Category: اوکاڑہ

اوکاڑہ (نامہ نگار ملک ظفر ) اوکاڑہ تھانہ سٹی دیپالپور کے علاقہ نیو آلو منڈی کے قریب پولیس مقابلے میں ایک خطرناک ڈاکو ہلاک جبکہ ایک زخمی حالت میں گرفتار کر لیا گیا۔ پولیس کے مطابق ہلاک ڈاکو طوران خاں بین الاضلاعی گینگ کا سرغنہ اور متعدد سنگین مقدمات میں مطلوب تھا، جبکہ زخمی کی شناخت ابوبکر کے نام سے ہوئی۔ڈاکوایک شہری سے نقدی چھین کر فرار ہورہے تھے، اطلاع ملتے ہی ایس ایچ او تھانہ سٹی دیپالپور نے پولیس نفری کے ہمراہ ڈاکووں کا تعاقب کیا تو آلو منڈی دیپالپور کے قریب ملزمان نے فائرنگ شروع کر دی۔ پولیس اور ڈاکووں کی کراس فائرنگ کے دوران ایک ڈاکو اپنے ساتھیوں کی گولی سے ہلاک اور دوسرا زخمی ہوگیا جسے پولیس نے گرفتار کر لیا. پولیس نے چھینی گئی نقدی اور اسلحہ برآمد کر لیا جبکہ فرار ملزمان کی تلاش جاری ہے۔ تھانہ سٹی دیپالپور میں پولیس مقابلے کا مقدمہ درج کر لیا گیا

اوکاڑہ (نامہ نگار ملک ظفر ) اوکاڑہ دو روڈ حادثات . 18سالہ لڑکی سمیت 2افراد جاں بحق ایک شدید زخمی.ریسکیو زرائع کے مطابق بصیرپور کےنواحی گاؤں کھگہ مہر شاہ کے قریب ایک اوور لوڈ ٹریکٹر ٹرالی لوڈ ذیادہ ہونے کے باعث بے قابو ہو کر الٹ گئی، جس کے نتیجے میں ٹریکٹر ڈرائیور 18سالہ نوجوان علی اصغر جاں بحق ہو گیا، جبکہ دوسرا 20سالہ نوجوان نصرالہ شدید زخمی ہو گیا، دوسرا حادثہ حجرہ شاہ مقیم چوک میں ہوا جہاں دو تیز رفتار موٹرسائیکلیں أپس میں ٹکرا گئیں ایک موٹرسائیکل تصادم ہونے کے بعد روڈ ڈیوائیڈر سے جا ٹکرائی جس کے نتیجے میں موٹر سائیکل پر سوار لڑکی جاں بحق ہوگئی. حادثات کی اطلاع ملتے ہی ریسکیو 1122 کی امدادی ٹیمیں جائے حادثات پر پہنچ گئیں اور امدادی کاروائیاں شروع کر دیں زخمی کو ابتدائی طبی امداد کے بعد ہسپتال منتقل کر دیا گیا، ایک نعش کو ضروری کارروائی کرنے کے بعد لواحقین کے حوالے کر دیا گیا، دوسری نعش کو ہسپتال منتقل کر دیا گیا #

اوکاڑہ (نامہ نگار ملک ظفر) ڈپٹی کمشنر احمد عثمان جاوید کی ہدایات پر ضلع بھر میں جاری میٹرک کے سالانہ امتحانات کی شفافیت کو یقینی بنانے کے لیے ضلعی انتظامیہ اور ایجوکیشن افسران متحرک ہو گئے۔ اس سلسلے میں ایڈیشنل ڈپٹی کمشنرز، اسسٹنٹ کمشنرز اور متعلقہ تعلیمی افسران نے مختلف امتحانی مراکز کے اچانک دورے کیے اور امتحانی عمل کی سخت نگرانی کی۔

