Category: لاہور

لاہور: بڑی بڑی عماریں مسمار کردی گئیں ، یہ جرآت ایل ڈی اے کے علاوہ اور کون کرسکتا ہے. اطلاعات کےمطابق لاہور ڈویلپمنٹ اتھارٹی ٹاؤن پلاننگ ونگ کی غیر قانونی تعمیرات کے خلاف کارروائیاں جاری، بغیر نقشہ تعمیر متعدد عمارتیں مسمار اور سربمہر کردی گئیں۔

ایل ڈی اے حکام کے مطابق ڈی جی ایل ڈی اے عثمان معظم کی خصوصی ہدایت پر شہر بھر میں غیر قانونی تعمیرات کرنیوالوں کیخلاف کارروائیاں کی جا رہی ہیں، ایل ڈی اے ٹاؤن پلاننگ ونگ 1 کے ڈائریکٹر سلمان محفوظ کی زیر نگرانی ڈپٹی ڈائریکٹر سکندر ہارون، اسسٹنٹ ڈائریکٹر ناصر مقبول اور پولیس کے اہلکار غیر قانونی تعمیرات کو مسمار اور سر بمہر کر رہے ہیں ۔

ذرائع کے مطابق گورنمنٹ ایمپلائز ہاوسنگ سوسائٹی میں 108 اے میں بغیر نقشہ بننے والی عمارت کو مسمار کر دیا گیا، فیروز پور روڈ پر گھریلو پلاٹ پر کمرشل سڑیکچر کو مسمار کیا گیا۔دوسری طرف ایل ڈی اے حکام نے وارننگ دی ہے کہ وہ کسی سیاسی دباو میں نہیں آئیں گے اور غیر قانونی اور بغیر نقشے کے بنی ہوئی عمارتیں مسمار کردیں گے

لاہور : وفاقی حکومت اور الیکشن کمیشن کو نوٹسز جاری کرتے ہوئے لاہور ہائیکورٹ نے الیکشن کمیشن کے دو ممبران کی تعیناتی کے خلاف درخواست پر 19 ستمبر کو جواب طلب کرلیا۔

لاہور ہائی کورٹ سے ذرائع کے مطابق جسٹس شاہد وحید نے آئینی درخواست پر سماعت کی ، درخواست گزار نے نکتہ اٹھایا ہے کہ 22 اگست کو الیکشن کمیشن کے 2ارکان کی تعیناتی کی گئی۔ الیکشن کمیشن کے ممبران کی تعیناتی میں قانونی تقاضے پورے نہیں کیے گئے، درخواست گزار کے وکیل نے عدالت کو بتایا کہ الیکشن کمیشن کے ممبران کی تعیناتی میں بلوچستان اور سندھ کا کوٹہ مدنظر نہیں رکھا گیا۔

لاہور : بچوں کی صحت سے کمپرومائز نہیں کیا جاسکتا ، لہٰذا حکومت نے سرکاری و نجی سکولوں میں کھلی اشیاء کے فروخت کرنے پر پابندی عائد کردی گئی، سکولوں میں صرف پیکنگ والی اشیاء فروخت کرنے کی اجازت ہوگی۔

ا طلاعات کے مطابق ڈسٹرکٹ ایجوکیشن اتھارٹی لاہور نے سرکاری و نجی سکولوں میں کھلی اشیاء کے فروخت کرنے پر پابندی عائد کردی ہے، اب سکولوں میں صرف پیکنگ والی اشیاء فروخت کی جاسکیں گی جبکہ سکولوں میں قائم کنٹین کو سختی سے مضرصحت آئل میں تلی ہوئی اشیا فروخت کرنے سے بھی منع کردیا گیا ہے۔

دوسری طرف سی ای او ایجوکیشن پرویز اختر خان کا کہنا ہے کہ فیصلہ سکولوں میں بچوں کی طبیعت خراب ہونے کی شکایات موصول ہونے کے بعد کیا گیا ہے, سکولوں میں قائم کینٹنز کھانے پینے کی اشیاء کا مینیو واضح طور پر چسپاں کریں گے، احکامات پر عملدرآمد نہ کرانے والے سکول سربراہان کیخلاف کارروائی کی جائے گی۔کھلی اور مضر صحت اشیاء پر پابندی سابق وزیراعلیٰ چوہدری پرویز الٰہی کے دور میں بھی فیصلہ ہوا تھا اور اس کے بارے میں والدین ، بچے اور اساتذہ کو تربیت بھی گئی تھی

