Category: اہم خبریں

کراچی (سعد فاروق)پاکستان اور افغانستان کے درمیان سرحدی جھڑپوں پر بھارت کی جانب سے طالبان حکومت کی حمایت میں جاری کردہ بیان نے نئی بحث چھیڑ دی ہے۔

بھارتی وزارتِ خارجہ کے ترجمان نے ایک بیان میں کہا ہے کہ پاکستان دہشتگرد تنظیموں کی میزبانی کرتا ہے، اپنے اندرونی مسائل کا ذمہ دار پڑوسی ممالک کو ٹھہراتا ہے، اور افغانستان کی خودمختاری سے خائف ہے۔بین الاقوامی سیاسی ماہرین کے مطابق یہ بیان بھارت کے پراپیگنڈہ مہم کا حصہ ہے جس کا مقصد پاکستان کو عالمی سطح پر بدنام کرنا اور افغانستان کے اندر پاکستان مخالف عناصر کی پشت پناہی کو چھپانا ہے۔ذرائع کے مطابق بھارتی خفیہ ایجنسی را گزشتہ کئی برسوں سے افغانستان کی سرزمین کو استعمال کرتے ہوئے پاکستان کے اندر دہشتگرد کارروائیاں کروا رہی ہے۔ ان کارروائیوں میں تحریک طالبان پاکستان (TTP) اور دیگر شدت پسند گروہ شامل ہیں، جنہیں مالی امداد اور اسلحہ فراہم کیا جا رہا ہے۔

دفاعی ماہرین کا کہنا ہے کہ بھارت کی یہ حکمتِ عملی دراصل ہائبرڈ وار کا حصہ ہے، جس کے ذریعے پاکستان کے اندر سیاسی، معاشی اور سکیورٹی عدم استحکام پیدا کرنے کی کوشش کی جا رہی ہے۔پاکستانی حکام کا کہنا ہے کہ پاکستان اپنی سرحدوں اور خودمختاری کے تحفظ کے لیے ہر ممکن قدم اٹھائے گا اور کسی بھی ملک کو پاکستان کے اندر دہشتگردی کروانے کی اجازت نہیں دی جائے گی۔

سیاسی تجزیہ نگاروں کا ماننا ہے کہ بھارت کا یہ رویہ نہ صرف علاقائی امن کے لیے خطرہ ہے بلکہ یہ اس بات کا بھی ثبوت ہے کہ بھارت افغانستان کو پاکستان کے خلاف پراکسی محاذ کے طور پر استعمال کرنے کی پالیسی پر گامزن ہے۔

دراندازی کی کوشش ناکام، پاک فوج نے فتنۃ الخوارج کے 50 دہشتگرد ہلاک کردیے

جمہوری عمل کمزور ہونے کی مثالیں پاکستان کی سیاسی جماعتوں کے لیے وارننگ،تجزیہ:شہزاد قریشی

کراچی کی افغان بستی میں تجاوزات کے خلاف آپریشن، 200 سے زائد گھر مسمار

سیکیورٹی ذرائع کے مطابق افغان طالبان رجیم اور بھارتی میڈیا کے درمیان پاکستان مخالف پروپیگنڈا گٹھ جوڑ بے نقاب ہو گیا ہے۔

ذرائع کا کہنا ہے کہ بھارتی میڈیا افغان جارحیت سے متعلق جھوٹی اور گمراہ کن خبریں نشر کر رہا ہے۔ گزشتہ روز افغان طالبان کے پاکستانی ٹینک قبضے میں لینے کے دعوے کو افغان ترجمان نے بڑھا چڑھا کر پیش کیا، تاہم فیکٹ چیک گروپ گروک نے اس جھوٹ کو بے نقاب کر دیا۔ رپورٹ کے مطابق وہ ٹینک دراصل روسی ساختہ تھا اور پہلے سے ہی افغان طالبان کے زیر استعمال تھا۔ذرائع کے مطابق افغان طالبان کے ترجمان ذبیح اللہ نے ایکس (ٹوئٹر) پر دوستی گیٹ کو تباہ کرنے سے متعلق بیان جاری کیا، جسے بھارتی میڈیا نے توڑ مروڑ کر پاکستان مخالف پروپیگنڈے کے طور پر پیش کیا۔

