Category: ساہیوال

ساہیوال ایڈیشنل سیشن جج عبدالغفور چوہدری نے خواجہ سراؤں کے قتل کا فیصلہ سنا دیا

تفصیلات کے مطابق گزشتہ سال دو خواجہ سراؤں کے قتل کے جرم میں گرفتار مجرم محمد زبیر اسلم کو 2 بار سزائے موت اور 20 لاکھ جرمانے کی سزا سنادی گئی.
مجرم نے 2019 میں 2 خواجہ سراؤں کو گھر میں گھس کر فائر مار کے قتل کیا تھا. قاتل زبیر نے خواجہ سراؤں کو قتل کرنے کے بعد پستول گندے نالے میں پھینک دی تھی۔ ملزم کی گرفتاری کے بعد آلہ قتل بھی برآمد کر لیا گیا ہے۔

قاتل نے پولیس کو بیان دیا تھا کہ میں نے آئے دن کی لڑائی کی وجہ سے مسکان کو قتل کیا۔
قاتل نے اپنے بارے میں پولیس کو بتایا کہ اس کا نام زبیر ہے اور وہ رحیم یار خان کی ایک فیکٹری میں الیکٹریشن کا کام کرتا ہے جبکہ ساہیوال کا رہائشی ہے۔
دونوں مقتول خواجہ سراؤں سلمان عرف مسکان ،اشفاق عرف نادیہ کے قتل کا مقدمہ تھانہ ہڑپہ میں درج تھا

ساہیوال۔۔طوائفوں اور جسم فروش عورتوں کے ذریعے شہریوں کو مقدمات میں پھنسا کر لوٹنے والا گروہ سرگرم.
شہریوں کو اپنے حسن کے چنگل میں پھنسا کر بدکاری کروانے کے بعد کمال ہوشیاری سے تھانوں میں مقدمات درج کروائے جاتے ہیں
دام فریب میں پھنس جانے والے شہریوں سے مقدمہ سے دستبرداری کے لیے لاکھوں روپے وصول کیے جانے لگے
زنا بالجبر کے متعدد مقدمات کی ایک ہی مدعیہ سامنے آنے پر پولیس بھی حیران و پریشان
تفصیلات کے مطابق ساہیوال میں نوسرباز جسم فروش عورتوں کا گروہ سرگرم ہوچکا ہے،گروہ کی جسم فروش خواتین پہلے شہریوں کو بہلا پھسلا کر ناجائز تعلقات پر مجبور کرتی ہیں،شہری جب ان کے چنگل میں پھنس جاتے ہیں تو ان کے خلاف تھانوں میں زنا بالجبر کا مقدمہ درج کرنے کی درخواست دائر کردی جاتی ہے،مقدمہ درج نہ ہونے پر عدالتوں سے بذریعہ رٹ حکمنامہ حاصل کرکے پولیس کو اندراج مقدمہ پر مجبور کیا جاتا ہے،بعد ازاں مبینہ ملزمان سے بھاری رقم وصول کرکے مقدمہ سے دستبرداری اختیار کرلی جاتی ہے یہ انکشاف اس وقت ہوا جب زرینہ نامی خاتون کی جانب سے ساہیوال کے مختلف تھانوں میں الگ الگ اوقات اور دنوں میں متعدد افراد کے خلاف زنا بالجبر کے مقدمات دائر کرنے کی درخواستیں دی گئیں
ان تمام درخواستوں میں مدعیہ کی جانب سے مختلف افراد پر زنا بالجبر کے الزامات لگائے گئے ہیں،غور طلب بات یہ ہے کہ تمام درخواستوں میں ملتا جلتا مؤقف اپنایا گیا ہے،
حال ہی میں جب ساہیوال کے تھانہ غلہ منڈی میں مذکورہ عورت نے مختلف لوگوں کے خلاف زنا بالجبر کا مقدمہ دائر کرنے کے لیے درخواست دی گئی تو پولیس نے معاملہ مشکوک جان کر تحقیقات شروع کیں لیکن مدعیہ مذکورہ بذریعہ کورٹ آرڈر مقدمہ درج کروانے میں کامیابی کے بعد پولیس پر دباؤ ڈالنے لگی کہ مقدمہ میں نامزد مبینہ ملزمان کو فوری گرفتار کیا جائے،معاملے کی مزید تحقیقات کرنے پر یہ بات سامنے آئی کہ مذکورہ عورت باقاعدہ پیشہ ور ہے اور لوگوں کو مقدمات میں پھنسا کر بعد میں بھاری رقم لیکر صلح نامہ کرنا اس عورت کا پیشہ ہے،پہلے بھی یہ عورت اس قسم کے مقدمات 313/19 تھانہ سٹی چیچہ وطنی،
235/19 تھانہ صدر چیچہ وطنی کے زریعے ملزمان سے صلح کے بہانے لاکھوں روپے بٹور چکی ہے اور یہ اس کا باقاعدہ پیشہ ہے،اب بھی مذکورہ عورت حال ہی میں بذریعہ کورٹ آرڈر غلہ منڈی میں درج شدہ مقدمے 848/20 کے ملزمان سے پیسے ہتھیانے کی خاطر اپنے سرپرستوں کے ذریعے پولیس پر دباؤ ڈال رہی ہے
واضح رہے کہ اس سے پہلے بھی اسی قسم کے مقدمات مختلف عورتوں کی جانب سے متعدد تھانوں میں درج کروا کر ملزمان سے پیسوں کے عوض صلح نامہ کرنے کے کئی واقعات سامنے آچکے ہیں،یہاں یہ پہلو بھی قابل ذکر ہے کہ اگر پولیس کو اس قسم کے مقدمات کی تفتیش میں مسلسل الجھا کر رکھا جاتا رہا تو پولیس پیشہ وارانہ امور سر انجام دینے سے قاصر اور مسلسل دباؤ میں رہے گی،
قانون نافذ کرنے والے اداروں کو اس قسم کے عناصر کی بیخ کنی کرنے کے لیے فوری اقدامات کرنے ہوں گے