لاہور : ٹیکس چھپانے والے سرکاری افسران کے خلاف ایف بی آر حرکت میں آگئی ، پاکستان ریلویز، سرکاری ہسپتالوں اور ایل ڈی اے سمیت مختلف سرکاری محکموں کے غیر رجسٹرڈ ملازمین کو ٹیکس نیٹ میں شامل کرنے کیلئے کارروائی تیز کردی۔

ایف بی آر کے جمع کردہ اعدادو شمار کے مطابق لاہور میں وفاقی و صوبائی اداروں کے تقریبا 3 لاکھ 33 ہزار 6 سو ملازمین ہیں۔ 4 لاکھ سے زائد سالانہ تنخواہ لینے والے ٹوٹل سرکاری ملازمین و افسران 1 لاکھ 53 ہزار ہیں، وفاقی و صوبائی اداروں میں صرف اٹھارہ ہزار تین سو تین فائلرز، انیس ہزار چھ سو تئیس نان فائلرز اور ایک لاکھ پندرہ ہزار چار سو تین سرکاری ملازمین تاحال غیر رجسٹرڈ ہیں۔

ریلوے ہیڈ کوارٹر میں 1762 میں سے 985 سرکاری ملازمین غیر رجسٹرڈ، لیسکو ہیڈ آفس میں 9324 میں سے 7286 ملازمین غیر رجسٹرڈ ہیں، ایل ڈی اے آفس جوہر ٹاؤن میں 1365 میں سے 1190 ملازمین غیر رجسٹرڈ ہیں۔ واسا میں 2756 میں سے 1990 ملازمین غیر رجسٹرڈ ہیں۔

ایف بی آر کی طرف سے جاری رپورٹ کے مطابق اسی طرح ایجوکیشن ڈیپارٹمنٹ لاہور میں 848 میں سے 506 ملازمین تاحال ٹیکس نیٹ میں شامل نہیں ہیں جبکہ بورڈ آف ریونیو اینڈ ایری گیشن ڈیپارٹمنٹ میں 468 میں سے 102 ملازمین تاحال غیر رجسٹرڈ ہیں۔

میو ہسپتال میں 6354 میں سے 4471 ملازمین اور سروسز ہسپتال میں 3327 میں سے 2418 ملازمین، جنرل ہسپتال میں بھی 4289 میں سے 3966 ملازمین غیر رجسٹرڈ نکلے ہیں۔ ایف بی آر حکام کے مطابق غیر رجسٹرڈ ملازمین کو جرمانے عائد کرکے ٹیکس نیٹ میں شامل کیا جائے گا

لاہور پریس کلب میں پروگریسو سمیت مختلف گروپوں کا ہنگامی اجلاس، اداروں سے ورکرز کی جبری برطرفیوں پر مذمتی قراردار منظور کرکے دنیا نیوز کو پیغام دے دیا ہے ، دنیا گروپ سے نکالے گئےورکر زکی فوری بحالی کا مطالبہ کر دیا ،حکومت ایسے تمام اداروں کے سرکاری اشتہارات بند کردے جو ورکرز کی چھانٹیاں کر رہے ہیں

باغی ٹی وی کے مطابق لاہور پریس کلب میں پروگریسیو گروپ، ورکرز گروپ، رائٹرز گروپ ، پی یو جے، پی یو جے آفیشل ، پی یو جے دستور ، بھایاسین گروپ ، رائے حسنین گروپ، ایمپرا، اینکا اور فوٹو گرافرز ایسوسی ایشن کا ہنگامی اجلاس ہوا، اجلاس میں میڈیا ورکرز کی چھانٹیوں پر شدید غم و غصے کا اظہار کیا گیا اور قرارداد منظور کی گئی کہ حکومت ایسے تمام اداروں کے سرکاری اشتہارات بند کردے جو ورکرز کی چھانٹیاں کر رہے ہیں۔

اجلاس میں گذشتہ ایک سال کے دوران ورکرز کی چھانٹیوں پر پریس کلب اور دیگر تنظیموں کی طرف سے مجرمانہ خاموشی پر شدید تحفظات کا اظہارکرتے ہوئے تمام گروپس پر مشتمل ایک کمیٹی تشکیل دینے کا اعلان کیا گیا ہےجو ورکرز کے حقوق کی جدوجہد کیلئے جامع پلان ترتیب دے گی اور اس جدوجہد کو مالکان بچائو تنظیموں سے ہٹ کر چلایا جائے گا۔

