وزیراعلیٰ پنجاب سردار عثمان بزدارکل مورخہ 13ستمبر عمرہ کی ادائیگی کے لئے سعودی عرب جائیں گے-

باغی ٹی وی کی رپورٹ کے مطابق وزیراعلیٰ پنجاب عثمان بزدار مدینہ منورہ میں روضہ رسولؐ پر بھی حاضری دیں گے۔وزیراعلیٰ مسجد نبوی ؐ میں نوافل ادا کریں گے۔ وزیراعلیٰ ملک کی ترقی و خوشحالی اور استحکام کے لئے روضہ رسولؐ پر دعا کریں گے-وزیراعلیٰ مقبوضہ کشمیر کے مظلوم مسلمانوں کی بھارتی تسلط سے آزادی کے لئے بھی خصوصی دعا مانگیں گے-

سعودی ملٹری ایڈوائزر کی آرمی چیف سے ملاقات، باہمی دفاعی تعلقات و دیگر اہم امور پر گفتگو

وزیراعظم عمران خان بھی اقوام متحدہ کی جنرل اسمبلی میں خطاب کے لئے امریکا سے قبل سعودی عرب کا دورہ کریں گے جہاں وہ سعودی حکام سے ملاقاتیں کریں گے.

قبل ازیں رواں ہفتے سعودی عرب کے وفد نے وزیر توانائی کی سربراہی میں پاکستان کا دورہ کیا، سعودی وفد نے مشیر تجارت عبدالرزاق داود سے ملاقات کی ، جس میں سعودی عرب کی جانب سے بیس ارب ڈالر کی سرمایہ کاری پر پیش رفت کا جائزہ لیا گیا۔ سعودی وزیر توانائی نے پاکستان میں کی گئی سرمایہ کاری کے معاہدوں پرعمل درآمد کو تیز بنانے کی یقین دہانی کراتے ہوئے کہا پاکستان میں پیٹرو کیمیکل ریفائری لگائی جائے گی جو کہ ایک بڑا اور اہم منصوبہ ہوگا۔

عمرہ کرنے والوں کو سعودی حکومت نے سنائی خوشخبری، پاکستانیوں کا دیرینہ مطالبہ ہوا پورا

واضح رہے کہ سعودی ولی عہد شہزادہ محمد بن سلمان کے دورہ پاکستان کے موقع پر20ارب ڈالر کے معاہدے ہوئے تھے ، جن میں قلیل مدتی، درمیانی اور طویل مدت کے منصوبے شامل ہیں، توانائی ، سیاحت ، معدنیات ، پیٹرو کیمیکلز ، ہوٹل انڈسٹری کے شعبوں میں سات معاہدوں پر دستخط کئے گئے تھے۔

قبل ازیں سعودی وزیر خارجہ عادل الجبیر نے بھی پاکستان کا دورہ کیا تھا،وزیراعظم عمران خان سے سعودی وزیر خارجہ عادل بن احمد الجبیر اور متحدہ عرب عمارات کے وزیر خارجہ شیخ عبداللہ بن زید بن سلطان النہیان نے بدھ کو وزیراعظم آفس میں ملاقات کی۔ وزیر خارجہ شاہ محمود قریشی بھی ملاقات میں موجود تھے

وزیراعظم سےسعودی عرب اوریواےای وزرائےخارجہ کی ملاقات کا اعلامیہ جاری کر دیا گیا، اعلامیہ کے مطابق دونوں رہنماؤں نے مقبوضہ کشمیرکی بگڑتی صورتحال پراظہارتشویش کیا،سعودی عرب،یو اے ای موجودہ چیلنجزسے نمٹنے کیلئےرابطے میں رہیں گے، امن وسلامتی کے فروغ کیلئےدونوں ممالک رابطےمیں رہیں گے،

