Category: اسلام آباد

اسلام آباد میں درختوں کی کٹائی کے خلاف ہائی کورٹ کا تحریری حکم نامہ جاری کر دیا گیا

اسلام آباد ہائیکورٹ نے سی ڈی اے کو 2 فروری تک درختوں کی کٹائی سے روکنے کا تحریری حکم نامہ جاری کر دیا ،جسٹس خادم حسین سومرو نے 4 صفحات کا تحریری حکم جاری کر دیا ،اسلام آباد ہائیکورٹ نے تحریری حکمنامہ میں کہا کہ سی ڈی اے سمیت دیگر فریقین 2 فروری تک اسلام آباد سے کوئی درخت نا کاٹیں عدالت نے سی ڈی اے ، وزرات موسمیاتی تبدیلی اور انوئر مینٹل ایجنسی کو نوٹس جاری کر دیا گیا،عدالت نے کہا کہ وزارت موسمیاتی تبدیلی سمیت دیگر فریقین تفصیلی جواب آئندہ سماعت تک جمع کرائیں ،عدالت نے حکمنامہ میں کہا کہ درخواست گزار نے بتایا انوائرمنٹل پروٹیکشن ایکٹ کی خلاف ورزی میں درخت کاٹے جا رہے ہیں ،درخواست گزار کے مطابق اسلام آباد وائلڈ لائف آرڈیننس اور ماسٹر پلان کی خلاف ورزی کی جا رہی ہے ، درخواست گزار کے مطابق سی ڈی اے حکام نے ابھی تک نہیں بتایا ہزاروں درخت کاٹنے کی وجہ کیا تھی ،

اسلام آباد کے درخواست گزار شہری نوید احمد کی جانب سے وکیل مدثر عباسی پیروی کر رہے ہیں،عدالت نے تحریری حکمنامہ میں کہا کہ سی ڈی اے سمیت دیگر فریقین آئندہ سماعت پر مکمل تیاری کے ساتھ پیش ہوں، فریقین آئندہ سماعت سے قبل پٹیشن پر شق وار جواب جمع کرائیں، درختوں کی کٹائی کے جواز اور اس کی قانونی بنیاد کی وضاحت پر جامع رپورٹ پیش کریں،

رپورٹ کے مطابق فیس بک اور ٹک ٹاک پر غیر قانونی اور نامناسب مواد کی سب سے زیادہ بلاکنگ کی گئی۔
‎رپورٹ کے مطابق پی ٹی اے نے فیس بک کے 2 لاکھ 29 ہزار لنکس کا جائزہ لیا، جن میں سے 1 لاکھ 97 ہزار لنکس بلاک کیے گئے۔ انسٹاگرام پر 43 ہزار یو آر ایل چیک کیے گئے، جن میں سے 38 ہزار بلاک ہوئے، جس کا بلاکنگ ریٹ 87 فیصد رہا۔
‎ٹک ٹاک کے 1 لاکھ 74 ہزار سے زائد غیر قانونی مواد کے لنکس کی جانچ پڑتال کے دوران 1 لاکھ 63 ہزار سے زائد ویڈیوز کے لنکس بلاک کیے گئے۔
‎اسی طرح یوٹیوب پر 72 ہزار لنکس کی جانچ کے بعد 64 ہزار سے زائد لنکس بلاک کیے گئے، جبکہ ایکس (ٹوئٹر) کے 1 لاکھ 12 ہزار سے زائد لنکس چیک کیے گئے اور 70 ہزار 800 لنکس بلاک کیے گئے۔
‎پی ٹی اے کا کہنا ہے کہ یہ اقدامات سوشل میڈیا پر غیر قانونی اور نامناسب مواد کے پھیلاؤ کو کنٹرول کرنے کے لیے کیے جا رہے ہیں۔

راولپنڈی: پمز اسپتال کے ماہر ڈاکٹرز پر مشتمل ٹیم نے اڈیالا جیل میں بانی پاکستان تحریک انصاف عمران خان کا تفصیلی طبی معائنہ کیا۔

