بالی وڈ اداکار سوشانت سنگھ راجپوت کی خودکشی کے بعد سے بالی وڈ انڈسٹری میں اقربا پروری کے حوالے سےبحث جاری ہے۔ اس حوالے سے گلوکار سونو نگم نے ایک وی لاگ شئیر کیا ہے۔

باغی ٹی وی : سونو نگم نے یو ٹیوب پر اپنا ایک03 منٹ اور 53 سیکنڈ پر مشتمل وی لاگ لاتوں کے مافیا باتوں سے نہیں مانتے کے عنوان سے شئیر کیا جس میں انہوں نے کہا کہ لاتوں کے بھوت باتوں سے نہیں مانتے اور شرافت کی زبان سب کو سمجھ نہیں آتی۔

سونو نگم نے اپنے وی لاگ کے آغاز میں بھارتی میڈیا چینل ٹائمز آف انڈیا کو بھی آڑے ہاتھوں لیتے ہوئے کہا کہ آپ بھارت کا ایک جانا مانا میڈیا کا نام ہیں انہوں نے کہا کہ سوشانت والا کیس اسمیں کسی کی پبلسٹی نہیں ہو رہی یہ صحیح غلط کی بات ہو رہی ہے کسی کے مستقبل کی بات ہو رہی ہے اس میں اپ پورا کا پورا ویسا آرٹیکل ڈال دیں گے جو ان کی پریس ریلیز ہے کچھ تو تبدیل کریں آپ ان کا نقطہ نظر لکھ رہے ہیں ان کی ورڈنگ کو پریس ریلیز کو تنقید کا نشانہ بنایا کہا پریس ریلیز ہم بھی جانتے ہیں بہت پہلے سے انڈسٹری میں ہیں سب جانتے ہیں پریس ریلیز کیا ہوتی ہے کیسے لکھی جاتی ہے کیا زبان استعمال کی جاتی ہے-

اپنے وی لاگ میں سونونگم نے معروف میوزک کمپنی ٹی- سیریز کے مالک بھوشن کمار کا نام لے کر ان کو کہا کہ انہوں نے غلط آدمی سے ’پنگا‘ لے لیا ہے اور اب ان کا نام سب کے سامنے لینا ہی پڑے گا۔

واضح رہے کہ بالی ووڈ میں اقراباپروری کے حوالے سے معروف بھارتی ٹی وی چینل پر مباحثے میں میوزک انڈسٹری کے چھ گلوکاروں اور موسیقاروں کو دو دن پہلے مدعو کیا گیا اور ان سے سونو نگم کے خیالات کہ بھارتی میوزک انڈسٹری میں اقربا پروری موجود ہے کے بارے میں پوچھا گیا تو پینل میں موجود تمام افراد نے اس تاثر کو زائل کیا کہ میوزک انڈسٹری میں اقربا پروری ہوتی ہے۔

اس پروگرام کے جواب میں سونو نگم نے اپنے وی لاگ میں پروگرام کے شرکا پر تنقید کرتے ہوئے کہا کہ انہوں نے کسی کا نام نہیں لیا تھا اور ’لاتوں کے بھوت باتوں سے نہیں مانتے اور ’شرافت کی زبان سب کو سمجھ نہیں آتی۔

انہوں نے کہا کہ بھوشن کمار کے ساتھ ماضی کے مبینہ قصوں کا ذکر کرتے ہوئے کہا کہ بھوشن کمار ان کے پاس البم کرنے کے لیے فریاد لے کر آیا کرتے تھے۔

سونو نگم نے بھوشن کمار کو مخاطب کرتے ہوئے کہا کہ شاید تم وہ وقت بھول گئے ہو جب میرے پاس آیا کرتے تھے اور کہتے تھے کہ بھائی میرا البم کر دیں بھائی مجھے سمتا ٹھاکرے، بال ٹھاکرے سے ملوا دو، مجھے ابو سلیم سے بچا لو، وہ مجھے فون پر گالیاں دے رہا ہے۔