لاہور پریس کلب میں بیروزگاری اور غربت کے خاتمے سمیت طبی سہولیات کی فراہمی کے لیے سپر ٹاسکر، رزق فاونڈیشن، پلز ٹیک اور لاہور پریس کلب کے مابین مشترکہ جدوجہد کے لیے ایم او یو پر دستخط کرنے کی تقریب منعقد ہوئی۔

باغی ٹی وی کی رپورٹ کے مطابق تقریب میں لاہور پریس کلب کے صدر ارشد انصاری، سینئرنائب صدر ذوالفقارعلی مہتو، ممبر گورننگ باڈی عمران شیخ، محمداحمد رضا، رانا طاہر، نوازگل ،سپرٹاسکرکے سی ای اوعبدالواسع، رزق فاﺅنڈیشن این جی او کے سی اواو حذیفہ احمد، پلزٹک کے سی ای او ڈاکٹرعلی کامران ، گلریز خان سمیت ممبران کی بڑی تعداد موجود تھی۔

صحافی کو قتل کر کے لاش کنویں میں پھینک دی گئی،لاہور پریس کلب کی مذمت

اس موقع پر سپر ٹاسکر، رزق فاو نڈیشن، پلز ٹیک کے سی ای اوز نے غربت کے خاتمے اور عوام کو بنیادی ضروریات کی فراہمی کے لئے اپنے منصوبہ جات اور کارکردگی کے حوالے سے آگاہ کیا۔ لاہور پریس کلب کے صدر ارشد انصاری نے ان کے کام اور خدمت کو سراہتے ہوئے ملک میں خصوصا میڈیاانڈسٹری میں معاشی بحران اور اس کی وجوہات پر بھرپور روشنی ڈالتے ہوئے کہاکہ خدمت خلق کے جذبے سے سرشار این جی اوز کی کارکردگی شاندارہے اور صحافی بھی ان این جی اوزکے پروگرام کے تحت بیروزگاری اور معاشی بدحالی میںبہتر اندازمیں فائدہ اٹھاسکتے ہیں ۔عوام میں غربت کے خاتمے کے لیے تین اہم اداروں سپرٹاسکر، رزق فاﺅنڈیشن اور پلز ٹیک نے ایک پلیٹ فارم پر یکجا ہونے کا فیصلہ کیا ہے ۔

لاہور،امن و امان کی مخدوش صورتحال، صحافی کے گھر چوری کی واردات،لاہور پریس کلب کی مذمت

اس میں پہلا ادارہ سپرٹاسکر ہے جو ہنرمند افراد کو فری لانس آن لائن کام کی سہولت فراہم کرتاہے ۔ دوسرا ادارہ رزق فاو نڈیشن ہے ۔ جو ضرورت مند افراد کو چھ ماہ تک خوراک فراہم کرتا ہے ۔ تیسرا ادارہ پلز ٹیک ہے جو مستحق افراد کو صحت کی مفت سہولیات فراہم کرتا ہے ۔ لوگوں کو مختلف شعبوں میں آسانی دینے والے یہ تین ادارے اب ایک پلیٹ فارم پر مل کرکام کا آغاز کررہے ہیں ۔ رزق فاو نڈیشن ایسے افراد کی نشاندہی کرے گا جنہیں چھ ماہ تک مالی معاونت کی جائے گی ۔ پلز ٹیک انہیں صحت کی سہولیات کی فراہمی یقینی بنائے گا اور سپر ٹاسکر انہیں ملازمت کے مواقع فراہم کرنے میں مدد دے گا۔معاشی سہولیات کی فراہمی کے لئے تقریب کے انعقاد پر لاہور پریس کلب کے صدر ارشد انصاری نے ممبر گورننگ باڈی احمد رضاکی کاوش کو سراہا۔

پنجاب کے شہر میلسی میں نجی ٹی وی چینل کے نمائندہ کے قتل پر لاہور پریس کلب نے مذمت کی ہے اور قاتلوں کی گرفتاری کا مطالبہ کیا ہے

