Category: لاہور

کرونا وائرس، پنجاب پولیس کی جانب سے اقدامات جاری

باغی ٹی وی کی رپورٹ کے مطابق پنجاب سمیت ملک بھر میں کرونا وائرس کی وجہ سے لاک ڈاؤن میں توسیع کر دی گئی ہے،پنجاب پولیس کی جانب سے شہریوں کو گھروں تک محدود رکھنے کے لئے پولیس اقدامات، آگاہی مہم جاری ہے

ڈی آئی جی آپریشنز رائے بابر سعید کا کہنا ہے کہ دفعہ 144 کی خلاف ورزی پر اب تک 1892ایف آئی آرز درج کی جا چکی ہیں۔ پولیس ناکہ جات پر01 لاکھ 57 ہزار سے زائد شہریوں کو روکا اور نقل و حرکت کی وجہ پوچھی گئی۔ 01 لاکھ 46 ہزار 940 شہریوں کو وارننگ دے کر واپس گھر بھیجا گیا

۔ڈی آئی جی آپریشنز کا مزید کہنا تھا کہ 01 لاکھ 36 ہزار 343 وہیکلز کی چیکنگ عمل میں لائی گئی۔ 77384 موٹر سائیکلز، 20658 رکشوں،3823 ٹیکسی،27166 کاروں اور 7312 بڑی گاڑیوں کو چیک کیاگیا۔ دفعہ 144 کی خلاف ورزی پر 5553گاڑیوں، موٹر سائیکلوں کو بند کیا گیا 4154اشخاص سے سڑکوں پردوبارہ غیر ضروری طور پر نہ نکلنے کے شورٹی بانڈز لئے گئے۔

انکا مزید کہنا تھا کہ شہری کورونا وائرس سے بچاو کی تمام حفاظتی تدابیر اپنائیں۔ دفعہ144کی پابندی یقینی بنائیں،گھروں سے غیر ضروری طور پر باہر مت نکلیں۔

پنجاب انسٹی ٹیوٹ آف کارڈیالوجی کرونا کے نشانے پر،3 ڈاکٹر سمیت 12 افراد میں کرونا کی تشخیص

باغی ٹی وی کی رپورٹ کے مطابق پنجاب کے دارالحکومت لاہور میں دل کی بڑی علاج گاہ پی آئی سی کا عملہ کورونا وائرس کے نشانے پر آ گیا،پی آئی سی میں 11 مزید سٹاف ممبرز کورونا وائرس کا شکار ہو گئے

پی آئی سی کے کورونا متاثرین سٹاف کی تعداد 12 ہو گئی ،پی آئی سی کے 3 ڈاکٹرز، 7 سٹاف نرسز اور ایک مریض میں کورونا کی تشخیص ہوئی ،سی ای او پی آئی سی پروفیسر ثاقب شفیع کا کہنا ہے کہ اسپتال میں روٹین کی کارڈیک سرجری روکنے پر غور کر رہے ہیں، اسپتال میں صرف ایمرجنسی وارڈ میں ہی علاج کی فراہمی پر غور کر رہے ہیں،

انہوں نے مزید کہا کہ اسپتال کے تمام عملے کے کورونا ٹیسٹ کروائے جائیں گے،اب تک 200 ڈاکٹرز، نرسز اور پیرا میڈیکل سٹاف کے ٹیسٹ کے نمونے جمع کروا دئیے ہیں، اگر کسی ملازم کا ٹیسٹ مثبت آتا ہے تو اسے اسپتال منتقل کیا جائے گا، پروفیسر آفتاب یونس پی کے ایل آئی میں کورونا وائرس کے باعث زیر علاج ہیں،پروفیسر آفتاب یونس کی طبعیت بہتر ہے،

کورونا وائرس میں مبتلا ہونے والے پروفیسر ڈاکٹر آفتاب یونس ہیڈ آف ڈیپارٹمنٹ کارڈیک سرجری ہیں۔ پروفیسرڈاکٹرآفتاب یونس نے نجی لیب سے ٹیسٹ کروایا تھا جو مثبت آیا ہے۔

کرونا مریضوں کا علاج کرنیوالے خود کرونا میں مبتلا، ملتان میں‌ مزید ڈاکٹرز میں کرونا کی تشخیص