دوروں کے دوران امتحانی مراکز میں دفعہ 144 کے نفاذ، سکیورٹی انتظامات اور امیدواروں کو فراہم کی جانے والی سہولیات کا تفصیلی جائزہ لیا گیا۔ حکام نے اس بات کو یقینی بنایا کہ امتحانی مراکز کے اردگرد غیر متعلقہ افراد کا داخلہ مکمل طور پر بند ہو اور کسی بھی قسم کی مداخلت نہ ہو۔

ڈپٹی کمشنر احمد عثمان جاوید نے واضح کیا کہ امتحانی عمل میں کسی قسم کی بدعنوانی یا بوٹی مافیا کو ہرگز برداشت نہیں کیا جائے گا، اور خلاف ورزی کرنے والوں کے خلاف فوری اور سخت کارروائی عمل میں لائی جائے گی۔ انہوں نے نگران عملے کی حاضری اور کارکردگی کو مسلسل مانیٹر کرنے کی بھی ہدایت کی۔

مزید برآں انہوں نے امتحانی مراکز میں طلبہ کے لیے صاف پینے کے پانی، بجلی کی بلا تعطل فراہمی، آرام دہ نشستوں اور مناسب روشنی کے انتظامات کو یقینی بنانے پر زور دیا۔

ڈپٹی کمشنر کا کہنا تھا کہ ان اقدامات کا مقصد میرٹ کی بالادستی کو قائم رکھنا اور ایک شفاف تعلیمی نظام کو فروغ دینا ہے۔ انہوں نے والدین اور اساتذہ سے بھی اپیل کی کہ وہ انتظامیہ کے ساتھ مکمل تعاون کریں تاکہ امتحانی نظام کو صاف اور شفاف بنایا جا سکے۔

اوکاڑہ ( نامہ نگار ملک ظفر ) اوکاڑہ میں محکمہ صحت و آبادی کے زیر اہتمام ایک خصوصی سیشن میں ماہرین نے بڑھتی ہوئی آبادی کو نوجوانوں کی ترقی اور معاشی استحکام میں بڑی رکاوٹ قرار دیا۔ مقررین کا کہنا تھا کہ وسائل اور آبادی میں توازن کے بغیر معیاری تعلیم، روزگار اور بہتر مستقبل ممکن نہیں۔

ڈسٹرکٹ پاپولیشن ویلفیئر آفیسر چوہدری عاصم ہدایت نے خبردار کیا کہ بے ہنگم آبادی نوجوانوں کو بے روزگاری اور مایوسی کی طرف دھکیل رہی ہے،جبکہ ڈیموگرافر محمد بخش نے ہنرمندی کے فروغ پر زور دیا۔علمائے کرام نے اسلامی تعلیمات کی روشنی میں بچوں کی بہتر تربیت کو اہم قرار دیا، جبکہ ماہرین صحت نے فیملی پلاننگ کو ماں اور بچے کی صحت کے تحفظ کے لیے ضروری قرار دیا۔ تقریب کے اختتام پر "متوازن خاندان، خوشحال پاکستان” کے پیغام کو عام کرنے کے عزم کا اظہار کیا گیا۔

اوکاڑہ(نامہ نگار ملک ظفر)ڈپٹی کمشنر احمد عثمان جاوید کی زیر صدارت ڈسٹرکٹ کوارڈینیشن کمیٹی برائے نیشنل الیکشن پلان کے اجلاس کا انعقاد، اجلاس میں ڈی پی او ڈاکٹر اسد اعجاز ملہی سمیت ضلعی انتظامیہ، صوبائی اور وفاقی محکموں سمیت آرمی افسران سمیت ضلعی انتظامیہ کے دیگر حکام بھی موجود تھے، اس موقع پر مفادِ عامہ سے متعلق مختلف امور کا تفصیلی جائزہ لیا گیا، اجلاس میں ٹریفک قوانین پر مؤثر عملدرآمد، تجاوزات، سملنگ، غیر قانونی سگریٹس کی فروخت کے خلاف جاری آپریشنز، ڈی ایچ کیو ہسپتال میں سولر سسٹم کو آپریشنل کرنے، مدارس کی رجسٹریشن، اوورسیز پاکستانیوں کو درپیش مسائل کے حل،تعلیمی اداروں میں مثبت رویوں کے فروغ اور گداگری کے خلاف کاروائیوں پر تبادلۂ خیال کیا گیا،

