Category: کشمیر

باغی ٹی وی کی رپورٹ کے مطابق مقبوضہ کشمیر کے ضلع بارہمولہ کے سوپور قصبہ کے ماڈل ٹاون میں مشتبہ عسکریت پسندوں کی جانب سے سی آر پی ایف کی پارٹی پر حملہ کیا گیا۔

ساوتھ ایشین وائر کے مطابق اس حملے کے دوران بھارتی فو ج نے فائرنگ کی جس کے نتیجے میں ایک عام شہری بشیر احمد خان ولد غلام محمد خان ساکن مصطفیٰ کالونی سرینگر شہید اور سی آر پی ایف کے دو جوان ہلاک ہوئے ہیں۔ذرائع کے مطابق علاقے میں سکیورٹی کو مزید سخت کر دیا گیا ہے اور تلاشی کارروائی جاری ہے۔

واقعہ کے بعد شہری کے ساتھ موجود بچے کو بھارتی فوج نے اٹھایا اور بھارتی میڈیا یہ ثابت کرنے کی کوشش کر رہا ہے کہ بھارتی فوج نے کشمیری بچے کو بچایا حالانکہ حقیقت یہ ہے کہ بھارتی فوج نے بچے کے سامنے اس کے سویلین دادا کو قتل کیا اور اس کے بعد جب بچہ پتھر مارنے کے لیے لپکا تو اس کو اٹھا کر یہ ڈھنڈورا پیٹنا شروع کردیا کہ ہم نے بچہ ریسکیو کیا ہے ،

پہلے اس معصوم بچے کے سامنے اس کے داد کو مار دیا اور جب وہ پتھر لے کر قابض و ظالم فوجی کی طرف بڑھا تو اس کو اٹھاکر دنیا کو تماشا دکھانا شروع کردیا کہ ہم نے بچہ ریسکیو کیا ہے.
لعنت ہے تمہاری انسانیت دوستی پر….
چائنہ سے مار کھا کر معصوموں کا قتل عام کرنے والو#KashmirBleeds pic.twitter.com/BYttcCvWyz

— Eshaal (@CallMeEshaal_) July 1, 2020

قبل ازیں جموں کے ضلع راجوری کے علاقے کیری میں 1 عسکریت پسند کو آپریشن کے دوران شہید کر دیا گیا۔ ساوتھ ایشین وائر کے مطابق جموں و کشمیر پولیس کی مخصوص انٹلیجنس اطلاع پرضلع راجوری میں بھمبر گلی سیکٹر کے کیری علاقے میں لائن آف کنٹرول کے قریب مشترکہ آپریشن شروع کیا گیا۔ پولیس نے الزام لگایا ہے کہ عسکریت پسند لائن آف کنٹرول کو عبور کرتے ہوئے دیکھے گئے جس پر بھارتی فوج نے فائرنگ کرکے ایک عسکریت پسند کو شہید کر دیا

جون کے مہینے میں بھارتی فوج کے ہاتھوں 51 کشمیری شہید

باغی ٹی وی کی رپورٹ کے مطابق مقبوضہ جموں وکشمیر میں جون 2020 میں بھارتی فورسز کے ہاتھوں51کشمیریوں کو شہید کردیا گیا۔ جو کہ اب تک ایک ماہ میں شہید ہونے والے کشمیریوں کی سب سے زیادہ تعداد ہے۔

2020میں سرینگر، شوپیاں، اننت ناگ اور پلوامہ میں مختلف21آپریشنز میں134نوجوان عسکریت پسندوں کو شہید کیا گیا۔ جبکہ مختلف واقعات میں13 عام شہری بھی شہید ہوئے۔ساوتھ ایشین وائر کی طرف سے مرتب کئے گئے اعداد و شمار کے مطابق اسی مدت کے دوران بھارتی فورسز نے مبینہ طور پر مختلف9واقعات میں کم از کم19افراد کو گرفتارکیا جن میں زیادہ ترنوجوان شامل ہیں۔ یہ گرفتاریاں مختلف علاقوں میں جاری کم و بیش300سرچ آپریشنز کے دوران کی گئیں۔ان آپریشنزمیں2درجن سے زائد رہائشی مکانوں کو بھی تباہ کردیا گیا۔
بھارتی فوج ، پیراملٹری فورسز اور پولیس اہلکاروں کی طرف سے آپریشنز میں فائرنگ سے 48افراد زخمی ہوئے۔جبکہ2 سیکورٹی اہلکار ہلاک ہوئے۔