پی آئی سی کے چیف ایگزیکتو پروفیسر ثاقب شفیع کے مطابق گزشتہ دنوں بھی نجی لیب کی رپورٹ میں ایک ڈاکٹر میں وائرس کی تصدیق ہوئی تھی لیکن پرائمری ہیلتھ کیئر لیبارٹری سے اس ڈاکٹرکی رپورٹ منفی آئی تھی۔پروفیسرڈاکٹرآفتاب یونس نے ایک ہفتے سے کوئی سرجری نہیں کی تھی۔ کورونا وائرس سے متاثر ڈاکٹر کو سرجری کرنے سے روک دیا ہے،سینئر ڈاکٹر سے رابطہ کرنے والے دیگر ملازمین کو ٹریس کیا جا رہا ہے

لاہور: پنجاب ہیومن آرگن ٹرانسپلانٹیشن اتھارٹی میں اقربا پروری کی تیاری،اہم خبرسے تھرتھلی مچ گئی ،اطلاعات کے مطابق پنجاب ہیومن آرگن ٹرانسپلانٹیشن اتھارٹی میں اقربا پروری کی تیاری, ڈائریکٹر لیگل کی اسامی پر من پسند شخصیت کی تقرری کیلئے اہلیت کا معیار ہی تبدیل کرنے کی سفارش کردی۔ محکمہ سپیشلائزڈ ہیلتھ کا مانیٹرنگ کمیٹی کا اجلاس طلب کرکے اہلیت کا معیار تبدیل کرنے کی منظوری لینے کا فیصلہ کرلیا۔

پنجاب ہیومن آرگن ٹرانسپلانٹیشن اتھارٹی میں ڈائریکٹر جنرل کا عہدہ تو عرصہ دراز سے خالی پڑا ہے لیکن اس پر کسی موزوں شخص کا تقرر کرنے کی بجائے پنجاب ہوٹا نے ڈائریکٹر لیگل کی تقرری پہلے کرنے کا فیصلہ کیا ہے ۔ ڈائریکٹر لیگل کی اسامی پر من پسند شخص کو نوازنے کیلئے اہلیت کے معیار کو تبدیل کرنے کی سفارش کر دی گئی ہے ۔

ذرائع کے مطابق پنجاب ہوٹا میں ڈائریکٹر لیگل کی تقرری کیلئے اہلیت کا معیار ایل ایل ایم یا بیرسٹر ایٹ لا کی ڈگری کا حامل ہونا اور دس سالہ تجربہ کی شرط ہے لیکن اس کو تبدیل کرکے سادہ ایل ایل بی کی ڈگری اور 8 سالہ تجربہ کے حامل قانون دان کو بھی اہل قرار دلوایا جارہا ہے ۔ ذرائع کے مطابق مجوزہ معیار میں ایسی شرائط بھی شامل کی جارہی ہیں جو من پسند شخص کو ہی تقرری میں مدد دے سکے ۔

ذرائع کے مطابق محکمہ سپیشلائزڈ ہیلتھ کی جانب سے ڈائریکٹر لیگل پنجاب ہوٹا کی اہلیت کے معیار کو تبدیل کرنے کیلئے مانیٹرنگ کمیٹی کا 14 اپریل کو اجلاس طلب کیا گیا تھا جسے منسوخ کر دیا گیا اوراب دوبارہ اجلاس بلانے کی تیاری کی جارہی ہے۔

حکمرانوں کو اب بھی اللہ کا خوف نہیں آرہا تو کب آئے گا، سراج الحق نے کیا حکومت سے بڑا مطالبہ

