لاہور : نجی زندگی سے پردہ اٹھانا اکثر نقصان دہ ثابت ہوتا ہے مگر حسن علی کہتے ہیں کہ ان کا تجرہ اچھا رہا . اسی تناظر میں‌ حسن علی نے اپنی دلہنیا اورشاداب خان کوبہترین دوست قرار دے دیا، حسن علی نے کہا کہ دولوگ دوست بن کرزندگی میں آئے،ایک جیون ساتھی بن گئی ایک بہترین دوست بن گیا۔

These two people came into my life as friends, one became my best friend and the other one wife. I feel lot of similarities in these two and they both feel i am annoying. never mind i promised myself no matter what i will annoy u both forever 😢#blessed_with_two_stupids 😝 pic.twitter.com/819ONeLJnE

— Hassan Ali 🇵🇰 (@RealHa55an) August 27, 2019

تفصیلات کے مطابق ٹویٹرپیغام میں حسن علی کا کہنا ہے دولوگ ان کی زندگی میں دوست بن کرآئے ایک جیون ساتھی بن گئی ایک بہترین دوست بن گیا، حسن علی نے سامعہ اورشاداب خان کیساتھ اپنی یادگارتصاویر شئیرکرتے ہوئے لکھا کہ انہیں ان دونوں دوستوں میں بہت مماثلت محسوس ہوتی ہے.

اپنے ٹویٹ پیغام میں حسن علی نے لکھا کہ دونوں محسوس کرتے ہیں کہ میں پریشان ہوں لیکن کوئی بات نہیں, میں نے اپنے آپ سے وعدہ کیا کہ میں دونوں کوہمیشہ کتنا پریشان کروں گا.شاداب خان قومی کرکٹرز میں سے حسن علی کے سب سےقریبی دوست ہیں, شاداب خان نے حسن علی کی شادی کی تمام تقریبات میں بھی شرکت کی.

لاہور : سابق صوبائی وزیر کھیل رانا مشہود کی کرپشن کی حقیقت جانی ساتھیوں نے بیان کردی ، رازدان نے رانا مشہود اور سابق ڈی جی اسپورٹس کے خلاف گواہی دینے کی پیشکش کردی ، دوسری طرف اطلاعات ہیں کہ پنجاب یوتھ فیسٹیول کرپشن کیس میں گرفتار ملزم وسیم احمدنے اعتراف جرم کرلیا

باغی ٹی وی کے مطابق ملزم وسیم احمد سابق صوبائی وزیر کھیل رانا مشہود اور سابق ڈی جی اسپورٹس عثمان احمد کے خلاف وعدہ معاف گواہ بن گئے،زرائع نیب نے وسیم احمد کا احتساب عدالت سے راہدری ریمانڈ حاصل کر کہ ملزم کو چئیرمین نیب پیش کر دیا،

باغی ٹی وی کے مطابق یوتھ فیسٹیول میں سابق صوبائی وزیر کھیل رانا مشہود نے غیر قانونی ٹھیکے دیے،رانا مشہور اور عثمان انور نے کروڑوں روپے کا قومی خزانہ کو نقصان پہنچایا وسیم احمد نے انکشاف کیا ایسی کمپنیز کو ٹھیکے دئیے گئے جو رجسٹرڈ ہی نہیں تھیں

باغی ٹی وی کے مطابق ملزم وسیم احمد نے انکشاف کرتے ہوئے کہا ہےکہ فرضی کمپنیز بناکر رانا مشہور اور عثمان انور نے من پسند افراد کو ٹھیکے دئیے ، ملزم وسیم احمد نے مزید بتایا کہ سابق ڈی جی اسپورٹس عثمان احمد بھی غیر قانونی سرگرمیوں میں ملوث رہے،ملزم وسیم احمد کا کل عدالت مقامی عدالت میں 164کا بیان ریکارڈ کرایا جائے گا

لاہور : لاہور انتظامیہ نے اہم فیصلے کرنے شروع کردیئے ، اطلاعات کے مطابق پی ایچ اے سے باغ جناح واپس لینے کا فیصلہ کرلیا ہے ، اب 114 ایکڑ پر پھیلے باغ کی دیکھ بھال اور نگہداشت کی ذمہ داری محکمہ زراعت نبھائے گا۔

