Category: بہاولپور

(بہاولنگر باغی ٹی وی، نامہ نگار محمد عرفان) حکومتِ پنجاب بہاولنگر کی اطلاع کے مطابق یکم نومبر 2025 کو گورنمنٹ گرلز گریجویٹ کالج فار ویمن بہاولنگر میں صارفین کے حقوق کے موضوع پر آگاہی سیمینار کا انعقاد کیا گیا۔ سیمینار کی نگرانی کالج کی پرنسپل پروفیسر فرح نسیم نے کی، جبکہ طالبات اور اساتذہ کی بڑی تعداد نے شرکت کی۔

تقریب سے پرنسپل فرح نسیم، سابق پرنسپل خالدہ محمود، ڈپٹی ڈائریکٹر سوشل ویلفیئر رفعت انجم اور اسسٹنٹ ڈائریکٹر لیگل کنزیومر کونسل سید مخدوم حسین نے خطاب کیا۔ مقررین نے شرکاء کو صارفین کے حقوق، اسلام میں تجارت کے اصولوں، پنجاب صارف تحفظ قانون کی افادیت اور تاجروں کی ذمہ داریوں کے حوالے سے تفصیلی آگاہی فراہم کی۔

سید مخدوم حسین نے بتایا کہ تاجروں کا قیمتوں کی فہرست نمایاں جگہ پر آویزاں نہ کرنا، رسید جاری نہ کرنا، زائدالمیعاد اشیاء فروخت کرنا یا اشیاء و خدمات کی درست معلومات فراہم نہ کرنا قابلِ سزا عمل ہے، جس پر اتھارٹی ایک لاکھ روپے تک جرمانہ عائد کر سکتی ہے۔ انہوں نے مزید بتایا کہ صارف عدالت میں شکایت درج کرانے کا مکمل طریقہ کار قانون کے مطابق نہایت آسان بنایا گیا ہے تاکہ عوام اپنے حقوق کا تحفظ کر سکیں۔

تقریب کے اختتام پر پرنسپل فرح نسیم نے تمام معزز مہمانوں اور مقررین کا شکریہ ادا کرتے ہوئے کہا کہ اس طرح کی آگاہی مہمات معاشرے میں ذمہ دارانہ خرید و فروخت کے رجحان کو فروغ دیتی ہیں اور صارفین کے حقوق کے تحفظ میں اہم کردار ادا کرتی ہیں۔

بہاولنگر (باغی ٹی وی، نامہ نگار محمد عرفان) ڈپٹی کمشنر ذوالفقار احمد بھون کی زیر صدارت ای بز پروگرام کے حوالے سے ویڈیو لنک اجلاس منعقد ہوا۔ اجلاس میں ضلع بھر میں ای بز پروگرام کی کارکردگی، عوامی سہولتوں اور سروس ڈیلیوری کے اقدامات کا تفصیلی جائزہ لیا گیا۔

ایڈیشنل ڈپٹی کمشنر ریونیو جام آفتاب، ایڈیشنل ڈپٹی کمشنر جنرل ظہور حسین، اسسٹنٹ کمشنر بہاولنگر اور متعلقہ محکموں کے افسران اجلاس میں شریک ہوئے، جبکہ تمام تحصیلوں کے اسسٹنٹ کمشنرز نے ویڈیو لنک کے ذریعے شرکت کی۔ ڈپٹی کمشنر نے ہدایت کی کہ ای بز پروگرام کے تحت قائم عوامی سہولت مراکز کو مزید فعال اور مؤثر بنایا جائے تاکہ شہریوں کو کاروباری و سرکاری خدمات تک شفاف اور تیز رسائی حاصل ہو۔

انہوں نے کہا کہ ای بز پروگرام حکومتِ پنجاب کا عوام دوست اقدام ہے جس سے ضلع بھر میں سروس ڈیلیوری کے نظام میں شفافیت اور بہتری آ رہی ہے۔ اجلاس کے اختتام پر تمام محکموں کو مقررہ اہداف کے حصول کے لیے فوری اقدامات کی ہدایت بھی جاری کی گئی۔

بہاولنگر (باغی ٹی وی، نامہ نگار محمد عرفان) وزیراعلیٰ پنجاب مریم نواز کی ہدایت پر گورنمنٹ ٹیکنیکل کالج بہاولنگر میں سیلاب متاثرین کے لیے ریلیف کیمپ قائم کیا گیا ہے، جہاں متاثرہ خاندانوں کو گھر کی بحالی تک مالی امداد فراہم کی جا رہی ہے۔

کیمپ میں 50 ہزار سے 10 لاکھ روپے تک کی رقوم دی جا رہی ہیں۔ متاثرین کے لیے جوس اور دوپہر کے کھانے کا انتظام بھی کیا گیا ہے۔ شہریوں نے وزیراعلیٰ پنجاب کے اس اقدام کو سراہتے ہوئے کہا کہ مریم نواز کا متاثرینِ سیلاب کی بحالی کا ویژن قابلِ تحسین ہے۔

