مقبوضہ کشمیر میں سوپور کا 22 سالہ فٹ بالر لاپتہ

باغی ٹی وی کی رپورٹ کے مطابق مقبوضہ کشمیر میں شمالی کشمیر کے ضلع بارہمولہ کے سوپور علاقے سے تعلق رکھنے والا 22 سالہ نوجوان فٹ بالر لاپتہ ہوگیا ہے

جس کے اہل خانہ نے جمعرات کے روز اپنے بیٹے کا سراغ لگانے میں انتظامیہ سے مدد کی اپیل کی ہے۔سوپور سے تعلق رکھنے والے فٹ بالر عامر سراج کے لواحقین نے بتایا کہ ان کا عزیز24 جون سے لاپتہ ہے۔

ساوتھ ایشین وائر کے مطابق امیر سراج 24 جون کو سوپور کے علاقے اڈی پورہ میں اپنے ماموں کے گھر اس وقت لاپتہ ہو گیا تھا جب وہ فٹ بال کھیلنے کے لئے اپنے گھر سے نکلا تھا۔ اہل خانہ کے مطابق نوجوانوں نے بھی اپنا موبائل فون گھر پر رکھا ہوا ہے۔

عامر سراج کے ماموں ، نذیر احمد نے بتایا کہ 24 جون کو شام کے وقت شام پانچ بجے ،وہ فٹ بال کھیلنے گھر سے نکلا۔ "تاہم ، اس کے بعد سے وہ گھر نہیں لوٹا۔”ان کا کہنا تھا کہ انہوں نے محلے میں اس کی تلاش کی ، لیکن سب بیکار تھا۔ انہوں نے کہا ، "اگلے دن ، ہم نے اپنے رشتے داروں اور دوستوں کو فون کیا ، لیکن کسی کو بھی اس کا پتہ نہیں چل سکا۔

"سینئر سپرنٹنڈنٹ پولیس سوپور ، جاوید اقبال نے بتایا کہ وہ اس معاملے کی تحقیقات کر رہے ہیں۔انہوں نے کہا ، "ہم کسی نتیجے پر نہیں پہنچ سکتے کہ آیا وہ عسکریت پسندوں میں شامل ہوا ہے یا نہیں۔”