے مختلف تجاویز پیش کیں۔

سیکرٹری وزارت دفاعی پیداوار لیفٹیننٹ جنرل (ر) محمد چراغ حیدر نے اپنے خطاب میں کہا کہ پاکستانی دفاعی صنعت کا قیام خود انحصاری کے حصول کے مقصد کے تحت عمل میں لایا گیا ہے۔ انہوں نے مزید کہا کہ دفاعی صنعت نہ صرف قومی معیشت میں اہم کردار ادا کر رہی ہے بلکہ خود انحصاری کی بدولت پاکستان کو زرمبادلہ بھی حاصل ہو رہا ہے۔نہوں نے کہا کہ پاکستانی دفاعی صنعت مکمل طور پر مسلح افواج کی ضروریات پوری کرنے کی صلاحیت رکھتی ہے اور اب بیرونی خریداروں کی ضروریات کو بھی پورا کرنے میں کامیاب ہو چکی ہے۔ وزارت دفاعی پیداوار دفاعی صنعت کو خود انحصار اور خود کفیل بنانے کے لیے مسلسل کوششیں کر رہی ہے۔

لیفٹیننٹ جنرل (ر) چراغ حیدر نے اس بات پر زور دیا کہ دفاعی برآمدات میں اضافے سے نہ صرف روزگار کے مواقع پیدا ہوں گے بلکہ درآمدات میں کمی آئے گی اور زرمبادلہ حاصل ہوگا۔ حکومت پبلک اور پرائیویٹ دفاعی صنعتی شعبے کی مکمل معاونت کرے گی۔

سیمینار کے شرکاء نے حکومت کی کوششوں کو سراہا اور دفاعی صنعت کے فروغ میں ہر ممکن تعاون کی یقین دہانی کرائی۔ اس کے ساتھ ہی شرکاء نے حکومت سے پالیسی اقدامات اور مزید سہولتوں کی فراہمی کے لیے مطالبہ کیا تاکہ دفاعی صنعت کے اہداف کو حاصل کیا جا سکے۔ماہرین کا کہنا تھا کہ پاکستانی دفاعی صنعت عالمی مارکیٹ میں مزید مقام حاصل کرنے کی صلاحیت رکھتی ہے اور وزارت دفاعی پیداوار اس کے فروغ کے لیے تمام ممکنہ اقدامات کرے گی۔

اس سیمینار میں تمام شرکاء نے مشترکہ کوششوں سے دفاعی صنعت کے فروغ کے لیے اقدامات پر زور دیا اور کہا کہ دفاعی صنعت اپنے اہداف حاصل کر سکتی ہے۔ حکومت کی پالیسیوں اور سہولتوں کے ذریعے پاکستانی دفاعی صنعت عالمی سطح پر مزید کامیاب ہو سکتی ہے۔

سپریم کورٹ نے نو مئی پر جوڈیشل کمیشن کی تشکیل کیلئے پی ٹی آئی کی درخواست غیر معینہ مدت تک ملتوی کردی

ایڈووکیٹ حامد خان نے دلائل دیئے اور کہا کہ 9 مئی کے واقعہ کو جوڈیشل کمیشن تشکیل دیا جائے۔9 مئی کے ملزمان کو کس انداز سے پراسیکیوٹ کیا جا رہا ہے۔جسٹس جمال خان مندوخیل نے کہا کہ کس قانون کے تحت جوڈیشل کمیشن بنائے۔آپ نے درخواست میں لکھا ہے 9 مئی کو درجنوں لوگ مارے گئے۔کسی کا ڈیتھ سرٹیفکیٹ درخواست کیساتھ نہیں لگایا گیا۔حامد خان نے کہا کہ انکوائری جوڈیشل کمیشن کرے گا تو اموات کا پتہ چلے گا۔جسٹس حسن اظہر رضوری نے کہا کہ ایک سرٹیفکیٹ یا ایف آئی آر کا کاپی تو لگا سکتے تھے۔

سپریم کورٹ، نومئی ملزمان کی ضمانت منسوخی کی درخواست پر سماعت ملتوی
سپریم کورٹ ،نو اور دس مئی کے ملزمان کی ضمانت منسوخی سے متعلق کیس کی سماعت ہوئی،عالیہ حمزہ اور شہریار آفریدی و دیگر کی ضمانت منسوخی کی اپیلوں پر سماعت ہوئی،پنجاب حکومت نے رپورٹ جمع کروانے کیلئے عدالت سے وقت مانگ لیا،عدالت نے کیس سماعت دو ہفتوں کیلئے ملتوی کر دی

