Category: کشمیر

جون کے مہینے میں بھارتی فوج کے ہاتھوں 51 کشمیری شہید

باغی ٹی وی کی رپورٹ کے مطابق مقبوضہ جموں وکشمیر میں جون 2020 میں بھارتی فورسز کے ہاتھوں51کشمیریوں کو شہید کردیا گیا۔ جو کہ اب تک ایک ماہ میں شہید ہونے والے کشمیریوں کی سب سے زیادہ تعداد ہے۔

2020میں سرینگر، شوپیاں، اننت ناگ اور پلوامہ میں مختلف21آپریشنز میں134نوجوان عسکریت پسندوں کو شہید کیا گیا۔ جبکہ مختلف واقعات میں13 عام شہری بھی شہید ہوئے۔ساوتھ ایشین وائر کی طرف سے مرتب کئے گئے اعداد و شمار کے مطابق اسی مدت کے دوران بھارتی فورسز نے مبینہ طور پر مختلف9واقعات میں کم از کم19افراد کو گرفتارکیا جن میں زیادہ ترنوجوان شامل ہیں۔ یہ گرفتاریاں مختلف علاقوں میں جاری کم و بیش300سرچ آپریشنز کے دوران کی گئیں۔ان آپریشنزمیں2درجن سے زائد رہائشی مکانوں کو بھی تباہ کردیا گیا۔
بھارتی فوج ، پیراملٹری فورسز اور پولیس اہلکاروں کی طرف سے آپریشنز میں فائرنگ سے 48افراد زخمی ہوئے۔جبکہ2 سیکورٹی اہلکار ہلاک ہوئے۔

گذشتہ برس اگست میں نئی دہلی نے آرٹیکل 370کو منسوخ کرتے ہوئے مقبوضہ جموں و کشمیر کے علیحدگی پسند گروپوں کو عملی طور پر کچلنے کی حکمت عملی اپنائی ہے۔ مرکزی دھارے میں شامل سیاسی جماعتوں کے لئے بھی اپنی سرگرمیاں کرنے کے لئے بہت کم جگہ ہے اور ان میں سے کسی نے بھی ابھی تک نئی دہلی کے جموں و کشمیر کی خودمختاری کو واپس لینے کے یکطرفہ فیصلے کے خلاف کھلے عام آواز نہیں اٹھائی ہے۔

یہ عسکریت پسند جنہوں نے یہ حملے کیے یا حالیہ مہینوں میں مقابلوں میں مصروف ہیں وہ زیادہ تر مقامی کشمیری ہیں۔ساوتھ ایشین وائر کے مطابق لوگ ، خاص طور پر نوجوان ، محسوس کرتے ہیں کہ کشمیر اور نئی دہلی کے درمیان کسی بھی مفاہمت کا کوئی امکان نہیں رہااور اب ان کے سامنے صرف دو ہی انتخاب ہیں۔ نئی سیاسی حقیقت کے سامنے ہتھیار ڈالنایا اس کے خلاف مزاحمت ہے۔

گزشتہ اپریل سے اب تک کشمیر میں گھاتوں اور مقابلوں میں ایک کرنل اور میجر سمیت 20 مزید سیکیورٹی اہلکار ہلاک ہوگئے ہیں۔ سال کے پہلے چھ ماہ میں اعلیٰ کمانڈروں سمیت 110 سے زیادہ عسکریت پسند بھی شہید ہو ئے ہیں۔

مقبوضہ جموں و کشمیر میں رواں سال سرکاری فوج کی کارروائیوں میں حزب المجاہدین ،جیش محمد اور لشکر طیبہ کے متعدد اعلی کمانڈرشہید ہوئے ہیں۔ القمرآن لائن کے مطابق جنوبی کشمیر میں ضلع اننت ناگ کے ڈیلگام کے علاقے میں سرکاری فوج کے ساتھ فائرنگ کے تبادلے میں لشکر طیبہ کے ضلعی کمانڈر مظفر احمد بھٹ سمیت چار عسکریت پسند شہید ہوئے جن کا تعلق تحریک لبیک اور حزب المجاہدین تنظیموں سے تھا۔