جیل ذرائع کے مطابق طبی معائنے کے لیے پمز اسپتال کے ڈاکٹرز کی تین رکنی ٹیم اڈیالا جیل پہنچی، جس نے مقررہ وقت پر معائنہ مکمل کیا۔جیل ذرائع کے مطابق ڈاکٹرز کی ٹیم میں ڈاکٹر ذوالفقار، ڈاکٹر عارف اور ڈاکٹر عاصل شامل تھے۔ ٹیم میں شامل ماہرین نے عمران خان کی مجموعی صحت کا جائزہ لیا، جب کہ آنکھوں اور دانتوں کا خصوصی معائنہ بھی کیا گیا۔ ذرائع کا کہنا ہے کہ ٹیم میں شامل جنرل فزیشن نے بانی پی ٹی آئی کا مکمل طبی معائنہ کیا اور مختلف پہلوؤں سے صحت کی صورتحال کا جائزہ لیا۔

ذرائع کے مطابق معائنے کے دوران ڈاکٹرز نے عمران خان کو بعض ادویات تجویز کی ہیں، جنہیں باقاعدگی سے استعمال کرنے کی ہدایت دی گئی ہے۔ ڈاکٹرز کی ٹیم نے معائنے کے بعد اپنی ابتدائی سفارشات مرتب کر لیں، جب کہ تفصیلی میڈیکل رپورٹ جیل انتظامیہ کو ارسال کی جائے گی.

اپوزیشن اتحاد تحریک تحفظ آئینِ پاکستان کے سینئر رہنما اور پشتونخوا ملی عوامی پارٹی کے سربراہ محمود خان اچکزئی کو قومی اسمبلی میں باضابطہ طور پر قائد حزب اختلاف مقرر کر دیا گیا ہے۔

اس حوالے سے اسپیکر قومی اسمبلی ایاز صادق نے اپوزیشن لیڈر کی تقرری کا باقاعدہ نوٹیفکیشن جاری کر دیا، جس کے بعد محمود خان اچکزئی نے قومی اسمبلی میں قائد حزب اختلاف کا منصب سنبھال لیا ہے۔جاری کردہ نوٹیفکیشن کے مطابق قومی اسمبلی بزنس رولز کے تحت اپوزیشن لیڈر کی تقرری 16 جنوری 2026 سے نافذ العمل ہوگی۔ نوٹیفکیشن میں واضح کیا گیا ہے کہ تمام آئینی اور پارلیمانی تقاضے پورے کرنے کے بعد یہ تقرری عمل میں لائی گئی، جس کے بعد محمود خان اچکزئی ایوان میں اپوزیشن کی نمائندگی کریں گے۔

قومی اسمبلی میں قائد حزب اختلاف کا عہدہ اس وقت خالی ہوا تھا جب 9 مئی کے کیس میں سابق اپوزیشن لیڈر عمر ایوب خان کی نااہلی سامنے آئی۔ ان کی نااہلی کے بعد اپوزیشن اتحاد میں مشاورت کا عمل شروع ہوا، جس کے نتیجے میں محمود خان اچکزئی کے نام پر اتفاق رائے پیدا کیا گیا۔ذرائع کے مطابق پشتونخوا ملی عوامی پارٹی کے سربراہ محمود خان اچکزئی کو بانی پاکستان تحریک انصاف عمران خان کی جانب سے اپوزیشن لیڈر کے لیے نامزد کیا گیا تھا۔ اس نامزدگی کو اپوزیشن اتحاد تحریک تحفظ آئین پاکستان کی قیادت اور دیگر اتحادی جماعتوں کی تائید حاصل رہی، جس کے بعد اسپیکر قومی اسمبلی نے باضابطہ نوٹیفکیشن جاری کیا۔