ڈپٹی کمشنر احمد عثمان جاوید نے ہدایات جاری کرتے ہوئے کہا کہ ٹریفک قوانین کی خلاف ورزی کرنے والوں کے خلاف بلا امتیاز کاروائیاں جاری رکھی جائیں تاکہ شہریوں کی جان و مال کا تحفظ یقینی بنایا جا سکے، تجاوزات کے خلاف آپریشنز کو مزید مؤثر بنانے اور عوامی مقامات کو بحال رکھنے کے احکامات بھی جاری کیے گئے، اجلاس میں مدارس کی رجسٹریشن کے عمل کو تیز اور شفاف بنانے، تعلیمی اداروں میں مثبت اخلاقی و سماجی رویوں کے فروغ کے لیے آگاہی اقدامات جاری رکھنے، ریلوے کی اراضی پر تجاوزات ختم کرنے اور قابضین سے ناجائز پیسوں کی وصولی اور گداگری کے خاتمے کے لیے متعلقہ اداروں کے باہمی تعاون سے سخت ایکشن لینے کی ہدایات دی گئیں، ڈپٹی کمشنر نے کہا کہ باہمی رابطہ پالیسی کو فروغ دیتے ہوئے عوامی فلاح، نظم و ضبط اور سماجی بہتری کے لیے تمام اقدامات کو تسلسل کے ساتھ جاری رکھا جائے گا اور اس سلسلہ میں متعلقہ محکمے اپنی ذمہ داریاں بھرپور طریقے سے ادا کریں۔

اوکاڑہ(نامہ نگار ملک ظفر)ڈپٹی کمشنر احمد عثمان جاوید کا گول چوک سے ملحقہ بازاروں اور کچہری انڈر پاس کا ددرہ، انہوں نے منصوبوں کے ترقیاتی کاموں پر پیشرفت کا جائزہ لیا، اس موقع پر ایڈیشنل ڈپٹی کمشنر جنرل احمد سلیم چشتی، چیف آفیسر میونسپل کمیٹی عمر نسیم سمیت متعلقہ حکام اور کنٹریکٹرز بھی موجود تھے

، ڈپٹی کمشنر کے ترقیاتی منصوبوں کو ٹائم لائنز کے مطابق مکمل کرنے کے احکامات جاری کیے، کنٹریکٹرز کو کوالٹی میٹریل استعمال کرتے ہوئے کام کی رفتار کو تیز کرنے کی ہدایات دیں اور بازاروں کی خوبصورتی اور بحالی کے لیے سٹیٹ آف دی آرٹ ورک کے لیے اقدامات بارے بھی ہدایات جاری کیں، ڈپٹی کمشنر احمد عثمان جاوید نے کہا کہ بازاروں میں سیوریج لائنز کی تعمیر و بحالی میں کام کے دوران تیکنیکی امور کا خصوصی خیال رکھا جائے، تاجروں کی سہولت کے لیے تمام تر کاموں کو جلد پایا تکمیل تک پہنچانے کی کوشش کی جائے، انہوں نے کہا کہ منصوبوں کی تکمیل کے لیے کوالٹی مٹیریل کے استعمال پر ہرگز کوئی سمجھوتہ نہیں کیا جائے گا، تمام متعلقہ افسران منصوبوں کو جلد از جلد مکمل کرنے کے لیے مسلسل مانیٹرنگ کریں۔