باغی ٹی وی کی رپورٹ کے مطابق امیر جماعت اسلامی پاکستان سینیٹر سراج الحق نے کہا ہے کہ مشکلات سے نمٹنے کے لیے اجتماعی سیاسی بصیرت سے کام لیا جائے تو ہر مشکل آسان ہو سکتی ہے۔اس موقع پر وفاقی ،صوبائی حکومتوں سمیت تمام سیاسی پارٹیوں کو ایک پیج پر آنے کی ضرورت ہے۔یہ وقت سیاسی بصیرت اور دور اندیشی کا ہے کسی جانب سے کوئی پوائنٹس اسکورنگ نہیں ہونی چاہیے۔قومی سیاسی قیادت میں ہم آہنگی کا نہ ہونا المیہ ہے ،حکومت کو موجودہ بے یقینی سے نکلنے کے لیے خود تمام پارٹیوں سے رابطے کرنے چاہئیں۔ کرونا وبا کی وجہ سے پیدا ہونے والی مشکلات میں ہنر مندوں ،دیہاڑی داروں اور کاروباری افراد سمیت تمام نجی اور سرکاری ملازمین کو اپنے شکنجے میں کس لیا ہے۔ حکمرانوں کو اب بھی اللہ کا خوف نہیں آرہا تو کب آئے گا۔ملک میں گندم کی کٹائی کا آغاز ہوگیا ہے ، دوسری جانب آٹا مافیا گدھوں کی طرح کسانوں کی گندم کی فصل اونے پونے داموں ہتھیانے کے لیے منڈلا رہاہے۔حکومت اپنی صفوں میں موجود آٹا چینی مافیا کے طالمانہ اقدامات کاجائزہ لے ۔ڈاکٹرز کی طرح میڈیا ورکرز ،صحافیوں اور بلاگرز کا بھی کرونا وبا سے نپٹنے میں بڑا اہم کردار ہے۔ڈاکٹر پیرامیڈیکل سٹاف کورونا متاثرین کا علاج کررہے ہیں جبکہ میڈیا عوام کے اندر اس وباءسے بچاﺅ کے لیے آگہی پیدا کررہاہے ۔

ان خیالات کاا ظہار انہوں نے ویڈیو لنک پر مختلف اداروں کے لیے لکھنے والے بلاگرز سے میٹنگ میں کیا۔اس موقع پر سیکرٹری جنرل جماعت اسلامی امیر العظیم، مرکزی سیکرٹری اطلاعات قیصر شریف اور سوشل میڈیا کے انچارج شمس الدین امجد بھی موجود تھے۔ بلاگرز نے الخدمت فاﺅنڈیشن اور جماعت اسلامی کی ریلیف کی سرگرمیوں کو سراہا اور اپنی طرف سے تجاویز بھی پیش کیا۔

سینیٹر سراج الحق نے کہا کہ میڈیا سے تعلق رکھنے والے افراد مشکل حالات میں اپنی ذمہ داری احسن انداز میں پوری کرنے کی کوشش کررہے ہیں۔ دانشور ،صحافی خواتین و حضرات قوم کی درست سمت میں رہنمائی کرسکتے ہیں ۔ ضرورت اس بات کی ہے کہ اس مشکل وقت میں قوم کو اللہ تعالیٰ کی طرف رجوع کرنے کی دعوت دی جائے۔کرونا وائر س کی وبا میں” بچو اور بچاﺅ فرض بھی ذمہ داری بھی“ کے سلوگن کے ساتھ عوام کی خدمت کا فریضہ سرانجام دیا جائے۔وزیراعظم کا یہ بیان کہ اسمگلنگ کا خطرہ لاحق ہے اس بات کی غمازی کرتا ہے کہ آٹا اور چینی چور مافیا ان سے زیادہ طاقتور ہے۔انہوں نے کہا کہ جماعت اسلامی کسانوں کے ساتھ کھڑی ہے اور ان کے جائز مفادات کے تحفظ کے لیے ہر فورم پر آواز اور ان کے قدم سے قدم ملائے گی۔سٹیٹ بینک آف پاکستان نے زراعت کا شعبہ شدید متاثر ہونے اور مہنگائی میں اضافے کا عندیہ دے دیا ہے جبکہ حکومت عوام کو اندھیرے میں رکھ رہی ہے۔ کرونا وبا کے دوران محنت کش دیہاڑی دار مزدوروں اور کارکنوں کو راشن تک نہ دینے والی حکومت ان کے لیے آسمان سے تارے توڑ لانے کے دعوے کررہی ہے۔ انہوں نے کہا کہ سپریم کورٹ نے وفاقی اور صوبائی حکومتوں کی کرونا وبا کے خلاف ناقص کارکردگی پر جو سوالات اٹھائے ہیں حکمران ان کا جواب دینے سے قاصر نظر آرہے ہیں۔اس حکومت میں صرف وزیروں ،مشیروں کی موج مستی ہے۔ وزیراعظم کی جانب سے امداد کی اپیل کو عوام النا س نے سنجیدہ ہی نہیں لیا کیونکہ عوا م سمجھتے ہیں جس حکومت کی بغل میں چینی آٹا چور مافیا ہو وہ اسے پھوٹی کوڑی بھی نہیں دے گی۔

