لاہور :برائلر جس کے بارے میں یہ کہا جاتا ہے کہ یہ غریب بھی کھا لیتے ہیں، اب یہ برائلر بھی غریبوں کی پہنچ سے دور ہو گیا ہے. اطلاعات کے مطابق شہر میں برائلر کی رسد میں کمی کے باعث قیمت میں اضافہ، مرغی کا گوشت تین روپے فی کلو مہنگا ہو گیا۔
زندہ مرغی دو روپے اضافے کے بعد ایک سو انسٹھ روپے جبکہ مرغی کا گوشت تین روپے اضافے کے بعد دو سو اکتیس روپے فی کلوگرام ہو گیا۔شہریوں کا کہنا ہے کہ حکومت کو چاہیے کہ وہ مرغی کے گوشت کی قیمت میں کمی کرے تاکہ عام شہری مہنگائی کے اس دور میں مرغی کا گوشت کھا سکیں۔
لاہور : اردوبازار پبلشرز نے خود ساختہ قیمتیں بڑھاتے ہوئے غریب طالب علموں کو امتحان میںڈال دیا ، اطلاعات کے مطابق اُردو بازار اور پیپر مارکیٹ میں کاغذکی فی کلو قیمت میں 20روپے اضافہ کر دیا گیا، تاجروں نے کاغذ کی قیمتوں میں اضافے کی ذمہ داری ملز پر ڈال دی۔
اردو بازار پبلشرز کے طرف سے کاغذ کی قیمتوں میں 20 روپے اضافے کے بعد کاغذ کی نئی قیمت 120 روپے فی کلوگرام تک پہنچ گئی ہے،اسی طرح فی ٹن کاغذ کی قیمت میں 20 ہزار روپے کا اضافہ ہوا جس کے بعد فی ٹن کاغذ ایک لاکھ بیس ہزار روپے کا ہوگیا،
دوسری جانب سینئر رہنما آل پاکستان پیپر مرچنٹ ایسوسی ایشن خامس سعید بٹ کا کہنا ہے کہ مخصوص ملیں حکومتی اداروں کی ملی بھگت سے کاغذ کی قیمتیں آئے روز بڑھا رہی ہیں مگر انہیں کوئی پوچھنے والا نہیں۔کاغذ کی قیمتوں میں مسلسل اضافے نے غریب طالبعلموں اور انکے والدین کی قوت خرید کو شدید متاثر کیا۔
پنجاب حکومت نے حلقہ بندیوں کے لئے آرڈیننس جاری کرنے کا فیصلہ کرلیا ہے،
باغی ٹی وی کی رپورٹ کے مطابق آرڈیننس کے ذریعے فوری طورپر حلقہ بندیاں کی جائیں گی، پنجاب میں بلدیاتی نظام کو فعال کرنے سے متعلق گورنرپنجاب چوہدری سرورکوآرڈیننس کا مسودہ بھجوا دیا گیا ہے،
آئندہ 2 روز میں آرڈیننس جاری کئے جانے کا امکان ہے،
نیب لاہور نے مجاہد کامران سمیت 7ملزمان کے خلاف ریفرنس دائر کردیا
مریم نواز کے اثاثے دن بدن کیسے بڑھتے رہے؟ نیب نے بتا دیا
باغی ٹی وی کی رپورٹ کے مطابق نیب ریفرنس میں سابق وائس چانسلر مجاہد کامران سمیت 6 ملزمان نامزد کئے گئے ہیں،
نیب ریفرنس کے مطابق مجاہد کامران نے اختیارات کا غلط استعمال کرکے 18اور21اسکیل کی بھرتیاں کیں ،مجاہد کامران نے جعلی ڈگری ہولڈرز اور ناتجربہ کار افراد کو بھرتی کیا،مجاہد کامران نے اس عمل میں دیگر لوگوں کو بھی ساتھ ملایا،تحقیقات کے دوران مجاہد کامران کیخلاف متعدد مزید شکایات موصول ہوئی ،دیگر ملزمان میں سابق رجسٹرار ، ایڈیشنل رجسٹرار کو نامزد کیا گیا ہے،
