Category: کراچی

سپریم کورٹ نے ترقی سے متعلق پاکستان سٹیل ملازمین کی اپیل مسترد کر دی۔ چیف جسٹس گلزار احمد نے کہا کہ سندھ ہائیکورٹ فیصلے میں کوئی خامی نہیں۔

سپریم کورٹ کراچی رجسٹری میں پاکستان سٹیل ملازمین کی ترقی سے متعلق اپیل پر سماعت ہوئی۔ عدالت نے کہا کہ پاکستان سٹیل 2015 سے بند ہے، ترقی کس بات کی دی جائے ؟ جسٹس اعجاز الاحسن نے کہا کہ پاکستان سٹیل چلانے کیلئے پیسے تک نہیں۔

چیف جسٹس گلزار احمد نے ریمارکس دیئے کہ لگتا ہے آپ لوگ نوکریاں بھی کہیں اور کرتے ہوں گے۔ عدالت نے کہا کہ آپ لوگوں کو بیٹھے بیٹھے تنخواہیں مل رہی تھیں، پاکستان سٹیل بند ہوگئی، آپ لوگ کونسی سروس دے رہے تھے۔

تحریک انصاف کراچی کے صدر اور رکن سندھ اسمبلی خرم شیر زمان کا کہنا ہے کہ ملک میں پہلی بار انڈسٹریلائزیشن اور ماڈرن زراعت پر توجہ دی جارہی ہے، تنقیدکرتی زبانیں عمران خان کے ارادوں کو کمزور نہیں کرسکتیں۔

تفصیلات کے مطابق اپنے تازہ بیان میں خرم شیر زمان نے کہا کہ ن لیگ کا بیانیہ چاپلوسی سے شروع ہوکر بوٹ چاٹنے پر ختم ہوتا ہے، مفرور خاندان اقتدار میں گلا اور اپوزیشن میں پاؤں پکڑتے ہیں، شہبازشریف نے 2گھنٹے تقریر میں5فیصد بھی بجٹ پر بات نہیں کی،وہ عدالت میں ایک منٹ کھڑے نہیں ہوسکتے۔

پی ٹی آئی رہنما کا کہنا تھا کہ شہبازشریف نے 2گھنٹے عمران خان کے خلاف کھڑے ہوکر تقریر کی، ضمانتیں لینے والے سرکس کے شیروں کے جھوٹ ایکسپوز ہوچکے ہیں۔

ان کا کہنا ہے کہ ملک میں عمران خان کی کاوشوں سے ٹوارزم کو فروغ ملا، پہلی بار انڈسٹریلائزیشن اور ماڈرن زراعت پرتوجہ دی جارہی ہے، تنقید کرتی زبانیں عمران خان کے ارادوں کو کمزور نہیں کرسکتیں، عوام پچھلی جماعتوں کو مسترد کرچکے ہیں، وزیراعظم ملک کو ترقی کی جانب لے جارہے ہیں۔

خرم شیر زمان نے مزید کہا کہ عوام کی ہر بنیادی ضرورتیں پوری کریں گے، اپوزیشن صرف تنقید کرنا جانتی ہے۔