سعودی شاہی خاندان میں بغاوت:گورنرہاوسز،شاہی محل فوج کے حوالے،13شہزادےگرفتار،حرمین شریفین کواسی وجہ سےبندکیا : مبشرلقمان

سعودی ولی عہد کے خلاف بغاوت کے الزام میں شاہی خاندان کے 20 مزید افراد گرفتار

سعودی عرب میں بغاوت ، کون ہوگا اگلا بادشاہ؟ سینئر اینکر پرسن مبشر لقمان نےبتائی اندر کی بات

امریکی جیل میں قید ڈاکٹر عافیہ صدیقی کی رہائی ممکن، کیسے؟ سینئر صحافی و اینکر پرسن مبشر لقمان نے بتا دیا

خلیل الرحمان قمر vs ماروی سرمد | مبشر لقمان بھی میدان میں آگئے۔

سینیٹر سراج الحق نے کہا کہ اس مشکل وقت میں ڈاکٹرز اور میڈیکل سٹاف کو کٹ فراہم نہ کرنا بہت تشویش ناک ہے۔فرنٹ لائن پر موجود ڈاکٹرز خود کرونا کا شکار ہورہے ہیں۔ڈاکٹر اسامہ اور ڈاکٹر سومرو کی قربانی اور میڈیکل ریلیف کا کام کرنے والے تمام ورکرز کو سلام پیش کرتے ہیں۔جماعت اسلامی اور الخدمت فاﺅنڈیشن کے ایک لاکھ سے زائد رضا کار دن رات ریلیف کا کام کررہے ہیں۔ملک بھر میں جماعت اسلامی کے ہسپتال ،ڈسپنریاں۔دفاتر خدمت میں مصروف ہیں ۔انہوں نے کہا کہ جماعت اسلامی اور الخدمت فاﺅنڈیشن کے علاوہ جتنے ادارے کام کررہے ہیں ان کی تحسین کرتے ہیں۔وزیراعظم نے لاک ڈاﺅن کے فیصلہ میں توسیع کی ہے لیکن غریب عوام کے لیے راشن کا اب بھی کوئی نظام نہیں ہے۔احساس پروگرام میں پیسے کی تقسیم بد انتظامی اور سیاست کا شکار ہوگئی ہے۔سراج الحق نے مطالبہ کیا کہ براہ راست عوام کو سبسڈی دیں اور بجلی گیس پانی کے بلز کو بلا تفریق تین ماہ کے لیے عوام سے نہ لینے کا اعلان کیا جائے۔ایک سوال کے جواب میں انہوں نے کہا کہ حکومت کے وزراءاور مشیروں کی ایک بڑی تعداد تو موجود ہے لیکن پریس کانفرنس کے علاوہ ان کی کارکردگی صفر ہے۔ہم پوائنٹ اسکورنگ کی بجائے حکومت کو ان کی خامیوں کی طرف متوجہ کرتے رہیں گے

وزیراعلیٰ سندھ ذومعنی باتیں نہ کریں، فیاض الحسن چوہان بھی میدان میں آگئے،مزید کیا کہا؟

باغی ٹی وی کی رپورٹ کے مطابق پنجاب کے صوبائی وزیر اطلاعات فیاض الحسن چوہان نے کہا ہے کہ وزیر اعلیٰ سندھ مراد علی شاہ میڈیا کے سامنے وزیر اعظم عمران خان اور وفاقی حکومت کے خلاف ذو معنی باتیں نہ کریں۔

فیاض الحسن چوہان کا کہنا تھا کہ یہ وقت سیاسی پوائنٹ اسکورنگ سے ہٹ کر پوری ذمہ داری سے کورونا کے خلاف لڑنے کا ہے۔ وزیرِ اعظم عمران خان انتہائی محتاط انداز میں کورونا کے خلاف برسرِ پیکار ہیں۔ وفاقی حکومت پالیسی اور انتظامی لحاظ سے بروقت اور قابلِ عمل فیصلے کر رہی ہے۔ لاک ڈاؤن میں مخصوص طبقوں کیلئے نرمی کا فیصلہ وقت کا تقاضا تھا۔ ڈبلیو ایچ او نے تمام ممالک کو کمزور ترین طبقے کو مدنظر رکھتے ہوئے لاک ڈاؤن اقدامات کرنے کی ہدایات کی ہیں۔

