چترال کےعلاقہ یارخون لشٹ میں برطانوی کوہ پیماؤں کوحادثہ پیش آیا ہے

باغی ٹی وی کی رپورٹ کے مطابق کوہ پیما رسہ ٹوٹ جانے سے کھائی میں جاگرے ،ضلعی انمتظامیہ نے اطلاع ملنے پر کوہ پیماؤں کو ریسکیو کرنے کے لئے ہیلی کاپٹر روانہ کیا، ڈی پی او وسیم ریاض کا کہنا ہے کہ کھائی میں 5 کوہ پیما گرے تھے، دو کو ریسکیو کر لیا گیا ہے، تین ابھی بھی لاپتہ ہیں جن کی تلاش جاری ہے.

غزر، برفانی تودہ گرنے سے پاکستانی کوہ پیما لاپتہ، چارغیرملکی زخمی

لاپتہ کوہ پیماؤں کی تلاش کے لئے سرچ آپریشن تیز کر دیا گیا ہے، ہیلی کاپٹر بھی سرچ آپریشن میں حصہ لے رہے ہیں، علاقہ کے مقامی افراد بھی برطانوی کوہ پیماؤں کو تلاش کرنے کے لئے سرچ آپریشن میں حصہ لے رہے ہیں، ریسکیو کئے گئے کوہ پیماؤں کو پشاور منتقل کر دیا گیا ہے

جماعت اسلامی پاکستان کے امیر سینیٹر سراج الحق نے کہا ہے کہ دنیا کشمیر کے معاملے پر خاموش ،اسلامی دنیا کے سربراہ مودی کو انعامات دے رہے ہیں،

کشمیریوں کے ساتھ کھڑا ہونا جہاد ہے، مودی کی فاشسٹ‌ حکومت کو ہر فورم پر بے نقاب کریں گے، عمران خان

باغی ٹی وی کی رپورٹ کے مطابق جماعت اسلامی کے زیر اہتمام نشتر ہال پشاور میں یوتھ لیڈر شپ کنونشن کا انعقاد کیا گیا، سراج الحق نے اپنے خطاب میں کہاکہ اب آئی ایم ایف فیصلہ کرتا ہے کہ قیمتوں میں کتنا اضافہ کرنا ہے، ڈاکٹر، مزدور سمیت سب پریشان ہیں ،نوجوان بے روزگار ہو چکے ہیں، حکومت کو چاہیے کہ وہ بھارت کے ساتھ شملہ معاہدہ منسوخ کردے، ہم حکومت کو کشمیر پر یوٹرن نہیں لینے دیں گے، کشمیر پر یو این او میں 70 سال سے صرف تقاریر سن رہے ہیں، کشمیر ابھی یا کبھی نہیں کے مرحلے میں داخل ہوگیا ہے،

عمران خان نے دنیا کے سب حکمرانوں کو پیچھے چھوڑ دیا

۔سینیٹر سراج الحق نے کہاکہ کشمیر عالمی سطح پر تسلیم شدہ ایک متنازعہ علاقہ ہے ، اگر کشمیر میں بھارتی فوج کی موجودگی جائز ہے تو پاکستانی فوج کی موجودگی ناجائز کیسے ہوسکتی ہے، کشمیر کا دفاع پاکستان کا دفاع ہے، افسوس یہ ہے کہ دنیا کو کشمیر میں انسانی حقوق کی بدترین پامالی بھی نظر نہیں آرہی، انہوں نے کہاکہ کشمیر کی آزادی کے لیے قوم کو یک آواز بننا پڑے گا، شہداء کی قربانیاں رائیگاں نہیں جائیں گی، کشمیریوں‌ کو جلد آزادی مل کر رہے گی، انہوں نے کہاکہ کشمیر کی آزادی نوشتہ دیوار بن چکی ہے،

وزیراعلیٰ خیبرپختونخوا محمود خان کی طرف سے چمن میں دھماکے کی شدید مذمت کی گئی ہے،

