Category: لاہور

پنجاب میں میٹرک و انٹر کے طلبہ کے لیے بڑا فیصلہ، فیل ہونے کی صورت میں مزید چانسز دے دیے گئے

پنجاب میں میٹرک اور انٹرمیڈیٹ کے امتحانات میں کسی بھی مضمون میں فیل ہونے والے طلبہ کے لیے امتحان دینے کے مواقع میں اضافہ کر دیا گیا ہے،پنجاب بورڈز آف انٹرمیڈیٹ اینڈ سیکنڈری ایجوکیشن چیئرمین کمیٹی کے ترجمان کے مطابق اب فیل ہونے والے امیدوار 4 سال کے دوران مجموعی طور پر 6 مرتبہ امتحان دینے کے اہل ہوں گے۔ترجمان نے بتایا کہ یہ نئی پالیسی 2024ء کے سالانہ امتحانات سے نافذ العمل ہو گی۔ اس کے تحت طلبہ کو اضافی چانس میں بھی اسی وقت کے موجودہ نصاب کے مطابق امتحان دینا ہوگا۔

اس سے قبل فیل ہونے والے طلبہ کے لیے یہ سہولت صرف 4 چانسز تک محدود تھی۔تعلیمی حکام کے مطابق اس فیصلے کا بنیادی مقصد طلبہ پر امتحانی دباؤ میں کمی لانا، ناکامی یا کم نمبروں کی صورت میں انہیں مزید مواقع فراہم کرنا اور مجموعی طور پر تعلیمی معیار کو بہتر بنانا ہے۔

وزیراعلی مریم نوازشریف کی کاوشیں، پنجاب 10لاکھ جانور ایکسپورٹ کرے گا

پنجاب میں میٹ ایکسپورٹ کے لئے چینی کمپنی سمیت 7اداروں سے ایم او یو پر دستخط ہو گئے،چین کی گلوبل میٹ کمپنی،پنجاب میں پامکو کے اشتراک کار سے بوائلر یونٹ نصب کرے گی ،بوائلر یونٹ کے ذریعے بڑے پیمانے پر بوائلڈ میٹ ایکسپورٹ کے لئے تیار کیا جائے گا، میٹ کمپنیاں ایکسپور ٹ کے لئے تیار3لا کھ مویشیوں کاگوشت امپورٹ کریں گی،3لا کھ بھینس اور گائے،3لاکھ مینڈھے وغیرہ کی فیٹنگ (Fattening)کا ہدف مقرر کیا گیا ہے،ایک لاکھ بکروں اور بھیڑوں وغیرہ کی ایکسپورٹ کے لئے پرورش کی جائے گی ،پنجاب کی ہر تحصیل میں سٹیٹ آف دی آرٹ ویٹرنری ہسپتال قائم کیا جائے گا،گاؤں، گاؤں جا کر مویشوں کے علاج کیلئے ہر تحصیل میں 4موبائل ویٹرنری ڈسپنسریاں کام کریں گی ،وزیراعلی مریم نوازشریف نے دیہی خواتین کو مفت مویشی دینے کا کوٹہ ڈبل کردیا

وزیراعلی مریم نوازشریف کی زیر صدارت خصوصی ویڈیولنک ا جلاس،اہم فیصلے، تفصیلی بریفنگ دی گئی،صوبائی وزیر لائیوسٹاک عاشق حسین کرمانی نے پنجاب میں لائیوسٹاک سے متعلق اقدامات سے آگاہ کیا،بریفنگ میں بتایا گیا کہ پنجاب میں پہلی بار لا ئیوسٹاک فارمنگ سیکٹر کی میکانزیشن کی جائے گی ،حکومت پنجاب لائیوسٹاک مشینری کے لئے 60فیصد تک سبسڈی دے گی ،ملک چلر، میکسنگ مشین، ملک کین کولر،ویٹ سکیل، فیڈ مکسر، پائلٹ مشین او ردیگر مشینری مہیا کی جائے گی،جنوبی پنجاب کے 12اضلاع میں بیوہ اور مطلقہ خواتین کو 9255مویشی مفت دئیے گئے ،ایکسپورٹ کا ٹارگٹ پورا کرنے کے لئے 2ملین جانوروں کو ٹیگ کیاجائے گا ،2ملین فارمز کو مویشیوں کی نسل بڑھانے کے لئے 2ملین سیمنز سبسڈی پر دئیے جائیں گے -پنجاب میں 2022کے بعد مویشیوں میں گل گھوٹو اور لمپی سکن رپورٹ نہیں ہوا حالیہ سیلاب کے بعد بھی لمپی سکن کا کوئی کیس سامنے نہیں آیا -لمپی سکن کی امپورٹڈ ویکسین 300روپے جبکہ مقامی طورپر تیار کردہ موثر ویکسین صرف30روپے میں دستیاب ہے-