ذرائع کے مطابق اس سلسلے میں ڈیوس روڈ پر محکمہ زراعت میں ہونیوالے اجلاس میں وزیر زراعت سے باغ جناح کو محکمہ زراعت میں دوبارہ ضم کرنے کی درخواست کی گئی، جس پر صوبائی وزیر نے کہا کہ وہ وزیر اعلیٰ پنجاب کو درخواست کریں گے کہ باغ جناح محکمہ زراعت کو واپس دیا جائے۔

اجلاس میں ڈائریکٹر فلوری کلچر ڈاکٹر عابد محمود نے کہا کہ باغ جناح ایشیا کا پہلا بڑا بوٹینیکل گارڈن ہے، جو سابق دورِ حکومت نے2009 میں پی ایچ اے کو دیا تھا۔اجلاس میں پھولوں کی کاشت کے فروغ کیلئے محکمہ زراعت پنجاب کے فلوری کلچر ڈیپارٹمنٹ کو متحرک کرنے کا فیصلہ کیا گیا،

اجلاس کے بعد صوبائی وزیر نے میڈیا سے گفتگو کرتے ہوئے بتایا کہ باغ جناح محکمہ زراعت کا اثاثہ ہے اور اب یہ واپس لیں گے، 114 ایکڑ کے باغ جناح کا بہتر طریقے سے تحفظ ہو گا۔صوبائی وزیر نے مزید کہا کہ باغ جناح کو پہلے سے زیادہ پرکشش بنانے کے لیے کوششیں کریں گے

لاہور : وزیراعظم کے حکم پر سرکاری محکموں سے کرپشن ختم کرنے کی مہم شروع کردی گئی ہے. اطلاعات کے مطابق اینٹی کرپشن لاہور ریجن اے نے کاروائی کرتے ہوئے ڈی ایس پی ماڈل ٹاون کے آفس کے سابق ہیڈ کانسٹیبل اشتہاری ملزم محمد یوسف کو گرفتار کر لیا گیا۔

تفصیلات کے مطابق اینٹی کرپشن لاہور ریجن اے کی ٹیم نے ڈی ایس پی ماڈل ٹاؤن کے سابق ہیڈ کانسٹیبل محمد یوسف کو چھاپہ مار کارروائی کرتے ہوئے گرفتار کرلیا، ہیڈ کانسٹیبل محمد یوسف ساڑھے 4لاکھ روپے کی خرد برد کے مقدمہ میں گزشتہ6 سال سے اشتہاری تھا۔یہ بھی معلوم ہوا ہے کہ اگلے چند دنوں میں بڑے بڑے کرپٹ افسران پکڑے جانے والے ہیں

ذرائع کے مطابق ڈی جی اینٹی کرپشن گوہر نفیس نے اشتہاریوں کی گرفتاری کے احکامات جاری کررکھے ہیں، ڈائریکٹر اینٹی کرپشن ڈاکٹر شاہ زیب حسنین کی ہدایت پر سرکل آفیسر علی اکبر چٹھہ کی سربراہی میں چھاپہ مار کر گرفتاری کی گئی۔

لاہور : ہائیر ایجوکیشن نے تعلیمی ڈگریوں کو اسٹیٹس تبدیل کرتے ہوئے اہم فیصلے کردیئے ، اطلاعات کے مطابق محکمہ ہائیر ایجوکیشن پنجاب نے دو سالہ بی اے، بی کام پروگرام ایسوسی ایٹ ڈگری میں تبدیل کردیا۔

ذرائع کے مطابق محکمہ ہائیر ایجوکیشن پنجاب نے دو سالہ بی اے اور بی کام پروگرام ایسوسی ایٹ ڈگری میں تبدیل کر کےنوٹیفکیشن بھی جاری کر دیا گیا، نوٹیفکیشن کے مطابق رواں تعلیمی سال ایسوسی ایٹ ڈگری کا امتحان سالانہ بنیادوں پر ہوگا جبکہ آئندہ تعلیمی سال سے سمسٹر سسٹم نافذ ہوگا۔