بانی پاکستان تحریکِ انصاف (پی ٹی آئی) کے قریبی ساتھیوں کے خلاف فارن فنڈنگ سے متعلق مقدمے میں اہم پیش رفت سامنے آئی ہے۔ بینکنگ کورٹ نمبر دو نے مقدمے کا تفصیلی فیصلہ سناتے ہوئے طارق شفیع، حامد زمان اور اسد کاکا خیل کو بری کر دیا۔

عدالتی فیصلے کے مطابق استغاثہ ملزمان کے خلاف الزامات ثابت کرنے میں ناکام رہا، جس کے باعث عدالت نے تینوں ملزمان کو شک کا فائدہ دیتے ہوئے بری کرنے کا حکم جاری کیا۔ مقدمے کی سماعت کے دوران ملزمان کی جانب سے بیرسٹر میاں علی اشفاق اور عدنان طارق نے عدالت میں مفصل دلائل پیش کیے۔

یاد رہے کہ وفاقی تحقیقاتی ادارے (ایف آئی اے) نے سال 2022 میں ملزمان کے خلاف مقدمہ درج کیا تھا۔ ایف آئی اے کے مطابق ملزمان پر الزام تھا کہ انہوں نے انصاف ٹرسٹ کے لیے غیر ملکی فنڈنگ حاصل کی، جو ملکی قوانین کی خلاف ورزی کے زمرے میں آتی ہے۔ اس سلسلے میں ایف آئی اے نے عدالت میں چالان بھی جمع کرایا تھا اور دعویٰ کیا تھا کہ تحقیقات کے دوران شواہد اکٹھے کیے گئے ہیں۔سماعت کے دوران دفاعی وکلا نے مؤقف اختیار کیا کہ ملزمان کے خلاف عائد الزامات بے بنیاد ہیں اور استغاثہ کی جانب سے پیش کیے گئے شواہد قانونی تقاضوں پر پورا نہیں اترتے۔ وکلا نے یہ بھی مؤقف اپنایا کہ ملزمان کے کسی اقدام سے غیر قانونی فارن فنڈنگ ثابت نہیں ہوتی۔عدالت نے فریقین کے دلائل سننے اور ریکارڈ کا بغور جائزہ لینے کے بعد فیصلہ سنایا کہ استغاثہ الزامات ثابت کرنے میں ناکام رہا ہے، جس کے بعد بینکنگ کورٹ نمبر دو نے تینوں ملزمان کو بری کرنے کا حکم دے دیا۔

سپریم کورٹ کے سابق جج منصور علی شاہ نے دوبارہ بطور وکیل پریکٹس شروع کرنے کا اعلان کردیا۔

جسٹس (ر) منصور کا کہنا ہےکہ اب ان کی پیشہ ورانہ سرگرمیوں کا مرکز بین الاقوامی اور ملکی ثالثی، مصالحت اور اسٹریٹیجک قانونی مشاورت ہو گا، انہوں نے تدریس کے شعبے سے اپنی وابستگی برقرار رکھنے کا بھی عزم ظاہر کرتے ہوئے کہا ہے کہ وہ بین الاقوامی معاملات میں بھی تدریسی ذمہ داریاں سنبھالیں گے۔

گزشتہ روز سید منصور علی شاہ کی جانب سے جاری بیان میں کہاگیاہے کہ انہوں نے اصولی بنیادوں پر سپریم کورٹ سے مستعفی ہونے کا فیصلہ کیا تھا،انہوں نے دوبارہ قانونی پریکٹس میں واپسی کا اعلان کرتے ہوئے کہا ہے کہ وہ اس وقت(لاہور یونیورسٹی آف مینجمنٹ سائنسز ) لمز میں’ڈسٹنگوئشڈ پروفیسر آف پریکٹس‘کے طور پر خدمات انجام دے رہے ہیں۔

وفاقی وزیر قانون اعظم نذیر تارڑ نے کہا ہےکہ عمران خان کو ان کی مرضی کا کھانا دیا جاتا ہے اور ان کی صحت بالکل ٹھیک ہے۔