وزیراعلیٰ سندھ نے عمران خان کی بجائے بلاول کو وزیراعظم کہہ دیا،کہا سندھ میں لاک ڈاؤن سخت ہے تو نیویارک جا سکتے ہو

تبلیغی جماعت کے ملک بھر میں کتنے اراکین قرنطینہ مراکز میں؟ 2 کی ہوئی کرونا سے موت

کرونا وائرس، تبلیغی جماعت سے تعلق رکھنے والے ایک اور شخص کی ہوئی موت

کرونا کے وار جاری، 288 پولیس اہلکاروں میں ہوئی کرونا کی تشخیص

کرونا کے کئی کیس رپورٹ نہیں ہو رہے ،ایسے کیس بھی آرہے ہیں جنہیں مردہ حالت میں لایا گیا،وزیراعلیٰ سندھ

فیاض الحسن چوہان کا مزید کہنا تھا کہ وزیرِ اعظم عمران خان کی پالیسیاں انکی عوامی حالات سے آگاہی کی جانب اشارہ کرتی ہیں۔ حکومت کے بروقت اور دانشمندانہ فیصلوں سے کورونا کے کیسز اور اموات متوقع شرح سے کم ہیں۔ وفاق سندھ سمیت تمام صوبوں کے مطالبات مجوزہ ایس او پیز کے مطابق پورے کرے گا۔ وزیرِ اعظم عمران خان ساری صورتحال پر گہری نظر رکھے ہوئے ہیں۔ وزیراعلیٰ پنجاب سردار عثمان بزدار صوبے کے ہر ضلع میں جا کر کورونا اور دیگر انتظامی معاملات کا جائزہ لے رہے ہیں۔ کورونا سے بچاؤ دو طرفہ عمل ہے، حکومتی کوششوں کے ساتھ ساتھ عوام کا تعاون بے حد ضروری ہے۔

سندھ میں کرونا سے 41 نہیں بلکہ 400 ہلاکتیں ہو چکیں،یہ دعویٰ کس نے کر دیا

احساس کیش پروگرام، لاڑکانہ کے بعد لاہور میں بھی رقم میں کٹوتی ،ایجنٹ گرفتار
باغی ٹی وی کی رپورٹ کے مطابق ضلعی انتظامیہ لاہور نے گورنمنٹ بوائز ہائی سکول باغبانپورہ کے احساس کیمپ میں کم رقم دینے پر کاروائی کی ہے

حبیب بینک گورنمنٹ بوائز ہائی سکول باغبانپورہ کا ایجنٹ گرفتار کر لیا گیا.محمد عفیف علیم ایجنٹ نے فرزانہ کوثر بی بی کو کم رقم کی ادائیگی کی. فرزانہ کوثر بی بی کی رقم بقایاجات سمیت 21 ہزار روپے بنتی تھی. فرزانہ کوثر بی بی کو محمد عفیف علیم نے صرف 12 ہزار روپے دئیے .

فرزانہ کوثر بی بی کو بقایا جات سمیت 21 ہزار روپے کی رقم کی ادائیگی کر دی گئی. حبیب بینک محمد عفیف علیم کے خلاف ایف آئی آر کا اندراج کروا دیا گیا ہے. ضلعی انتظامیہ لاہور کے ریونیو سٹاف نے اس کا نوٹس لیتے ہوئے بروقت کارروائی کی.