انہوں نے بھوشن کمار کو دھمکی دیتے ہوئے کہا کہاب تم میرے منہ مت لگنا۔ مرینہ کوار یاد ہے نا؟ وہ کیوں بولی کیوں پیچھے ہٹی یہ سب میڈیا کو پتا ہے اور اس کی ویڈیو میرے پاس پڑی ہے اب اگر تو نے مجھ سے پنگا لیا تو وہ ویڈیو میں اپنے یوٹیوب چینل پر ڈال دوں گااور بہت دھوم دھام سے ڈالوں گا-

واضح رہے کہ بال ٹھاکرے شیو سینا کے سابق سربراہ ہیں جبکہ سمتا ٹھاکرے ان کی بہو اور فلم پروڈیوسر بھی ہیں۔ شیو سینا دائیں بازو کی ہندو جماعت ہے جو کہ ہندوتوا میں یقین رکھتی ہے اور ماضی میں مسلمانوں اور پاکستان کے خلاف مظاہروں میں شامل رہی ہے جبکہ ابو سلیم بھارت کا مشہور ڈان ہے جس پر 1993 کے ممبئی حملوں کا بھی الزام تھا۔

یاد رہے کہ اس سے قبل سوشانت کی خودکشی کے بعد سونو نگم نے اپنا ایک وی لاگ شئیر کیا تھا جس میں گلوکار نے کسی کا نام لیے بغیر دو میوزک کمپنیوں کے مالکان کو ’مافیا‘ سے تشبیہ دیتے ہوئے کہا تھا کہ آج سوشانت سنگھ مرا ہے مگر کل کو آپ کسی گلوکار کے بارے میں یا کمپوزر یا گیت نگار کے بارے میں سن سکتے ہیں کیونکہ فلموں سے بڑا مافیا میوزک انڈسٹری میں موجود ہے اور وہ ہی طے کرتے ہیں کہ کون گانا گائےگا اور کس سے نہیں-

سونو نگم نے کہا تھا کہ پورابھارت کئی طرح کے دباؤ سے گزر رہا ہے۔ ایک تو ذہنی اور جذباتی دباؤ، سوشانت سنگھ راجپوت کے جانے کے بعد دکھ ہونا لازمی بھی ہے، کیونکہ اپنے سامنے ایک جوان زندگی کو جاتے ہوئے دیکھنا آسان نہیں ہے۔ کوئی بہت سخت ہی ہو گا جسے اس بات سے کوئی فرق نہیں پڑتا ہو۔

گلوکار نے کہا تھا کہ اس کے علاوہ بھارت اور چین کے مابین جو چل رہا ہے جس میں بھارت کے بیس جوان جوتڑپ تڑپ کر مرے ہیں۔ میں ایک بھارتی ہوں لیکن اس سے بھی زیادہ ایک انسان ہوں آپ کی طرح۔

انہوں نے کہا کہ میں اس وی لاگ سے ایک درخواست کرنا چاہتا ہوں خاص کر میوزک انڈسٹری سے۔ کیونکہ آج سوشانت سنگھ راجپوت مرا ہے ایک اداکار مرا ہے کل کو آپ کسی گلوکار کے بارے میں بھی ایسا سن سکتے ہیں یا پھر کسی میوزک کمپوزر کے بارے میں بھی یا کسی گیت کار کے بارے میں سن سکتے ہیں۔ کیونکہ میوزک انڈسٹری کا جو ماحول ہے ہمارے ملک میں فلموں سے بڑا مافیا میوزک انڈسٹری میں ہے بدقسمتی سےیہاں جو نئے بچے آئے ہیں ان کے لئے بہت مشکل ہے۔

کیا سوشانت سنگھ سچا پیار نہ مل پانے کی وجہ سے شدید ذہنی تناؤ کا شکار تھے؟

سلمان خان کا سوشل میڈیا پر سوشانت سنگھ کے لئے خصوصی پیغام جاری

خود کُشی یا قتل؟ بھارتی فلمسازوں کا سوشانت سنگھ راجپوت کی زندگی پر فلم بنانے کا اعلان

