شجاع آباد(نمائندہ باغی ٹی وی ) تھانہ صدر پولیس کی بڑ ی کاروائی بین الاضلاعی ڈکیت گینگ گرفتار کر لیا گیا تفصیلات کے مطابق تھانہ صدر پولیس نے ایک دبنگ کاروائی کرتے ہوئے بین الاضلاعی ڈکیت گینگ گرفتار کر لیا ہے ملزمان سے اسلحہ برآمد کرلیا گیا اور درجنوں ڈکیتی کی وارداتوں کا انکشاف بھی ہوا ہے ایس ایچ او تھانہ صدر عدنان ٹیپو نے ڈکیتی کی واردات کو ناکام بناتے ہوئے ڈکیت گینگ کو گرفتار کیا ایس ایچ او تھانہ صدر عدنان ٹیپو نے میڈیا سے پریس کانفرنس کرتے ہوئے بتایا کے تھانہ صدر پولیس نے ڈکیتی کی واردات کو ناکام بناتے ہوئے بین الاضلاعی گینگ جاوید عرف کوڑا گینگ کے تین ارکان کو گرفتار کیا ہے ۔ ملزمان نے 25 وارداتوں کا اعتراف بھی کرلیا ہے ملزمان تھانہ سٹی شجاع آباد ، تھانہ صدر شجاع آباد،ملتان ،بہاول پور اور لودھراں کے متعدد علاقوں میں ڈکیتی اور راہزنی کی وارداتوں میں مطلوب تھے اور اب قانونی تقاضوں کے مطابق ملزمان کو شناختی پریڈ کے لئے ملتان بھیجا جا رہا ہے ملزمان کا ریمانڈ حاصل کرکے ان سے مزید تفتیش اوربرآمدگی کی جائے گی۔ رانا اظہر منیر نمائندہ باغی ٹی وی ملتان شجاع آباد

بستی ملوک(نمائندہ باغی ٹی وی )نادرہ سنٹر بستی ملوک کے انچارچ بدر منیر کی خواتین کے ساتھ اخلاقیات سے گری حرکات۔دیگر عملہ انچارچ کو خواتین سے بدتمیزی سے روکتا رہا لیکن عہدے کے نشے میں انچارچ نادرہ سنٹر بستی ملوک نے ایک نہ سنی۔ میڈیا نے موقف لینے کیلئے کال کی لیکن انچارچ نادرہ سنٹر نے موقف دینے سے گریز کیا۔تفصیلات کے مطابق بستی ملوک نادرہ سنٹر پر قریبی علاقہ چدھڑ موڑ کی رہائشی سابق لیڈی کونسلر پروین بی بی اپنی جواں سالہ بیٹی کا شناختی کارڈ بنوانے گئی تو ایک اہلکار نے ان سے بدتمیزی کی سنٹر کے انچارچ بدر منیر نے خواتین کی بات سننے کی بجائے اپنے عملہ کا دفاع کیا اور انتہائی بداخلافی کا مظاہرہ کرتے ہوئے گارڈ کو انھیں دھکے دے کر باہر نکالنے کو کہا پروین بی بی کا کہنا تھاکہ چند خواتین کے علاواہ پورا آفس خالی تھا رش کی حالت میں تو عملہ پریشان ہو مگر رش نہ ہونے کے باعث بھی عوام کو پریشان کرنا وطیرہ بن چکا ہے میری اعلی حکام سے اپیل ہے کہ دفتر میں موجود کیمروں کا ریکارڈ چیک کیا جائے جس سے واضع ہوجائے گا کہ عملے نے ہمارے ساتھ کس انداز میں بدتمیزی کا مظاہرہ کیا اور دیگر سائلین کے ساتھ بھی کیا کچھ کیا جاتا ہے۔میں اپنے ساتھ ہونے والی بد تمیزی کا جواب لینے کیلئے ہر فورم تک جاوں گی۔جب اس حوالے سے انچارچ نادرہ سنٹر بدر منیر کو کال کی گئی تو انھون نے فون پر بات نہ کرتے ہوئے موقف دینے سے گریز کیا۔ رانا اظہر منیر نمائندہ باغی ٹی وی ملتان شجاع آباد

