عارف والا ۔میں بھی طوفانی آندھی اور گرج چمک کے ساتھ بارش شروع بجلی غائب . عوام نماز عشاء گھر میں ادا کرنے پر مجبور.
Category: ساہیوال
کرونا کی مشتبہ مریض کی ہسپتال میں موت، طبی عملے کی سنگین غفلت، کرونا کے پھیلنے کا خطرہ بڑھ گیا
کرونا کی مشتبہ مریض کی ہسپتال میں موت، طبی عملے کی سنگین غفلت، کرونا کے پھیلنے کا خطرہ بڑھ گیا
باغی ٹی وی کی رپورٹ کے مطابق پنجاب کے ضلع ساہیوال میں طبی عملے کی شدید غفلت سامنے آئی ہے، کرونا کی مشبتہ مریضہ کی ہسپتال میں وفات ہوئی، مریضہ کو عام مریضوں کے ساتھ رکھا گیا تھا
گزشتہ روز میڈیکل سپرنٹنڈنٹ ڈی ایچ کیو ٹیچنگ ہسپتال ساہیوال نے کہا تھا کہ ڈی ایچ کیو ٹیچنگ ہسپتال ساہیوال میں آ ج صبح 10:00 بجے تقریباً مریضہ سیدہ فوزیہ علمدار جو کہ عارضہ قلب، شوگر و عرصہ دراز سے دمہ (سانس کی بیماری) میں مبتلا تھیں. جنہیں سانس کی خرابی کی وجہ سے ہسپتال میں 02.04.2020 کو داخل کروایا گیا . جن کو طبیعت بگڈنے پر ICU میں شفٹ کیا گیا جہاں وہ خالق حقیقی سے جا ملیں. إنا اللہ و انا الیہ راجعون، انہوں نے یہ بھی کہا تھا کہ مریض بارے افواہوں پر یقین نا کیا جائے.
تا ہم آج ساہیوال میں کرونا وائرس کے مشتبہ مریض کی ہلاکت پر عوام میں خوف و ہراس پایا جا رہا ہے، اگرچہ ہسپتال انتظامیہ نے کہہ دیا کہ مریضہ دل، شوگر کی مریض تھیں لیکن ابھی جو صورتحال سامنے آئی ہے وہ کافی تشویشناک ہے. مریضہ کو جب ہسپتال لایا گیا تھا تو اس میں کرونا وائرس کی علامات تھیں
ہسپتال کی ایمر جنسی والوں نے انہیں قیوم ہسپتال میں جانے کا کہا تو ایم ایس کو کسی کا فون آیا اس نے آئی سی والوں کو کہا کہ میری بہن ہے اسے داخل کریں اور مریضہ کو ہسپتال میں داخل کر لیا گیا،مریضہ کی ٹریول ہسٹری بھی تھی وہ امریکہ سے ایران اور ایران میں رک کر پاکستان آئیں تھیں لیکن کسی نے احتیاط نہیں کی، مریضہ کی وفات کے بعد علاقے میں کھلبلی مچ گئی
سب سے پہلے ہسپتال انتظامیہ نے آئی سی یو کو سیل کرنے کا پروگرام بنایا اور وہاں موجود مریضوںکو وارڈ میں شفٹ کرنے کی کوشش کی ،ڈاکٹرز نے ان مریضوں کو لینے سے انکار کیا تو اس کے بعد آئی سی یو کو خوب دھلوایا گیا اور اپنی طرف سے تمام فرض ادا کر دیئے گئے.
کرونا وائرس کی مشتبہ مریض کی بغیر ٹیسٹ کروائے اور بلڈ سیمپل لئے ڈیڈ باڈی لواحقین کے حوالے کردی گئی اور تدفین بھی کر دی گئی .
ہسپتال میں کام کرنے والے ڈاکٹرز کا کہنا ہے دل کی بیماری یا شوگر کی بیماری میں بخار یا نزلہ یا دوسری کرونا کی علامات نہیں ہوتیں لیکن تعلقات کی بنا پر سب کچھ چھپا لیا گیا جبکہ متوفیہ کے بچے ہسپتال میں اس کے بارے میں بھی ڈاکٹرز اور ہسپتال سٹاف کو تفصیلات دیتے رہیے اور اس کی ٹریول ہسٹری بتاتے رہے
اسوقت ساہیوال کے ہسپتال میں عجیب سی خوف کی فضاء ہے ہر کوئی بات کرنا بھی چاہتا ہے اور پھر بات نہیں بھی کرتا. ہونا تو چاہئے تھا کہ ان کی ساری فیملی کے کرونا کے ٹیسٹ ہوتے ابھی تک وہ بھی نہیں کروائے گئے، شہریوںکا مطالبہ ہے کہ ہلاک ہونے والی مریضہ کے خاندان کے ٹیسٹ کروائے جائیں.
جعلی مکھن تیار کرنے والی فیکٹری پکڑی گئی ….
