Category: کشمیر

سرینگر:مقبوضہ کشمیر میں بھارت کا میڈیا پر بھی لاک ڈاون،حکومت نے اخبار، ٹی وی چینلز یا دیگر میڈیا چینلزکی گردن دبوچ لی گئی ،اطلاعات کے مطابق مقبوضہ کشمیر میں بھارتی حکام نے نئی میڈیا پالیسی کا اعلان کیاہے۔ جس مقبوضہ جموں کشمیر کے صحافیوں نے شدید ردعمل کا اظہار کیا ہے۔

ساوتھ ایشین وائر کے مطابق نئی میڈیا پالیسی کے تحت حکومت اخبار، ٹی وی چینلز یا دیگر میڈیا میں شائع یا نشر ہونے والے مواد کی نگرانی کرے گی اور سرکاری حکام یہ فیصلہ کریں گے کہ فرضی خبر کون سی ہے یا سماج مخالف اورملک مخالف رپورٹنگ کونسی ہے۔

مقبوضہ جموں وکشمیر انتظامیہ نے 2020 میڈیا پالیسی کو مرتب کیا اور اس طریقہ کار کے تحت میڈیا کو درپیش معاملات مقررہ مدت کے دوران صاف و شفاف طریقے سے حل کرنے میں مدد ملنے کا دعوی کیا گیا ہے۔

القمرآن لائن کے مطابق حکومت نے کہا ہے کہ اس پالیسی کا مقصد جعلی خبروں اور غلط اطلاعات کی کوششوں پر روک لگانا ہے۔ تاہم اس میڈیا پالیسی کو حکومت نے ابھی تک منظر عام پر نہیں لایا ۔
مقامی صحافیوں نے نئی میڈیا پولیسی کی سخت نکتہ چینی کی ہے۔

مقبوضہ جموں کشمیر کے معروف صحافی سہیل کاظمی نے نئی میڈیا پالیسی کو شدید تنقید کا نشانہ بنایا۔ انہوں نے کہا کہ ہر چیز کو سنسرشپ کے دائرے میں آنا چاہیے۔ لیکن میڈیا ایک واحد شعبہ ہے جس نے جموں و کشمیر میں پل کی مانند کام کیا ہے۔ جب حکومت کی تمام ایجنسیز ناکام اور خاموش تھیں تب پرنٹ اور الیکٹرانک میڈیا کے افراد نے قربانیاں دیں تاکہ عوام اور حکومت کے درمیان فاصلہ کم ہو۔’ انہوں نے کہا ‘اب اسی کے بدلے ہمیں ایک کمزور میڈیا پالیسی ملی ہے۔

انہوں نے مزید کہا کہ ایک صحافی کو کسی حکومتی ادارے یا پولیس ویریفیکیشن سرٹیفکیٹ کی ضرورت نہیں ہونی چاہیے۔انہوں نے کہا کہ جس طرح سے بالی ووڈ میں فلم کو سنسر بورڈ کے سامنے پیش کیا جاتا ہے تو فلم کے پروڈیوسر اور ڈائریکٹر کو بھی بلایا جاتا ہے اور جس سین کو ایڈٹ کی ضرورت ہوتی ہے اس پر مل کر مشورہ کیا جاتا ہے۔ اسی طرح حکومت کو چاہیے تھا کہ وہ میڈیا پالیسی کو مرتب کرنے سے قبل جموں کشمیر کے صحافیوں کی نمائندگی کو یقینی بنائے لیکن ایسا نہیں کیا گیا۔’

ایڈوکیٹ ساہل کوہلی جو کہ ایک ہفتہ وار رسالہ کے مدیر ہیں، کا کہنا ہے کہ ‘کافی وقت سے میڈیا پالیسی کا انتظار تھا کیونکہ اب سوشل میڈیا سے متعدد میڈیا ادارے سامنے آرہے ہیں اس پر نظر رکھنا حکومت کی ذمہ داری ہے۔ تاہم جس طرح سے حکومت نے اس میڈیا پالیسی میں صحافیوں کو حکومتی سطح پر انعامات دینے کی بات کی ہیں وہ سراسر غلط ہیں۔’ انہوں نے کہا ‘اس طرح ایک صحافی کے کام کرنے پر سوالیہ نشان لگے گا اور ایکریڈیشن حاصل کرنے کے لئے پولیسں ویریفیکیشن حاصل کرنے میں میڈیا کی یکسانیت پر اثر پڑے گا۔’

