Category: راولپنڈی

راولپنڈی: اڈیالہ جیل کے اطراف آج سے تاحکم ثانی نیا سیکیورٹی پلان نافذ کردیا گیا ہے-

ذرائع کے مطابق جیل کے گرد سیکیورٹی انتظامات مزید سخت کرتے ہوئے مختلف مقامات پر مزید 6 پولیس ناکے قائم کردیے گئے ہیں، پولیس ناکے دا ہگل، گیٹ ون، گیٹ فائیو، فارما سوٹیکل فیکٹری اور گورکھپور میں قائم کیے گئے ہیں،اس کے علاوہ پرائیویٹ ہاؤسنگ سوسائٹی، چکری اور ٹھلیاں میں بھی پولیس ناکے لگائے گئے ہیں۔

ذرائع کے مطابق اڈیالہ جیل کے اطراف سیکیورٹی کے لیے مجموعی طور پر 435 پولیس ملازمین تعینات کیے جائیں گے سیکیورٹی انتظامات کے لیے رائٹ مینجمنٹ، ضلعی پولیس، ایلیٹ فورس اور ڈولفن فورس کے اہلکار بھی تعینات ہوں گے،نئے سیکیورٹی پلان کے تحت داہگل سے گورکھپور تک تمام پٹرول پمپس، ہوٹل، دکانیں اور کمرے بند کروائے جائیں گے –

ذرائع کا کہنا ہے کہ جیل کے اطراف مختلف مقامات پر قائم پولیس ناکوں کے ذریعے سیکیورٹی انتظامات کو یقینی بنایا جائے گاسیکیورٹی سپرویژن کی ذمہ داری ایس پی صدر اور انچارج ڈی ایس پی صدر کے سپرد ہوگی نیا سیکیورٹی پلان آج سے تاحکم ثانی نافذ رہے گا۔

یومِ دفاع و شہدا کے موقع پر آئی ایس پی آر نے جذبۂ حب الوطنی سے سرشار ولولہ انگیز قومی نغمہ ’’منزل پاکستان‘‘ جاری کر دیا۔

آئی ایس پی آر کا نغمہ قوم کے فولادی عزم، ثابت قدمی اور قومی حوصلے کی عکاسی کرتا ہے، ترانے میں وطن کے عظیم شہداء کی لازوال قربانیوں کو خراجِ عقیدت پیش کیا گیا ہے،یومِ دفاع و شہدا کی مناسبت سے جاری آئی ایس پی آر کے نغمہ میں مسلح افواج کے عوام کے ساتھ اٹوٹ رشتے کو بھرپور سراہا گیا ہے۔

نغمہ ’’منزل پاکستان‘‘ ہر شہری کو اپنے عہد پر ڈٹ جانے اور وطن عزیز کی ترقی و استحکام کو اپنا اوّلین و حتمی نصب العین بنانے کا درس دیتا ہے،یوم دفاع و شہدا پر جاری ’’منزل پاکستان‘‘ نغمہ مادرِ وطن کے لیے بے لوث محبت، جانثاری اور جذبۂ ایثار و وفاداری کا پیغام دیتا ہے۔

جڑواں شہروں میں بارش کے نئے سلسلے کے بعد نالہ لئی میں پانی کی سطح بلند ہونا شروع ہوگئی جبکہ کٹاریاں کے مقام پر پانی کی سطح 11.5 فٹ تک پہنچنے پر پری الرٹ جاری کردیا گیا۔

انتظامیہ کے مطابق کٹاریاں کے مقام پر پانی کی سطح میں مسلسل اضافہ ہورہا ہے، جبکہ 15.7 فٹ پر باقاعدہ الرٹ جاری کیا جائے گا،دوسری جانب گوالمنڈی کے مقام پر نالہ لئی میں پانی کی سطح 3.5 فٹ ریکارڈ کی گئی جہاں پانی کی سطح میں اضافہ جاری ہے،سیدپور میں سب سے زیادہ 45 ملی میٹر بارش ریکارڈ کی گئی جبکہ اسلام آباد کے ایچ ایٹ میں 30 ملی میٹر بارش ہوئی۔

