Category: لاہور

شہباز شریف کے بانی پی ٹی آئی عمران خان کے خلاف ہتک عزت کے کیس میں اسپیکر پنجاب اسمبلی ملک احمد خان نے بطور گواہ بیان ریکارڈ کرا دیا۔

سیشن جج لاہور یلماز غنی نے 10 ارب روپے کے ہتک عزت کیس میں شہباز شریف کے گواہ اسپیکر پنجاب اسمبلی ملک احمد خان کو طلب کیا تھا جس پر ملک احمد خان آج عدالت میں پیش ہوئے اور اپنا بیان ریکارڈ کروایا،ملک محمداحمد خان نے اپنے بیان میں کہا کہ عمران خان نے شہباز شریف پر رشوت لینے کے جھوٹے الزامات عائد کیے، اپریل 2017 میں بانی پی ٹی آئی عمران خان نے سنگین الزامات لگائے جو مختلف ٹیلی ویژنز پر چلے،میری شہباز شریف کے ساتھ جماعتی وابستگی ہے، شہباز شریف نے بطور وزیراعلیٰ اور وزیراعظم عوامی خدمت کی، میرے نزدیک عمران خان کے الزامات کے ذریعے شہباز شریف کے خلاف گمرہ کن پروپیگنڈا کیا گیا،اسلام میں بھی جھوٹ اور غیبت کی سخت ممانعت ہے، جھوٹ بول کر کسی کے خلاف قصہ بیان کرنا مذہبی اعتبار سے بھی درست نہیں، مدعی نے جو دعویٰ دائر کیا ہے وہ اس عدالت میں آنے کا حق رکھتا ہے۔

بانی پی ٹی آئی کے وکیل احمد حسین چوٹیاں نے ملک احمد خان کے بیان پر جرح کرتے ہوئے پوچھا کیا جن پروگرامز کا ذکر آپ نے کیا یہ تمام پروگرام پنجاب سے آن ائیر نہیں ہوئے؟ جس پر اسپیکر پنجاب اسمبلی نے کہا یہ تمام قومی پروگرام قومی نشریاتی اداروں پر آتے ہیں، یہ درست ہے تمام پروگرامز پنجاب سے آن ائیر نہیں ہوئے تھے۔عمران خان کے وکیل نے استفسار کیا کیا آپ کو پتہ ہے کہ پانامہ کیس کیا تھا؟ جس پر ملک احمد خان نے کہا پانامہ پیپرز کا کیس ان افراد کی فہرست کے بارے میں تھا جن کی بیرون ملک انویسٹمنٹ تھی،وکیل نے پوچھا کیا یہ درست ہے بانی پی ٹی آئی نے سپریم کورٹ میں پانامہ پیپرزکے بارے میں کوئی درخواست دائر کی تھی؟ جس پر ملک احمد خان نے کہا میرے علم میں ایسی کوئی چیز نہیں ہے،وکیل بانی پی ٹی آئی نے استفسار کیا کیا آپ کو علم ہے عمران خان کی درخواست نواز شریف وغیرہ کے خلاف تھی؟ جس پر اسپیکر پنجاب اسمبلی نے کہا مجھے تفصیلی طور پر اس کے بارے میں علم نہیں ہے،عمران خان نے وکیل نے ملک احمد خان سے پوچھا کیا آپ کو پتہ ہے کہ نواز شریف کو پانامہ پیپرز میں سزا ہوگئی تھی؟ جس پر اسپیکر پنجاب اسمبلی کا کہنا تھا جی یہ بات درست ہے،وکیل نے پوچھا کیا یہ درست ہے کہ محض اس مقدمے کی وجہ سے مدعی نے جھوٹا دعویٰ دائر کیا؟ ملک احمد خان نے کہا یہ غلط ہے۔

بانی پی ٹی آئی کے وکیل نے اسپیکر پنجاب اسمبلی کے بیان پر جرح مکمل کی جس کے بعد عدالت نے شہباز شریف کے مزید گواہوں کو آئندہ سماعت پر طلب کرتے ہوئے کیس کی مزید سماعت 13 دسمبر تک ملتوی کر دی