مقبوضہ کشمیر،اننت ناگ میں 24 گھنٹوں میں دوسری جھڑپ کے دوران 2کشمیری شہید

باغی ٹی وی کی رپورٹ کے مطابق قبوضہ کشمیر میں جنوبی کشمیر کے ضلع اننت ناگ کے علاقے بیج بہاڑہ میں واگھامہ کے مقام پر میں آپریشن کے دوران سکیورٹی فورسز اور عسکریت پسندوں کے درمیان جھڑپ ہوئی ہے۔ جس میں2عسکریت پسند شہید ہو گئے۔

ساوتھ ایشین وائر کے مطابق کشمیر پولیس زون کا کہنا ہے کہ عسکریت پسندوں کی موجودگی کی اطلاع موصول ہونے کے بعد فوج اور اننت ناگ پولیس نے منگل کو علی الصبح 3بجے وگھامہ کو محاصرے میں لیا اور تلاشی کارراوئی شروع کی ۔جس کے بعد تقریباً صبح 6 بجے جھڑپ کا آغاز ہوا۔ اننت ناگ کے خارجی اور داخلی راستوں کو سیل کر دیا گیا۔

اطلاعات کے مطابق شہید ہونے والے نوجوان کشمیریوں میں زاہد داس شامل ہیں، جن پر پولیس نے بیج بہاڑہ میں پولیس پر حملے کا مقدمہ درج کر رکھا ہے۔24گھنٹوں کے دوران یہ اننت ناگ میں دوسری جھڑپ ہے۔ اس سے قبل پیر کو کھلچوہر رانی پورہ علاقے میں پیر کی صبح 3عسکریت پسند شہید ہوگئے تھے۔

یہ آپریشن بھی پیر کی صبح 3بجے شروع کیا گیا۔ جنوبی کشمیر میں اب تک یہ 13ویں جھڑپ ہے ۔ ان تمام آپریشنز میں ابھی تک تقریباً 38 عسکریت پسند شہید ہو چکے ہیں۔ جمعے کی صبح بھی مقبوضہ کشمیر میں جنوبی ضلعے پلوامہ کے علاقے ترال کے چیوا اولر گاوںمیں 3 کشمیری نوجوان شہید جبکہ فوجی جوان اور ایک پولیس اہلکار زخمی ہوگئے تھے ۔

ساوتھ ایشین وائر کے مطابق ضلع اننت ناگ میں 2000سے اب تک112مختلف واقعات میں 209افراد کو گرفتار کیا گیا ہے۔ جبکہ 1044 واقعات میں244عسکریت پسند 584 شہری اور 27نامعلوم افراد شہید کئے گئے ۔ضلع میں اسی عرصے میں241سیکورٹی فورسز کے اہلکار بھی مارے گئے۔

مقبوضہ جموں وکشمیر میں رواں سال 2020میں147کشمیریوں کو شہید کر دیا گیا۔جن میں جنوری میں 22،فروری میں 12، مارچ میں 13، اپریل میں 33 ، مئی میں 16اور جون میں 51کشمیریوں کو شہید کیا گیا۔جبکہ 30سیکورٹی اہلکار ہلاک ہوئے۔