ڈپٹی کمشنر احمد عثمان جاوید کا پی ڈی پی پروگرام کے تحت شہر کے ترقیاتی منصوبوں کا دورہ کیا، انہوں نے انڈر کا گراؤنڈ واٹر سٹوریج ٹینکس اور ترقیاتی منصوبوں پر کام کی پیشرفت کا جائزہ لیا، فاطمہ جناح پارک اور روڈز کے اطراف واٹر سٹوریج ٹینکس کے ترقیاتی کاموں کو تیز کرنے کے احکامات دیے، اس موقع پر ڈپٹی ڈائریکٹر ڈیویلپمنٹ حماد یوسف، اسسٹنٹ کمشنر فیصل شہزاد چیمہ، پراجیکٹ انچارج سمیت دیگر افسران اور کنٹریکٹرز بھی موجود تھے، اسسٹنٹ کمشنر فیصل شہزاد چیمہ نے ترقیاتی منصوبوں پر پیشرفت بارے بریفنگ دی، منصوبے کی تکمیل کے لیے درکار مشینری اور ورک فورس بڑھانے کی ہدایات دیں اور ڈپٹی کمشنر کے ترقیاتی کاموں کو برق رفتاری سے پایہ تکمیل تک پہنچانے کی بھی احکامات جاری کیے، ڈپٹی کمشنر احمد عثمان جاوید نے کہا کہ بارشی پانی کے نکاس کے لیے واٹر سٹوریج ٹینکس کام منصوبہ حکومت پنجاب کا بہترین اقدام ہے، اس منصوبے کے تحت شہر کے مرکزی حصوں سے نکاسی آب کے مسائل حل ہو جائیں گے، انہوں نے کہا کہ منصوبے کی اہمیت کو مدنظر رکھتے ہوئے اسے جلد مکمل کرنے کے لیے فوری اقدامات از حد ضروری ہیں، شہر اور اہم چوکوں کی خوبصورتی سے شہر کے حسن میں اضافہ ہوگا، کاروباری سرگرمیوں میں آسانی اور عوامی دشواری کے پیش نظر منصوبوں کی فوری تکمیل ناگزیر ہے۔

اوکاڑہ (نامہ نگار ملک ظفر) جرنلسٹس ایسوسی ایشن آف پاکستان/یوکے (رجسٹرڈ) کے صدر JAP UK پاکستان میاں ممتاز احمد و دیگر عہدیداران نے کہا ہے کہ محکمہ ریلوے نے ملک بھر کے صحافیوں جن کے ریلوے کارڈ بنا کر دیئے جاتے ہیں ان کی سفری سہولتیں محدود کر کے حکومت اور صحافیوں کے درمیان خلیج پیدا کرنے کی کوشش کی ہے، عید کے دنوں میں خود ریلوے حکام کا دعویٰ ہے کہ ایک ارب روپے سے زائد کا محکمے کو فائدہ ہوا لیکن محکمہ ریلوے کی بیوروکریسی نے وفاقی وزیر ریلوے کو غلط معلومات فراہم کرکے مس گائیڈ کرتے ہوئے صحافیوں کو دی گئی خصوصی رعایت ختم کروا کر ملک بھر کے میڈیا ورکرز کو حکومت کے خلاف کھڑا کئے جانے کی مذموم سازش کی گئی ہے جسکی جتنی مذمت کی جائے کم ہے،

