Category: کشمیر

اسلام آباد:بھارت نےپاکستان پرہائبرڈ وارمسلط کردی ہےجس کا جواب اسی ہتھیارسےدینے کےلئےضروری ہے:اطلاعات کے مطابق آزاد جموں وکشمیر کے صدر سردار مسعود خان نے کہا ہے کہ بھارت نے اپنے ناپاک اور مکروہ عزائم کی تکمیل کے لئے پاکستان پر ہائبرڈ وار مسلط کر دی ہے جس کا جواب اسی ہتھیار سے دینے کے لئے ضروری ہے کہ ہم اپنی صفوں میں اتحاد اور قومی یکجہتی پیدا کریں اور اپنی اندرونی کمزوریوں کو دور کر کے دشمن کو جارحانہ انداز میں جواب دیں۔ بھارت امن پسندی کو ہماری کمزوری سمجھ رہا ہے لہذا اب وقت آگیا ہے کہ دشمن کو اسی زبان میں جواب دیا جائے جو وہ سمجھتا ہے۔

اسلام آباد میں وفاقی وزارت اطلاعات و نشریات کے زیر اہتمام ایک کانفرنس سے خطاب کرتے ہوئے صدر سردار مسعود خان نے کہا کہ ہمارے پاس دس ملین سمندر پار پاکستانیوں کی صورت میں ایک ایسی طاقت ہے جس کو استعمال کر کے ہم بھارت کی بی جے پی، آر ایس ایس فسطائی حکومت کو دنیا کے سامنے ننگا کر سکتے ہیں۔

کانفرنس سے وفاقی وزیر اطلاعات ونشریات شبلی فراز، پارلیمان کی خصوصی کشمیر کمیٹی کے سابق چیئرمین اور وفاقی وزیر برائے فوڈز سکیورٹی سید فخر امام، وزیر اعظم پاکستان کے قومی سلامتی کے امور کے معاون خصوصی معید یوسف، سینیٹر ولید اقبال اور آزادکشمیر کی سابق وزیرفرزانہ یعقوب نے بھی خطاب کیا۔

صدر سردار مسعود خان نے اپنے خطاب میں کہا کہ بھارت اکھنڈ بھارت کے دیرینہ خواب کی تکمیل کے لئے پاکستان کی سلامتی پر کاری ضرب لگانا چاہتا ہے اور یہ محض ہمارا خدشہ نہیں بلکہ یہ دھمکی آر ایس ایس کا سربراہ موہن بھگت، نریندر مودی اور بھارتی وزیر دفاع راج ناتھ سنگھ دے رہا ہے۔ بھارت کی حکومت نے ذمہ دار عہدوں پر فائز لوگ پاکستان کو ٹکڑے ٹکڑے کرنے کی باتیں کر رہے ہیں اور ملک پر روایتی جنگ مسلط کرنا چاہتے ہیں جسے ہم محض دھمکی قرار دے کر نظر انداز نہیں کر سکتے۔

انہوں نے کہا کہ بھارت نے مقبوضہ جموں وکشمیر پر دوبارہ قبضہ کر کے اسے اپنی کالونی میں تبدیل کیا، وہاں نئے ڈومیسائل قوانین نافذ کر کے بھارتی شہریوں کو بسانے کی راہ ہموار کی اور اب جموں وکشمیر ڈویلپمنٹ ایکٹ میں ترمیم کر کے قابض فوج کو یہ اختیار دے دیا ہے کہ وہ مقبوضہ کشمیر کے کسی بھی علاقہ کو اسٹرٹیجک ایریا قرار دے کر وہاں نئی آبادیاں تعمیر کرے۔ اس قانون میں ترمیم کے بعد مقبوضہ جموں وکشمیر میں سول حکومت کی رٹ ختم ہو جائے گی اور ریاست عملاً فوجی گریژن میں تبدیل ہو جائے گی۔