چیئرمین نیب کی زیر صدارت اجلاس، مریم نواز سے ہونے والی تحقیقات بارے آگاہ کیا
چیئرمین نیب نے کہا کہ گزشتہ بیس ماہ میں قوم کےتقریبا 71 ارب روپےبالواسطہ اوربلاواسطہ قوم کو واپس دلوائے ،ڈی جی نیب لاہورشہزاد سلیم کی سربراہی میں میں نیب لاہورکی کارکردگی قابل ستائش ہے،
پاکستان نے اپنا نیوکلیائی پروگرام 70کی دہائی میں شروع کیا۔جبکہ میزائل پروگرام کا آغاز 1988ءمیں ہوا۔پاکستان کے میزائل پروگرام نے بڑی تیزی سے ترقی کی اور آج پاکستان کے پاس بھارت سے بہتر میزائل ٹیکنالوجی موجود ہے جس کی گواہی غیرملکی میڈیا نے بھی دی ہے۔ پاکستان کے جنگی آلات کے نام ایسے مسلم سپہ سالاروں کے نام پر رکھے گئے ہیںجو فاتحین ہند ہیں۔
پاکستانی میزائل حتف کا نام نبی کریم ﷺ کی تلوار کانام ہے جس کا مطلب ہلاکت یا ہلاک کرنے والا ہے۔
پاکستانی ٹینک الخالد کا نام مشہور اسلامی سپہ سالار حضرت خالد بن ولید رضی اللہ عنہ کے نام پر ہے۔ حضرت خالد بن ولید رضی اللہ عنہ کا لقب سیف اللہ ہے جس کا مطلب اللہ کی تلوار ہے۔حضرت ہر جنگ میں فاتح رہے۔ ٹینک الضرار کا نام مشہور صحابی حضرت ضرار بن ازور رضی اللہ عنہ کی نسبت سے رکھا گیا ہے۔ بڑے شہسوار، بہادر اور شاعر تھے۔
پاکستانی میزائل ابدالی کا نام فاتح احمد شاہ ابدالی کے نام پر ہے ۔ احمد شاہ ابدالی نے مرہٹوں کو پانی پت کے میدان میں شکست فاش دی۔ غزنوی میزائل کا نام مشہور فاتح محمود غزنوی کے نام پر ہے ۔ محمود غزنوی نے بھارت پر 17حملے کیے ۔غوری میزائل کا نام عظیم مسلم سپہ سالار فاتح محمدغیاث الدین غوری کے نام پر رکھا گیا ۔ بابر میزائل کا نام مشہور فاتح ظہیر الدین بابر کے نام پر ہے ۔ ظہیر الدین بابر ہندوستان میں مغلیہ سلطنت کے بانی تھے۔
نصر میزائل کا نام عربی لفظ نصر سے ماخوذ ہے جس کا مطلب ہے فتح پانا یا بچانے والا۔ ابابیل ایک چھوٹے سے پرندے کا نام ہے جس نے ابرہہ کے ہاتھیوں کے لشکر پر کنکریاں برسائی تھیں۔شاہین بھی ایک پرندے کا نام ہے جو حملہ کرنے اور پرواز کرنے میں اپنی مثال آپ ہے۔رعد اور برق کا مطلب اور مفہوم ایک ہی ہے یعنی بادل کی گرج۔
نیب کی تحقیقاتی ٹیم کو شہباز شریف کے گھر نہ بھیجنے کا فیصلہ کیا گیا ہے