بہاولنگر (باغی ٹی وی نامہ نگار محمد عرفان)ڈپٹی کمشنر ذوالفقار احمد بھون کی زیرِ صدارت ای۔کاروبار (E-Business) کے فروغ کے حوالے سے ایک اہم اجلاس ڈپٹی کمشنر آفس کے کمیٹی روم میں منعقد ہوا۔ اجلاس میں مختلف محکموں کے افسران، چیمبر آف کامرس کے نمائندگان، تاجر برادری اور آئی ٹی کے ماہرین نے شرکت کی۔ اجلاس میں حکومتِ پنجاب کے ویژن کے مطابق کاروباری طبقے کے لیے سہولتیں بڑھانے، جدید ڈیجیٹل نظام متعارف کرانے اور کاروباری رجسٹریشن، ٹیکس، و لائسنسنگ کے عمل کو آن لائن کرنے کے اقدامات کا تفصیلی جائزہ لیا گیا۔

ڈپٹی کمشنر ذوالفقار احمد بھون نے کہا کہ ای۔کاروبار کے فروغ سے نہ صرف کاروباری حضرات کو آسانیاں میسر آئیں گی بلکہ عوام کو بھی تیز، شفاف اور مؤثر خدمات فراہم کی جا سکیں گی۔ ان کا کہنا تھا کہ حکومتِ پنجاب کا مقصد کاروباری ماحول کو جدید تقاضوں سے ہم آہنگ کرنا اور نوجوانوں کے لیے روزگار کے نئے مواقع پیدا کرنا ہے۔

انہوں نے متعلقہ محکموں کو ہدایت کی کہ ڈیجیٹل پلیٹ فارمز کے ذریعے کاروباری رجسٹریشن، ٹیکس ادائیگی، اور لائسنسنگ کے تمام عمل کو جلد از جلد آن لائن کیا جائے تاکہ شہریوں کو ایک ہی جگہ پر تمام سہولتیں دستیاب ہوں۔

اجلاس کے اختتام پر تاجر برادری نے حکومتِ پنجاب کے اس اقدام کو معیشت کے استحکام، شفافیت کے فروغ، اور کاروباری ترقی کی سمت ایک اہم سنگِ میل قرار دیا۔

بہاولنگر (باغی ٹی وی، نامہ نگار محمد عرفان)ڈپٹی کمشنر بہاولنگر ذوالفقار احمد بھون کی زیر صدارت ضلعی امن کمیٹی کا اجلاس مقامی ہال میں منعقد ہوا۔ اجلاس میں ضلع بھر کے علمائے کرام، امن کمیٹی کے ممبران، انجمن تاجران، منڈی ایسوسی ایشنز کے نمائندگان، میڈیا کے ارکان، سیاسی و سماجی شخصیات اور پولیس افسران نے شرکت کی۔

اجلاس کے دوران ضلع میں امن و امان کی صورتحال، مذہبی ہم آہنگی، بین المذاہب رواداری اور اتحادِ بین المسلمین کے فروغ کے حوالے سے تفصیلی تبادلہ خیال کیا گیا۔

ڈپٹی کمشنر ذوالفقار احمد بھون نے اپنے خطاب میں کہا کہ ضلعی امن کمیٹی کے ممبران اور علمائے کرام کا کردار معاشرتی استحکام کے لیے نہایت اہمیت کا حامل ہے۔ انہوں نے زور دیا کہ تمام مکاتبِ فکر کے علماء باہمی احترام، رواداری، برداشت اور بھائی چارے کو فروغ دے کر ضلع بہاولنگر کو امن و محبت کی مثال بنائیں۔

ڈپٹی کمشنر نے مزید کہا کہ امن و امان کے قیام کے لیے ضلعی انتظامیہ، پولیس اور شہریوں کے درمیان مؤثر رابطہ کاری انتہائی ضروری ہے تاکہ کسی بھی ناخوشگوار واقعے سے بروقت نمٹا جا سکے۔

اجلاس میں شریک علمائے کرام اور سماجی رہنماؤں نے ضلعی انتظامیہ کو یقین دلایا کہ وہ معاشرے میں امن، اتحاد اور بھائی چارے کے فروغ کے لیے اپنا بھرپور کردار ادا کرتے رہیں گے۔

بہاولنگر( باغی ٹی وی، نامہ نگار محمد عرفان)ڈپٹی کمشنر بہاولنگر ذوالفقار احمد بھون کی زیر صدارت پرائس کنٹرول مجسٹریٹس کا اجلاس منعقد ہوا، جس میں ایڈیشنل ڈپٹی کمشنر جنرل ظہور حسین، مختلف محکموں کے افسران اور تمام تحصیلوں کے اسسٹنٹ کمشنرز نے ویڈیو لنک کے ذریعے شرکت کی۔

اجلاس میں اشیائے خوردونوش کی قیمتوں، مارکیٹ کنٹرول، جرمانوں اور عوام کو ریلیف فراہم کرنے کے اقدامات کا تفصیلی جائزہ لیا گیا۔ ڈپٹی کمشنر نے واضح ہدایت جاری کی کہ ناجائز منافع خوری اور اوورچارجنگ کے خلاف بلا امتیاز کارروائیاں کی جائیں تاکہ عوام کو حقیقی معنوں میں ریلیف فراہم ہو سکے۔