وردی بدلی پولیس کا رویہ نہ بدلہ
نئے پاکستان میں پولیس سرعام تشدد کرتے ہوئے۔
بستی ملوک(نمائندہ باغی ٹی وی ) تھانہ جلہ ارائیں کےتھانیدار کی بدمعاشی عروج پر چوری کے شبے میں غریب شخص کو پکڑ کر مدعی کے ڈیرے پر لے جا کر سینکڑوں افراد کی موجودگی میں تشدد۔جبکہ پولیس اہلکار مختار سادہ لباس میں ملزم کو ہتھکڑیاں لگائے کھڑا ہے اور ملزم کو تھانے لےجانے کی بجائے ڈیرے پر ہی اپنا تھانہ لگا لیا اہلیان علاقہ نے وزیراعظم پاکستان۔وزیراعلی پنجاب۔آئی جی پنجاب سے تھانہ جلہ ارائیں پولیس کی پولیس گردی کے خلاف نوٹس لینے اور پولیس اہلکار کے خلاف فوری کاروائی کا مطالبہ کیا ہے ۔رانا اظہر منیر نمائندہ باغی ٹی وی ملتان شجاع آباد

بستی ملوک(نمائندہ باغی ٹی وی )موجودہ دور میں ہرشخص کو ٹریفک کے قوانین کے بارے میں آگاہی انتہائی اہم ہے۔ڈی ایس پی موٹروے ملک احسان الحق تفصیل کے مطابق موٹروے پولیس بیٹ نمبر19بستی ملوک کے ڈی ایس پی موٹروے ملک احسان الحق،ایڈمن افیسر اللہ بخش بھٹی ودیگر افیسران نے نجی تعلیمی ادارے بوسٹن سکول وکالج میں روڈ سیفٹی بریفینگ مہم شروع کی جس میں طلباء وطالبات اور اساتذہ کو روڈ سیفٹی کے حوالے سے بریفینگ دی گئی ایڈمن اللہ بخش بھٹی نے دوران بریفینگ کہا کہ آج کے جدید دور میں ٹریفک کے قوانین کے بارے میں ہر شہری کو آگاہی ہوناضروری ہے ٹریفک قوانین کو جانتے ہوئے ہم اپنے ساتھ دوسروں کی زندگیوں کو بھی حادثات سے محفوظ رکھنے میں مدد گار ثابت ہوتے ہیں رانا اظہر منیر نمائندہ باغی ٹی وی ملتان شجاع آباد

بستی ملوک(نمائندہ باغی ٹی وی) نیشنل ہائی ویز اینڈ موٹروے پولیس بیٹ نمبر19بستی ملوک نے اعلی حکام کی خصوصی ہدایت پر پبلک ٹرانسپورٹ میں انڈین گانے وفلمیں چلانے پر پابندی لگا دی ڈی ایس پی موٹروے ملک احسان الحق،ایڈمن آفیسر ملک اللہ بخش نے صحافیوں سے گفتگو کرتے ہوئے بتایا کہ موٹروے پر چلنے والے ہمہ قسم کی گاڑیوں میں انڈین گانے وفلمیں چلانے پر مکمل پابندی ہے اگر کسی بھی گاڑی میں دوران سفر انڈین فلمیں یا گانے بجائے گئے تو موٹروے پولیس اس کے خلاف کاروائی کرے گی موٹروے پولیس کا کہنا تھا کہ یہ اقدام ملک میں بڑھتی ہوئی بے حیائی کو روکنے اور ہمسایہ ملک کی طرف سے کشمیری مسلمانوں پر حالیہ تشددکے واقعات کے خلاف احتجاج کیلئے کیا جارہا ہے۔ رانا اظہر منیر نمائندہ باغی ٹی وی ملتان شجاع آباد