مقبوضہ کشمیر: بھارتی فوج نے فرضی جھڑپ میں 3 کشمیری شہید کردیے

سرینگر(باغی ٹی وی )مقبوضہ کشمیر میں جنوبی کشمیر کے ضلع اننت ناگ کے کھلچوہر رانی پورہ علاقے میں پیر کی صبح سکیورٹی فورسز اور عسکریت پسندوں کے درمیان تصادم میں تین عسکریت پسند شہید ہوگئے ۔ساوتھ ایشین وائر کے مطابق عسکریت پسندوں کی موجودگی کی اطلاع موصول ہونے کے بعد فوج، سی آر پی ایف اور ایس او جی کی مشترکہ ٹیم نے کھلچوہر رانی پورہ علاقے کو محاصرے میں لیا اور تلاشی کارروائی شروع کی ۔ساوتھ ایشین وائر کے ذرائع کے مطابق آپریشن صرف 30منٹ تک جاری رہا۔ جس کی وجہ اندیشہ ظاہر کیا جارہا ہے کہ یہ جھڑپ فرضی تھی۔ اور ان نوجوانوں کو اس سے قبل ہی حراست میں رکھا گیا تھا۔ساوتھ ایشین وائر کے مطابق یہ آپریشن پیر کی صبح تین بجے شروع کیا گیا۔ پولیس نے الزام لگایا ہے کہ ان عسکریت پسندوں کا تعلق لشکرطیبہ سے تھا۔پولیس کا کہنا ہے کہ سال 2020میں 13آپریشنز کے دوران 113عسکریت پسند شہید کئے گئے ہیں۔
اس سے قبل جمعے کی صبح3 کشمیری نوجوان شہید جبکہ فوجی جوان اور ایک پولیس اہلکار زخمی ہوگئے تھے ۔
ساوتھ ایشین وائر کے مطابق ضلع اننت ناگ میں 2000سے اب تک112مختلف واقعات میں 209افراد کو گرفتار کیا گیا ہے۔ جبکہ 1043 واقعات میں242عسکریت پسند 584 شہری اور 27نامعلوم افراد شہید کئے گئے ۔ضلع میں اسی عرصے میں241سیکورٹی فورسز کے اہلکار بھی مارے گئے۔
مقبوضہ جموں وکشمیر میں رواں سال 2020میں145کشمیریوں کو شہید کر دیا گیا۔جن میں جنوری میں 22،فروری میں 12، مارچ میں 13، اپریل میں 33 ، مئی میں 16اور جون میں 49کشمیریوں کو شہید کیا گیا۔جبکہ 30سیکورٹی اہلکار ہلاک ہوئے۔پولیس کے مطابق رواں سال اسلحہ برآمدگی کے60واقعات ریکارڈ کئے گئے۔ساوتھ ایشین وائر کے مطابق اس سال دھماکوں کے 16واقعات میں21شہریوںاور ایک سیکورٹی اہلکار کی اموات ہوئیں جبکہ14سیکورٹی اہلکارزخمی ہوئے۔سال 2020میں 62مختلف واقعات میں 129افراد کو گرفتار کیا گی

مقبوضہ کشمیر کے ضلع کولگام میں ظالم بھارتی فوج نے پہلے کشمیری نوجوان کو شہید کیا پھر والدہ کو اٹھا کر لے گئے

سرینگر(باغی ٹی وی )جنوبی کشمیر کے ضلع کولگام میں رام پورہ سے تعلق رکھنے والے عسکریت پسند توصیف شیخ جو 2018 میں صدام پڈر، ڈاکٹر رفیق اور اپنے دیگر دو ساتھیوں کے ساتھ شوپیاں میں ایک انکاونٹر میں شہید ہوئے تھے، تب سے ان کے گھر پر سکیورٹی فورسز کی جانب سے چھاپہ ماری کا سلسلہ جاری ہے۔ 
ساوتھ ایشین وائر کے مطابق توصیف شیخ کے گھر پر گزشتہ دنوں سکیورٹی فورسز کی جانب سے چھاپہ مارا گیا تھا ۔وہ ان کی بہن رفیقہ کو گرفتار کرنے کی غرض سے آئے تھے لیکن رفیقہ سکیورٹی فورسز کو چکمہ دے کر فرار ہو گئی۔ اوران کی والدہ نسیمہ کو گرفتار کیا گیا۔
 کولگام کے ایس ایس پی گوریندر پال سنگھ نے اس بات کی تصدیق کی کہ عسکریت پسند توصیف شیخ کی والدہ کے خلاف 2018 میں ایک کیس درج کیا گیا تھا اور انہیں گرفتار کیا گیا ہے۔ ساوتھ ایشین وائر کے مطابق انہوں نے بتایا کہ ‘اس کے علاوہ ان کے بیٹے کی موت کے بعد ان کا اور رفیقہ کا نوجوانوں کو عسکریت پسندوں کی صف میں شامل کرنے، اسلحہ اور گولہ بارود کی فراہمی کرنے کے ساتھ ساتھ ان کو چھپانے میں براہ راست کردار رہا ہے۔’
اتوار کو سکیورٹی فورسز نے ترال کے نزدیکی دیہات میں سرچ آپریشن کے دوران تمام داخلی اور خارجی راستوں کو سیل کر دیا اور گھر گھر تلاشی کی گئی۔
جنوبی کشمیر کے سب ڈسٹرکٹ ترال میں فوج، سی آر پی ایف اور ایس او جی ترال نے مشترکہ طور پر دو نزدیکی دیہات کو محاصرے میں لے لیا اور تلاشی کارووائی شروع کی ہے۔
کولگام کے آوہٹو علاقے میں ایک موٹر سائیکل حادثے کا شکار ہوگیا جس کے نتیجے میں 13 ماہ کا بچہ ہلاک ہوگیا۔
جنوبی کشمیر کے ضلع کولگام میں سڑک حادثات میں مزید اضافہ ہوا ہے، ایسے میں مقامی لوگوں میں کافی خوف وہراس کا ماحول پیدا ہوگیا ہے۔
محمد اشرف ایتو نامی ایک موٹر سائیکل سوار اس وقت حادثے کا شکار ہوگیا جب وہ ایک ندی کو پار کررہا تھا اور ان کے ساتھ ان کا بیٹا حماد دونوں موٹر سائیکل سے گرگئے جس کے نتیجے میں وہ زخمی ہوگئے۔دونوں کو زخمی حالات میں کولگام کے اسپتال میں لایا گیا تاہم ڈاکٹروں نے ان کے 13 ماہ کے بیٹے کو مردہ قرار دے دیا۔