باغی ٹی وی کی رپورٹ کے مطابق لاہور پریس کلب کے صدر ارشد انصاری، سینئرنائب صدر ذوالفقارعلی مہتو، نائب صدر ناصرہ عتیق، سیکرٹری زاہد عابد، جوائنٹ سیکرٹری حافظ فیض احمد، خزانچی سالک نواز اور اراکین گورننگ باڈی نے نجی نیوز ٹی وی چینل 7 نیوز کے میلسی کے نمائندہ کے قتل کی شدید مذمت کی ہے۔

لاہور،امن و امان کی مخدوش صورتحال، صحافی کے گھر چوری کی واردات،لاہور پریس کلب کی مذمت

میلسی میں7 نیوز چینل کے نمائندہ ظفرعباس کو مجلس کی کوریج کے دوران قتل کرکے ان کی لاش کو کنویں میں پھینک دیا گیا ۔لاہور پریس کلب کی گورننگ باڈی نے اس بہیمانہ واقعہ پر انتہائی رنج و غم کا اظہار کرتے ہوئے حکومت سے مطالبہ کیاہے کہ مقتول صحافی ظفرعباس کے قاتلوں کو فی الفورگرفتار کرکے قرارواقعی سزادی جائے۔

قومی اسمبلی میں قائد حزب اختلاف شہباز شریف نے کوٹ لکھپت جیل میں سابق وزیراعظم نواز شریف سے آج جمعرات کو ملاقات کی ہے

باغی ٹی وی کی رپورٹ کے مطابق شہباز شریف نے اپنے بڑے بھائی نواز شریف سے ملاقات کے دوران مختلف امور پر بات چیت کی، شہباز شریف نے مولانا فضل الرحمان کے دھرنے میں شمولیت کے حوالہ سے بھی مشاورت کی جس پر نواز شریف کا کہنا تھا کہ میں تو جیل میں ہوں ،پارٹی رہنماؤں سے مشاورت کے بعد دھرنے میں شرکت کا فیصلہ کیا جائے.

مولانا کا آزادی مارچ، مولانا متحرک، رابطے، ملاقاتیں شروع

آزادی مارچ، مولانا فضل الرحمان گرفتار ہوئے تو قیادت کون کرے گا؟ اہم خبر

شہباز شریف نے مریم نواز اور حمزہ شہباز سمیت تمام خاندان کے افراد کے کیسز کے حوالے سے بھی نواز شریف کو آگاہ کیا۔

مولانا کا آزادی مارچ،ملک کے بڑے سجادہ نشین نے کی حمایت

مولانا فضل الرحمان کا لانگ مارچ، ن لیگ اختلافات کا شکار، اراکین اسمبلی کا نواز شریف کی بات ماننے سے انکار

واضح رہے کہ گزشتہ جمعرات کو نواز شریف کے دامار کیپٹن ر صفدر نے نواز شریف سے ملاقات کے بعد مولانا فضل الرحمان کو فون کیا تھا جس میں انہوں نے کہا تھا کہ نواز شریف نے دھرنے میں شریک ہونے کا کہا ہے ہم بھر پور طور پر شریک ہوں گے، مولانا فضل الرحمان نے ایک پریس کانفرنس میں کیپٹن ر صفدر کے فون کال کے حوالہ سے بتا کر مسلم لیگ ن کا شکریہ ادا کیا

بلاول نے دیا مولانا فضل الرحمان کو دھوکہ

مولانا فضل الرحمان سے پہلے دے گی پیپلز پارٹی دھرنا.اعلان کر دیا

تا ہم مسلم لیگ ن کے رہنما احسن اقبال نے بعد میں بیان دیا کہ مسلم لیگ ن دھرنے میں شرکت کا فیصلہ اپوزیشن جماعتوں کی اے پی سی میں کرے گی. باغی ٹی وی اس حوالہ سے خبر بریک کر چکا ہے کہ ن لیگ میں مولانا کے دھرنے کے حوالہ سے اختلافات پائے جاتے ہین اور اراکین نے نواز شریف کی بات ماننے سے انکار کر دیا ہے.