گذشتہ برس اگست میں نئی دہلی نے آرٹیکل 370کو منسوخ کرتے ہوئے مقبوضہ جموں و کشمیر کے علیحدگی پسند گروپوں کو عملی طور پر کچلنے کی حکمت عملی اپنائی ہے۔ مرکزی دھارے میں شامل سیاسی جماعتوں کے لئے بھی اپنی سرگرمیاں کرنے کے لئے بہت کم جگہ ہے اور ان میں سے کسی نے بھی ابھی تک نئی دہلی کے جموں و کشمیر کی خودمختاری کو واپس لینے کے یکطرفہ فیصلے کے خلاف کھلے عام آواز نہیں اٹھائی ہے۔

یہ عسکریت پسند جنہوں نے یہ حملے کیے یا حالیہ مہینوں میں مقابلوں میں مصروف ہیں وہ زیادہ تر مقامی کشمیری ہیں۔ساوتھ ایشین وائر کے مطابق لوگ ، خاص طور پر نوجوان ، محسوس کرتے ہیں کہ کشمیر اور نئی دہلی کے درمیان کسی بھی مفاہمت کا کوئی امکان نہیں رہااور اب ان کے سامنے صرف دو ہی انتخاب ہیں۔ نئی سیاسی حقیقت کے سامنے ہتھیار ڈالنایا اس کے خلاف مزاحمت ہے۔

گزشتہ اپریل سے اب تک کشمیر میں گھاتوں اور مقابلوں میں ایک کرنل اور میجر سمیت 20 مزید سیکیورٹی اہلکار ہلاک ہوگئے ہیں۔ سال کے پہلے چھ ماہ میں اعلیٰ کمانڈروں سمیت 110 سے زیادہ عسکریت پسند بھی شہید ہو ئے ہیں۔

مقبوضہ جموں و کشمیر میں رواں سال سرکاری فوج کی کارروائیوں میں حزب المجاہدین ،جیش محمد اور لشکر طیبہ کے متعدد اعلی کمانڈرشہید ہوئے ہیں۔ القمرآن لائن کے مطابق جنوبی کشمیر میں ضلع اننت ناگ کے ڈیلگام کے علاقے میں سرکاری فوج کے ساتھ فائرنگ کے تبادلے میں لشکر طیبہ کے ضلعی کمانڈر مظفر احمد بھٹ سمیت چار عسکریت پسند شہید ہوئے جن کا تعلق تحریک لبیک اور حزب المجاہدین تنظیموں سے تھا۔

مقبوضہ کشمیر،اننت ناگ میں 24 گھنٹوں میں دوسری جھڑپ کے دوران 2کشمیری شہید

باغی ٹی وی کی رپورٹ کے مطابق قبوضہ کشمیر میں جنوبی کشمیر کے ضلع اننت ناگ کے علاقے بیج بہاڑہ میں واگھامہ کے مقام پر میں آپریشن کے دوران سکیورٹی فورسز اور عسکریت پسندوں کے درمیان جھڑپ ہوئی ہے۔ جس میں2عسکریت پسند شہید ہو گئے۔

ساوتھ ایشین وائر کے مطابق کشمیر پولیس زون کا کہنا ہے کہ عسکریت پسندوں کی موجودگی کی اطلاع موصول ہونے کے بعد فوج اور اننت ناگ پولیس نے منگل کو علی الصبح 3بجے وگھامہ کو محاصرے میں لیا اور تلاشی کارراوئی شروع کی ۔جس کے بعد تقریباً صبح 6 بجے جھڑپ کا آغاز ہوا۔ اننت ناگ کے خارجی اور داخلی راستوں کو سیل کر دیا گیا۔

اطلاعات کے مطابق شہید ہونے والے نوجوان کشمیریوں میں زاہد داس شامل ہیں، جن پر پولیس نے بیج بہاڑہ میں پولیس پر حملے کا مقدمہ درج کر رکھا ہے۔24گھنٹوں کے دوران یہ اننت ناگ میں دوسری جھڑپ ہے۔ اس سے قبل پیر کو کھلچوہر رانی پورہ علاقے میں پیر کی صبح 3عسکریت پسند شہید ہوگئے تھے۔