سپر ہائی وے اور اطراف کے علاقوں میں مٹی کا طوفان آگیا۔ محکمہ موسمیات کا کہنا ہے کہ شہر میں کہیں ہلکی کہیں درمیانے درجے کی بارش کا امکان ہے، بارش سے قبل تیز ہوائیں بھی چل سکتی ہیں۔کراچی میں پری مون سون بارشوں کا سسٹم داخل ہوگیا، سپر ہائی وے، گلشن معمار و اطراف میں گرد آلود ہوائیں چلنا شروع ہوگئیں۔
نوری آباد، گلستان جوہر، ناظم آباد، یونیورسٹی روڈ اور گرد و نواح میں ہلکی بارش شروع ہوگئی، گلشن معمار اور اطراف کے علاقوں میں تیز ہوائیں چل رہی ہیں۔محکمہ موسمیات کے مطابق شہر میں کہیں ہلکی کہیں درمیانے درجے کی بارش متوقع ہے۔ترجمان موٹر وے پولیس ساتھ زون کے مطابق کراچی حیدرآباد موٹر وے ایم نائن پر کراچی اور نوری آباد کے علاقوں میں بوندا باندی ہورہی ہے، تمام روڈ یوزرز سے اپیل ہے کہ اپنی گاڑیوں کی حد رفتار کم رکھیں، بارش کی وجہ سے اکثر مقامات پر روڈ پر پھسلن ہوجاتی ہے، لہذا گاڑی احتیاط سے چلائیں۔ترجمان کا کہنا ہے کہ برسات کے موسم میں اپنی گاڑی کے وائپرز کو چیک کرلیں، کسی بھی قسم کی مدد اور رہنمائی کیلئے 130 ہیلپ لائن پر رابطہ کیا جاسکتا ہے۔

کراچی کے طبا ہارٹ انسٹیٹیوٹ میں زائد قیمت پر کرونا ویکسین لگانے کا انکشاف ہوا ہے۔ ذرائع کے مطابق طبا ہارٹ انسٹیٹیوٹ میں سنگل ڈوز کینسائنو ویکسین 6220 روپے میں لگائی جا رہی ہے۔ ڈرگ ریگولیٹری اتھارٹی نے ویکسین کی قیمت 4225 روپے مقرر کی ہے۔ کمپنی حکام کے مطابق اے جے ایم فارما نے طبا ہارٹ انسٹیٹیوٹ کو کینسائینو ویکسین فراہم نہیں کی۔
اے جے ایم فارما نے اب تک چین سے ایک لاکھ 10 ہزار کینسائنو ڈوزز منگوائی ہیں۔ کین سائنو ویکسین کی تمام خوراکیں حکومت کو فراہم کی گئی ہیں۔ کمپنی حکام نے مزید بتایا کہ نیشنل انسٹیٹیوٹ آف ہیلتھ اسلام آباد سے طبا ہارٹ انسٹیٹیوٹ کو کینسائنو ویکسین کی فراہمی خارج از امکان ہے۔ ڈریپ حکام کا اس معاملے پر کہنا ہے کہ زائد قیمت پر ویکسین لگانے کے معاملے کی تحقیقات کر رہے ہیں۔ طبا ہارٹ انسٹیٹیوٹ کے محمد وقار بھٹی کے مطابق ویکسین پہلے 6220 روپے میں لگائی جارہی تھی، اب قیمت ریوائز کرکے 4220 روپے کردی گئی ہے۔

سربراہ پاک فضائیہ کا پاکستان نیوی وار کالج میں خطاب

چیف آف دی ایئر اسٹاف ایئر چیف مارشل ظہیر احمد بابر سدھو نے پاک بحریہ کے وار کالج، لاہور میں 50ویں پی این اسٹاف کورس کے شرکاء اور فیکلٹی سے خطاب کیا۔

حاضرین سے خطاب کرتے ہوئے ایئر چیف نے پاکستان نیوی وار کالج کے ذریعہ فراہم کردہ معیاری تعلیم اور بہترین تربیت کو سراہا۔ پاک فضائیہ کے سربراہ نے ملک کی بحری سرحدوں کے تحفظ کے لئے پاک بحریہ کی انمول خدمات کی بھی تعریف کی۔ موجودہ سیکیورٹی چیلنجز اورٹیکنالوجی میں ترقی پر بات کرتے ہوئے معزز مہمان نے پاک افواج کی جنگی صلاحیتوں پر بھرپور اعتماد کا اظہار کیا۔ انھوں نے اس بات پر زور دیا کہ مسلح افواج ملک کے سرحدی دفاع اور خود مختاری کے تحفظ کے لیے پر عزم رہیں۔ انہوں نے مزید کہا کہ پاک فضائیہ ایک پیشہ ورانہ فوج ہے جس میں ملک کے خلاف ہونے والی کسی بھی کاروائی کا بر وقت جواب دینے کی صلاحیت ہے۔