باغی ٹی وی کی رپورٹ کے مطابق نیب حکام نے شہباز شریف کو دوبارہ طلب کرنے کا فیصلہ کیا ہے، شہباز شریف سے نیب آفس میں ہی تحقیقات ہوں گی،شہباز شریف کو دوبارہ طلبی کی تاریخ پر مشاورت جاری ہے،نیب شہباز شریف سے لاہور ویسٹ مینجمنٹ کمپنی ا سکینڈل پر تحقیقات کر رہا ہے
واضح رہے کہ لاہورویسٹ مینجمنٹ کمپنی کرپشن اوراثاثہ جات کیس کی تفتیش کے سلسلہ میں شہباز شریف گزشتہ پیشی پر نیب میں پیش نہ ہوئے تونیب نے شہباز شریف کے گھر جا کر تحقیقات کا فیصلہ کیا، اس ضمن میں نیب ٹیم نے آج شہباز شریف کے گھر جا کر تحقیقات کرنی تھیں مگر بعد میں فیصلہ تبدیل کر لیا گیا، اب نیب ٹیم شہباز شریف کے گھر نہیں جائے گی،
جیل میں نواز شریف کو قتل کرنے کی سازش کی جارہی ہے، شہباز شریف
نیب لاہورکی جانب سے سابق وزیر اعلیٰ پنجاب شہباز شریف کے لیے تیار کیےگئے سوالات کی تفصیلات سامنے آ گئی ہیں، نیب نےایل ڈبلیو ایم سی کیس میں 7سوالات تیار کررکھے ہیں،نیب نے آمدن سے زائد اثاثہ جات کیس میں بھی مختلف سوالات تیارکررکھے ہیں
نیب کی جانب سے شہباز شریف کے لئے تیار کئے گئے سوالات میں
محکمہ خزانہ اورقانون کی رائےکےخلاف لاہورویسٹ مینجمنٹ کمپنی کی سمری کیوں منظورکی گئی؟ پراجیکٹ مینجمنٹ یونٹ فعال ہونے کے باوجود کمپنی بنانے کی ضرورت کیوں پیش آئی ؟صفائی کمپنی بنانے سے قبل منافع، استحکام اور کم خرچ ہونے کی تحقیق کرائی گئی تھیں یا نہیں ؟ کیا یہ بات درست ہے کہ کمپنی آئی اسٹیک کو قانونی طریقہ استعمال کیےبغیر ٹھیکہ دیا گیا،غیرملکی کمپنیوں کو320ملین ڈالرکا ٹھیکہ آوَٹ سورس کرنے کا اختیار کس نے دیا تھا،صفائی کمپنی کو منصوبےکےبغیر بڑی تعداد میں قرضہ اور امداد دینے کا فیصلہ کیوں کیا گیا،
شامل ہیں
شہباز شریف، حمزہ، مریم،رانا ثناءاللہ کے مقدمات کی سماعت کرنیوالے ججز کا ہوا تبادلہ
DHA ڈیفنس ہاؤسنگ اتھارٹی نے اپنے ممبرز اور کرایہ دار حضرات کو انتباہ جاری کیا ہےکہ وہ 30 ستمبر 2019 ء تک ٹیکس فائلرز میں اپنا نام شامل کر لیں ، ورنہ مقررہ تاریخ کے بعد ان کی ڈی ایچ اے کی ممبر شب اور کرایہ دار کے حقوق ختم کر دیے جائیں گے. نیچے دیے گئے فارم میں ٹیکس آرڈی نیس 2001 ء کے ارٹیکل 114 میں ہدایات دیکھی جاسکتی ہیں.
وہ تمام ممبرز جو کم از کم ایک کنال گھر، دوکان یا کمرشل پلازہ کے مالک ہیں وہ ایف بی آر میں ہدایات کے مطابق ٹیکس فائلر میں شامل ہوں. تمام ممبران کی مکمل رپورٹ ڈی ایچ اے کے متعلقہ حکام کو یکم اکتوبر کو ارسال کردی جائے گی، بصورت دیگر جو ممبران مقررہ مدت تک اپنی رپورٹ جمع کرانےمیں ناکام رہے ان کی ممبرشپ منسوخ کر دی جائےگی.