بھارتی اداکار ابھے دیول نے بھی بالی وڈ میں اقربا پروری کے خلاف آواز بلند کر دی

گزشتہ ہفتے 14 جون اتوار کو ممبئی کے علاقہ باندرا میں اپنی ہی رہائش گاہ پر ملازموں کی موجودگی میں بالی وڈ اداکار سوشانت سنگھ راجپوت نے خودکشی کرنے لی تھی –

باغی ٹی وی : اداکار سوشانت سنگھ کی خودکشی کے حوالے سے ہر روز نئی خبریں سامنے آ رہی ہیں ممبئی پولیس سوشانت سنگھ راجپوت کی خودکشی کے بعد اس واقعے کی تفتیش یہ جاننے کے لئے کر رہی کہ آخر کن وجوہات کی وجہ سے وہ ڈپریشن کا شکار ہوئے؟

اب تک کی اطلاعات، رپورٹس اور پولیس تفتیش سے کوئی بات واضح نہیں ہوسکی ہے تاہم خبریں گردش میں ہیں کہ جہاں وہ مالی مشکلات کا شکار تھے وہیں انہیں فلموں میں کام ملنا بھی کم ہوگیا تھا اور ساتھ ہی ان کے ساتھ فلم سازوں اور پروڈکشن ہاؤسز کا رویہ بھی درست نہیں تھا۔

ذرائع کے مطابق انہیں ڈر تھا کہ اب وہ اقربا پروری کی شکار فلم انڈسٹری میں اکیلے پڑتے جائیں گے اور ساتھ ہی انہیں سچی محبت نہ مل پانے کا افسوس اور پچھتاوا بھی تھا۔

تاحال ان سب باتوں کی تصدیق نہیں کی جاسکی ہے اور پولیس نے بھی اب تک ڈیڑھ درجن کے قریب شخصیات سے پوچھ گچھ کرنے کے باوجود کوئی واضح بیان نہیں دیا ہے۔

لیکن اب سوشانت سنگھ راجپوت کا ذہنی علاج کرنے والے نفسیاتی ماہر کا بیان سامنے آیا ہے، جنہوں نے انکشاف کیا کہ اداکار ایک سال سے ڈپریشن کا شکار تھے اور گزشتہ 6 ماہ سے ان سے علاج کروا رہے تھے۔

[wp-embedder-pack width=”100%” height=”400px” download=”all” download-text=”india tv” url=”https://www.india.com/entertainment/bollywood-news-sushant-singh-rajputs-psychiatrist-reveals-he-regretted-breaking-up-with-ankita-lokhande-4063027/” /]نے اپنی رپورٹ میں ذرائع کے حوالے سے بتایا کہ ممبئی کے ہندوجا ہسپتال کے نفسیاتی ماہر ڈاکٹر کیسری چاوڑا نے ممبئی پولیس کو اداکار کی ذہنی صحت کے حوالے سے اہم باتیں بتائیں۔

رپورٹ میں دوسرے نشریاتی ادارے کی رپورٹ کا حوالہ دیتے ہوئے بتایا گیا کہ اداکار کے ڈاکٹر نے پولیس کو بتایا کہ سوشانت سنگھ سچا پیار نہ مل پانے کی وجہ سے شدید ذہنی تناؤ کا شکار تھے اور وہ ہروقت اپنی پہلی گرل فرینڈ اداکار انکتا لوکھنڈے کو یاد کرتے رہتے تھے۔

رپورٹ میں پولیس ذرائع کے حوالے سے بتایا گیا کہ ڈاکٹر کا کہنا تھا کہ سوشانت سنگھ راجپوت کو اداکارہ انکتا لوکھنڈے سے تعلقات ختم ہونے کا صدمہ تھا اور وہ اس بات کا اعتراف بھی کرتے تھے کہ انہیں ان کے بعد سچی محبت نہیں ملی۔

ڈاکٹر کے مطابق انکتا لوکھنڈے سے تعلقات ختم ہونے کے بعد سوشانت سنگھ راجپوت نے عارضی طور پر اداکارہ کریتی سینن سے بھی تعلقات استوار کیے تاہم انہیں نئے تعلقات میں سکون نہیں ملا۔

