Category: کشمیر

مقبوضہ کشمیر میں تحریک آزادی سے خوفزدہ بھارتی فوجی رات کے وقت دکانوں کو آگ لگا رہے ہیں ۔ اس اقدام کا مقصد کشمیریوں کو خوف و ہراس میں مبتلا کرکے تحریک آزادی سے ان کی توجہ ہٹانا ہے۔

کشمیر میڈیا سروس کے مطابق بھارتی فورسز نے گذشتہ پندرہ دنوں کے دوران ضلع بڈگام کے بیروہ کے علاقے میں کم از کم 15 دکانوں کو نذر آتش کردیا ہے۔ مقامی لوگوں نے کہا کہ فوجیوں نے 14 اور 15 ستمبر کی درمیانی شب بیروہ میں بس اسٹینڈ کے قریب بارہ دکانوں کوآگ لگائی۔ اس سے قبل اسی بازار میں غلام محمد رنگروٹ ، پرویز احمد وازہ اور مشتاق احمد بٹ کی دکانوں کو بھی نذر آتش کیا گیا تھا۔

مقامی لوگوں نے مزید بتایا کہ آتشزدگی کے واقعات سے علاقے میںخوف وہراس پھیل گیا ہے۔مقامی آبادی کے مطابق 05 اگست سے دکانوں اور بازاروں پر ہندوستانی فوجی کنٹرول کرتے ہیں۔ ان کا کہنا تھا کہ کرفیو کی وجہ سے علاقے میں صرف فوجی موجود تھے اور وہ دکانوں کو نذر آتش کررہے تھے۔

آزاد کشمیر کے صدر سردار مسعود خان نے کہا ہے کہ بھارت کے آزاد کشمیر پر حملے کی باتیں خطے کو جنگ کی طرف لے جارہی ہیں

باغی ٹی وی کی رپورٹ کے مطابق ایک تقریب سے خطاب کرتے ہوئے صدر آزاد کشمیر سردار مسعود خان نے کہا کہ دنیا بھر میں کشمیر میں ہونےوالے مظالم کے خلاف احتجاج کیا گیا ،60ممالک نے کشمیر کے مسئلے پر پاکستان کے مؤقف کی حمایت کی ہے ،ثالثی کا چرچا اور شور ہے اس کے لیے چند شرائط ہونی چاہئیں،ثالثی کے لیے اقوام متحدہ کے اصولوں کو اپنایا جائے،

صدر آزاد کشمیر سردار مسعود خان کا مزید کہنا تھا کہ عالمی دنیا اور سول سوسائٹی نے کشمیر کے معاملے پر آواز اٹھائی ہے،آج یورپین پارلیمنٹ میں بھارتی مظالم پر 12سال بعد بات کی جائے گی.

کشمیر میں بربریت کو آج 44 واں روز ہے۔ مقبوضہ وادی دنیا کی سب سے بڑی جیل کا منظر پیش کرنے لگی ۔ سری نگر کے چوکوں اور چوراہوں پر بھارتی فوج نے بلٹ پروف بنکرز بنا لیے

کشمیر میں بھارت کی فوجی دہشت گردی کا آج 44 واں روز ہے۔ مقبوضہ وادی دنیا کی سب سے بڑی جیل بن چکی ہے۔ سری نگر کے چوراہوں پر بھارتی فوج نے بلٹ پروف بنکرز بنا لیے۔ کشمیریوں کے لیے آواز اٹھانے والے عالمی اداروں کے خلاف بھارت کی سازشیں ناکام ہو گئیں، آج یورپی یونین کے اجلاس میں مسئلہ کشمیر پر بحث ہو گی۔
کرفیو، لاک ڈاؤن، جگہ جگہ بھارتی فوجی تعینات، قابض بھارتی فورسز نے سری نگر کے جہانگیر چوک، بخشی سٹیڈیم، سبزی منڈی چوک میں بلٹ پروف بنکرز بھی قائم کر لئے۔
وادی کے ہر گلی کوچے پر بھارتی فوجی تعینات ہیں جن کی قائم کردہ چیک پوسٹوں پر خطرناک اسلحہ موجود ہے، کوئی شہری انتہائی ضرورت کے تحت اپنے گھر سے نکلنے کی کوشش کرے تو پیلٹ گنز سے شدید زخمی کر دیا جاتا ہے، ظلم کی انتہا کہ ہسپتالوں میں ادویات تک ختم ہو چکی ہیں اور مریضوں کی حالت انتہائی خراب ہے، آپریشن کرنے کیلئے بھی ضروری سامان مہیا نہیں اس کے باوجود مودی حکومت ذرا سی لچک دینے کو تیار نہیں۔