چمن دھماکہ میں شہید ہونے والوں کی تعداد 3 ہو گئی، جے یو آئی ف رہنما مولانا محمد حنیف بھی شامل

باغی ٹی وی کی رپورٹ کے مطابق اپنے تعزیتی بیان میں انہوں‌ نے کہا کہ شہداء کے لواحقین کےغم میں برابر کے شریک ہیں،انہوں نے زخمیوں‌ کی جلد صحت یابی کی دعا کی ہے، واضح رہے کہ چمن میں ہونے والے دھماکے میں جے یو آئی (ف) کے رہنما مولانا محمد حنیف سمیت 3 افراد شہید ہوئے ہیں، بلوچستان میں چمن کے تاج باغ علاقہ میں دھماکا ہوا ہے جس میں زخمی ہونے والے افراد کو ہسپتال منتقل کیا گیا ہے زخمیوں میں جعمیت علماء اسلام ف کے رہنما مولانا محمد حنیف بھی شامل تھے جو جاں‌ بحق ہو گئے ہیں، پولیس کے مطابق دھماکا خیز مواد موٹر سائیکل میں نصب تھا، یہ دھماکہ چمن میں تاج روڈ پر دھماکا ہوا ہے جس سے 10 افراد زخمی ہوئے اطلاع ملنے پر پولیس و ریسکیو حکام موقع پر پہنچ گئے ہیں، سیکورٹی اداروں نے علاقہ کو گھیرے میں لے لیا ہے، زخمیوں کو ہسپتال میں طبی سہولیات فراہم کی جارہی ہیں،

بتایا گیا ہے کہ دھماکے کے بعد گاڑی میں آگ لگ گئی، اس دھماکے کی آواز اتنی زور دار تھی کہ قریبی عمارتوں کے شیشے ٹوٹ گئے، علاقہ میں اس واقعہ کے بعد سخت غم اور افسوس کی کیفیت ہے،

پشاور۔(اے پی پی)یونیورسٹی آف لکی مروت کے زیر اہتمام پبلک لائبریری میں یکجہتی کشمیر پر سیمینار سے خطاب کرتے ہوئے ڈپٹی کمشنر جہانگیر اعظم وزیر نے کہا ہے کہ پاکستان نے کشمیر کا مقدمہ مؤثر انداز سے لڑا ہے، آج پوری دنیا مقبوضہ کشمیرکے عوام پر ڈھائے جانے والے مظالم پر بھارت کی مذمت میں پیش پیش ہے۔ سیمینار سے یونیورسٹی کے ڈائریکٹر اکیڈمکس پروفیسر ڈاکٹر ایاز، ممتاز اردو شاعر پروفیسر ریٹائر محمد انور بابر اور پروفیسر ڈاکٹر عصمت اللہ خان نے بھی خطاب کیا۔ اس موقع پر یونیورسٹی کے پراجیکٹ ڈائریکٹر پروفیسر ڈاکٹر محمد جمیل خان اور رجسٹرار انعام اللہ خان بھی موجود تھے۔ سکول طلبہ نے ٹیبلوز پیش کئے جبکہ یونیورسٹی طلبہ ثاقب خان، عالیہ الماس نے کہا کہ بھارت نے ڈیڑھ ماہ سے کرفیو لگا کر کشمیری عوام کو گھروں میں قید کررکھا ہے اور ان پر ظلم و ستم کے پہاڑ توڑے جارہے ہیں۔سیمینار میں شریک طلبہ اور اساتذہ نے کشمیری جھنڈے اٹھا رکھے تھے۔ڈپٹی کمشنر جہانگیر اعظم وزیر نے کہا کہ کشمیر پاکستان کی شہ رگ ہے اس کے بغیر پاکستان نامکمل ہے کشمیری عوام اور پاکستانیوں کے دل ایک ساتھ دھڑکتے ہیں،بھارتی وزیر اعظم کا مکروہ چہرہ پوری دنیا کے سامنے بے نقاب ہوچکا ہے اور وہ دن دور نہیں جب کشمیری عوام کی جدوجہد آزادی رنگ لائے گی۔