یہ آپریشن بھی پیر کی صبح 3بجے شروع کیا گیا۔ جنوبی کشمیر میں اب تک یہ 13ویں جھڑپ ہے ۔ ان تمام آپریشنز میں ابھی تک تقریباً 38 عسکریت پسند شہید ہو چکے ہیں۔ جمعے کی صبح بھی مقبوضہ کشمیر میں جنوبی ضلعے پلوامہ کے علاقے ترال کے چیوا اولر گاوںمیں 3 کشمیری نوجوان شہید جبکہ فوجی جوان اور ایک پولیس اہلکار زخمی ہوگئے تھے ۔

ساوتھ ایشین وائر کے مطابق ضلع اننت ناگ میں 2000سے اب تک112مختلف واقعات میں 209افراد کو گرفتار کیا گیا ہے۔ جبکہ 1044 واقعات میں244عسکریت پسند 584 شہری اور 27نامعلوم افراد شہید کئے گئے ۔ضلع میں اسی عرصے میں241سیکورٹی فورسز کے اہلکار بھی مارے گئے۔

مقبوضہ جموں وکشمیر میں رواں سال 2020میں147کشمیریوں کو شہید کر دیا گیا۔جن میں جنوری میں 22،فروری میں 12، مارچ میں 13، اپریل میں 33 ، مئی میں 16اور جون میں 51کشمیریوں کو شہید کیا گیا۔جبکہ 30سیکورٹی اہلکار ہلاک ہوئے۔

مقبوضہ کشمیر: بھارتی فوج نے فرضی جھڑپ میں 3 کشمیری شہید کردیے

سرینگر(باغی ٹی وی )مقبوضہ کشمیر میں جنوبی کشمیر کے ضلع اننت ناگ کے کھلچوہر رانی پورہ علاقے میں پیر کی صبح سکیورٹی فورسز اور عسکریت پسندوں کے درمیان تصادم میں تین عسکریت پسند شہید ہوگئے ۔ساوتھ ایشین وائر کے مطابق عسکریت پسندوں کی موجودگی کی اطلاع موصول ہونے کے بعد فوج، سی آر پی ایف اور ایس او جی کی مشترکہ ٹیم نے کھلچوہر رانی پورہ علاقے کو محاصرے میں لیا اور تلاشی کارروائی شروع کی ۔ساوتھ ایشین وائر کے ذرائع کے مطابق آپریشن صرف 30منٹ تک جاری رہا۔ جس کی وجہ اندیشہ ظاہر کیا جارہا ہے کہ یہ جھڑپ فرضی تھی۔ اور ان نوجوانوں کو اس سے قبل ہی حراست میں رکھا گیا تھا۔ساوتھ ایشین وائر کے مطابق یہ آپریشن پیر کی صبح تین بجے شروع کیا گیا۔ پولیس نے الزام لگایا ہے کہ ان عسکریت پسندوں کا تعلق لشکرطیبہ سے تھا۔پولیس کا کہنا ہے کہ سال 2020میں 13آپریشنز کے دوران 113عسکریت پسند شہید کئے گئے ہیں۔
اس سے قبل جمعے کی صبح3 کشمیری نوجوان شہید جبکہ فوجی جوان اور ایک پولیس اہلکار زخمی ہوگئے تھے ۔
ساوتھ ایشین وائر کے مطابق ضلع اننت ناگ میں 2000سے اب تک112مختلف واقعات میں 209افراد کو گرفتار کیا گیا ہے۔ جبکہ 1043 واقعات میں242عسکریت پسند 584 شہری اور 27نامعلوم افراد شہید کئے گئے ۔ضلع میں اسی عرصے میں241سیکورٹی فورسز کے اہلکار بھی مارے گئے۔
مقبوضہ جموں وکشمیر میں رواں سال 2020میں145کشمیریوں کو شہید کر دیا گیا۔جن میں جنوری میں 22،فروری میں 12، مارچ میں 13، اپریل میں 33 ، مئی میں 16اور جون میں 49کشمیریوں کو شہید کیا گیا۔جبکہ 30سیکورٹی اہلکار ہلاک ہوئے۔پولیس کے مطابق رواں سال اسلحہ برآمدگی کے60واقعات ریکارڈ کئے گئے۔ساوتھ ایشین وائر کے مطابق اس سال دھماکوں کے 16واقعات میں21شہریوںاور ایک سیکورٹی اہلکار کی اموات ہوئیں جبکہ14سیکورٹی اہلکارزخمی ہوئے۔سال 2020میں 62مختلف واقعات میں 129افراد کو گرفتار کیا گی