نفسیاتی ماہر کا کہنا تھا کہ سوشانت سنگھ راجپوت نے کرٹی سینن سے بھی جلد ہی تعلقات ختم کرلئے اور ایک فلم ڈائریکٹر کی بیٹی سے بھی عارضی طور پر تعلقات قائم کئے مگر بعد میں انہوں نے وہ تعلقات بھی ختم کرلیے۔

ڈاکٹر کیسری چاوڑا نے بتایا کہ 2017 کے بعد سوشانت سنگھ راجپوت کے تعلقات اداکارہ ریا چکربورتی سے استوار ہوئےڈاکٹر کے مطابق سوشانت سنگھ راجپوت نے انہیں بتایا تھا کہ ریا چکربورتی اپنی خاتون دوست کے ساتھ رہتی تھیں مگر وہ انہیں اپنے گھر لیے آئے تھے لیکن جلد ہی ان میں اختلاف ہونا شروع ہوگئے

جبکہ دوسری جانب[wp-embedder-pack width=”100%” height=”400px” download=”all” download-text=”film fair” url=”https://www.filmfare.com/news/bollywood/sushant-singh-rajputs-psychiatrist-clears-the-air-around-breaching-the-confidentiality-clause-41682-1.html” /]نے اپنی رپورٹ میں اسی حوالے سے بتایا کہ ڈاکٹر کیسری چاوڑا نے اپنے حوالے سے شائع ہونے والی خبروں کو جھوٹا قرار دیتے ہوئے کہا کہ وہ کیسے ایک ڈاکٹر اور مریض کے درمیان رازداری کے معاہدے کو توڑ کر مریض کی ذاتی باتیں دوسروں کو بتا سکتے ہیں؟

رپورٹ میں بتایا گیا کہ سوشانت سنگھ راجپوت کے ڈاکٹر نے کہا کہ ان کا حوالہ دے کرجھوٹی خبریں چلائی گئیں جب کہ پولیس بھی یہ واضح کر چکی ہے کہ انہوں نے تاحال اداکار کے ڈاکٹر سے رجوع نہیں کیا۔

خیال رہے کہ دو روز قبل ہی سوشانت سنگھ راجپوت کی سابق گرل فرینڈ اداکار ریا چکربورتی نے بھی ممبئی پولیس میں اپنا بیان ریکارڈ کروایا تھا۔

ریا چکربورتی نے تقریبا 9 گھنٹے تک پولیس کو بیان ریکارڈ کرواتے ہوئے اعتراف کیا تھا کہ ان کے اور سوشانت سنگھ راجپوت کے تعلقات جلد ہی ان دونوں کے کام اور مصروفیت کی وجہ سے خراب ہونے لگے تھے وہ دونوں شادی بھی کرنا چاہتے تھے اور ابتدائی طور پر سوشانت سنگھ کے والدین راضی نہیں تھے مگر بعد ازاں وہ راضی ہوگئے۔

اداکارہ نے بتایا تھا کہ خودکشی سے ایک دن قبل بھی وہ اداکار سے ملی تھیں اور سوشانت نے انہیں چلے جانے کو کہا تھا اور بتایا تھا کہ وہ اکیلے رہنا چاہتے تھے اور انہوں نے ان کی ڈپریشن کی وجہ سے انہیں اکیلا چھوڑا اور اداکار کے فلیٹ سے چلی گئیں۔

ریا نے بتایا کہ سوشانت سنگھ راجپوت کام نہ ملنے اور پروڈکشن ہاؤسز کے روئیے کی وجہ سے پریشان تھے اور وہ چند ماہ سے ڈپریشن کا شکار تھے۔

سلمان خان کا سوشل میڈیا پر سوشانت سنگھ کے لئے خصوصی پیغام جاری
خود کُشی یا قتل؟ بھارتی فلمسازوں کا سوشانت سنگھ راجپوت کی زندگی پر فلم بنانے کا اعلان