سیکیورٹی رپورٹ میں بتایا گیا ہے کہ افغان دوستی گیٹ افغانستان کی جانب سے نصب آئی ای ڈی دھماکے میں تباہ ہوا، جبکہ پاکستانی سمت میں موجود گیٹ مکمل طور پر محفوظ اور اپنی اصلی حالت میں موجود ہے۔علاوہ ازیں بھارتی اور افغان میڈیا نے کابل میں ہونے والے دھماکے کو آئل ٹینکر پھٹنے کا واقعہ قرار دیا، جب کہ حقیقت میں یہ حملہ پاک فوج کی پریسژن اسٹرائکس (Precision Strikes) کے نتیجے میں ہوا تھا۔

ذرائع نے انکشاف کیا کہ بھارتی میڈیا اپنے مذموم مقاصد کے لیے فیک اور اے آئی سے تیار کردہ جعلی ویڈیوز بنانے میں مصروف ہے۔ حتیٰ کہ شمالی وزیرستان کے شہری عادل داوڑ کو شہید پاکستانی فوجی قرار دیا گیا، جس نے بعد میں ویڈیو پیغام جاری کر کے تمام جھوٹے دعووں کی تردید کر دی.

جمہوری عمل کمزور ہونے کی مثالیں پاکستان کی سیاسی جماعتوں کے لیے وارننگ،تجزیہ:شہزاد قریشی

غزہ میں جنگ بندی کے باوجود اسرائیلی حملے جاری، مزید 3 فلسطینی شہید

ایم 6 موٹروے منصوبہ: 475 ملین ڈالر کی منظوری، 2028 تک تکمیل کا ہدف

پاکستان اور قازقستان کے درمیان عسکری تعلقات کو مزید مضبوط بنانے کے لیے دو ہفتوں پر مشتمل مشترکہ انسدادِ دہشت گردی تربیتی مشق ’دوستارم-5‘ کا آغاز کردیا گیا ہے۔

پاک فوج کے شعبہ تعلقات عامہ (آئی ایس پی آر) کے مطابق یہ مشق 13 سے 24 اکتوبر 2025 تک اسپیشل آپریشنز اسکول چراٹ میں جاری رہے گی، جس میں پاک فوج کے اسپیشل سروسز گروپ (ایس ایس جی) اور قازقستان آرمی کی اسپیشل فورسز کے دستے حصہ لے رہے ہیں۔افتتاحی تقریب چراٹ میں منعقد ہوئی۔ ترجمان پاک فوج کے مطابق اس مشق کا مقصد مشترکہ تربیت کے ذریعے پیشہ ورانہ صلاحیتوں میں اضافہ اور دونوں برادر ممالک کے تاریخی عسکری تعلقات کو مزید مستحکم کرنا ہے۔

آئی ایس پی آر کے مطابق پاکستان باقاعدگی سے ایشیا، مشرقِ وسطیٰ اور دیگر خطوں کے ممالک کے ساتھ مشترکہ فوجی مشقیں کرتا ہے تاکہ آپریشنل تیاری میں بہتری، دفاعی تعاون میں اضافہ اور باہمی ہم آہنگی کو فروغ دیا جا سکے۔ان مشقوں سے پاکستان کو انسدادِ دہشت گردی کے تجربات شیئر کرنے، اتحادی ممالک کے ساتھ تعلقات مضبوط بنانے اور ایک متوازن و ذمہ دار علاقائی کردار کے طور پر اپنی ساکھ کو مزید اجاگر کرنے کا موقع ملتا ہے۔

یاد رہے کہ اپریل میں آرمی چیف فیلڈ مارشل عاصم منیر نے قازقستان کا سرکاری دورہ کیا تھا، جہاں انہوں نے وزیرِ دفاع کرنل جنرل رسلان سے ملاقات میں دفاعی تعاون، علاقائی سلامتی اور مشترکہ تزویراتی مقاصد پر تفصیلی تبادلہ خیال کیا گیا تھا.

مودی نے روس سے تیل نہ خریدنے کی یقین دہانی کرائی، ڈونلڈ ٹرمپ

لاہور میں بلاول ہاؤس کی سیکیورٹی واپس، ن لیگ اور پیپلز پارٹی میں کشیدگی بڑھ گئی