وزیراعلیٰ پنجاب مریم نواز کا کہنا تھا کہ ماضی میں لائیو سٹاک جیسے اہم شعبے کو نظر انداز کیاجانا انتہائی ا فسوسناک ا مر ہے ،لائیوسٹاک فارمز کی معاشی خود انحصاری کا ذریعہ بنتے ہیں ،

لاہور: کوٹ لکھپت جیل میں قید پاکستان تحریک انصاف کے سابق سینیٹر اعجاز چوہدری کی طبیعت اچانک خراب ہو گئی، جس کے بعد انہیں فوری طور پر اسپتال منتقل کر دیا گیا۔

اعجاز چوہدری کے وکیل رانا مدثر عمر نے تصدیق کی ہے کہ طبیعت بگڑنے پر جیل انتظامیہ نے انہیں پنجاب انسٹیٹیوٹ آف کارڈیالوجی (پی آئی سی) منتقل کیا، جہاں ان کا طبی معائنہ جاری ہے۔وکیل کے مطابق ڈاکٹرز کی جانب سے پی ٹی آئی رہنما کے مختلف ٹیسٹ کیے جا رہے ہیں تاکہ ان کی صحت کی صورتحال کا مکمل جائزہ لیا جا سکے۔

یاد رہے کہ اعجاز چوہدری کو 9 مئی کے واقعات سے متعلق متعدد مقدمات میں عدالت کی جانب سے 10، 10 سال قید کی سزائیں سنائی جا چکی ہیں۔

‎لاہور کے علاقے اچھرہ میں تین کم سن بچوں کے لرزہ خیز قتل کیس میں اہم پیش رفت سامنے آئی ہے جہاں پولیس تحقیقات کے بعد یہ انکشاف ہوا ہے کہ بچوں کی قاتل ان کی سگی ماں ہی ہے۔ پولیس کے مطابق ملزمہ نے دورانِ تفتیش اپنے جرم کا اعتراف بھی کر لیا ہے، جس کے بعد کیس میں نئی سمت سامنے آ گئی ہے۔
‎حکام کے مطابق ابتدائی تحقیقات کے دوران بچوں کی والدہ کا رویہ مشکوک پایا گیا، جس پر مزید تفتیش کی گئی۔ شواہد اور بیانات کی بنیاد پر پولیس نے خاتون کے خلاف مضبوط کیس تیار کیا، جس کے بعد اس نے مبینہ طور پر اپنے جرم کا اعتراف کر لیا۔ بتایا جا رہا ہے کہ خاتون نے منصوبہ بندی کے تحت یہ افسوسناک واردات انجام دی۔
‎پولیس کا کہنا ہے کہ واقعے کے بعد ملزمہ نے خود کو بے قصور ظاہر کرنے کے لیے ایک کہانی بنانے کی کوشش کی۔ اطلاعات کے مطابق خاتون گھر سے میڈیکل کے بہانے نکلی اور بعد میں اپنے شوہر کو فون کر کے واپس بلایا، جبکہ واپسی پر حالات کو مختلف انداز میں پیش کرنے کی کوشش کی گئی۔
‎تحقیقات میں یہ بھی سامنے آیا ہے کہ ملزمہ نے قتل کا الزام اپنی ساس پر ڈالنے کی کوشش کی، تاہم شواہد نے اس دعوے کو غلط ثابت کر دیا۔ پولیس کے مطابق گزشتہ رات ہونے والا گھریلو جھگڑا اس واقعے کی ممکنہ وجہ ہو سکتا ہے، تاہم اس پہلو پر مزید تحقیقات جاری ہیں۔
‎یاد رہے کہ آج صبح اسی گھر سے تین بچوں کی لاشیں برآمد ہوئی تھیں جنہیں بے دردی سے گلا کاٹ کر قتل کیا گیا تھا، جس پر پورے علاقے میں شدید صدمہ اور خوف کی فضا پھیل گئی تھی۔