واضح رہے کہ مقبوضہ کشمیر میں کرفیو کو44 روز ہو گئے ہیں،بھارتی حکام نے گذشتہ 44 روز میں دس ہزار سے زائد افراد کو گرفتار کیا جن میں سابق وزرا اعلی سمیت 200 سے زائد سیاستدان شامل ہیں .بھارتی فوج نے 3 ہزار سے زائد کشمیریوں کو سنگ بازی کے الزام میں گرفتار کیا، ڈیڑھ سو سے زائد کشمیریوں کو عسکریت پسندوں سے تعلق کے الزام پر گرفتار کیا گیا ہے.
لاکھوں لوگوں کو ادویات اور اشیائے خوراک تک رسائی نہیں جب کہ انٹرنیٹ اور موبائل سروسز مسلسل بند ہیں، اس کے علاوہ سکیورٹی فورسز اور مقامی کشمیریوں کے درمیان جھڑپیں معمول بن چکی ہیں. تعلیمی ادارے تا حال بند ہیں، سرچ آپریشن کے دوران بھارتی فوج کشمیری خواتین کو بھی تشدد کا نشانہ بناتی ہے، کشمیر میں چھ ہفتے گزر گئے کشمیریوں‌کو نماز جمعہ مسجد میں ادا کرنے کی اجازت نہیں دی گئی.

صدر آزاد کشمیر سردار مسعود خان نے کہا کہ مقبوضہ کشمیرکے لوگوں کا عزم ہے کہ وہ آزادی لے کر رہیں گے،

باغی ٹی وی کی رپورٹ‌ کے مطابق انہوں نے کہا کہ بھارت اور مقبوضہ جموں و کشمیر میں مسلمانوں کو نشانہ بنایا جا رہا ہے، مختلف مذاہب سے تعلق رکھنے والے لوگوں کو کشمیریوں پر بھارتی مظالم کا پتا ہے، جنگ کا آغاز ہو چکا ہے، مقبوضہ کشمیر پر حملہ ریاست پاکستان پر حملہ ہے، کشمیری فولاد سے بنی قوم ہے، کشمیری بغیر کسی ہتھیار کے لڑرہے ہیں، مودی نے نہ صرف کشمیر بلکہ پورے بھارت میں ٹائم بم نصب کر دیے ہیں، آزاد کشمیر آزاد ہے اور مقبوضہ کشمیر پر قبضہ ہے،

سردار مسعود خان نے کہا کہ تصور جہاد کے تمام اصول انسانیت کے حقوق پر مبنی ہیں،

بھارتی ایجنسیوں نے 29 سال قبل قتل ہونے والے ہندوستانی فضائیہ کے چار اہلکاروں کے قتل کے الزام میں‌ جموں‌ کشمیر لبریشن فرنٹ‌ کے چیئرمین اور معروف کشمیری لیڈر محمد یٰسین ملک کو پھنسانے کی کوششیں تیز کر دی ہیں،

باغی ٹی وی کی رپورٹ کے مطابق آر ٹی ٹی وی نے آج اس سلسلہ میں ایک تازہ رپورٹ نشر کی ہے جبکہ تین دن قبل جموں کشمیر کی انسداد دہشتگردی کی عدالت (ٹاڈا) نے جے کے ایل ایف لیڈر یاسین ملک کے خلاف 29 سال قبل بھارتی فضائیہ کے اہلکاروں کے قتل کے مقدمے کی دوبارہ سماعت شروع کردی ہے، رواں سال مارچ میں جموں کشمیر لبریشن فرنٹ پر پابندی عائد کی گئی تھی،

بھارتی میڈیا کی طرف سے دعویٰ کیا گیا کہ یٰسین ملک پر بھارتی فضایہ کے چار اہلکاروں کے قتل اور اس وقت کے انڈیا کے وزیر داخلہ مفتی محمد سعید کی بیٹی روبیہ سعید کے اغوا کے الزامات ہیں، اسی طرح ایک رپورٹ میں 1989 میں کشمیری پنڈتوں کے قتل کا الزام بھی عائد کیا گیا ہے، ہندوستانی فضائیہ کے چار اہلکاروں کے قتل کا مقدمہ 29 سال بعد پیش کیا جا رہا ہے،اس کیس کی پیروی کرنے والے سرکاری وکیل پوتر سنگھ بھاردواج نے صحافیوں کو بتایا کہ جے کے ایل ایف لیڈر کے خلاف مقدمہ اب اپنے منطقی انجام کو پہنچے گا، میڈیا رپورٹس میں بتایا گیا ہے کہ اس موقع پر جب ان سے جب پوچھا گیا کہ اس مقدمے کی سماعت میں اتنی تاخیر کیوں ہوئی تو انھوں نے کہا کہ ملزم اتنے عرصے تک کیس کو ملتوی کرانے کی حکمت عملی اپناتا رہا،اسے سیاسی پشت پناہی بھی حاصل تھی۔