باغی ٹی وی کی رپورٹ کے مطابق بھارتی فوج نے سکول جاتا سات سالہ کشمیری بچہ گولی مار کر شہید کر دیا

مقبوضہ کشمیر میں بھارتی فوج کی جانب سے کشمیریوں پر مظالم کا سلسلہ جاری ہے،بھارتی فوج نے سکول جانے والے سات سالہ بچے کو شہید کر دیا

جنوبی کشمیر کے ضلع اننت ناگ کے بجبہاڑہ علاقے میں نامعلوم بندوق برداروں نے سی آر پی ایف کی پٹرولنگ پارٹی پر حملہ کیا ۔جس میں بھارتی فوج نے جوابی کاروائی میں فائرنگ کی جس میں ساتھ برس کا لڑکا جاں بحق ہوگیا جس کی شناخت ضلع کولگام کے یاری پورہ علاقے سے تعلق رکھنے والے نہان احمد کے طور پر ہوئی ہے۔

ساوتھ ایشین وائر کے مطابق اس دوران شامو نامی سی آر پی ایف جوان کے زخمی ہونے کی اطلاع ہے۔ زخمی جوان کو مقامی ہسپتال میں علاج کے لیے داخل کرایا گیا ہے۔اطلاعات کے مطابق اس حملے کے بعد سکیورٹی فورسز نے حملہ آواروں کی تلاش کے لیے علاقے کو محاصرے میں لے لیا اور تلاشی کارروائی جاری ہے۔

What possibly could have been his fault? Was he on way to home, or come out to see the world that was readying itself to annihilate him? Reportedly his father and teacher were with him. I have a seven year old at home. I shudder at the thought of it. #kashmirbleeds pic.twitter.com/5jJUWs86Ts

— Jehangir Ali (@Gaamuk) June 26, 2020

دوسری جانب مقبوضہ جموں و کشمیر کے مالون علاقے میں سیکورٹی فورسز کی جانب سے تلاشی مہم جاری ہے، فوج، سی آر پی ایف اور پولیس نے علاقے کو محاصرے میں لے لیا ہے۔ ساوتھ ایشین وائر کے مطابق مقبوضہ جموں و کشمیر کے ضلع کولگام کے دیوسر علاقے میں سکیورٹی فورسز کی جانب سے تلاشی مہم شروع کی گئی ہے۔ بھارتی فوج کی 9 آر آر بٹلین، سی آر پی ایف کے جوان اور پولیس کے اسپیشل گروپ سرچ آپریشن میں شامل ہیں۔ سیکورٹی فورسز کو علاقہ میں عسکریت پسندوں کے چھپے ہونے کی خبر ہے۔