ہتک عزت کیس میں بطور گواہ بیان ریکارڈ کرانے کے بعد میڈیا سے گفتگو کرتے ہوئے اسپیکر پنجاب اسمبلی ملک محمد احمد خان کا کہنا تھا پارلیمنٹ میں ترامیم تو آج ہوئی ہیں، میں 15 برس سے کہہ رہا ہوں، میں اللہ کا شکر ادا کرتا ہوں کہ پارلیمنٹ نے اپنی بات کی، یہ کیسے ممکن ہے کہ پارلیمنٹ اپنا حق چھوڑ دے، آج ایک ذہنی کوفت سے عدالت آیا، یہ کیس 7 سال سے چل رہا ہے، نظام کو ٹھیک کرنے کی بات ہو تو شور اٹھتا ہے، آئین لکھنے کا حق صرف پارلیمنٹ کو ہے، سپریم کورٹ کو نہیں، آئی ایم ایف کی رپورٹ کہتی ہے کہ پارلیمنٹ کو زیادہ موثر کریں،بانی پی ٹی آئی کوئی انوکھا لاڈلا ہے کیا؟ شہباز شریف کو اسی جیل مینوئل کے تحت جیل میں رکھا گیا تھا، شہباز شریف کو تو گھر کا کھانا بھی نہیں دیا جاتا تھا، جیل مینول میں کہاں لکھا ہے سی ایم کے پی سے ملاقات ہو گی، 9 مئی جیسا کام ٹی ایل پی کرے تو آپ ان پر پابندی عائد کر دیتے ہیں، یہاں تو پانامہ کیس اور وزیراعظم کو گھر بھجوانے کے فیصلے آتے رہے۔

افغان ریاست سے منسلک سوشل میڈیا ہینڈلز کا پاکستان مخالف پروپیگنڈا کیلئے استعمال کیا جا رہا ہے

افغان اسٹیٹ نیوز پیپرز ڈپارٹمنٹ کے سرکاری ہینڈل کو خاموشی سے افغان ڈیفنس میں تبدیل کر کے براہ راست پراپیگینڈا پلیٹ فارم بنادیا گیا۔ پاکستانی سائبر ماہرین کی رپورٹ نے سرکاری افغان اکاؤنٹ کی اس خفیہ تبدیلی کو بے نقاب کر دیا۔ تحقیقاتی رپورٹ میں انکشاف ہوا ہے کہ یہ ہینڈل پہلے سرکاری اطلاعات فراہم کرتا تھا، مگر اب براہ راست پاکستان مخالف ڈیجیٹل آپریشن کا حصہ بن چکا ہے۔ اسلام آباد پر حملوں کے اشارے دینے والی پوسٹس کے پیچھے انہی ریاستی شناخت رکھنے والے افغان مینڈ لز کا ہاتھ ثابت ہو چکا ہے، جن کی تبدیلی انتہائی منظم انداز میں کی گئی۔ افغان عبوری حکومت کا سرکاری ایکس ہینڈل ذمہ دارانہ پیغام رسانی سے نکل کر پروپیگنڈا محاذ پر آگیا ہے۔ تبدیل شدہ افغان عبوری حکومت کا ایکس ہینڈل اب باقاعدہ ایک پراپیگنڈا مشین کے طور پر کام کر رہا ہے ، جس میں اسلام آباد کو دھماکوں سے اڑانے کی دھمکیاں دی گئیں۔ پاکستانی سائبر ماہرین نے ثبوتوں کے ساتھ واضح کر دیا ہے کہ اسلام آباد کو ٹارگٹ کرتی ہوئی یہ براہ راست دھمکی آمیز پوسٹس کسی عام اکاؤنٹ سے نہیں بلکہ ایک تبدیل شدہ افغان حکومتی ہینڈل سے جاری ہو رہی ہیں۔

وزیراعلیٰ پنجاب مریم نواز کی زیرصدارت اجلاس میں فیصلہ کیا گیا کہ پنجاب میں کسی بھی گاڑی کا بار بارچالان ہوگا تو گاڑی نیلام ہوگی، قوانین کی خلاف ورزی کرنے والی سرکاری گاڑیوں کو بھاری جرمانہ ہوگا، پنجاب میں ون وے کی خلاف ورزی ختم کرنے کیلئے 30 دن کی مہلت دیدی گئی۔

