Category: کشمیر

اسلام آباد:بھارت ڈومیسائل قانون تبدیل کرکے کشمیریوں کو اقلیت میں بدل رہا ہے،کشمیریوں کے آزادی کے نظریے کو نہیں بدل سکتا: شاہ محمود نے بھارت پرچڑھائی کردی ،اطلاعات کے مطابق وزیر خارجہ شاہ محمود قریشی کا کہنا ہے کہ مقبوضہ کشمیر میں ڈومیسائل کے قوانین میں تبدیلی لائی جا رہی ہے جو اکثریت کو اقلیت میں تبدیل کرنے کی کوشش ہے۔

سینیٹ کے اجلاس میں خطاب کرتے ہوئے وزیر خارجہ شاہ محمود قریشی کا کہنا تھا کہ کشمیری نو ماہ سے ملٹری لاک ڈاؤن کا شکار ہیں اور ہر کشمیری خوف کی حالت میں زندگی بسر کر رہا ہے، انہیں بنیادی حقوق سے محروم کر دیا گیا ہے، ہندوستان نے اپنے جمہوری اور سیکولر چہرے کو بگاڑا ہے اور ہندوتوا سوچ نے بھارت کا جمہوری سیکولر چہرہ بےنقاب کیا۔

وزیر خارجہ نے کہا کہ بھارت اقوام متحدہ کی قراردادوں پر عمل کرنے کو تیار نہیں، کشمیر کی صورتحال بہت خراب ہے، رپورٹس ہیں کہ وہاں نوجوان کو اغوا کرکے ان پر تشدد کیا جاتا ہے تاکہ پورا علاقہ خوف میں مبتلا ہو جائے، ان کے گھروں پر چھاپے مارے جاتے ہیں، اس ماحول میں کشمیری کورونا کا مقابلہ کر رہے ہیں، وہاں ادویات دستیاب نہیں اور کورونا سے متاثرین اور ہلاکتوں میں اضافہ ہو رہا ہے۔

انہوں نے مزید کہا کہ بھارتی سرکار اتنے خوف میں مبتلا ہوچکی ہے کہ وہ ہندو توا کا نظریہ پورے علاقے خصوصی طور پر کشمیر میں مسلط کرنا چاہتی ہے، مسلم علاقوں کے ناموں کو ہندو ناموں سے منسوب کیا جا رہا ہے، کشمیر میں ڈومیسائل کے قوانین میں تبدیلی لائی جا رہی ہے، اکثریت کو اقلیت میں تبدیل کرنے کی کوشش کی جارہی ہے، بھارت میں مہم جاری ہے کہ مسلمانوں کو بدنام کیا جائے اور تاثر دیا جا رہا ہے کہ کورونا پھیلنے کا ذمہ دار مسلمان ہے، وہاں کورونا جہاد سے بھارت کو محفوظ کرنے کی باتیں اصطلاح استعمال کی جا رہی ہے۔

شاہ محمود قریشی نے کہا کہ کشمیر اور بھارت میں مسلمانوں کی کیفیت کے حوالے سے مسلم ممالک کے وزراء خارجہ کو خط لکھے ہیں، پاکستان کے سفارتی اقدمامات کے نتائج سامنے آرہے ہیں، بین الاقوامی برداری بھارت پر تنقید کررہی ہے جو ماضی میں نہیں دیکھا گیا، ہندوستان کے اندر سے آوازیں اٹھ رہی ہیں جو سرکار کی پالیسی پر احتجاج کر رہے ہیں، او آئی سی کی انسانی حقوق کی تنظیم نے ہماری نشاندہی پر کشمیر میں مظالم کی مذمت کی ہے، سیکورٹی کونسل 3 مرتبہ کشمیر کی صورت حال کو زیر بحث لا چکی ہے، ہم کہتے ہیں آزاد مبصرین کو کشمیر بھیجا جائے، وہاں لاک ڈاؤن کو ختم کرکے قیدیوں کو رہا کیا جائے، اور پانچ اگست کے اقدامات کو واپس لیا جائے۔

اسلام آباد:کشمیر کا علم رکھنے والے کو یہ ذمّہ داری دینی چاہیے تھی ، ملیحہ لودھی نے شہریار آفریدی کی تعیناتی پر اعتراض اٹھا دیا،اطلاعات کے مطابق اقوام متحدہ میں پاکستانی کی سابق مستقل مندوب ملیحہ لودھی نے شہریارآفریدی کے کشمیرکمیٹی کے چیئرمین بننے پراعتراض کردیا ہے ،

This is a serious issue. It needed a Parliamentarian with knowledge of occupied Kashmir's history & present state of play & who could also be an articulate & credible spokesperson. Shehryar is Kashmir committee chairman – Pakistan – https://t.co/KWFLgN8dTY https://t.co/mgSjSwWtYM

— Maleeha Lodhi (@LodhiMaleeha) May 14, 2020

باغی ٹی وی کےمطابق اپنے ایک ٹویٹ پیغام میں ملیحہ لودھی نے دبے دبے لفظوں‌ میں اپنی طرف اشارہ کرتے ہوئے کہا کہ کشمیر کا علم رکھنے والوں کوکشمیرکمیٹی کا چیئرمین بنانا چاہیے تھا ،شہریارآفریدی کے بارے میں‌گفتگوکرتے ہوئے ملیحہ لودھی کا کہنا تھا کہ ایسے شخص کو کشمیرکمیٹی کا چیئرمین بنا دیا گیا جوکشمیر سے متعلق بہت زیادہ علم نہیں رکھتا