انہوں نے کہا کہ بھارت پاکستان کو عد م استحکام کا شکار کر کے تباہ کرنے کے منصوبے پر کاربند ہے اور وہ جوہری جنگ سے بچ کر روایتی جنگ کی صورت میں کوئی بھی شر انگیزی کر سکتا ہے۔ بھارت نے جو جارحانہ پالیسی اختیار کر رکھی ہے اس کا جواب جارحانہ انداز میں دینے کی ضرورت ہے۔ ہم نے دشمن کے خونی جبر میں پھنسے اپنی بہنوں اور بھائیوں کو آزاد کرانے کے لئے کوئی نہ کوئی تدبیر سوچنی ہے کیونکہ وہ ہمارے جسم کا حصہ ہیں جنہیں بے یار ومددگار نہیں چھوڑا جا سکتا۔ مقبوضہ جموں وکشمیر کی جنگ ہماری بقا، پہچان اور دین و تہذیب کی جنگ ہے جسے بہر صورت منطقی انجام تک پہنچانا ہے۔

بین الاقوامی سطح پر کشمیریوں کی جدوجہد کی حمایت کا تذکرہ کرتے ہوئے صدر سردار مسعود خان نے کہا کہ دنیا کی اہم پارلیمان کشمیریوں کے حق میں اور بھارتی اقدامات کے خلاف آواز بلند کر رہی ہیں، ذرائع ابلاغ کشمیریوں کی حمایت میں لکھ رہے ہیں اور ریاست پاکستان اور کچھ دوست ممالک کے شکر گزار ہیں کہ جنہوں نے گزشتہ ایک سال کے عرصے میں تین بار اقوام متحدہ کی سلامتی کونسل میں غیر رسمی طور پر مسئلہ کشمیر کو زیر بحث لا کر اسے عالمی سطح پر اجاگر کیا۔

صدر سردار مسعود خان نے وفاقی وزیر سید فخر امام کا خاص طور پر تذکرہ کرتے ہوئے کہا کہ انہوں نے کشمیر کمیٹی کے چیئرمین کی حیثیت سے رائے عامہ اور پارلیمانی قوتوں کو متحرک کر کے بین الاقوامی سطح پر تنازعہ کشمیر کو اجاگر کرنے میں اہم کردارا دا کیا جس کے لئے ہم اُن کے خاص طور پر شکر گزار ہیں۔

٭٭٭٭٭٭

یاد رکھیں ان پاکستانیوں کوجوبھارتی جیلوں میں ذہنی توازن کھوبیٹھے ،مگریہاں کلبھوشن کورعائتیں دی جاری ہیں‌،باغی ٹی وی کےمطابق جب سے بھارتی جاسوس اورپاکستان میں دھشت گردی کے ذریعے قتل عام کرنے و الے بھارتی نیوی کے افسر کلبھوشن یادیوکوریلیف دینے کی باتیں ہورہی ہیں وہاں بھارت میں قید پاکستانیوں پرہونے والے بھارتی مظالم کی داستانیں بھی ہرکان تک سنائی دے رہی ہیں

باغی ٹی وی کے مطابق حکومت کی طرف سے بھارتی جاسوس دہشت گرد کلبھوشن یادیوریلیف دینے کی خبریں منظرعام پرآئی ہیں تب سے ان پاکستانیوں کی طرف سے سخت ردعمل بھی سننے میں مل رہا ہےجن کے پیارے بھارتی جیلوں میں سخت مصائب اورمظالم برداشت کررہےہیں

جب بھارتی دہشت گرد کلبھوشن کوسہولتیں دی جا رہیں تب بھارتی جیلوں میں پچیس سال سےقید بےگناہ متعدد پاکستانی ذہنی توازن کھو چکے ہیں،15 سال کی عمر میں غلطی سےسرحد پارکرنے والےایسے ہی بچے کےبھائی کی فریادجوچھبیس سال سےبھارتی جیل میں قیدہےحکومت پاکستان کی فوری توجہ درکار @SMQureshiPTI pic.twitter.com/FwGp6TAqD2

— Arshad Waheed Ch (@arshad_Geo) July 24, 2020

ایسے ہی سماجی رابطے کی ویب سائٹ ٹویٹرپرارشد وحید چوہدری کی طرف سے ایک بہت اہم نقطہ شیئرکیا گیا ہے ، وہ کہتے ہیں کہ جب بھارتی دہشت گرد کلبھوشن کوسہولتیں دی جا رہیں تب بھارتی جیلوں میں پچیس سال سےقید بےگناہ متعدد پاکستانی ذہنی توازن کھو چکے ہیں

ان کا مزید کہنا تھا کہ 15 سال کی عمر میں غلطی سےسرحد پارکرنے والےایسے ہی بچے کےبھائی کی فریادجوچھبیس سال سےبھارتی جیل میں قیدہےحکومت پاکستان

