Category: کراچی

ایم کیو ایم پاکستان نے کہا ہے کہ وفاقی حکومت نے گورنر سندھ کی تبدیلی پر اعتماد میں نہیں لیا تاہم اس ضمن میں پارٹی کے سینیئر رہنما ڈاکٹر فاروق ستار نے فوری طورپر وفاقی حکومت سے راہیں جدا کرنے کا مشورہ دیا ہے۔

میڈیا رپورٹس کے مطابق ترجمان ایم کیو ایم نے اپنے بیان میں کہا کہ ہمیں گورنر سندھ کی تبدیلی کا علم ذرائع ابلاغ سےہوا ہےوفاق کی جانب سے ایم کیو ایم پاکستان کو اس فیصلے پراعتماد میں نہیں لیاگیا اور ایم کیو ایم پاکستان اس فیصلے پر جلد اپنالائحہ عمل طے کرے گی۔

دوسری جانب رکن قومی اسمبلی ڈاکٹر فاروق ستار نے گورنر سندھ کی تبدیلی کے معاملے پر اہم بیان دیتے ہوئے کہا ہے کہ ان کی جماعت کو گورنری کے آئینی حق سے محروم کیا جا رہا ہےایم کیو ایم اس وقت مسلم لیگ ن کی حلیف جماعت ہے اور روایت رہی ہے کہ سندھ کا گورنر ایم کیو ایم پاکستان کا ہوتا ہے۔

آبنائے ہرمز میں کتنے جہازوں پر حملے ہوئے؟

انہوں نے کہا کہ اس روایت اور اتحادی سیاست کے اصولوں کے باوجود گورنر سندھ کی تبدیلی سے متعلق یکطرفہ فیصلے کیے جا رہے ہیں،اگر اس طرح کے فیصلے کیے جائیں تو پارٹی کے لیے حکومت میں رہنے کا کوئی جواز باقی نہیں رہتاایم کیو ایم پاکستان کو اس صورتحال میں فوری طور پر وفاقی حکومت سے الگ ہو جانا چاہیے۔

واضح رہے کہ وفاقی حکومت نے کامران ٹیسوری کو ہٹا کر ان کی جگہ مسلم لیگ ن کے رہنما نہال ہاشمی کو گورنر سندھ بنانے کا فیصلہ کیا ہےوزیراعظم آفس کی جانب سے جاری اعلامیے میں کہا گیا ہے کہ وزیراعظم شہباز شریف نے سمری منظوری کے لیے صدر پاکستان کو بھجوا دی ہے۔

ایران کی دھمکی؛ دبئی اور قطر میں متعدد بینک بند، ملازمین کو گھر سے کام کی ہدایت

مسلم لیگ ن کے رہنما نہال ہاشمی کو گورنر سندھ تعینات کرنے کا فیصلہ کیا ہے۔

وزیراعظم نے اس تعیناتی کے لیے سمری منظوری کے لیے صدر پاکستان کو بھجوا دی ہے وزیراعظم شہباز شریف نے نہال ہاشمی سے ملاقات بھی کی اور انہیں گورنر سندھ کی تعیناتی پر مبارکباد دی،ملاقات کے دوران صوبے کی سیاسی صورتحال اور آئندہ کے منصوبوں پر بھی گفتگو ہوئی، ملاقات میں رانا ثناء اللہ، اسحاق ڈار اور دیگر بھی موجود تھے۔

توشہ خانہ ٹو کیس: عمران اور بشریٰ کی اپیلوں پر رجسٹرار آفس کے اعتراضات دور

مسلم لیگ ن کے سنیئر رہنما نہال ہاشمی کا تعلق کراچی سے ہے،نہال ہاشمی 1997 سے 1999 تک وزیر اعظم پاکستان محمد نواز شریف کے مشیر برائے قانون، انصاف اور انسانی حقوق رہے تھے سال 2012 میں انہوں نے کراچی میں پاکستان مسلم لیگ (ن) کے صدر کے طور پر خدمات انجام دی تھیں اگست اور اکتوبر 2014 میں انھیں مسلم لیگ ن سندھ کے جنرل سیکرٹری کے طور پر تعینات کیا گیا تھا،2015 میں نہال ہاشمی پنجاب سے جنرل نشست پر مسلم لیگ ن کے امیدوار کے طور پر سینیٹ آف پاکستان کے لیے منتخب ہوئے تھے۔

خلیجی پانیوں میں صورتحال انتہائی کشیدہ

واضح رہے کہ ایم کیو ایم پاکستان کے رہنما کامران ٹیسوری 10 اکتوبر 2022 سے گورنر سندھ کے عہدے پر موجود ہیں۔

پاکستانی معروف اداکار فیصل قریشی نے کراچی کی خستہ حال سڑکوں پر طنزیہ تبصرہ کرتے ہوئے کہا ہے کہ ان کا موازنہ کسی اور ملک کی تباہی سے کرنا مناسب نہیں۔

