Category: کشمیر

لاہور : ایمرا صدر محمد آصف بٹ اور ایمراباڈی نے آئندہ کشمیر کپ کی سرپرستی کا اعلان کرکے صحافتی ، شوبر اور فنکار براردی کے دل جیت لئے۔ایمرا صدر محمد آصف بٹ نے کشمیر کرکٹ لیگ میں بطور مہمان خصوصی شرکت کی۔ اس موقع پرایمرا صدر محمد آصف بٹ نے کشمیر کرکٹ کپ کی فاتح ٹیم کے لئے نقدی انعام منتظمین کشمیر کرکٹ کپ میں دے کر کھلاڑیوں حوصلہ افزائی کی۔

کشمیر کرکٹ کپ میں الیکٹرانک میڈیا ، پرنٹ میڈیا ، شوبز اور ماڈلز سمیت فنون لطیفہ سے تعلق رکھنے والی چار ٹیموں نے حصہ لیا۔منتظمین کشمیرکرکٹ کپ نونی خان نے صدرایمرا محمد آصف بٹ کا شکریہ ادا کیا ۔

ایمرا صدر محمد آصف بٹ کا آئندہ کشمیر کپ صحافتی، شوبز اور فنون لطیفہ سے تعلق رکھنے والی برادری کے لئے الیکٹرونک میڈیا رپورٹرز ایسوسی ایشن کے زیر انتظام کروانے کا اعلان ۔

ایمراباڈی آئندہ کشمیر کپ میں حصہ لینے والی تمام ٹیموں کو گراونڈ ، کرکٹ یونیفارم ، گیند بیٹ سمیت تمام سہولیات مہیاکرے گی ۔ایمرا صدر محمد آصف بٹ

ایمرا صدر محمد آصف بٹ کاکہنا تھاکہ کشمیر پاکستان کی شہ رگ ہے۔ پاکستان صحافتی برادری، پی ایف یو جے ،کے صدر رانامحمد عظیم صاحب اور، پی یو جے ،کے صدر شہزاد حسین بٹ کی قیادت میں بھارت کی جانب سے مقبوضہ جموں کشمیر میں بھارت کی جانب سے کشمیریوں پر ہونے مظالم پر صحافیوں کثیر تعداد کے ساتھ آزاد کشمیر مظفرآباد سے چکوٹھی سیکٹر تک یکجہتی کشمیر مارچ کرچکے ہیں۔اس طرح کی سرگرمیوں سے معاشرے مثبت پہلوں اجاگر ہوتے ہیں

ایمرا صدر محمد آصف بٹ کاکہنا تھاکہ کشمیریوں پر ہونے والے مظالم کو صحافتی برادری ہمیشہ اجاگر کرتی رہی ہے ۔ صحافیوں کے ساتھ شوبز اور فنکار برادری سے تعلق رکھنے والے افراد کی جانب کشمیر کپ کا انعقاد کرواکے کشمیر کے عوام کے ساتھ اظہار یکجہتی کے طور پر پیش کرنا قابل تحسین ہے۔

باری سٹوڈیو میں ہونے والے کشمیر کپ میں الیکٹرونک میڈیا ٹیم کی جانب سے فرحان علی خان ، احسن ابتک نیوز ، خواجہ قادر خواجہ، محمد بلال نیونیوز، یارمحمد، خواجہ رمضان ، اے آر وائے نیوز، خرم دنیا نیوز، فیصل بٹ چینل 5 ، عمر عظیم آپ نیوز، دیاخان اردو پوائنٹ سمیت میڈیا رپورٹرز نے حصہ لیا۔کشمیر کپ میں، الیکٹرانک میڈیا ایگل ، ہرن میڈیا پینتھرز ، سنگرز سٹار ، ماڈلز سلطان نے حصہ لیا۔

سینئر صحافی راناعامر صاحب ، راناطاہر صاحب ، رانا شہروز صاحب اور ممبر گورننگ باڈی ایمرا محمد آصف خاورسمیت صحافتی برادری اور شوبز اور فنون لطیفہ سے تعلق رکھنے افراد کے ساتھ ساتھ سینکڑوں شہریوں نے باری سٹوڈیو میں ہونے کرکٹ مچزمیں شرکت کرکے کشمیر کےساتھ اظہار یکجہتی کیا۔