پشاور۔(اے پی پی)ڈسٹرکٹ پولیس آفیسر بنوں یاسر آفریدی نے کہا ہے کہ معاشرے سے جرائم اور منشیات کے خاتمے کیلئے عوام اور مشران علاقہ کا تعاون انتہائی ضروری قراردیا۔ مشران اور عوام کے بغیر جرائم پر کنٹرول ممکن نہیں بنوں کے عوام نے ہمیشہ امن کیلئے قربانیاں دی ہیں اور پولیس کے ساتھ تعاون کیا ہے۔ان خیالات کا اظہار انہوں نے سابق تحصیل ناظم بنوں ملک احسان اللہ خان کو پولیس کے ساتھ بہترین تعاؤن کرنے پر تعریفی سند دیتے ہوئے کیا۔انہوں نے کہا کہ پولیس امن برقرار رکھنے کیلئے اپنی ذمہ داریاں نبھا رہی ہے تاہم عوامی تعاؤن کے بغیر امن برقرار رکھنا ممکن نہیں امن کیلئے عوام اور پولیس کا ایک دوسرے کے ساتھ تعاؤن لازم وملزوم ہے۔ انہوں نے کہا کہ سابق تحصیل ناظم انجینئر ملک احسان اللہ خان سمیت بنوں کے تمام مشران،تاجر برادری،صحافیوں اور عوام کامشکور ہوں جنہوں نے ہر مشکل وقت میں منشیات کے خاتمے اور امن کیلئے پولیس کے ساتھ تعاون کیا ہے اور انشا اللہ عوام تسلی رکھیں کہ بنوں پولیس بنوں کے عوام کے جان ومال کے تحفظ کیلئے ہمہ وقت تیار ہے اور عوام کے تحفظ کیلئے پولیس کسی بھی قسم کی قربانی دینے سے دریغ نہیں کریگی۔

پشاور۔(اے پی پی) ڈپٹی کمشنر بنوں اور ٹی ایم او بنوں کی خصوصی ہدایت پر لینڈ انسپکٹر ٹی ایم اے بنوں نذیر اللہ اعوان نے بنوں شہر اور تجارتی مراکز میں عارضی تجاوزات کے خلاف آپریشن کرکے سڑک کنارے اور گلیوں میں رکھا گیا سامان ضبط کرلیا لینڈ انسپکٹر نذیر اللہ اعوان نے گردان لی سٹریٹ،چائے بازار،چوک بازار اور ملحقہ بازاروں میں ٹی ایم اے عملے کے ہمراہ تجاوزات کے خلاف آپریشن کرتے ہوئے دکانداروں اور ریڑھی بانوں کی جانب سے نالیوں پر دکانوں کے سامنے رکھے گئے میز اور دیگر سامان قبضہ میں لیتے ہوئے ٹی ایم اے دفتر پہنچایا جہاں ان کی نگرانی میں یہ سامان مشینری کے ذریعے توڑ دیا گیا لینڈ انسپکٹر نذیر اللہ اعوان نے میڈیاکو بتایا کہ بنوں شہر میں تجاوزات کے خلاف کامیاب اپریشن کے دوران تجاوزات کا خاتمہ کیا گیا ہے تاہم دکانداروں کی جانب سے اور ریڑھی بانوں کی جانب سے عارضی تجاوزات کے خلاف روزانہ کی بنیاد پر آپریشن جاری ہے جس میں دکانوں کے سامنے نالیوں پر رکھے گئے میز،سائن بورڈ اور دیگر سامان قبضے میں لیکر بلڈوز کیا جاتا ہے انہوں نے دکا نداروں سے اپیل کی کہ وہ رضاکارانہ طور پر عارضی تجاوزات کا خاتمہ کردیں بصورت دیگر ان سے کسی قسم کی کوئی رعایت نہیں کی جائیگی اور سامان قبضے میں لیکر بلڈوز کیا جائیگا۔