8 فروری انتخابات دھاندلی کیس، درخواستوں کو نمبر لگانے کی استدعا مسترد
علاوہ ازیں سپریم کورٹ نے تحریک انصاف اور شیر افضل مروت کی 8 فروری انتخابات دھاندلی کیس درخواستوں کو نمبر لگانے کی استدعا مسترد کردی،عدالت نے کیس کے میرٹ پر وکلاء کو بھی تیاری کرنے کی مہلت دیدی،وکیل حامد خان اور ریاض حنیف راہی نے کہا کہ رجسٹرار آفس کے اعتراضات ختم کرکے درخواست کو نمبر لگا دیں۔ہماری آج صرف چمبر اپیل سماعت کیلئے مقرر ہے۔جسٹس جمال خان مندوخیل نے کہا کہ آپ کیس پر میرٹ پر دلائل دیں سن لیتے ہیں۔ریاض حنیف راہی نے کہا کہ کیس کو نمبر لگائیں اور میرٹ پر تیاری کا وقت دیدیں۔عدالت نے اعتراضات ختم کرکے نمبر لگانے کی استدعا مسترد کردی،عدالت نے کیس کی سماعت غیر معینہ مدت کیلئے ملتوی کردی،جسٹس امین الدین خان سربراہی میں پانچ رکنی بینچ نے سماعت کی

مسلم لیگ ن کے صدر میاں نواز شریف نے سیاسی میدان میں اپنی دوبارہ سرگرمیوں کا آغاز کر دیا ہے اور پارٹی رہنماؤں سے اہم ملاقاتیں کی ہیں۔ ان ملاقاتوں کا مقصد پارٹی کے آئندہ سیاسی لائحہ عمل اور صوبائی سطح پر مسلم لیگ ن کی صورتحال کا جائزہ لینا تھا۔

میاں نواز شریف نے ماڈل ٹاؤن میں پارٹی کے سینئر رہنماؤں سے ملاقات کی، جن میں سیکریٹری جنرل احسن اقبال، انجئینئر امیر مقام، انوشہ رحمٰن اور کیپٹن ریٹائرڈ صفدر شامل تھے۔ اس ملاقات میں مسلم لیگ ن کے داخلی امور، آئندہ انتخابات کی حکمت عملی اور عوامی رابطہ مہم پر تفصیل سے تبادلہ خیال کیا گیا۔ذرائع کے مطابق میاں نواز شریف نے نارووال میں حالیہ کامیاب جلسے کی تعریف کی اور پارٹی کو مزید فعال کرنے کے لیے عوامی رابطہ مہم کو تیز کرنے کی ہدایت کی۔ اس دوران احسن اقبال نے میاں نواز شریف کو پارٹی کے اہم امور پر بریفنگ دی اور عید کے بعد مختلف شہروں میں مزید جلسوں کے انعقاد پر مشاورت کی گئی۔

ملاقاتوں میں اس بات پر بھی زور دیا گیا کہ مسلم لیگ ن کے مرکزی رہنما پارٹی کو عوام تک پہنچانے کے لیے موثر اقدامات کریں اور پارٹی کی ساکھ کو مزید مستحکم کریں۔ عید کے بعد مختلف شہروں میں جلسوں کے انعقاد کی تجویز پر بھی تفصیل سے گفتگو کی گئی تاکہ پارٹی کا پیغام زیادہ سے زیادہ عوام تک پہنچایا جا سکے اور آئندہ سیاسی چیلنجز کا مقابلہ کیا جا سکے۔میاں نواز شریف کی اس سیاسی سرگرمی نے نہ صرف مسلم لیگ ن کے کارکنوں کو ایک نئی امید دی ہے بلکہ پارٹی کے حامیوں کے درمیان بھی جوش و جذبہ پیدا کیا ہے۔ اس وقت مسلم لیگ ن کی قیادت کی کوشش ہے کہ وہ اپنے آپ کو ملک کی سیاست میں مزید مستحکم کرے اور عوامی حمایت حاصل کرے۔

تصاویر،ابوظہبی کے ولی عہد شیخ خالدبن محمد بن زیدالنہیان کا دورہ پاکستان

ایک ماہ میں امریکی فوج سے ٹرانسجینڈر فارغ کرنیکا حکم

6 ملکوں سے مزید 67 پاکستانی ڈی پورٹ، 5 گرفتار

اسلام آباد: وفاقی کابینہ میں نئے وزراء کو شامل کرلیا گیا ہے جنہوں نے ایوان صدر میں منعقد ہونے والی حلف برداری کی تقریب میں اپنے عہدوں کا حلف اٹھایا۔