اوکاڑہ(اے پی پی)سپیشل برانچ کی نشاندہی پر فوڈاتھارٹی کی کاروائی جعلی مکھن تیار کرنے والی فیکٹری سے کیمیکل سے تیار شدہ مکھن کیمیکل اوردیگر سامان آلات مکھن کشید سمیت قبضے میں لے لئے گئے۔ واقعات کے مطابق فوڈاتھارٹی اوکاڑہ کے عملے نے سپیشل برانچ کی نشاندہی پر تھانہ بی ڈویڑن کی حدودگارڈن ٹاون میں ایک منی فیکٹر ی پر چھاپہ مارتے ہوئے کیمیکل سے جعلی اورمضر صحت تیارشدہ مکھن سامان اور آلات کشید سمیت قبضے میں لے لیا ہے پولیس نے فوڈ اتھارٹی کی رپورٹ پر کاروائی شروع کردی ہے۔
پولیس کاسرچ اپریشن، پانچ اہم ملزمان گرفتار
اوکاڑہ(اے پی پی)پولیس کاسرچ اپریشن پانچ ملزمان گرفتار اسلحہ اور منشیات برآمد مقدمات درج کرلیے گیے ہیں واقعات کے مطابق منڈی احمد آباد پولیس نے مختلف مقامات پر اپریشن کرتے ھوئے پانچ ملزمان محمدافسر-علی عمران-محمدآصف-محمد عاشق-اوراکرام کو گرفتار کرکے انکے قبضے سے منشیات اوراسلحہ برآمد کرکے مقدمات درج کرلیے ہیں۔
سیکرٹری ریجنل ٹرانسپورٹ اتھارٹی نے متعددگاڑیاں تھانے میں بند کرادیں وجہ کیا بنی
چیچہ وطنی۔ (اے پی پی)کمشنر ساہیوال ڈویژن ساہیوال ندیم الرحمن کی خصوصی ہدایات پر سیکرٹری ریجنل ٹرانسپورٹ اتھارٹی واصف یاسین کا شہر بھر میں غیر قانونی بس اسٹینڈز اور ویگن اڈوں کے خلاف کریک ڈاؤن جاری۔ بیسیوں گاڑیاں تھانے میں بند، متعدد کو بھاری جرمانے۔تفصیلات کے مطابق شہر میں غیرقانونی بس اڈوں اور ویگن اسٹینڈز کی بدولت ٹریفک کی صورتحال اکثر دگرگوں ہو جاتی تھی اور آنے جانے والوں کو شدید پریشانی کا سامنا کرنا پڑتا تھا۔ عوامی شکایات پر کمشنر ساہیوال ڈویژن ندیم الرحمن نے نوٹس لیتے ہوئے سیکرٹری ڈی آر ٹی اے واصف یسین کو ہدایت کیں جن کی روشنی میں سیکرٹری ڈی آر ٹی اے نے فیلڈ سٹاف کے ہمراہ مختلف جگہوں پر چھاپے مارے اور عارفوالا پل پر ایک خصوصی آپریشن میں بیسیوں ویگنوں کو پولیس اسٹیشن میں بند کروایا جبکہ متعدد ڈرائیورز کو بھاری جرمانے بھی کیے۔شہر کے سماجی و عوامی حلقوں نے کارروائی کو سراہتے ہوئے اس امید کا اظہار کیا ہے کہ مستقبل میں بھی ایسی کارروائیاں جاری رہیں گی اور ایسے عناصر کا قلع قمع کیا جاتا رہے گا جن کی وجہ سے شہریوں کو مسائل کا سامنا کرنا پڑتا ہے۔
تیزرفتار موٹرسائیکل اور ریڑھی میں ٹکر،22 سالہ نوجوان جاں بحق
عارف والا۔ (اے پی پی) تیزرفتار موٹرسائیکل اور ریڑھی میں ٹکر22 سالہ نوجوان جاں بحق۔ تفصیلات کے مطابق اڈا فرید کوٹ کے نزدیک تیزرفتار موٹرسائیکل سوار امجد سٹرک کنارے ریڑھی سے ٹکر اگیا جس کے نتیجہ میں وہ زخموں کی تاب نہ لاتے ہوئے موقع پر زندگی کی بازی ہارگیا۔ریسکیواہلکاروں نے جاں بحق نوجوان کو ہسپتال پہنچادیا پولیس مصروف تفتیش ہے۔
کرنٹ لگنے سے 38سالہ ڈرائیور جاں بحق
عارف والا۔ (اے پی پی) کرنٹ لگنے سے 38سالہ ڈرائیور جاں بحق ہوگیا۔ تفصیلات کے مطابق نواحی گاؤں باہمنی کے نزدیک بھٹہ خشت پر ساتھی ہیلپرڈمپرکا جیک اوپر کرتے گیارہ ہزار کے وی کی تار سے چھوجانے پر ڈمپر کے ساتھ کھڑا ڈرائیور نوید علی کرنٹ لگنے سے موقعہ پر جاں بحق ہوگیا پولیس مصروف تفتیش ہے۔