اثاثہ جات کیس میں جمعیت علماء اسلام ف کے رہنما اکرم درانہ کو نیب طلبی کا سمن موصول ہو گیا

باغی ٹی وی کی رپورٹ کے مطابق بنوں میں اکرم درانی کی رہائشگاہ پرسمن وصول کروایا گیا، اکرم درانی کے مبینہ فرنٹ مین ریاض خان کو بھی نیب آفس طلب کیا گیا ہے،

سابق ایم پی اے ریاض خان کی 3 اکتوبرکونیب آفس کیا گیا ہے،نیب کی جانب سے کہا گیا ہے کہ اکرم درانی پیش نہ ہوئے توسخت کارروائی ہوگی،نیب نے اکرم درانی کو 7 اکتوبرکوصبح 10 بجے نیب راولپنڈی پیش ہونے کا کہا ہے

آزادی مارچ سے قبل گرفتاریاں ہوئیں تو لائحہ عمل کیا ہو گا؟ اکرم درانی نے بتا دیا

اکرم درانی مولانا فضل الرحمان کی دھرنا کمیٹی کےسربراہ ہیں ،اپوزیشن جماعتوں کی جانب سے بنائی گئی رہبر کمیٹی کے چیئرمین بھی اکرم درانی ہیں. نیب کی جانب سے طلبی پر مولانا فضل الرحمان پریشان ہو گئے ہیں، اگر نیب نے اکرم درانی کو گرفتار کر لیا تو مولانا فضل الرحمان کے لانگ مارچ کے لئے شدید مشکلات کا سامنا کرنا پڑے گا کیونکہ تمام تر امور کے نگران اکرم درانی ہیں.

حکومت کے گھیراؤ کے لئے مولانا فضل الرحمان نے پھیلائی جھولی

کشمیر پر خاموشی اور حکومت کیخلاف دھرنے کا اعلان، مولانا فضل الرحمن کو تنقید کا سامنا

مولانا فضل الرحمان کا لانگ مارچ، ن لیگ اختلافات کا شکار، اراکین اسمبلی کا نواز شریف کی بات ماننے سے انکار

حلوہ کھانے والے اسلام آباد بند نہیں کرسکتے، ایسا کس نے کہہ دیا؟

ڈیرہ اسماعیل خان۔ 27 ستمبر (اے پی پی)پہاڑپور روڈ کوٹلہ لودھیان کے قریب تیز رفتار ڈمپر کی ٹکرسے موٹرسائیکل سوار19 سالہ نوجوان محمد نعیم صدیق کا پاؤں پنڈلی سے کٹ کر مکمل جدا ہوگیا،زخمی کو تشویشناک حالت میں ہسپتال منتقل کردیاگیا،پولیس نے ڈمپر ڈرائیور کے خلاف مقدمہ درج کرلیا۔علاقہ تیر گڑھ کا رہائشی انیس سالہ محمد نعیم صدیق ولد اللہ وسایا قوم سیال نے پولیس کو بتایا کہ وہ ڈھکی موڑ سے موٹرسائیکل پر اپنے گھر جارہا تھا کہ لنک روڈ پہاڑپور کوٹلہ لودھیان کے قریب پہنچنے پر مخالف سمت سے تیزرفتار ڈمپر نے اسے ٹکر ماری جس سے وہ گر کر شدید زخمی ہوگیا اور اس کا دایاں پاؤں پنڈلی سے کٹ کر جدا ہوگیا۔زخمی کو ہسپتال منتقل کردیاگیا۔پولیس نے زخمی نوجوان کی رپورٹ پر ڈمپر ڈرائیور کے خلاف حادثے کا مقدمہ درج کرلیاہے۔