پاکستان نیوی وار کالج پاک بحریہ کا ایک نمایاں ادارہ ہے جو مستقبل میں اہم کمانڈ اینڈ اسٹاف تقرریوں کو سنبھالنے کے لئے پاک بحریہ، مسلح افواج اور دوست ممالک کے افسران کو پیشہ ورانہ عملی اور فوجی تربیت فراہم کرتا ہے۔

قبل ازیں چیف آف دی ائیر اسٹاف کی آمد پر کمانڈنٹ پاکستان نیوی وار کالج، ریئر ایڈمرل محمد زبیر شفیق نے اُن کا استقبال کیا۔

ویسٹ، اورنگی ٹاؤن سے خود کو پولیس اہلکار ظاہر کر کے بھتہ طلب کرنے والا ملزم گرفتار۔

ایس ایس پی ویسٹ سوہائی عزیز کی بروقت کارروائی سے جالی پولیس اہلکار گرفتار۔
ملزم موٹرسائیکل میں پولیس کی جعلی نمبر پلیٹ اور خود کو CTD سندھ کا اہلکار ظاہر کر کے شہریوں سے بھتہ طلب کرتا تھا۔ملزم شہری محمد حفیظ کو پانی کی لائن مرمت کرنے اور بلا اجازت روڈ پر توڑ پھوڑ کرنے کے ایوض پولیس کا نام استعمال کر کے بھتہ طلب کر رہا تھا۔

ایس ایچ او پاکستان بازار نے شہری کی جانب سے اطلاع ملتے ہی فوری طورپر کاروائی کر کے ملزم سرفراز ولد خادم حسین کو گرفتار کیا۔گرفتار ملزم سے پولیس کی جعلی نمبر پلیٹ لگی ہوئی موٹر سائیکل نمبری KLB-2738 برآمد۔گرفتار ملزم کے خلاف متاثرہ شہری کی مدعیت میں مقدمہ الزام نمبر 551/2021 بجرم دفعہ 170/171 درج، تفتیش جاری۔

گرفتار ملزم کے خلاف پہلے سے درج مقدمات کی تفصیلات حاصل کی جارہی ہیں۔

پاک سر زمین پارٹی کے چیئرمین سید مصطفیٰ کمال نے کہا کہ عوام کو اختیارات اور وسائل نچلی سطح تک منتقل نا کرنے میں پیپلز پارٹی، مسلم لیگ ن، اور تحریک انصاف ایک جیسی ہیں۔

پیپلزپارٹی، مسلم لیگ ن اور تحریک انصاف اپنی ہی جماعت کے کونسلر اور یوسی چئیر مینز کو اختیارات اور وسائل منتقل کرنے کے لیے تیار نہیں .

کیونکہ پیپلز پارٹی، مسلم لیگ ن اور تحریک انصاف کی ذہنیت جاگیردارنہ اور وڈیرانہ ہے۔ مجھے کیوں نکالا” کے نعرے لگانے والی مسلم لیگ (ن) نے ایک بار بھی پنجاب کے اپنے 57000 منتخب بلدیاتی نمائندوں کے لیے "انہیں کیوں نکالا” کی آواز بلند نہیں کی .