لانگ مارچ، اپوزیش کا جواب، مولانا نے سجادہ نشینوں سے مانگی مدد

آج نواز شریف نے شہباز شریف کو دھرنے کے حوالہ سے کہا کہ پارٹی رہنماؤں سے مشاورت کے بعد فیصلہ کیا جائے.

3روزقبل اغواء ہونے والا 4 سالہ بچہ عمیرعامر بازیاب کروا لیا گیا ہے جبکہ 2 ملزمان گرفتار کر لئے گئے ہیں،

باغی ٹی وی کی رپورٹ کے مطابق اغواءکاروں میں عامر اور عثمان شامل ہیں، واردات میں استعمال ہونیوالی موٹرسائیکل بھی برآمد کر لی گئی ہے، ڈی آئی جی انویسٹی گیشن کا کہنا ہے کہ ملزمان نےاپنی سالی کودینےکےلیے 20 ہزارکےعوض بچہ اغواء کیا، 4سال کےعمیر کو 3 روز پہلےغازی آباد کےعلاقے سے اغواء کیا گیا تھا، ملزم کی سالی کی7بیٹیاں ہیں،عامرنےبیٹےکی خواہش پوری کرنے کے لیے بچے کو اغواء کروایا،

ڈی آئی جی انویسٹی گیشن نے کہاکہ ملزمان بچےکواغواء کرنے کے بعد خانپور نہر اپنی سالی کے گھر چھوڑ آئے،

وزیر اعظم پاکستان کی معاون خصوصی فردوس عاشق اعوان نے کہا ہے کہ پارلیمنٹ اپنا کردار ادا کررہی ہے، صدر پاکستان کا پارلیمنٹ سے خطاب جمہوری روایات کا تسلسل ہے،

باغی ٹی وی کی رپورٹ کے مطابق پارلیمنٹ ہاؤس کے باہر میڈیا سے گفتگو کرتے ہوئے انہوں نے کہاکہ کشمیریوں کا حق خود ارادیت اجاگر کرنے کیلیے وزیراعظم کل مظفرآباد جارہے ہیں، پاکستان کی معیشت کا حب سمجھا جانے والا صوبہ بیڈ گورننس کا شکار ہے، سندھ حکومت ہوش کے ناخن لے ، حکومت آئینی طریقے سے سندھ میں رول آف لا کوممکن بنانا چاہتی ہے، سندھ حکومت اپنے ووٹروں سے سوتیلی ماں جیسا سلوک کررہی ہے، حکومت کسی صوبےکےآئینی اورجمہوری حقوق پرحملہ نہیں کرےگی، بیڈ گورننس کا خمیازہ سندھ کے عوام بھگت رہے ہیں،

فردوس عاشق اعوان نے کہاکہ سندھ حکومت عوام کو سہولیات پہنچانے میں ناکام ہوچکی ہے، سندھ کو نانا جی کی ملکیت سمجھنے والے کچرے پرسیاست کررہے ہیں، میں سندھ کارڈ ایک مرتبہ پھرکھیلنے کی مذمت کرتی ہوں، کسی صوبےکی تقسیم کرنےکابیان دےکرایک بار پھر کارڈ کھیلے جارہے ہیں، جنیواکامشترکہ اعلامیہ پاکستان کی کوششوں کاتسلسل ہے،پوری قوم کل مظفرآباد میں کشمیریوں کو پیغام دے گی پاکستانی قوم ساتھ ہے،

پاکستان تحریک انصاف کی رکن پنجاب اسمبلی سمیرا احمد نے سکولوں میں بچوں کا میڈیکل ریکارڈ مرتب کرنے کی قرارداد پنجاب اسمبلی میں جمع کروا دی ہے