انہوں نے کہا کہ صحافیوں کو ریلوے کے کرایوں میں 80فیصد رعایت کو کم کر کے 50فیصد کروا دیا اور ریلوے کے کارڈ ہولڈر صحافیوں کی اہلیہ کو 50فیصد رعایت تھی اسے یکسر ختم کروا دیا گیا ہے جس پر ملک بھر کے صحافیوں میں اشتعال پایا جاتا ہے اور وہ اس عمل کو حکومت کی صحافی دشمنی سے تعبیر کر رہے ہیں، انہوں نے کہا کہ ریلوے کا کارڈ بناکر سفری سہولیات حاصل کرنے والے صحافی جو معاشی بدحالی کا شکار ہیں ان سے یہ سہولت چھیننے کی کوشش کی جا رہی ہے وہ ٹرینیں جو نجکاری میں دیدی گئی ہیں قانوناً ان ٹرینوں پر بھی صحافیوں کو رعایت دی جانی چاہیئے، انہوں نے وزیر ریلوے سے اپیل کی کہ وہ صحافیوں کو دی جانے والی رعائت فوری بحال کرائیں اور صحافیوں میں پھیلنے والی بے چینی کا خاتمہ کرائیں، میاں ممتاز احمد نے کہا کہ صحافیوں کی یہ سہولت ختم کرنا نہ صرف ان کے ساتھ ظلم ہے بلکہ یہ حکومت کی صحافی دشمن پالیسیوں کا بھی منہ بولتا ثبوت ہے، انہوں نے کہا کہ حکومت کو چاہیئے کہ وہ صحافیوں کی مشکلات کو سمجھے اور ان کی سہولیات میں کمی کرنے کے بجائے ان کو بہتر بنانے کے لئے اقدامات کرے، انہوں نے مزید کہا کہ اگر حکومت نے صحافیوں کی سہولیات میں کمی کرنے کا عمل بند نہ کیا تو جرنلسٹس ایسوسی ایشن آف پاکستان/یوکے (رجسٹرڈ) کو مجبوراً احتجاجی تحریک کا آغاز کرنا پڑے گا جس کی ذمہ داری حکومت پر ہو گی۔

اوکاڑہ (نامہ نگار ملک ظفر)ملک محمد عارف نمبر دار، ملک خالد یعقوب، ملک اشفاق احمد ببرا ملک اسد وقاص ایڈوکیٹ اور آل پاکستان بھوہڑ ایسوسی ایشن کے ترجمان ملک ظفر اقبال بھوہڑ نے چوہدری ضیاء الحق کو ڈی پی او قصور تعینات ہونے پر دلی مبارکباد پیش کی ہے۔

اپنے مشترکہ بیان میں انہوں نے کہا کہ چوہدری ضیاء الحق محکمہ پولیس کے ایک قابل، دیانتدار اور انسان دوست افسر ہیں، جن کی پیشہ ورانہ صلاحیتیں اور عوام دوست رویہ قابلِ ستائش ہے۔ انہوں نے کہا کہ ان کی بطور ڈی پی او قصور تعیناتی سے ضلع میں امن و امان کی صورتحال مزید بہتر ہوگی اور عوام کو انصاف کی فراہمی میں آسانی میسر آئے گی۔اس موقع پر ملک محمد عارف نمبر دار نے کہا کہ ہم دعاگو ہیں کہ اللہ تعالیٰ چوہدری ضیاء الحق کو مزید کامیابیوں سے ہمکنار فرمائے اور انہیں عوام کی خدمت کے لیے مزید ہمت و توفیق عطا کرے۔انہوں نے امید ظاہر کی کہ نئے ڈی پی او اپنی بہترین صلاحیتوں کو بروئے کار لاتے ہوئے عوام کے اعتماد پر پورا اتریں گے اور محکمہ پولیس کی نیک نامی میں اضافہ کریں گے۔

اوکاڑہ (نامہ نگار ملک ظفر) کمشنر ساہیوال ڈاکٹر آصف طفیل نے نگہبان رمضان کارڈ سنٹر کا دورہ کر کے کارڈز کی ایکٹیویشن اور مستحق افراد کو بروقت سہولیات کی فراہمی کے اقدامات کا جائزہ لیا۔

اس موقع پر ڈپٹی کمشنر احمد عثمان جاوید اور اسسٹنٹ کمشنر فیصل شہزاد چیمہ سمیت دیگر افسران بھی موجود تھے۔ کمشنر نے نگہبان رمضان دسترخوان اور رمضان بازار کے انتظامات، اشیائے خورونوش کے معیار اور قیمتوں کا معائنہ کیا جبکہ ٹی ایچ کیو ہسپتال میں افطار دسترخوان پر صفائی اور معیاری کھانوں کی فراہمی جاری رکھنے کی ہدایت کی۔ انہوں نے کہا کہ نگہبان رمضان کارڈ مستحق خاندانوں کی فلاح کے لیے اہم اقدام ہے اور کارڈز کی تقسیم جلد مکمل کی جائے جبکہ رمضان بازاروں میں سستی اور معیاری اشیاء کی فراہمی یقینی بنائی جائے.

