Category: پشاور

تربت۔ بجلی بندش کے خلاف مند سراپا احتجاج، گریڈ اسٹیشن کا گھراؤ کرکے مکران بھر میں بجلی کی سپلائی معطل کرادی۔
مند میں واپڈا کی من مانیوں کے خلاف مند سول سوسائٹی کی اپیل پر مند بازار میں شٹرڈاؤن ہڑتال کی جارہی ہے اور مند میں گریڈ اسٹیشن اس وقت عوام کے گھیراؤ میں ہے اور وہاں پر دھرنا جاری ہے۔
عوام نے مند گریڈ اسٹیشن سے مکران کو سپلائی کی جانے والی بجلی ذبردستی بند کرادی جس کے سبب پورے مکران میں بلیک آؤٹ ہے۔

گورنر بلوچستان نے منشیات کے خاتمے سے متعلق ایک تقریب میں اہم پیغام دیا۔
گورنر بلوچستان امان اللہ خان یاسین زئی نے کہا کہ پاکستان کوسٹ گارڈ قانون نافذ کرنے والے دیگر اداروں میں منشیات کی اسمگلنگ کے خلاف لڑنے والی ایک موثر قوت ہے۔ گوادر میں اس منشیات کو جلانے کا مقصد دنیا کو یہ پیغام دینا ہے کہ حکومت پاکستان ہر قسم کی غیر قانونی منشیات اور سرگرمیوں کو بالکل برداشت نہیں کرے گی۔
گورنر یاسین زئی نے تمام متعلقہ محکموں اور میڈیا سے وابستہ افراد سے اپیل کی کہ وہ اس برائی سے موثر انداز میں لڑنے کے لئے متحد رد عمل پیدا کریں۔ پاکستان کوسٹ گارڈز کے نمایاں کارنامے قابل تعریف ہیں اور امید ہے کہ مستقبل میں بھی یہی جذبہ برقرار رہے گا۔

چیف ٹریفک آفیسر عباس مجید خان مروتشہر میں ہیلمٹ‘ سیٹ بیلٹ‘ نو پارکنگ زونز اور تجاوزات مافیا کیخلاف جاری مہمات میں مزید تیزی لائی جائے.
پشاور: چیف ٹریفک آفیسر عباس مجید خان مروت نے تجاوزات مافیا‘ بغیر ہیلمٹ کے ڈرائیونگ کرنیوالے موٹر سائیکل سواروں اور سیٹ بیلٹ باندھے بغیر ڈرائیونگ کرنیوالوں کے خلاف کارروائیاں مزید تیز کرنے کی ہدایت کردی۔ اس سلسلے میں ٹریفک نظام سے متعلقہ جائزہ اجلاس زیر صدارت چیف ٹریفک آفیسر عباس مجید خان مروت منعقد ہوا جس میں ایس پی ہیڈ کوارٹرز افتخار علی‘ ایس پی کینٹ ٹریفک امان اللہ‘ ایس پی سٹی ٹریفک عبد السلام خالد‘ ڈی ایس پیز سمیت ٹریفک آفیسرز اور ٹریفک وارڈنز نے شرکت کی۔ چیف ٹریفک آفیسر عباس مجید خان مروت نے گزشتہ ہفتے سٹی ٹریفک پولیس پشاور کی جانب سے کی جانیوالی کارروائیوں کا تفصیلی جائزہ لیا۔ اجلاس کے دوران چیف ٹریفک آفیسر عباس مجید خان مروت کو پلازوں میں پارکنگ نہ بنانے والوں کو نوٹسز‘ تجاوزات مافیا کے خلاف کارروائیوں‘ کالے شیشوں کے استعمال‘ اوور لوڈنگ‘ نو پارکنگ زونز کی خلاف ورزیوں‘ ہیلمٹ‘ سیٹ بیلٹ‘ ون ویلنگ‘ غیر رجسٹرڈ موٹر سائیکلوں اور دیگر مہمات کے بارے میں بریفنگ دی جس پر چیف ٹریفک آفیسر عباس مجید خان مروت نے اطمینان کا اظہار کیا اور ہدایت کی کہ پلازہ مالکان کو جاری کئے جانیوالے نوٹسز کا دورانیہ ختم ہونے کی صورت میں فوری طور پر کارروائی عمل میں لائی جائے اور شہر میں جاری دیگر مہمات میں مزید تیزی لائی جائے۔ اجلاس میں بتایا گیا کہ سٹی ٹریفک پولیس پشاور کی جانب سے تجاوزات مافیا کے خلاف کی جانیوالی کارروائیوں سے قصہ خوانی‘ جلیل کبابی روڈ اور دیگر بازاروں سے تجاوزات کا خاتمہ کردیا گیا ہے جبکہ چیک اینڈ بیلنس کے لئے اہلکاروں کو تعینات کردیا گیا ہے جس پر چیف ٹریفک آفیسر نے ٹریفک حکام اور اہلکاروں کی کارکردگی کو سراہا اور کہا کہ تجاوزات کے خلاف آپریشنز کا سلسلہ جاری رکھا جائے اور کسی کے ساتھ کوئی نرمی نہ برتی جائے۔ انہوں نے مزید کہا کہ شہر میں بلا تعطل ٹریفک نظام رواں دواں رکھنے کے لئے تمام تر صلاحیتیں بروئے کار لائی جائیں اور اس سلسلے میں کسی قسم کی غفلت برداشت نہیں کی جائیگی جبکہ مرتکب افراد کے خلاف سخت قانونی کارروائی عمل میں لائی جائیگی۔