باغی ٹی وی کی رپورٹ کے مطابق پنجاب اسمبلی میں جمع کروائی گئی قرارداد میں کہا گیا ہے کہ پنجاب کا یہ مقدس ایوان سکول میں بچوں کے تعلیمی ریکارڈ کے ساتھ ساتھ میڈیکل ریکارڈ کو بھی مرتب کرنے کا مطالبہ کرتا ہے اور یہ بھی قرار دیتے ہے کہ ہر بچے کا تین سے چھ ماہ بعد میڈیکل چیک اپ بھی لازمی قرار دیا جائے کیونکہ ذہنی اور جسمانی نشوونما میں کوئی بھی ایک دوسرے سے کم اہم نہیں۔ دونوں میں سے کوئی ایک بھی کمزور رہے گی تو بچے کی شخصیت میں کمی رہ جائے گی۔

پنجاب اسمبلی کی کارکردگی تمام اسمبلیوں سے بہتررہی، چودھری پرویز الہیٰ

قرارداد میں مزید کہا گیا کہ پاکستان میں 40 فیصد بچے بھوکے سکول جاتے ہیں جس کی وجہ سے اُن کی صحیح نشوونما نہیں ہوتی کم وزن کی طرح زیادہ وزن بھی بیماریوں کا سبب ہے وزیر اعظم عمران خان بھی اپنی تقریروں میں کہہ چکے ہیں کہ ملک میں 45 فیصد بچے شدید غذائی قلت کا شکار ہیں جس کہ وجہ سے ان کا قد، جسمانی نشوونما اور دماغ نہیں بڑھتا اور معاشرے میں وہ عام آدمی کی طرح کوئی مقام حاصل کرنے میں ناکام رہتے ہیں۔

بہاولپور صوبہ کی بحالی کے لئے پنجاب اسمبلی میں ایک اور قرارداد جمع

حکومت اے پی سی بلائے، پنجاب اسمبلی میں قرارداد جمع

پنجاب میں پروبیشن اینڈ پیرول آرڈیننس جاری کر دیا گیا، گورنر پنجاب نے دستخط کر دئیے

باغی ٹی وی کی رپورٹ کے مطابق گورنر پنجاب نے پروبیشن اینڈ پیرول آرڈیننس جاری کر دیا جس کے مطابق چیف سیکرٹری کی سربراہی میں بورڈ آف منیجمنٹ قائم کیا جائے گا جس کو قیدیوں کو پیرول پر رہا کرنے کا اختیار ہو گا ،قانون کے تحت دوسرے صوبے کے قیدیوں کو پیرول پر رہائی کی سہولت میسر ہو سکے گی ،بورڈ جان لیوا بیماری میں مبتلا قیدیوں کی پیرول پر رہائی کا جائزہ لے گا

قیدیوں کے لئے خوشخبری، پنجاب حکومت نے کن قیدیوں کو رہا کرنے کا فیصلہ کیا؟

پنجاب میں پروبیشن اینڈ پیرول آرڈیننس سے سابق وزیراعظم نوازشریف کو کوئی فائدہ نہیں پہنچے گا ،نئے آرڈیننس کے نفاذ سے منشیات کیس میں گرفتار رانا ثنااللہ کی سزا میں بھی کوئی کمی نہیں ہو گی

ن لیگی رہنماؤں کے ساتھ جیلوں میں "زیادتی” ہو رہی ہے، سینیٹر مشاہد اللہ کا انکشاف

جیلوں میں قید معمولی جرائم میں ملوث قیدیوں کو سنائی فواد چودھری نے خوشخبری

نئے آرڈیننس کا اطلاق نیب اور اے این ایف کے کسی بھی ملزم پر نہیں ہو گا ،آرڈیننس سے صوبائی محکموں کے تحت سزا یافتہ ملزمان ہی فائدہ اٹھا سکیں گے

لاہور میں ایڈز کے کتنے رجسٹرڈ مریض، خوفناک اعدادوشمار سامنے آ گئے

بلاول کے حلقہ میں ایڈزکیوں؟ عالمی ماہرین کی ٹیم نے خطرناک انکشاف کردئیے

کراچی کی جیل میں ایڈز کا قیدی دم توڑ گیا