باغی ٹی وی کےمطابق ملیحہ لودھی نے کہا کہ ایسے شخص کو کشمیر کمیٹی کا چیئرمین بنانا چاہیے تھا جو بہترین انداز سے اس معاملے کو پیش کرسکے ، بہترین ترجمان ہواورعالمی حالات کا علم بھی رکھتا ہو

برلن: بھارتی قونصل خانے سفارتکاری کے بجائے ’را‘ کے بیس کیمپ بن گئے، جرمنی میں بھارتی خفیہ ایجنسی را کا ایجنٹ گرفتار دنیا کا کوئی بھی ملک بھارتی خفیہ ایجنسی را کی شرانگیزی سے محفوظ نہیں، جرمن دارالحکومت فرینکفرٹ میں را کا ایجنٹ رنگے ہاتھوں پکڑا گیا، ملزم فرینکفرٹ میں کشمیری اور سکھ کمیونٹی کی جاسوسی کرتا تھا اور بھارتی قونصل خانے کو رپورٹ کرتا تھا۔

تفصلات کے مطابق بھارتی قونصل خانے سفارتکاری کے بجائے انڈین خفیہ ایجنسی را کے بیس کیمپ بن گئے۔ افغانستان، ایران، اور کینیڈا کے بعد اب جرمنی میں بھی بھارتی قونصل خانہ جاسوسی کی سرگرمیوں میں ملوث نکلا۔جرمن حکام نے فرینکفرٹ میں بھارتی خفیہ ایجنسی را کے ایک ایجنٹ کو بے نقاب کیا ہے جو کشمیری اور سکھ کمیونٹی کی جاسوسی کرتا تھا ملزم کو فرینکفرٹ میں بھارتی قونصل خانے سے کنٹرول کیا جارہا تھا۔

غیر ملکی میڈیا کی رپورٹ کے مطابق بھارتی جاسوس کے خلاف مقامی عدالت میں مقدمہ دائر کیا گیا ہے، مقدمے کی کارروائی رواں سال 25 اگست سے شروع ہو گی۔ گزشتہ سال دسمبر میں بھی فرینکفرٹ سے بھارتی میاں بیوی گرفتار ہوئے تھے جو را کے لیے جاسوسی کرتے ہوئے پکڑے گئے تھے

اس سے پہلے کینیڈا میں بھی راکے ایک جاسوس کا پردہ فاش ہوا تھا جو 2009 سے کینیڈین سیاستدانوں پر اثر انداز ہونے کی کوشش کر رہا تھا تاکہ تحریک آزادی کشمیر اور خالصتان تحریک کو کمزور کیا جاسکے۔ کینیڈین کورٹ میں ملزم کے خلاف مقدمہ جاری ہے۔ایران میں بھارتی قونصل خانے بھی جاسوسی ملوث ہیں جس کا سب سے بڑا ثبوت کلبھوشن یادیو کی گرفتاری ہے جو بھارتی بزنس مین کے جعلی پاسپورٹ سے پاکستان میں گھستے ہوئے گرفتار ہوگیا تھا۔

افغانستان میں بھارتی قونصلے خانے تو براہ راست دہشت گردی میں ملوث رہے ہیں، افغان سرزمین سے پاکستان میں دہشت گردی کروانے کے لیے بھارتی قونصل خانوں اور کالعدم ٹی ٹی پی کا گٹھ جوڑ کسی سے ڈھکی چھپی نہیں۔

اسلام آباد: مقبوضہ کشمیر میں‌ بھارتی مظالم کے بڑھتے واقعات، شاہ محمود قریشی نے سفرا کو اہم ٹاسک دے دیا،اطلاعات کے مطابق وفاقی وزیر خارجہ شاہ محمود قریشی نے دنیا بھر میں تعینات پاکستانی سفرا کو ہدایت کی ہے کہ وہ مقبوضہ کشمیر کی صورت حال اور بھارت میں اسلامی فوبیا کے بڑھتے رجحان کو عالمی سطح پر اجاگر کریں۔

ذرائع کے مطابق وزیرخارجہ شاہ محمود قریشی کی زیرصدارت وزارت خارجہ میں ویڈیولنک اجلاس ہوا جس میں کرونا چیلنج، مقبوضہ کشمیر کی صورت حال، معاشی بحالی، وزیراعظم کے ڈیٹ ریلیف اقدامات سمیت اہم امور پر تبادلۂ خیال اور غور کیا گیا۔اجلاس میں امریکا میں متعین پاکستانی سفیر ڈاکٹر اسد مجید اور مستقل مندوب منیر اکرم جبکہ جینیوا میں تعینات پاکستان کے مستقل مندوب خلیل ہاشمی نے بذریعہ ویڈیو لنک شرکت کی۔

اس موقع پر شاہ محمود قریشی نے تمام سفرا اور مندوبین کو ہدایت کی کہ وہ مقبوضہ کشمیر کی صورت حال کو عالمی فورمز پر اجاگر کریں جبکہ بھارت میں بڑھتے ہوئے اسلامو فوبیا کے واقعات کو بھی بین الاقوامی سطح پر اجاگر کیا جائے۔شاہ محمود قریشی کا کہنا تھا کہ محدودمعاشی و سائل کے باوجودکرونا کے خلاف اقدامات اٹھا رہےہیں، پاکستان جیسےترقی پذیرممالک کوبہت سی مشکلات کاسامناہے۔اُن کا کہنا تھا کہ حکومت کرونا کے ساتھ ساتھ معاشی بحران سےبھی نکلنے کے لیے بھی اقدامات کررہی ہے۔