اجلاس میں فیصلہ کیا گیا کہ مناسب پارکنگ نہیں ہوگی تو میرج ہال بھی نہیں ہوگا، میرج ہال کو پارکنگ کا انتظام کرنا ہوگا۔وزیراعلیٰ کی زیر صدارت اجلاس میں پنجاب بھر میں بس کی چھت پر سواریاں ختم کرنے کیلئے کریک ڈاؤن کا حکم دے دیا گیا، ٹریفک کی بہتری کیلئے لاہور کی 5 ماڈل سڑکوں پر چنگ چی رکشوں پر پابندی عائد کردی گئی۔وزیراعلیٰ پنجاب مریم نواز نے کہا کہ لاہور سمیت تمام شہروں میں ٹریفک کے معاملات کو بہترکرنا پڑے گا، بے ہنگم ٹریفک ریاستی رٹ کمزور ہونے کے مترادف ہے۔

اسپیکر پنجاب اسمبلی ملک احمد خان نے کہا ہے کہ بانی پی ٹی آئی عمران خان کے ساتھ جیل قانون کے مطابق سلوک ہو رہا ہے۔

لاہور میں پریس کانفرنس کرتے ہوئے اسپیکر پنجاب اسمبلی نے کہا کہ نواز شریف اور شہباز شریف سے بھی جیل قانون کے تحت ہی سلوک کیا گیا تھا اور عمران خان کے ساتھ بھی جیل قانون کے مطابق سلوک ہو رہا ہے، صاف ستھرا پنجاب اپنی نوعیت کا بڑا پروگرام ہے، ماربل فیکٹریوں میں کام کرنے والوں کی اموات زیادہ ہوتی تھیں، جب ماربل کو کاٹا جاتا تھا تو اُس کی دھول سے مہلک بیماری ہوتی تھیں، اس مسئلے کا حل بھی پنجاب اسمبلی میں نکالا گیا.اسمبلیز عوام کے نمائندے ہیں، ان کی بنیادی ذمہ داری مسائل حل کرنا ہے۔ اگر ممبرز صرف جھگڑے یا احتجاج کریں، گورننس اور اوور سائٹ چھوڑ دیں، تو یہ ناقابل قبول ہے۔ رائٹ ٹو ریپریزنٹیشن روکنا نہیں چاہیے، لیکن زیادتی کی صورت میں کارروائی ضروری ہے۔’ستھرا پنجاب‘‘ ایک بڑا اور منفرد پروگرام ہے جس میں پنجاب کی واضح ملکیت ہے۔ اللہ تعالیٰ اسے کامیاب کرے۔ وزراء اس پر بات کریں گے، لیکن اسپیکر کے طور پر میں نے ہاؤس کے اندر اسپیشل سیشنز میں محسوس کیا کہ اس کے بنیادی تقاضے قانون اور نظم و نسق کے تحت حل کیے جانا ضروری ہیں۔نواز شریف کا بیان ’عمران خان کو لانے والے بھی ذمہ دار ہیں‘ کو سیاق و سباق سے ہٹ کر پیش کیا گیا۔ انہوں نے قطعی طور پر یہ نہیں کہا کہ کسی کو پکڑ کرٹانگ دو؟ میں نے ان کی پوری بات سنی ہے انہوں نے صرف یہ کہا یہ پاکستان کی ترقی کے سفر کو روک کر اس ملک کے ساتھ جرم کیا گیا،

بورے والا میں فیصل آباد زرعی یونیورسٹی کے سب کیمپس میں پروفیسر کی جانب سے طالبہ سے مبینہ طور پر ہراسانی کا واقعہ پیش آیا۔

میڈیا رپورٹس کے مطابق پروفیسر کی جانب سے مبینہ طور پر نتائج میں اضافی نمبر دینے کی پیشکش کی ویڈیو وائرل ہو گئی ، یونیورسٹی انتظامیہ کے مطابق طالبہ نے پروفیسر کے خلاف تحریری درخواست دی جس کے بعد معاملہ ہائر ایجوکیشن کمیشن پاکستان کے وومن ہراسمنٹ یونٹ کو بھیجا گیا،یونیورسٹی انتظامیہ کے مطابق ہائر ایجوکیشن کمیشن پاکستان کے ویمن ہراسمنٹ یونٹ نے طالبہ کی شکایت وائس چانسلر کو بھیج دی جس کے بعد وائس چانسلر نے ایکشن لیتے ہوئے پروفیسر کو معطل کرکے یونیورسٹی میں اس کا داخلہ بند کر دیا،پرنسپل نے بھی انکوائری مکمل ہونے تک اپنا استعفا جمع کرادیا،پروفیسر کی جانب سے مبینہ طور پر نتائج میں اضافی نمبر دینے کی پیشکش پر طالبہ نے 31 اکتوبر کو پروفیسر کے خلاف تحریری شکایات دی تھی۔