سیمی فائنل میچ ماڈلز الیون اور الیکٹرانک میڈیا کی ٹیموں کے درمیان کھیلا گیا۔فائنل میچ میں الیکٹرانک میڈیا کی ٹیم نے سنسنی خیز مقابلے ماڈلز کی ٹیم کو شکست دیکر فائنل اپنے نام کی

سابق امریکی نائب صدر جوبائیڈن کا کہنا ہے کہ صدر ٹرمپ کی خاموشی کے باعث دنیا بھر میں انسانی حقوق کے مسائل جنم لے رہے ہیں، کشمیر سمیت دنیا بھر میں جو کچھ ہو رہا ہے اس کو ہمیں تبدیل کرنا ہوگا۔

سابق نائب امریکی صدر جوبائیڈن نے یہ بات پاکستانی نژاد امریکی بزنس مین اور ڈیموکریٹک پارٹی کے رہنما طاہر جاوید کی بوماؤنٹ ٹیکساس میں واقع رہائش گاہ پر ایک استقبالیہ اور طاہر جاوید سے ون آن ون ملاقات کے موقع پر کہی۔

جو بائیڈن نے کشمیر میں انسانی حقوق کی پامالیوں اور اس کے اثرات کو جنوبی ایشیاء میں امن کے لیے خطرہ قرار دیتے ہوئے کہا کہ اس وقت جو کچھ ہو رہا ہے اس کو تبدیل کرنا ہوگا۔جوبائیڈن نے خبردار کیاکہ بھارت کشمیر میں مظالم ڈھا رہا ہے اور عالمی قوتوں کی خاموشی اچھی نہیں ، امریکہ کو بھی بھرپور کردار ادا کرنا چاہیے

6 امریکی سینیٹرز نے بھارت میں امریکی سفیر اور اسلام آباد میں امریکی ناظم الامور کو خط لکھا ہے۔جس میں یہ انکشاف کیا گیا ہےکہ بھارت کشمیر میں مظالم ڈھا رہا ہے، اس خط میں کہا گیا ہےکہ بھارت کو کشمیریوں پر مظالم ڈھانے سے روکا جائے

بھارت میں امریکی سفیر اور اسلام آباد میں امریکی ناظم الامور کو امریکی سینیٹرز نے خط میں کہا ہے کہ بھارتی حکومت نے جموں کشمیر میں مواصلاتی رابطے بند کر رکھے ہیں، جموں کشمیر میں کرفیو، اظہارِ رائے، اجتماعات، نقل و حرکت پر بندش ناقابلِ قبول ہے۔ بڑی تعداد میں جبری گرفتاریوں، عصمت دری، رہنماؤں کی گرفتاریوں کی بھی اطلاعات ہیں۔

خط میں کہا گیا ہےکہ جموں کشمیر میں نسل کشی پر جینوسائیڈ واچ کے الرٹ پر گہری تشویش ہے، اس ساری صورتِ حال سے پاک بھارت تعلقات مزید خراب ہونے کا خدشہ ہے۔خط میں اپنے سفیر اور ناظم الامور کو ہدایت کی ہے کہ وہ جموں کشمیر میں پابندیاں اٹھانے اور صحافیوں کی رسائی کے لیے بھارتی حکومت پر دباؤ ڈالیں۔

لیڈز: بھارتی مظالم کے خلاف احتجاج اور مظاہروں کا سلسلہ دنیا بھر میں جاری و ساری ، کبھی امریکہ تو کبھی یورپ کی فضاوں میں کشمیر بنے گا پاکستان کے نعرے مسلسل گونج رہے ہیں، اطلاعات کے مطابق تازہ احتجاج اورمظاہرہ برطانوی شہر لیڈز کے ملینیم اسکوائر میں احتجاجی مظاہرہ کیا گیا