باغی ٹی وی کے مطابق اس اجلاس میں جنگ گروپ ، نوائے وقت ، سٹی نیوز نیٹ ورک ، دنیا گروپ اور دیگر تمام اداروں سے نکالے گئے ورکرز سے اظہار یکجہتی کرتے ہوئے حکومت سے مطالبہ کیا گیا کہ وہ ان اداروں کے بقایا جات مالکان کو دینے کی بجائے ورکرز میں تقسیم کردیں،گذشتہ ایک سال سے جو بقایا جات حکومت نے ادا کئے ہیں وہ ورکرز کی بجائے مالکان کی جیبوں میں گئے ہیں،شرکاء کی جانب سے کہا گیا کہ حکومت فوری طور پر ان معاملات کا نوٹس لے اور بے روزگار ہونے والے صحافیوں کا ڈیٹا بینک بنا کر مالکان کے اشتہاروں میں کٹوتی کرکے یہ رقم بھی بے روزگار صحافیوں میں تقسیم کی جائے۔

دنیا نیوز سے برطرف ملازمین کے حوالے سے اجلاس میں چیرمین پروگریسیو معین اظہر، سیکرٹری لاہور پریس کلب زاہد عابد ، چیرمین ورکرز گروپ احسن ضیاء، چیرمین رائٹرز گروپ زاہد شفیق طیب ،چیرمین ڈیسک ایڈیٹرز فورم اسلم چودھری، سینئر رہنما پی ایف یو جے آفیشل فرخ عطا بٹ، صدر پی یو جے ضیاء اللہ خان نیازی، صدر پی یو جے آفیشل اعجاز کھوکھر،سیکرٹری فنانس پی ایف یو جے (دستور) حامد ریاض ڈوگر،سیکرٹری پی یو جے (دستور) احسان بھٹی،سابق صدر پی یو جے بخت گیر چودھری ، صدر فوٹو گرافرز ایسوسی ایشن عرفان چودھری، سینئر نائب صدر پی یو جے عرفان احسان، نائب صدر پی یوجے حامد نواز، سیکرٹری پی یوجے شہباز جندران ،رہنماایمپرا طفیل شریف ، نائب صدر پی یوجے دستور نبیل مشتاق کھوکھر نے برطرف ملازمین کو بحال کرنےکا پرزور مطالبہ کیا

بے روزگار ملازمین کی پریشانیوں پر پریشان جوائنٹ سیکرٹری دستور شہباز چودھری ،اعجاز مرزا(رائے حسنین گروپ )، سید شعیب الدین،معین احمد، انصار زاہد ،کالم نویس بلال غوری ،عبد المجید ساجد، زاہد گوگی،ظہیر بابر، مجتبیٰ باجوہ ،احمد ہمایوں خان،جوادرضوی،میاں افضل ، اقبال جکھڑ،فاطر ولید ،امجد عثمانی، ستار چودھری، رانا اکرام ، شکیل سعید ،حسن تیمور جکھڑ، آغا گل ،امجد فاروق کلو، خالد شہزاد فاروقی، ناظم ملک ، عاصم سلطان ،تجمل گرمانی ،شبیرقادری،آصف چودھری،شاہ نواز رانا،ظفر رامے نے بھی حکومت سے مطالبہ کیا کہ وہ دنیا نیوز کے اشتہارات بند کرے تاکہ اس کو غریبوں سے بیتی جانے والی بے روزگاری کا احساس ہو

دنیا نیوز سے برطرف ملازمین کی بحالی کا مطالبہ کرتے ہوئے صحافیو‌ں نے کہا کہ اربوں روپے کمانے والے غریبوں کا نہیں‌سوچتے ، دنیا نیوز کے اس عمل کی مذمت کرتے ہوئے قیصر رشید بٹ، سید ذیشان گیلانی،ماجد یزدانی ،جہانگیر حیات ،جعفربن یار،ڈاکٹر شجاعت ،خواجہ اویس ریاض، سید معظم الدین،فیصل سلہریا،سید امجد بخاری،سرفراز راجہ، آصف سلطان ،ندیم سلیمی ،مرزا ندیم بیگ، حارث مرغوب،بلال غوری، امجد ہاشمی ،فاروق یوسف، علی رضا رحمانی ، شیخ عثمان قصوری، کاشف بھٹی،مختارعلی، امتیاز شاد،سید یاسر بخاری ، حسنین جمیل ، اظہر تھراج ، فاروق یوسف، رضوان حیدر ،رضوان حیدر ،صابر سبحانی،اویس غوری ،منصور احمد، رانا عرفان، محی الدین، آصف جٹ اور دیگر نے کہا کہ وہ اپنے بے روزگار صحافیوں کے حقوق کی جنگ لڑیں گے ، اس اجلاس میں تمام میڈیاورکرز کی کثیر تعداد نے شرکت کی۔