لاہور : وزیر اعلیٰ عثمان بزدار چھا گئے ، علم دوستی کی مثال بن گئے ، اطلاعات کے مطابق وزیراعلیٰ عثمان بزدار نے مال روڈ پر واقع ٹولنٹن مارکیٹ کو نیشنل کالج آف آرٹس میں ضم کرنے کا حکم دے دیا ہے ،اب نئے حکم نامے کے مطابق 1864 میں بننے والی ٹولنٹن مارکیٹ کا اختیار لاہور میوزیم سےواپس لے کر این سی اے کو دیا جائے گا۔

ذرائع کے مطابق نیشنل کالج آف آرٹس کی انتظامیہ نے طلبا کیلئے جگہ کم ہونے پر ٹولنٹن مارکیٹ لینے کا فیصلہ کیا تھا جس پر وزیر اعلی پنجاب عثمان بزادر نے ٹولنٹن مارکیٹ این سی اے کو دینے کیلئے کمیٹی بھی تشکیل دی۔ کمیٹی نے ٹولنٹن مارکیٹ کو نیشنل کالج آف آرٹس میں ضم کرنے کی مثبت تجاویز بھی دیں

دوسری طرف این سی اے کی جانب سے چئیرمین پی اینڈ ڈی بورڈ کو خط لکھا گیا ہے کہ کمیٹی کی تجاویز کے مطابق اب محکمہ تعلقات عامہ سے ٹولنٹن مارکیٹ کو این سی اے کے ساتھ ضم کرنے کا تحریری نوٹیفکیشن کا اجراء کرایا جائے۔

لاہور : جو بڑی جائیداد کا مالک ہے اس کو سال بعد اپنا پراپرٹی ٹیکس جمع کرانا پڑے گا ورنہ وہ خلاف ورزی کی صورت میں پراپرٹی ٹیکس چالان کے لیے ہو جائے تیار، اطلاعات کے مطابق شہری پراپرٹی ٹیکس ادا کرنے کیلئے تیار ہوجائیں، لاہور سمیت پنجاب بھر میں پراپرٹی ٹیکس کے چالان کا اجراء شروع کردیا گیا۔

ایف بی آر کے ذرائع کے مطابق پراپرٹی ٹیکس کے 14-2013 کے سروے کے بعد جن پراپرٹیوں پر 100 فیصد ٹیکس بڑھا دیا گیا تھا ایسی پراپرٹی مالکان کو سالانہ 10 فیصد چھوٹ دی جاتی ہے جس کی منظوری کا نوٹیفیکشن سیکرٹری ایکسائز نے جاری کردیا۔ نوٹیفکیشن کے اجراء کے بعد شہری آن لائن چالان نکلوا سکتے ہیں، رواں سال اس نوٹیفکیشن سے ڈیڑھ لاکھ سے زائد شہریوں کو فائدہ ہوگا۔

لاہور : بھرے بازار میں بگڑے نوجوان کی فائرنگ سے خوف و ہراس ، اطلاعات کے مطابق شاہدرہ کے علاقے بیگم کوٹ میں موٹرسائیکل سوار نوجوان کی فلمی انداز میں ہوائی فائرنگ ،خبر نشر ہونے پر پولیس نے ملزمان کو گرفتار کر کے مقدمہ درج کر لیا۔

پولیس ذرائع کے مطابق بیگم کوٹ میں منچلا غنی دوستوں کو متاثر کرنے کے چکر میں فلمی انداز میں ہوائی فائرنگ کرتا رہا،ایس پی سٹی غضنفر شاہ کے مطابق شاہدرہ پولیس نے ملزمان عبدالغنی اور شعیب کو گرفتار کر کے اُن کے قبضہ سے پسٹل اور گولیاں برآمد کر کے مقدمہ درج کر لیا ہے۔پولیس ذرائع کے مطابق اس نوجوان سے تحقیقات جاری ہیں اور مزید پیش رفت کی توقع کی جارہی ہے