اسلام آباد:سینیٹ آف پاکستان نے دختران ملّت کی سربراہ آسیہ اندرابی پربھارتی مظالم کےخلاف مذمتی قرارداد منظور کرلی،اطلاعات کے مطابق سینیٹ نے مقبوضہ جموں و کشمیر میں دختران ملت کی سربراہ سیدہ آسیہ اندرابی کو تہاڑ جیل کی سزا وارڈ میں منتقل کرنے اور بنیادی انسانی حقوق کی خلاف ورزیوں پر مذمتی قرارداد منظور کرلی۔ جمعہ کو سینیٹر مشاہدحسین سید نے قرارداد پیش کی، جسے ہاوس نے مشترکہ طور پر منظور کرلیا۔

قرارداد کشمیر یوتھ الائنس کی سفارش پر پیش کی گئی۔ قرارداد میں سینیٹ ارکان نے کشمیر کی آزادی کی تحریک میں کردار ادا کرنے پر آسیہ اندرابی کو خراج تحسین پیش کیا۔سینیٹ نے مقبوضہ کشمیر کی سیاسی قیدی رہنما کو تہاڑ جیل میں قید تنہائی وارڈ میں منتقل کرنے کی مذمت کی ہے اور آسیہ اندرابی کی رہائی کامطالبہ کیا۔

سینیٹ نے مقبوضہ کشمیر کی سیاسی قیدی رہنما کو تہاڑ جیل میں قید تنہائی وارڈ میں منتقل کرنے کی مذمت کی ہے اور آسیہ اندرابی کی رہائی کامطالبہ کیا۔آج مقبوضہ کشمیر میں کل جماعتی حریت کانفرنس کی اپیل پر ہڑتال کی جارہی ہے ، اس موقع پر احتجاج اور مظاہرے کیے گئے۔

اپنے بیان میں کشمیر یوتھ الائنس کے صدر اور سیدہ آسیہ اندرابی کے بھانجے ڈاکٹر مجاہد گیلانی نے سینیٹ ممبران کا شکریہ ادا کرتے ہوئے کہا کہ پوری قوم کی ذمہ داری ہے کہ وہ آسیہ اندرابی کیلئے آواز اٹھائیں۔

اسلام آباد:سینیٹرمشاہدحسین سیّد کا دختران ملّت کی سربراہ آسیہ اندرابی کوخراج عقیدت ، مودی سرکارکی مذمت، اطلاعات کے مطابق سینیٹرمشاہد حسین سید نے سینیٹ میں گفتگوکرتے ہوئے کشمیری خاتون رہنما دختران ملّت کی سربراہ آسیہ اندرابی کی جدوجہد کوسلام پیش کیا ہے

باغی ٹی وی کے مطابق سینیٹ میں خطاب کرتے ہوئے مشاہد حسین سید نے آسیہ اندرابی کی کشمیریوں کے لیے جدوجہد پرآوازبلند کرنے پرخراج تحسین پیش کرتے ہوئے کہا کہ یقینا آپ ایک بہادرخاتون ہیں اورکشمیریوں کی آزادی کے لیے اپنی زندگی قربان کردی ہے

#StandWithAasiyaAndrabi Brave Kashmiri freedom fighter & political prisoner, Mohtarma Aasiya Andrabi Sahiba, is now illegally jailed in Delhi’s notorious Tihar Jail’s isolation punishment ward by the Modi regime, on which Senate passed resolution of solidarity which I initiated pic.twitter.com/LW5yfCg8BP

— Mushahid Hussain Sayed (@Mushahid) July 24, 2020

مشاہد حسین سید نے مزید کہا کہ آپ کواس عظیم مقصد کےلیے بڑے لمبے عرصے سے جیل کی سلاخوں میں ڈال دیا ہے،انہوں نے مزید کہا کہ مودی سرکارنے مظالم کے پہاڑ توڑدیئے ہیں اورتہاڑجیل میں ڈال کی ایک عظیم خاتون کی جدوجہد کوختم کرنے کی کوشش کی ہے ،

مشاہد حسین سید نے کہا کہ آج سینیٹ نے آپا آسیہ اندرابی کے ساتھ اظہاریکجہتی کرتے ہوئے جوعملی ثبوت دیا ہے وہ اس عمل کو سراہتے ہیں اورکشمیریوں کی جدوجہدآزادی کی حمایت کرتے ہیں