حلف برداری کی تقریب ایوان صدر میں منعقد ہوئی جس میں صدر مملکت آصف علی زرداری نے نئے وزراء سے حلف لیا۔ اس موقع پر وزیراعظم شہباز شریف، چیئرمین سینیٹ یوسف رضا گیلانی اور خاتون اول آصفہ بھٹو زرداری بھی موجود تھے۔نئے وزراء نے بطور وفاقی وزیر اپنے عہدوں کا حلف اٹھایا، جن میں حنیف عباسی، معین وٹو، مصطفیٰ کمال، اور سردار یوسف شامل ہیں۔ اس کے علاوہ اورنگزیب کچھی، رانا مبشر، رضا حیات ہراج، اور طارق فضل چوہدری نے بھی بطور وفاقی وزیر حلف اٹھایا۔علی پرویز ملک، شزا فاطمہ، جنید انور، خالد مگسی اور پیر عمران شاہ نے بھی وفاقی وزراء کے طور پر حلف لیا۔

اس کے ساتھ ہی طلال چوہدری، بیرسٹر عقیل ملک، ملک رشید، ارمغان سبحانی، کھیئل داس کوہستانی، عبدالرحمان کانجو، بلال اظہر کیانی اور مختار بھرت نے بطور وزیر مملکت حلف اٹھایا۔ مزید برآں، شزرا منصب، عون چوہدری اور وجیہہ قمر نے بھی بطور وزیر مملکت حلف اٹھایا۔

تیرہ نئے وفاقی وزیر، گیارہ وزرائے مملکت اور تین نئے مشیروں نے حلف لیا،محمد علی، سید توقیر شاہ اور پرویز خٹک کو ایڈوائزر بنایا گیا ہے

سپریم کورٹ میں فوجی عدالتوں میں سویلینز کے ٹرائل کے خلاف انٹرا کورٹ اپیل پر سماعت ہوئی.

جسٹس امین الدین خان کی سربراہی میں 7 رکنی آئینی بینچ نے کی۔ دورانِ سماعت سول سوسائٹی کے وکیل فیصل صدیقی نے کہا کہ فوجی عدالتوں کے خلاف 5 رکنی بینچ کا ایک نہیں 3 فیصلے ہیں، جسٹس عائشہ ملک، جسٹس منیب اختر اور جسٹس یحییٰ آفریدی نے اپنے فیصلے لکھے، تمام ججز کا ایک دوسرے کے فیصلے سے اتفاق تھا، فیصلے یکساں اور وجوہات مختلف ہوں تو تمام وجوہات فیصلہ کا حصہ تصور ہوتی ہیں۔ جسٹس محمد علی مظہر نے کہا کہ ججز نے اضافی نوٹ نہیں بلکہ فیصلے لکھے تھے۔جسٹس جمال مندوخیل نے کہا کہ تمام 5 ججز متفق تھے کہ سویلینز کا ملٹری ٹرائل نہیں ہو سکتا۔

وکیل فیصل صدیقی نے کہا کہ عذیر بھنڈاری نے انٹرا کورٹ اپیل کا دائرہ اختیار محدود ہونے کا مؤقف اپنایا، ان کے مؤقف سے اتفاق نہیں کرتا، عذیر بھنڈاری کا انحصار پریکٹس اینڈ پروسیجر کیس میں جسٹس منصور کے نوٹ پر تھا۔جسٹس محمد علی نے کہا کہ پریکٹس اینڈ پروسیجر فیصلے میں ماضی سے اپیل کا حق مل جاتا تو 73 سے اپیلیں آجاتیں۔وکیل فیصل صدیقی نے کہا کہ اپیل کا دائرہ محدود کر دیا تو ہماری کئی اپیلیں بھی خارج ہو جائیں گی۔جسٹس امین الدین خان نے کہا کہ فیصلہ دینے والا بینچ ہی نظرِ ثانی اپیل سنتا ہے جبکہ انٹرا کورٹ اپیل لارجر بینچ سنتا ہے، لارجر بینچ مقدمہ پہلی بار سن رہا ہوتا ہے اس لیے پہلے فیصلے کا پابند نہیں ہوتا۔