علاوہ ازیں ضلعی انتظامیہ لاہور کا ریونیو سٹاف معذور اور بوڑھی خواتین کو کیش کاؤنٹرز تک لے جانے میں مدد بھی کر رہا ہے. ڈی سی لاہور دانش افضال نے اسسٹنٹ کمشنر شالیمار مہدی مالوف اور ان کی ٹیم کو سراہا ہے

قبل ازیں بہاولپور میں احساس ا مداد پروگرام کے تحت ملنے والے 12 ہزار روپے میں سے 500 کٹوتی کرکے 11 ہزار 500 دینے پر ایک شخص کو گرفتار کیا گیا ہے۔

واضح رہے کہ احساس پروگرام کے تحت امداد کی فراہمی کا آغاز ہوگیا، ایک کروڑ 20 لاکھ خاندانوں کو فی کس 12 ہزار روپے ملنا شروع ہوگئے، امدادی رقم سنٹرز سے صبح 8 بجے سے شام 6 بجے تک وصول کی جا سکے گی۔ وزیراعظم عمران خان نے کرونا وائرس کی وجہ سے لاک ڈاؤن ہونے کے بعد غریبوں کے لئے مالی امداد کا اعلان کیا تھا،حکومت نے لاک ڈاون کے تیسرے ہفتے میں ادائیگیاں شروع کر دی ہین، پاکستان کے تمام صوبوں میں خواتین کو ادائیگیاں کی گئیں اس ضمن میں ملک بھر میں 17 ہزار مراکز بنائے گئے ہیں.

احساس کفالت پروگرام کے تحت قائم کئے گئے سینٹرز کے باہر پولیس اور پاک فوج کے جوان بھی موجود تھے۔ احساس پروگرام کے تحت ڈھائی ہفتے کے دوران 144 ارب روپے مستحقین میں تقسیم کئے جائیں گے

کرونا وائرس،بھارت میں اتنے مریض ہو جائیں گے کہ لاشیں بلڈوزر سے گڑھے میں ڈالنا پڑیں گی

چین میں‌ کرونا وائرس کا پہلا مریض اب کس حال میں ہے ؟

کرونا کے وار جاری، 288 پولیس اہلکاروں میں ہوئی کرونا کی تشخیص

سعودی عرب میں کرونا کے مریضوں میں مسلسل اضافہ، شاہ سلمان نے دیا عالمی ادارہ صحت کو فنڈ

کرونا وائرس،اچھی خبر بھی سامنے آ گئی، گھروں کی قیمیتں ہوں گی کم

کرونا وائرس، آئی ٹی سیکٹر میں بھی بڑے بحران کا خدشہ

یقین نہ آئے تو میری پینٹ اتار کر دیکھ لینا،پولیس تشدد کے بعد خودکشی کرنیوالے نوجوان کا دردناک پیغام

لاک ڈاؤن ،امداد دینے کے بہانے حکومت نے غریبوں سے 9 کروڑ وصول کر لیے

 

احساس ایمرجنسی کیش کے Category-2 کے صارفین جو بذریعہ8171 ایس ایم ایس سروس رجسٹر ہوئے ہیں انکو امدادی رقوم کی ادائیگی آج سے شروع کر دی گئی ہے۔احساس ایمرجنسی کیش پروگرام پاکستان کی تاریخ کا سب سے بڑا امدادی پیکج ہے،اس پروگرام میں رجسٹریشن کی آخری تاریخ 𝟏𝟗اپریل 𝟐𝟎𝟐𝟎 ہے،اگر آپ مستحق ہیں یا کسی مستحق کو جانتے ہیں تو قومی شناختی کارڈ نمبر 𝟏𝟗اپریل 𝟐𝟎𝟐𝟎 رات 𝟏𝟐:𝟎𝟎 بجے سے پہلے پہلے 𝟖𝟏𝟕𝟏 ایس ایم ایس کریں

وزیراعظم عمران خان کا کہنا تھا کہ احساس کیش ایمرجنسی پروگرام تمام سیاسی وابستگیوں سے بالا تر ہو کر نہایت شفاف اور میرٹ کی بنیاد پر چلا یا جا رہا ہے، مشکل کی اس گھڑی میں وفاقی حکومت ملک بھر کی عوام کو ریلیف فراہم کرنے کی ہر ممکنہ کوشش کر رہی ہے. احساس ایمرجنسی کیش پروگرام کے تحت اب تک 12000 فی خاندان کے حساب سے 32 ارب 87 کروڑ روپے 27 لاکھ 39 ہزار خاندانوں میں تقسیم ہو چکے ہیں

لاڑکانہ سمیت سندھ میں احساس پروگرام کی رقم میں کٹوتی پر رینجرز کا ایکشن