پنجاب میں زرعی و معاشی خوشحالی کے فروغ کے لیے وزیراعلیٰ پنجاب مریم نواز شریف نے ”اپنا کھیت، اپنا روزگار سکیم“ کے پورٹل کا باقاعدہ افتتاح کر دیا۔ اس منصوبے کے تحت بے زمین دیہاتیوں کو تقریباً 160 ارب روپے مالیت کی زرعی اراضی فراہم کی جائے گی۔

وزیراعلیٰ کی ہدایت پر زرعی اراضی کی نشاندہی پانی کی دستیابی اور زمین کی زرخیزی کو مدنظر رکھ کر کی گئی ہے۔ پنجاب کے مختلف اضلاع میں 13 ہزار 812 زرعی لاٹس کے ذریعے 88 ہزار 780 خاندان مستفید ہوں گے، جبکہ چولستان میں 16 ہزار 685 لاٹس کی فراہمی سے ایک لاکھ ایک ہزار 111 خاندانوں کو فائدہ پہنچے گا،سکیم کے تحت ہر کامیاب امیدوار کو 25 سے 40 لاکھ روپے مالیت کی زرعی اراضی کاشت کے لیے دی جائے گی۔ سینئر ممبر بورڈ آف ریونیو نبیل جاوید نے منصوبے پر تفصیلی بریفنگ دیتے ہوئے بتایا کہ کامیاب کاشتکاروں کو فی ایکڑ 50 ہزار سے ڈھائی لاکھ روپے تک آبادکاری کے لیے ون ٹائم گرانٹ بھی دی جائے گی،حکومت کی جانب سے پانی کی دستیابی کے ساتھ ایک لاکھ 24 ہزار سے زائد ایکڑ زرعی اراضی فراہم کی جائے گی، جبکہ دیہات میں بے روزگار کاشتکاروں کو یہ زمین 10 سال کے لیے دی جائے گی۔ اضلاع میں اس سکیم کے لیے 43 ہزار 938 ایریاز اور چولستان میں 83 ہزار 425 ایریاز کی نشاندہی آبپاشی اور زرخیزی کو مدنظر رکھ کر کی گئی ہے۔

خواہشمند کاشتکار 2 سے 18 مئی تک درخواستیں جمع کرا سکتے ہیں جبکہ امیدوار یکم جون سے 8 جون تک ڈپٹی کمشنر کے پاس اپیل کا حق رکھیں گے۔ 19 جون کو حتمی فہرست جاری کی جائے گی اور 30 جون سے زمین کی تقسیم کا عمل شروع ہوگا،ایک سے زائد امیدوار ہونے کی صورت میں قرعہ اندازی کے ذریعے زمین الاٹ کی جائے گی جو 10 سال کے لیے ہوگی۔ فراہم کردہ زمین صرف زرعی مقاصد کے لیے استعمال ہوگی اور پختہ تعمیرات کی اجازت نہیں ہوگی۔ ہر کاشتکار اپنی مرضی کی فصل کاشت کر سکے گا،سکیم کے تحت ہر لاٹ کے ساتھ ایگریکلچر افسر اور زرعی انٹرنی بھی تعینات ہوں گے، جبکہ اسسٹنٹ کمشنر اور محکمہ زراعت کے افسران پر مشتمل کمیٹی سال میں دو مرتبہ دورہ کر کے کاشتکاری کا جائزہ لے گی۔