اوکاڑہ (نامہ نگار ملک ظفر)رمضان المبارک کے دوران مصنوعی مہنگائی اور گرانفروشی کے خاتمے کے لیے ضلعی انتظامیہ اور گراں فروش عناصر آمنے سامنے آ گئے۔ وزیراعلیٰ پنجاب کے عوامی ریلیف مشن کے تحت ڈپٹی کمشنر اوکاڑہ احمد عثمان جاوید کی ہدایت پر ضلع بھر میں پرائس کنٹرول مجسٹریٹس کی جانب سے سخت کارروائیوں کا سلسلہ جاری ہے۔

ڈپٹی کمشنر احمد عثمان جاوید کے مطابق رمضان المبارک میں عوام کو ریلیف فراہم کرنے کے لیے ضلع بھر میں خصوصی چیکنگ مہم شروع کی گئی، جس کے دوران پرائس کنٹرول مجسٹریٹس نے مارکیٹوں، بازاروں اور دکانوں کا ہنگامی دورہ کیا۔ کارروائیوں کے دوران مجموعی طور پر 4679 انسپکشنز کی گئیں جن میں متعدد خلاف ورزیاں سامنے آئیں۔
ضلعی انتظامیہ کے مطابق مقررہ نرخوں سے زائد قیمتوں پر اشیائے خورونوش فروخت کرنے، سرکاری نرخ نامے آویزاں نہ کرنے اور مصنوعی مہنگائی پیدا کرنے پر 8 مقدمات درج کروائے گئے۔ اس کے علاوہ 22 گرانفروش دکانداروں کو گرفتار کیا گیا جبکہ سنگین خلاف ورزیوں پر 14 دکانیں سیل کر دی گئیں۔
ڈپٹی کمشنر نے بتایا کہ خلاف ورزیوں میں ملوث افراد کو مجموعی طور پر 11 لاکھ 72 ہزار روپے جرمانہ بھی عائد کیا گیا ہے۔ ان کا کہنا تھا کہ مصنوعی مہنگائی کسی صورت برداشت نہیں کی جائے گی اور گراں فروش عناصر کے خلاف بلاامتیاز کارروائی جاری رکھی جائے گی۔
انہوں نے واضح ہدایت کی کہ تمام دکاندار اپنی دکانوں پر سرکاری نرخ نامے نمایاں جگہوں پر آویزاں کریں اور اشیائے ضروریہ مقررہ قیمتوں پر فروخت کریں، بصورت دیگر سخت قانونی کارروائی عمل میں لائی جائے گی۔ ڈپٹی کمشنر احمد عثمان جاوید کا کہنا تھا کہ حکومت پنجاب کی اولین ترجیح رمضان المبارک کے دوران عوام کو سستی اور معیاری اشیاء کی فراہمی یقینی بنانا ہے۔
دوسری جانب شہری حلقوں نے انتظامیہ کی کارروائیوں کو خوش آئند قرار دیتے ہوئے مطالبہ کیا ہے کہ بڑے ہول سیلرز اور ذخیرہ اندوزوں کے خلاف بھی سخت اقدامات کیے جائیں تاکہ مہنگائی کے اصل ذمہ دار عناصر کا خاتمہ ممکن ہو سکے۔
ضلعی انتظامیہ کا کہنا ہے کہ پرائس کنٹرول مہم کو مزید مؤثر بنانے کے لیے فیلڈ میں مانیٹرنگ کا عمل تیز کر دیا گیا ہے اور عوام سے بھی اپیل کی گئی ہے کہ گرانفروشی کی شکایات متعلقہ حکام کو فوری طور پر رپورٹ کریں تاکہ فوری کارروائی عمل میں لائی جا سکے۔