لیڈز سے ذرائع کے مطابق لیڈز سِوک ہال کے باہر مقبوضہ کشمیر میں بھارتی مظالم کے خلاف زبردست احتجاجی مظاہرہ کیا گیا، یہ مظاہرہ کشمیر میں بھارتی قبضے اور کشمیریوں پر بھارتی مظالم کے خلاف کیا گیا احتجاجی مظاہرے میں لیڈز کے شیڈو وزیر رچرڈ برگن اور فیبین ہملٹن نے بھی شرکت کی۔

برطانوی میڈیا کے مطابق لیڈز کے کی فضاو‌ں میں بھارت کے خلاف اس مظاہرے میں لیڈز کے شیڈو وزیر سمیت لوکل ممبران پارلیمنٹ، سیاسی ایکٹویسٹس، انسانی حقوق کے لیے کام کرنے والوں اور کشمیریوں کی بڑی تعداد شریک ہوئی، شرکا نے کشمیر کے ساتھ اظہار یک جہتی کیا۔شرکت کرنے والے اراکین میں آلیکس ڈیوڈ سوبیل اور ہیلری بین شامل تھے، مظاہرے میں بچے، بوڑھے، جوان اور خواتین نے بڑی تعداد میں شرکت کی۔

چٹاگانگ : بنگلا دیش کے مسلمان بھی کشمیر اور کشمیری مسلمانوں کے حق میدان میں آگئے ، بنگلہ دیش میں جگہ جگہ کشمیویوں کے حق میں مظاہرے ، جلوس اور جلسے ، بنگلہ دیش کی فضائیں ” کشمیر بنے گا پاکستان ” کے نعروں سے گونج اٹھا

باغی ٹی وی کو بنگلا دیش سے ملنے والی اطلاعات اور تفصیلات کے مطابق بھارت کے خلاف سب سے بڑا مظاہرہ چٹاگانگ کے میدان میں ہوا جہاں ایک لاکھ سے زائد بنگالی مسلمانوں نے مقبوضہ کشمیر میں بھارتی مظالم کے خلاف احتجاج کیا اور بھارتی مظالم کی پرزور مذمت کی ،

چٹاگانگ سے اطلاعات کےمطابق سخت ترین موسلا دھار بارش کے باوجود دسیوں ہزار بنگالی مسلمان چٹاگانگ کے میدان میں گھنٹوں موجود رہے اور کشمیریوں کی آزادی کے لیے بھرپور انداز سے آواز بلند کی، لوگوں نے چٹاگانگ کی فضاوں کو کشمیر کے نعروں سے معطر کردیا ، اطلاعات کے مطابق اس کے علاوہ بھی بنگلہ دیش کے چپے چپے میں بھارت کے خلاف احتجاجی مظاہرے کیے گئے اور بھارتی مظالم کی پروزانداز میں مذمت کی

راولپنڈی:بزدل بھارتی فوج نے کنٹرول لائن پر عام شہریوں کو نشانہ بنانا شروع کردیا ، اطلاعات کےمطابق بھارتی فوج نے ایک بار پھر لائن آف کنٹرول کے مختلف سیکٹر پر بلااشتعال فائرنگ کی ہے جس کے نتیجے میں ایک خاتون شہید اور 4 خواتین سمیت 6 افراد زخمی ہوگئے۔

پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے لائن آف کنٹرول کے مختلف سیکٹر پر بلااشتعال فائرنگ کی ہے، بھارتی فوج نے نکیال اور جندروٹ سیکٹرز پر شہری آبادی کو نشانہ بنایا۔

آئی ایس پی آر کے مطابق بھارتی فائرنگ سے بالاکوٹ گاؤں کی فاطمہ بی بی شہید ہوگئیں۔آئی ایس پی آر کا کہنا ہے کہ بھارتی فوج کی شہری آبادی پر بلااشتعال فائرنگ کے نتیجے میں 4 خواتین سمیت 6 افراد زخمی بھی ہوئے ہیں۔

یاد رہے کہ اس سے قبل آئی ایس پی آر کا کہنا تھا کہ مغربی بارڈر پر 2 مختلف واقعات میں 4 سیکیورٹی اہلکار شہید اور ایک زخمی ہوا تھا۔افغانستان کے بارڈر پر یہ حملہ پاکستان دشمن پی ٹی ایم نے کیا ہے