ساہیوال سیاسی رہنما نوید اسلم کا پوسٹ آفس میں سینئر لیڈی پوسٹ ماسٹر کے ساتھ معاملہ پر ڈی پی او ساہیوال کا نوٹس
تفصیلات کے مطابق ڈسٹرکٹ پولیس آفیسر ساہیوال امیر تیمور خان نے واقعہ کے نوٹس میں آتے ہی بمطابق قانون کاروائی کا حکم دے دیا۔ اس موقع پر ڈی پی او ساہیوال اور پولیس ترجمان کا کہنا تھا کہ ایس ایچ او سٹی ساہیوال سب انسپکٹر عرفان رسول نے وقوعہ کا مقدمہ درج کر کے ملزم کو گرفتار کر لیا۔ ملزم جتنا بھی بااثر ہو قانون سب کے لیے برابر ہے ۔

وزیراعلیٰ نے دورہ ساہیوال میں کیا بڑے منصوبوں کا اعلان، وکلاء،صحافیوں کو سنائی خوشخبری

باغی ٹی وی کی رپورٹ کے مطابق وزیراعلیٰ پنجاب سردار عثمان بزدار سے ساہیوال میں وکلاء، تاجروں، صنعتکاروں اور پارٹی عہدیداروں کی ملاقات ہوئی ہے

وزیراعلیٰ پنجاب عثمان بزدار کا کہنا تھا کہ پنجاب کے ہر شہر کا دورہ کرکے ترقیاتی منصوبوں پر پیش رفت کا جائزہ لے رہا ہوں،فلاح عامہ کے منصوبوں کو مقررہ مدت کے اندر مکمل کیا جائے گا۔ منصوبوں کے تعمیراتی کاموں میں اعلیٰ معیار پر کوئی سمجھوتہ نہیں ہوگا۔ساہیوال کو موٹروے سے لنک کریں گے۔ سمندری انٹرچینج سے ساہیوال تک رابطہ سڑک تعمیر کی جائے گی۔ اس منصوبے پر عملدرآمد کیلئے متعلقہ اداروں سے فوری رابطہ کریں گے۔

وزیراعلیٰ پنجاب عثمان بزدار کا کہنا تھا کہ وکلاء اور صحافیوں کیلئے ہر ڈویژن میں کالونی بنائیں گے۔ وزیراعلیٰ عثمان بزدار نے ساہیوال رنگ روڈ کی جلد تکمیل کا اعلان کرتے ہوئے کہا کہ اس ضمن میں ترجیحی بنیادوں پر فنڈز دیئے جائیں گے۔ ڈسٹرکٹ ہیڈکوارٹر ہسپتال ساہیوال کی اپ گریڈیشن کا اعلان کرتے ہوئے وزیراعلیٰ نے کہا کہ ہسپتال میں علاج معالجے کی سہولتوں کو بہتر بنانے کیلئے ہرممکن اقدام اٹھائیں گے۔ ساہیوال کے ہسپتال اور میڈیکل کالج کو اضافی فنڈز دیئے جائیں گے۔

وزیراعلیٰ پنجاب عثمان بزدار کا مزید کہنا تھا کہ ساہیوال شہر کی سڑکوں کی تعمیر و مرمت کا کام جلد مکمل کرنے کیلئے ہدایات جاری کر دی ہیں۔ساہیوال میں غیر ملکی تعاون سے شہری سہولتوں کی بہتری کے منصوبے مکمل کئے جائیں گے۔اشیائے ضروریہ کی قیمتوں میں استحکام کیلئے پرائس کنٹرول اتھارٹی قائم کی جائے گی۔ وکلاء میرے بھائی ہیں، ان کے جائز مسائل حل کریں گے۔ تاجر برادری اور صنعتکاروں کی سہولت کیلئے ہرممکن اقدام کریں گے۔ کسووال میں گرلز ڈگری کالج بنائیں گے۔ ساہیوال کے شہریوں کو ان کا حق دے رہے ہیں۔وزیراعلیٰ عثمان بزدار نے ڈپٹی کمشنر آفس کے کمیٹی روم کا افتتاح بھی کیا