نیو کٹاریاں میں 13 اور شمس آباد میں 12 ملی میٹر بارش ریکارڈ کی گئی، جبکہ گولڑہ، پیرودھائی اور بوکرا میں 5، 5 ملی میٹر بارش ہوئی۔ کچہری اور گوالمنڈی میں بھی 4، 4 ملی میٹر بارش ریکارڈ کی گئی، بارش کا موجودہ سلسلہ صبح 5 بجے شروع ہوا اور نالہ لئی کے بیسن میں اوسطاً 16 ملی میٹر بارش ریکارڈ کی گئی، نالہ لئی میں پانی کی صورتحال کی مسلسل نگرانی کی جارہی ہے اور کٹاریاں کے مقام پر پری الرٹ بدستور برقرار ہے۔

ترکیہ کے 104ویں یومِ فتح کے موقع پر انٹر سروسز پبلک ریلیشنز (آئی ایس پی آر) نے پاکستان اور ترکیہ کے درمیان لازوال برادرانہ تعلقات کو خراجِ تحسین پیش کرتے ہوئے خصوصی نغمہ ’دو دل، ایک جان‘ جاری کردیا۔

پاک ترک دوستی کے جذبے سے سرشار اس خصوصی نغمے میں پاکستانی فنکاروں نے اردو اور ترک زبان میں اپنی آواز کا جادو جگایا ہے جبکہ نغمے کے ذریعے دونوں برادر ممالک کے درمیان تاریخی تعلقات، مشترکہ ثقافت، اقدار، بھائی چارے اور باہمی محبت کو خوبصورت انداز میں اجاگر کیا گیا ہے۔

دو دل، ایک جان‘ کی موسیقی علی مصطفیٰ نے ترتیب دی ہے جبکہ اس کی کمپوزیشن کامران اللہ خان اور سامعہ گوہر نے کی ہے، نغمے کو عثمان رئیس اور ڈاکٹر مبشرہ حفیظ نے اپنی آواز سے سجایا ہےاس منفرد نغمے کی خاص بات یہ ہے کہ اس میں اردو اور ترک زبان کا حسین امتزاج پیش کیا گیا ہے اور نغمے میں شامل تمام گائیک اور فنکار پاکستانی ہیں، فنکاروں نے اپنی آواز اور فن کے ذریعے پاکستان اور ترکیہ کے درمیان موجود گہری دوستی اور قر بت کے جذبات کو مؤثر انداز میں پیش کیا ہے۔

نغمے کی موسیقی میں پاکستان کے روایتی ساز رباب کے ساتھ ترکیہ کے معروف روایتی ساز باقلاما اور دربوکا کو بھی شامل کیا گیا ہے، جس سے دونوں ممالک کی موسیقی اور ثقافتی ورثے کا خوبصورت امتزاج سامنے آتا ہے ’دو دل، ایک جان‘ نہ صرف ایک موسیقی کا شاہکار ہے بلکہ یہ پاکستان اور ترکیہ کے درمیان قائم تاریخی اور برادرانہ تعلقات کی عکاسی بھی کرتا ہےنغمے کے ذریعے دونوں ممالک کے عوام کے درمیان محبت، بھائی چارے، مشترکہ اقدار اور ثقافتی رشتے کو اجاگر کیا گیا ہے۔

آئی ایس پی آر کی جانب سے جاری کیا گیا یہ خصوصی نغمہ ترکیہ کے یومِ فتح کے موقع پر پاک ترک دوستی کے عزم کی تجدید اور دونوں برادر ممالک کے درمیا ن دیرینہ تعلقات کو خراجِ تحسین پیش کرنے کی خوبصورت کاوش قرار دیا جا رہا ہے۔