دن دہاڑے ڈاکوؤں نے کی گن پوائنٹ پر ڈکیتی
عارف والا۔(اے پی پی) دن دہاڑے ڈاکوؤں نے گن پوائنٹ پر غلہ منڈی کے ملازم سے موٹرسائیکل اور موبائل فون چھین لیا۔تفصیلات کے مطابق غلہ منڈی میں الوہاب ٹریڈرز کا ملازم حسنین سکنہ محلہ اقبالنگر موٹرسائیکل پر سوار گلشن اقبال کالونی گیا کہ تین نامعلوم ڈاکوؤں نے اسلحہ کی نوک پر زبردستی روک لیا موٹرسائیکل اور موبائل فون کل مالیت تقریباََ130000روپے چھین کرفرار ہوگئے تھانہ سٹی پولیس مصروف تفتیش ہے۔
ریٹ لسٹ آویزاں نہ کرنے اور من مانی قیمت لگانے والے دکانداروں کے خلاف ہوا بڑا اقدام
چیچہ وطنی۔ (اے پی پی) پنجاب حکومت کا شہریوں کیلئے بڑا ریلیف،ریٹ لسٹ آویزاں نہ کرنے اور من مانی کرنے والے دکانداروں کے خلاف حکومت کا احسن اقدام۔پنجاب حکومت کی طرف سے صوبہ بھر میں پرائس کنٹرول کے لئے اشیائے خوردونوش کی لسٹ ہر دوکان اور ہر ٹھیلے پر آویزاں کی جاتی ہیں لیکن کچھ دکاندار اس پر عمل کرنے سے گریزاں ہیں جس کی وجہ سے عوام کو شدید مشکلات کا سامنا ہے۔ حکومت پنجاب نے من مانی کرتے دکانداروں اور ناجائز منافع خوری کرتے عناصر کے خلاف ایکشن لیتے ہوئے ایک ٹول فری نمبر متعارف کروایا ہے، جس کے تحت ایسے دکانداروں کے خلاف عوام اپنی شکایات درج کروا سکتے ہیں۔ شکایت درج کروانے کے دو گھنٹے کے اندر اس دوکاندار کے خلاف سخت ایکشن لیا جائے گا۔شہری شکایات کیلئے اس ٹول فری نمبر 0800-02345 پر رابطہ کریں۔
خاتون کے ہاں بیک وقت چار بچوں کی پیدائش پر والد نے کیا اپیل کر دی؟ جانیے تفصیل میں
ساہیوال کے نواحی گاؤں میں ایک محنت کش کے ہاں بیک وقت چار بچوں کی پیدائش ہوئی ہے،
وزیراعظم کے دورہ ایران کا اعلامیہ جاری، فریقین کا مصالحتی عمل جاری رکھنے پر اتفاق
باغی ٹی وی کی رپورٹ کے مطابق ساہیوال کے رہائشی محمد جاوید جس کے ہاں چار بچے پیدا ہوئے ہیں وہ غریب گھرانے سے تعلق رکھتے ہیں، نومولود بچوں میں سے تین بیٹے اور ایک بیٹی ہے، رہائشی محمد جاوید نواحی گاؤں 6 /91 آر کا رہائشی ہے، مذکورہ شخص کے ہاں چار بچوں کی پیدائش کے بعد زچہ بچہ خیریت سے بتائے جاتے ہیں، محمد جاوید کا کہنا ہے کہ وہ اللہ رب العزت کی طرف سے دی گئی اس نعمت پر بہت خوش ہیں اور یہ ان کیلئے پورے خاندان کیلئے مسرت کا باعث ہے تاہم ان کا کہنا تھا کہ چونکہ وہ ایک غریب گھرانے سے تعلق رکھتے ہیں اس لئے ایک ساتھ 4 بچوں کی پرورش اس کے لیے بہت مشکل ہے،
وزیراعظم عمران خان کی آیت اللہ خامنہ ای سےاہم ترین ملاقات،
ساہیوال کے رہائشی محمد جاوید نے حکومت پاکستان سے اپیل ہے کہ اس کی مالی مدد کی جائے تاکہ وہ اپنے بچوں کی بہتر پرورش کرسکے، واضح رہے کہ کچھ عرصہ قبل سیالکوٹ اور لاہور میں بھی دو خاندانوں کو اللہ نے بیک وقت چار، چار بچوں سے نوازا تھا جس پر دونوں خاندانوں نے زبردست خوشی کا اظہا ر کیا تھا،
قادری اور وزیراعظم پھر اکھٹے ہوگئے اہم ذمہ داری سونپ دی گئی
مشہورزمانہ دواسازکمپنی جانسن اینڈ جانسن پر13 کھرب روپے کا جرمانہ