کیونکہ گلی محلوں اور گاؤں کے بلدیاتی نمائندے عوامی مسائل کو حل کرکہ مقامی ہیروز بن جاتے جو جاگیرداروں اور وڈیروں کی سیاست کے لیے زہر قاتل بن جائیں گے

کراچی کے علاقے گلشن معمار میں افغان بستی کے قریب نامعلوم افراد کی فائرنگ سے مقامی پی ٹی آئی عہدیدار عیسی خان اہلیہ سمیت زخمی ہوگئے ، جنہیں طبی امداد کے لیے نجی نجی اسپتال منتقل کردیاگیاہے۔تفصیلات کے مطابق کراچی کے علاقے گلشن معمار میں افغان بستی کے قریب نامعلوم افراد کی جانب سے کار پر فائرنگ کی گئی ، جس کے نتیجے میں مقامی پی ٹی آئی عہدیدار عیسی خان اہلیہ سمیت زخمی زخمی ہوگئے۔
ایس ایس پی کے مطابق زخمیوں کو نجی اسپتال منتقل کردیا گیا ہے اور واقعے کے حوالے سے تحقیقات کی جارہی ہیں، زخمی مقامی پی ٹی آئی رہنمااوراہلیہ نجی اسپتال میں زیرعلاج ہیں۔پی ٹی آئی ایم پی اے راجہ اظہراوردیگر رہنما نجی اسپتال پہنچ گئے ، اس موقع پر راجہ اظہر نے بتایا کہ عیسیٰ خان کوبازو پر 2 جبکہ اہلیہ کے سر پرایک گولی لگی ہے، عیسیٰ خان کی اہلیہ کی حالت تشویشناک ہے تاہم گاڑی میں 6 ماہ کی بچی بھی موجود تھی جو محفوظ رہی۔
انہوں نے بتایاکہ عیسی خان نے بتایاکہ وہ اسپتال سے چیک اپ کے بعدواپس گھرجارہے تھے ۔فائرنگ کرنے والے ملزمان 2 موٹر سائیکلوں پر سوار تھے، ملزمان نے کلاشنکوف سے فائرنگ کی۔رکن سندھ اسمبلی نے کہاکہ پولیس نے اسپیشل سیکیورٹی یونٹس بنائے ہوئے ہیں، عام عوام کو کون تحفظ فراہم کرے گا، آج کے وقعے کی ذمہ دار سندھ حکومت ہے یا پولیس.

خاتون ٹیچر کو ہراساں کرنیوالے اسسٹنٹ پروفیسرکو 10سال کی سزا

ڈسٹرکٹ اینڈ سیشن کورٹ کراچی نے جامعہ کراچی کے اسسٹنٹ پروفیسر خاتون ٹیچر کو ہراساں کرنے کا مرتکب قرار دیتے ہوئے 10 سال قید اور 50 ہزار روپے جرمانے کی سزا سنادی۔

جامعہ کراچی کے سابق اسسٹنٹ پروفیسر کو خاتون پروفیسر کو ہراساں کرنے پر 10 سال قید کی سزا سنادی ہے۔ پروفیسر فرحان کامران پر خاتون پروفیسر کو انٹرنیٹ کے ذریعے ہراساں کرنے کا الزام تھا۔

جامعہ کراچی کے سابق اسسٹنٹ پروفیسر کو 10 سال قید کی سزا سنا دی گئی.پروفیسر فرحان کامرانی کو خاتون پروفیسر کو ہراساں کرنے پر سزا سنائی گئی۔

مقامی عدالت نے پروفیسر فرحان پر 50 ہزار جرمانہ ادا کرنے کا بھی حکم دیا گیا ہے۔ ایف آئی اے کے مطابق فرحان کامرانی نے خاتون پروفیسر کی نازیبا تصاویر اپلوڈ کی تھیں۔

فرحان کامرانی سائیکالوجی ڈپارٹمنٹ کے سابق اسسٹنٹ پروفیسر ہیں، جنہیں سزا کیلئے جیل بھجوادیا گیا۔انویسٹی گیشن افسر کے مطابق خاتون پروفیسر نے ایف آئی اے میں شکایت درج کرائی تھی۔

سابق پروفیسر نے دوران تفتیش خاتون پروفیسر کے نام سے جعلی فیس بک اکاؤنٹ بنانے اور تصاویر اپ لوڈ کرنے کا اعتراف کیا تھا۔