حکومت نے جموں و کشمیر میں میڈیا کے تعلق سے ایک نئی پالیسی نافذ کرنے کا اعلان کیا ہے جس میں کسی بھی صحافی کے ایکریڈیشن کے لیے اس کا سکیورٹی چیک لازمی قرار دیا گیا ہے۔ اخبار کے رجسٹریشن اور حکومتی اشتہارات تک رسائی کے لیے مالکان، ایڈیٹرز اور دیگر ملازمین کے بیک گروانڈ کو چیک کرنا ضروری قرار دیا گیا ہے۔
۔۔۔۔۔۔۔۔۔۔۔

باغی ٹی وی کی رپورٹ کے مطابق مقبوضہ جموں و کشمیر میں بدھ کو کورونا وائرس کے 161 نئے مثبت معاملات سامنے آئے ہیں جن میں 28 بھارتی فوج کے اہلکار اور 17 ہیلتھ ورکرز شامل ہیں۔

جموں و کشمیر میں کووڈ-19 کے 161 نئے مثبت کیسز پائے گئے ہیں اور اس طرح سے کورونا متاثرین کی مجموعی تعداد 4507 ہوگئی ہے۔ سرکاری ذرائع نے بتایا کہ ضلع بارہمولہ میں 28، سرینگر میں 10، اننت ناگ میں 7، شوپیاں میں 37، کپواڑہ میں 18، بانڈی پورہ میں 4، بڈگام میں 2، جموں میں 4، رامبن میں 2، ادھمپور میں 19، کٹھوعہ میں 2 پونچھ میں 12، سانبہ میں 6 اور بالترتیب ڈوڈہ اور پلوامہ میں ایک ایک مثبت کیس پایا گیا ہے۔

سرکاری ذرائع نے بتایا کہ سکمز صورہ، سی ڈی ہسپتال، سمکمز بمنہ اور ادھمپور کے فوجی ہسپتال سے ان مثبت کیسز کی تصدیق ہوئی ہے۔نوڈل افسر ڈاکٹر جی ایچ یتو نے بتایا کہ سکمز میں 1785 سیمپلز کی جانچ کی گئی جن میں سے 54 پازیٹیو پائے گئے۔ سرینگر کے سی ڈی ہسپتال میں بھارتی فوج کے 28 جوانوں کا کورونا وائرس ٹیسٹ مثبت پایا گیا ہے اور یہ سارے جوان اسی بٹالین سے تعلق رکھتے ہیں، جس میں سے دو روز قبل ایک اہلکار کی کووڈ-19 سے ہلاکت ہوئی تھی

ساؤتھ ایشن وائر کے مطابق سرکاری ذرائع نے بتایا کہ یونین ٹریٹری میں اب تک 4507 افراد کورونا وائرس سے متاثر ہوئے ہیں، جن میں سے 2785 ایکٹو ہیں، 1571 صحت یاب ہوئے ہیں اور 51 افراد کی موت واقع ہوئی ہے۔ ہلاک ہونے والوں میں سے 46 کا تعلق کشمیر سے ہے جبکہ جموں صوبے میں 5 کی موت ہوئی ہے۔

باغی ٹی وی کی رپورٹ کے مطابق تین جون کو جنوبی کشمیر کے ضلع پلوامہ کے کنگن گاوں میں 3 عسکریت پسندوں اور آئی ای ڈی ماہر اکرام عرف فوجی بھائی اور دو مقامی عسکریت پسندوں کی شہادت کے بعد پولیس نے متعدد چھاپوں میں 17 نوجوانوں کو پتھرا وکے الزام میں گرفتار کیا ہے۔

مقامی لوگوں نے بتایا کہ گرفتار شدہ افراد میں ایک لیکچرار بھی شامل ہے جو ان کے مطابق اس کے بھائی کے بدلے گرفتار کیا گیا ہے۔یہ تمام نوجوان مورن گاوں کے رہائشی ہیں۔

ساوتھ ایشین وائر کے مطابق مقامی افراد نے گرفتار نوجوانوں کی شناخت اعجاز درزی، عبدالرشید درزی، معراج دھوبی، نذیر دھوبی، مختار احمد شیخ، بشیر احمد شیخ، شوکت احمد شیخ، علی محمد شیخ، رضوان شیخ، محمد شفیع شیخ، عبد لطیف شیخ، محمد اسماعیل شیخ، محمد یوسف یتو، مہراج گنائی، خضر گنائی، شبیر وانی، عبد الرشید وانی، ہلال ملیار، محمد عبد اللہ ملیار، عادل گنائی، بشیر گنائی، محسن شیخ، محمد اشرف شیخ، عرفان یتو، عرفان راتھر، اعجاز شیخ، عبد سلام اور توصیف شیخ کے طور پر کی گئی ہے۔ جبکہ لیکچرر کا نام ماجد یوسف یتو ہے۔