قومی اسمبلی میں اظہار خیال کرتے ہوئے وزیر قانون اعظم نذیر تارڑ کا کہنا تھا کہ جیل سپرنٹنڈنٹ کا اختیار ہوتا ہے کہ رویے کو دیکھتے ہوئے ملاقات طے کرے، وفاق کا اختیار نہیں کہ وہ ان کو ہدایت دے،اسپیکر قومی اسمبلی کو عمران خان سے متعلق رپورٹ دی گئی تھی ، ان کو ان کی مرضی کا کھانا دیا جاتا ہے،سہولیات ملتی ہیں اور ان کی صحت ٹھیک ہے، ہر ہفتے ان کی اہلیہ سے ملاقات کرائی جاتی ہے، مجرموں کو جیل مینول منع کرتا ہے کہ وہ سیاسی معاملات ڈسکس نہیں کرسکتے، یہ معاملہ عدالت اور جیل انتظامیہ کے درمیان ہے، میں اس پر رپورٹ لے کر پیش کروں گا ۔

آن لائن فراڈ کا معاملہ قومی اسمبلی میں پہنچ گیا، اسپیکر ایاز صادق نے انکشاف کیا کہ کسی نے میری آواز میں کال کر کے لوگوں سے پیسے مانگے

اسپیکر قومی اسمبلی ایاز صادق نے پی ٹی آئی رہنماء عامر ڈوگر کو اپنے چیمبر میں بلالیا۔ ایاز صادق نے کہا کہ آپ آئیں تو ایک نوٹیفکیشن کے حوالے سے بات کرنی ہے۔واضح رہے کہ اپوزیشن لیڈر کیلئے پی ٹی آئی کی جانب سے محمود خان اچکزئی کے کاغذات جمع کرائے گئے ہیں

اسلام آباد کی مقامی عدالت میں ایمان مزاری اور شوہر ہادی علی کیخلاف متنازع ٹویٹس کے کیس کی سماعت ہوئی، ملزمان کی عدم گرفتاری پر عدالت نے ڈی آئی جی آپریشنز کو ذاتی حیثیت میں طلب کرلیا گیا۔

عدالت نے پوچھا کہ ملزمان کو گرفتار کرکے پیش کیوں نہیں کیا؟۔ عدالت نےڈائریکٹر ایف آئی اے کو بھی ذاتی حیثیت میں طلب کرلیا۔کیس کی سماعت کے دوران سرکاری وکیل نے ملزمان کی طرف سے 342 کا جواب جمع کرادیا، این سی سی آئی اے پراسیکوٹر پیش ہوئے جبکہ ایمان مزاری اور ہادی علی چٹھہ غیرحاضر رہے۔

بعد ازاں ڈی آئی جی عدالت پیش ہو گئے،ڈسٹرکٹ اینڈ سیشن کورٹس اسلام آباد میں متنازع ٹویٹس کیس کی سماعت کے دوران عدالت نے ایمان مزاری اور ان کے شوہر کو پیش نہ کرنے پر سخت برہمی کا اظہار کرتے ہوئے ریمارکس دیے کہ ملزمان سمندر پر ہوں یا آسمان پر، گرفتار کرکے پیش کیا جائے۔جج نے ڈی آئی جی سے مکالمہ کرتے ہوئے کہا کہ وارنٹ جاری ہوا، عمل کیوں نہیں ہوا ؟ اسلام آباد میں وارنٹ پر عمل نہ ہونا کیا ثابت کرتا ہے؟ ان کو پاکستان سے اٹھائیں، انڈیا سے یا افغانستان سے، 24 گھنٹے ہیں آپ کے پاس۔ میں دیکھتا ہوں کیسے پیش نہیں ہوتے ۔ مجھے 24 گھنٹے کے اندر وارنٹس پر عمل درآمد چاہیے