سپورٹس کمپلیکس پاراچنار میں ڈائریکٹوریٹ آف سپورٹس خیبر پختون خواہ کے زیر اہتمام مختلف کھیلوں کے ٹرائلز لئے گئے۔ جس میں ضلع بھر سے کثیر تعداد میں کھلاڑیوں نے شرکت کی۔
سپورٹس کمپلیکس پاراچنار میں ڈائریکٹوریٹ آف سپورٹس خیبر پختونخوا کے زیر اہتمام مختلف کھیلوں کے ٹرائلز لئے گئے جس میں ضلع بھر سے کثیر تعداد میں کھلاڑیوں نے شرکت کی ڈائریکٹوریٹ آف سپورٹس خیبرپختونخوا کے زیر اہتمام انڈر 21 گیمز کے فیز 5 کیلئے ہاکی ، ٹیبل ٹینس ، جوڈو ، کراٹے ، تائیکوانڈو ، ریسلنگ ، باسکٹ بال جمناسٹک ، ووشو اور ویٹ لفٹنگ کے ٹرائلز لئے گئے جس میں ضلع بھر سے کثیر تعداد میں کھلاڑیوں نے شرکت کی اس موقع پر میڈیا سے بات چیت کرتے ہوئے اسسٹنٹ ڈائریکٹر سپورٹس خیبر پختونخوا ذاکر خان ، ڈسٹرکٹ سپورٹس آفیسر امجد حسین ، چیف کوچ شفقت اللہ ، سینئر کوچ عامر خان نے بتایا کہ ڈائریکٹوریٹ آف سپورٹس کی ہدایات پر قبائلی اضلاع میں مختلف کھیلوں کے ٹرائلز کا مقصد دور دراز کے علاقوں سے ٹیلنٹ کو آگے لیجانا ہے اور انہیں ملکی سطح پر کھیلنے کے مواقع فراہم کرنا ہے انہوں نے کہا کہ قبائلی اضلاع میں ٹیلنٹ کی کمی نہیں اور انشاء اللہ یہاں سے سلیکٹ ہونے والے کھلاڑی پشاور میں ہونے والے انڈر 21 خیبر پختونخوا گیمز میں اپنے علاقے کا نام روشن کریں گے انہوں نے کہا کہ ڈائریکٹوریٹ آف سپورٹس کی جانب سے کامیاب کھلاڑیوں کو ماہانہ وظیفہ بھی دیا جائے گا اور یوں وہ تعلیم کیساتھ ساتھ کھیل کے میدان میں بھی نام پیدا کرے گا اور آگے جاکر پاکستان کا نام دنیا میں روشن کرے گا سپورٹس کمپلیکس پاراچنار میں ڈائریکٹوریٹ آف سپورٹس خیبر پختونخوا کے زیر اہتمام مختلف کھیلوں کے ٹرائلز لئے گئے جس میں ضلع بھر سے کثیر تعداد میں کھلاڑیوں نے شرکت کی
ڈائریکٹوریٹ آف سپورٹس خیبرپختونخوا کے زیر اہتمام انڈر 21 گیمز کے فیز 5 کیلئے ہاکی ، ٹیبل ٹینس ، جوڈو ، کراٹے ، تائیکوانڈو ، ریسلنگ ، باسکٹ بال جمناسٹک ، ووشو اور ویٹ لفٹنگ کے ٹرائلز لئے گئے جس میں ضلع بھر سے کثیر تعداد میں کھلاڑیوں نے شرکت کی اس موقع پر میڈیا سے بات چیت کرتے ہوئے اسسٹنٹ ڈائریکٹر سپورٹس خیبر پختونخوا ذاکر خان ، ڈسٹرکٹ سپورٹس آفیسر امجد حسین ، چیف کوچ شفقت اللہ ، سینئر کوچ عامر خان نے بتایا کہ ڈائریکٹوریٹ آف سپورٹس کی ہدایات پر قبائلی اضلاع میں مختلف کھیلوں کے ٹرائلز کا مقصد دور دراز کے علاقوں سے ٹیلنٹ کو آگے لیجانا ہے اور انہیں ملکی سطح پر کھیلنے کے مواقع فراہم کرنا ہے انہوں نے کہا کہ قبائلی اضلاع میں ٹیلنٹ کی کمی نہیں اور انشاء اللہ یہاں سے سلیکٹ ہونے والے کھلاڑی پشاور میں ہونے والے انڈر 21 خیبر پختونخوا گیمز میں اپنے علاقے کا نام روشن کریں گے انہوں نے کہا کہ ڈائریکٹوریٹ آف سپورٹس کی جانب سے کامیاب کھلاڑیوں کو ماہانہ وظیفہ بھی دیا جائے گا اور یوں وہ تعلیم کیساتھ ساتھ کھیل کے میدان میں بھی نام پیدا کرے گا اور آگے جاکر پاکستان کا نام دنیا میں روشن کرے گا۔