پاکستان حملہ کر دے گا، بھارتی فضائیہ کو کہاں لگا دیا گیا جان کر ہوں حیران

ہر سال 27 فروری کو آپریشن سوفٹ ریٹارٹ منایا جائے گا، پاک فضائیہ

پلوامہ حملہ مودی کی سازش تھی، گجرات کے وزیر اعلیٰ بھی بول پڑے

پلوامہ،لشکر سے وابستہ عسکریت پسندوں کی 5 بار نماز جنازہ ادا،دوسرے روز بھی مکمل ہڑتال

مقبوضہ کشمیر، شہداء کے جنازوں کو عسکریت پسندوں کی سلامی، بھارتی فوج دیکھتی رہ گئی

پلوامہ حملے میں ہلاک بھارتی فوجی کی اہلیہ کو کس کام کے لیے مجبور کیا جانے لگا؟

پلوامہ حملے کے لئے کیمیکل کہاں سے خریدا گیا؟ تحقیقاتی ادارے کے انکشاف پرکھلبلی مچ گئی

پلوامہ حملہ،عسکریت پسندوں نے کہاں سے منگوایا تھا حملے کیلئے سامان؟ بھارت کا نیا انکشاف

چین سے شرمناک شکست کے بعد مودی سرکار کی ایک اور پلوامہ ڈرامہ کی کوشش ناکام

بھارتی فوج کے کرنل نے کی سیاچین میں خودکشی

بھارت کشمیر میں ہار گیا، اب کشمیری سنگبازوں کا مقابلہ کریں گے روبوٹ

بھارت کی پاکستان کے خلاف ہرزہ سرائی، کہا سرحد پار سے عسکریت پسند آ رہے ہیں

کشمیر میں رواں برس بھارتی فوجیوں کی ہلاکت میں اضافے سے مودی سرکار پریشان

پلوامہ حملے میں استعمال ہونیوالی گاڑی کے مالک کو کیا بھارتی فوج نے شہید

مودی سرکار نے مقبوضہ کشمیر کے طلبا پر آزاد کشمیر کے تعلیمی اداروں میں داخلوں پر پابندی لگا دی

پولیس نے گرفتاریوں کی تصدیق کی ہے اور کہا ہے کہ ان افراد کو پتھرا کے الزام میں گرفتار کیا گیا ہے۔

باغی ٹی وی کی رپورٹ کے مطابق بھارتی فوج نے مقبوضہ کشمیر کے علاقے شوپیاں میں آپریشن میں 4نوجوان شہید کر دیئے

جنوبی کشمیر کے ضلع شوپیاں میں بدھ کوعلی الصبح آپریشن کے دوران سکیورٹی فورسز اور عسکریت پسندوں کے مابین جھڑپ میں 4کشمیری عسکریت پسند شہید ہوگئے۔جبکہ آپریشن ابھی جاری ہے۔

ساوتھ ایشین وائر کے مطابق بھارتی فوج کو شوپیاں ضلع کے سگو ہندماہہ علاقے میں عسکریت پسندوں کی موجودگی کی خفیہ اطلاع ملی تھی جس کے بعد آرمی کی 44 راشٹریہ رائفلز، سی آر پی ایف اور پولیس نے علاقہ کو اپنے محاصرے میں لے کر تلاشی مہم شروع کردی۔

بھارتی فوج کی مشترکہ ٹیم جب ایک مخصوص مقام کے قریب پہنچی تو فائرنگ کے تبادلے میں 4 نوجوان شہید ہو گئے۔ مشترکہ آپریشن جموں و کشمیر پولیس کی انٹلیجنس کی بنیاد پر صبح 01:45 بجے شروع کیا گیا تھا۔ صبح 05:30 بجے فائرنگ کا تبادلہ شروع ہوا۔

آخری اطلاع ملنے تک علاقے میں گولیوں کا شدید تبادلہ جاری تھا۔ساوتھ ایشین وائر کے مطابق شوپیان میں یہ اس ہفتے ہونے والا تیسرا تصادم ہے۔ گزشتہ دو آپریشنز میں9 عسکریت پسندوں کو شہید کیا گیا ہے۔اس طرح ابھی تک ایک ہفتے میں اسی ضلع میں 13عسکریت پسند شہید ہو چکے ہیں۔

احتیاطی اقدام کے طور پر ضلع میں انٹرنیٹ سروس بھی معطل کردی گئی۔ انسپکٹر جنرل پولیس کشمیر زون وجے کمار نے ساوتھ ایشین وائر کو بتایا کہ آپریشن میں 4عسکریت پسند شہید ہوئے ہیں۔ تاہم ، انھوں نے یہ بھی کہا ان کی شناخت کے بارے میں ابھی تک کچھ پتہ نہیں چل سکا ہے۔