لاہور : کنٹریکٹ اساتذہ کو برطرف نہ کیا جائے لاہور ہائیکورٹ نے کنٹریکٹ اساتذہ کو برطرف کرنے سے روک دیا، عدالت نے پنجاب حکومت سیکرٹری لیبر سمیت دیگر کو نوٹس جاری کرتے ہوئے جواب طلب کر لیا۔
لاہور ہائی کورٹ سے ذرائع کے مطابق لاہور ہائیکورٹ کے جج جسٹس شاہد وحید نے ٹیچر ناصرہ انور سمیت دیگر کی درخواست پر سماعت کی، درخواستگزار کی جانب سے ملک اویس خالد ایڈووکیٹ پیش ہوئے اور موقف اختیار کیا کہ لیبر ڈیپارٹمنٹ میں کنٹریکٹ کی بنیاد پر اساتذہ اور نان ٹیچنگ سٹاف کے طور پر تعینات ہوئے، ان کے کنٹریکٹ میں وقتاً فوقتاً توسیع دی جاتی رہی، آخری بار یکم فروری 2019 کو توسیع ہوئی، حکومتی پالیسی کے مطابق کئی ملازمین کو مستقل کیا گیا۔
لاہور ہائی کورٹ کو بتایا گیا کہ درخواستگزاروں کو مستقل کرنے کی بجائے نئی بھرتی کیلئے اخبار اشتہار دیدیا گیا، درخواستگزار تاریخ تعیناتی سے ڈیوٹی کررہے ہیں، نہ مستقل کیا جارہا ہے اور نہ ہی تنخواہ کی ادائیگی ہو رہی ہے۔ عدالت سے استدعا میں کہا گیا کہ مستقل کرنے اور سابقہ تنخواہوں کی ادائیگی کا حکم دے، عدالت نے درخواستگزار کے وکیل ملک اویس خالد کے دلائل سننے کے بعد درخواستگزاروں کو برطرف کرنے سے روکتے ہوئےحکومت سے جواب طلب کر لیا۔
چیئرمین نیب جسٹس ر جاوید اقبال کی زیر صدارت لاہور میں اجلاس منعقد ہوا جس میں چیئرمین نیب کو مریم نواز اور شہباز شریف، حمزہ شہباز کیسز میں ہونے والی تحقیقات کے حوالہ سے بریفنگ دی گئی
باغی ٹی وی کی رپورٹ کے مطابق چیئرمین نیب جسٹس ر جاوید اقبال کی زیر صدارت اجلاس میں ڈی جی نیب لاہور نے بھی شرکت کی، ڈی جی نیب نے چیئرمین نیب کو مریم نواز سے ہونے والی تحقیقات کے حوالہ سے آگاہ کیا، ڈی جی نیب نے شہبازشریف اور حمزہ شہباز سے کی گئی تحقیقات میں ہونے والی پیش رفت بارے بھی آگاہ کیا .
مریم نواز نے پھر "ابا” کے لئے مشکل کھڑی کر دی
بریفنگ کے دوران چیئرمین نیب جسٹس ر جاوید اقبال کو بتایا گیا کہ نیب نے مریم نواز سے غیرملکی رقوم کے حوالہ سے تحقیقات کی تو مریم نواز نے نیب کو کوئی تفصیلات نہیں دیں،
لاہور : محکمہ بلدیات کے 400 سے زائد ملازمین کو تنخواہوں کی ادائیگی نہ کرنے کے حوالے سے کیس کی سماعت کرتے ہوئے لاہور ہائی کورٹ نے محکمے سے پوچھا ہے کہ ان بیچاروں کا کیا قصور ہے ان کو تنخواہیں کیوں نہیں دیتے ، اسی سلسلے میں لاہور ہائی کورٹ نے سیکرٹری بلدیات اور چیف افسر سمیت دیگر کو نوٹس جاری کرتے ہوئے جواب طلب کر لیا۔
ہائی کورٹ سے ذرائع کے مطابق جسٹس شاہد وحید نے ملازمین اکبر وغیرہ کی درخواستوں پر سماعت کی، درخواست گزاروں نے سیکرٹری بلدیات سمیت دیگر کو فریق بناتے ہوئےموقف اختیار کیا کہ میانوالی محکمہ بلدیات میں کنٹریکٹ پر بھرتی ہوئے۔ 47 ریگولر اور 413 ورک چارج ملازمین کو تنخواہوں کی ادائیگی نہیں کی جارہی،
لاہور ہائی کورٹ میں درخواست گزاروں کی جانب سے استدعا کی گئی کہ عدالت تنخواہوں کے بقایاجات کی ادائیگی کا حکم دے، سرکاری وکیل نے عدالت کو بتایا کہ تنخواہوں کی ادائیگی کے حوالے سے اقدامات کر رہے ہیں۔ یاد رہے کہ اس سے پہلے بھی عدالت کے حکم پر دوسال کی ادائیگی کردی گئی جبکہ آٹھ ماہ کی تنخواہیں نہیں دی جا رہیں۔