پشاورکیپٹل سٹی پولیس پشاور نے مختلف اضلاع سے گاڑی چوری میں ملوث گروہ کا سراغ لگا کر 2 ملزمان کو گرفتار کرلیا. گرفتار ملزمان نے تھانہ پڑانگ چارسدہ کی حدود سے ڈاٹسن چوری کی تھی. ملزمان گاڑیاں چوری کرنے کے بعد ان گاڑیوں کو اونے پونے داموں فروخت کرتے تھے۔ گرفتار ملزمان نے ابتدائی تفتیش کے دوران گاڑیاں چوری کرنے کی متعدد وارداتو ں میں ملوث ہونے کا اعتراف کرلیا جن کے قبضے سے مسروقہ ڈاٹسن برآمد کرلی گئی ہے جن سے مزید تفتیش شروع کردی گئی ہے۔
تفصیلات کے مطابق ایس پی سٹی عتیق شاہ کو اطلاع موصول ہوئی کہ تھانہ پڑانگ چارسدہ سے سرقہ شدہ ڈاٹسن فقیر آباد کی حدود میں موجود ہے۔ اطلاع کو مصدقہ جانتے ہوئے اے ایس پی فقیر آباد ڈاکٹر محمد عمر اور ایس ایچ او تھانہ فقیر آباد حسن خان کو ملزمان گرفتار کرنے کا ٹاسک حوالہ کیا گیا۔
ایس ایچ او تھانہ فقیر آباد حسن خان نے دیگر نفری پولیس کے ہمراہ فوری کارروائی کرتے ہوئے گاڑی چوری میں ملوث ملزمان فرمان اللہ ولد اکرام الدین اور ناصر ولد طاہر شاہ کو گرفتار کرکے ان کے قبضے سے مسروقہ ڈاٹسن نمبری 7010 برآمد کرلی۔ گرفتار ملزمان نے تھانہ پڑانگ چارسدہ کی حدود سے ڈاٹسن چوری کی تھی۔ ملزمان گاڑیاں چوری کرنے کے بعد ان گاڑیوں کو اونے پونے داموں فروخت کرتے تھے۔گرفتار ملزمان نے ابتدائی تفتیش کے دوران گاڑیاں چوری کرنے کی متعدد وارداتوں میں ملوث ہونے کا اعتراف کرلیا جن کے قبضے سے مسروقہ ڈاٹسن برآمد کرلی گئی ہے جبکہ مزید تفتیش جاری ہے۔