رمضان ٹرانسمیشن میں گفتگو کے دوران فیصل قریشی نے مزاحیہ انداز میں کہا کہ آج کل سوشل میڈیا پر عجیب دعوے دیکھنے کو مل رہے ہیں، ابھی بھی دیکھیں کیا ہو رہا ہے، امریکا کراچی کی سڑکیں دکھا کر کہہ رہا ہے کہ ہم نے ایران کو تباہ کر دیا یہ کریڈٹ آپ کیسے لے سکتے ہیں؟ یہ بالکل غلط ہے کراچی کی سڑکیں آپ نے تباہ نہیں کیں۔

ایران جنگ :ٹرمپ نےحملے کی ذمہ داری اپنے داماد سمیت مشیروں پر ڈال دی

ان کے اس جملے پر پروگرام میں موجود مہمان اداکارہ ثنا عسکری بھی مسکرا دیں اور ہنستے ہوئے کہا کہ بالکل وہ ہماری سڑکیں ہیں،فیصل قریشی کے اس طنزیہ تبصرے پر جہاں پروگرام میں موجود افراد خوب محظوظ ہوئے وہیں سوشل میڈیا صارفین بھی اس پر دلچسپ تبصرے کر رہے ہیں ایک صارف نے کہا کہ پیپلز پارٹی والو آپ کا کریڈٹ امریکا چھیننے کی کوشش کر رہا ہےایک صارف نے کہا کہ جس کا کریڈٹ ہو اس کو ملنا چاہیے،ایک نے کہا کہ چلیں کوئی تو فائدہ ٹرمپ نے اٹھایا-

پاکستانی فضائی حدود کی بندش، بھارتی ایئر لائنز کے لیے مشکلات میں مزید اضافہ

پیٹرولیم مصنوعات کے بعد ہزاروں ٹن ایل پی جی گیس کے دو بحری جہاز پورٹ قاسم بندرگاہ پر لنگر انداز ہوگئے جبکہ مزید 2 جہاز عید الفطر سے پہلے آنے کی توقع ہے۔

ایل پی جی جی ڈسٹری بیوٹرز ایسوسی ایشن کے چئیرمین عرفان کھوکھر نے نے میڈیا سے گفتگو میں بتایا کہ ملک میں مائع پیٹرولیم گیس کے وافر ذخائر دستیاب ہیں، پورٹ قاسم کی بندرگاہ پر اریس نامی بحری جہاز 11 ہزار میٹرک ٹن جبکہ اٹلانٹک نامی جہاز 12 ہزار میٹرک ٹن گیس لے پر پہنچا اور لنگر انداز ہوگیا اس کے علاوہ ULLSWATER نامی بحری جہاز کے ذریعے 3700ٹن اور MD23 نامی بحری جہاز کے ذریعے 3500ٹن مزید دو ایل پی جی کنسائمنٹس عیدالفطر سے قبل پاکستان پہنچ جائیں گے۔

آپریشن غضب للحق:پاکستانی فوج کو دیکھ کر افغان طالبان پوسٹوں کو چھوڑ کر فرار ہو گئے

نجی خبررساں ادارے ایکسپریس سے گفتگو میں انہوں نے بتایا کہ فی کلو گرام ایل پی جی کی مقررہ سرکاری قیمت اگرچہ 225 روپے ہے لیکن گیس مافیا امریکا ایران جنگ سے پیدا ہونے والے توانائی بحران اور خام تیل کی عالمی قیمتوں میں ہوشربا اضافے کو جواز بناکر 350روپے سے 450روپے فی کلوگرام کے حساب سے ایل پی جی فروخت کررہے ہیں-

کینیڈا میں امریکی قونصل خانے پر فائرنگ

عرفان کھوکھر نے بتایا کہ امریکا ایران جنگ سے مشرق وسطی کی غیر یقینی صورتحال سے عالمی مارکیٹ میں فی ٹن ایل پی جی کی قیمت میں 200ڈالر کا اضافہ ہوچکا ہے جبکہ آبنائے ہرمز کی بندش کی وجہ سے شپنگ لائنز کے فریٹ بھی بڑھ گئے ہیں، ملک میں ایل پی جی کے وافر ذخائر موجود ہیں، گیس مافیا منفی افواہیں پھیلاکر صارفین کو گھبراہٹ میں وسیع پیمانے پر ایل پی جی کی خریداری کرنے پر مجبور کررہے ہیں جنگ بندی سے متعلق ملنے والے اشاروں اور مزید ایل پی جی کے کنسائمنٹس کی آمد سے آئندہ چند دنوں میں ایل پی جی کی قیمت معمول پر آجائیں گی۔

دبئی میں معاشی و سیکیورٹی بحران: مالی مشکلات اور غیر یقینی صورتحال نے جانوروں کی دیکھ بھال کو مشکل بنا دیا